ລູກາ 10:7 - ພຣະຄຳພີສັກສິ

⁷ ຈົ່ງ​ຢູ່​ໃນ​ເຮືອນ​ຫລັງ​ນັ້ນ ກິນ​ແລະ​ດື່ມ​ຕາມ​ທີ່​ເຂົາ​ມີ​ຢູ່. ດ້ວຍວ່າ, ຄົນງານ​ກໍ​ຄວນ​ຈະ​ໄດ້​ຮັບ​ຄ່າ​ແຮງງານ​ຂອງຕົນ ຢ່າ​ຍ້າຍ​ຈາກ​ເຮືອນ​ນີ້​ເຂົ້າ​ໄປ​ຢູ່​ເຮືອນ​ອື່ນ.

ພຣະຄຳພີລາວສະບັບສະໄໝໃໝ່

⁷ ຈົ່ງ​ພັກ​ຢູ່​ທີ່​ເຮືອນ​ນັ້ນ, ກິນ ແລະ ດື່ມ​ຕາມ​ທີ່​ພວກເຂົາ​ຈັດ​ມາ​ໃຫ້​ພວກເຈົ້າ, ເພາະ​ຄົນງານ​ກໍ​ສົມຄວນ​ໄດ້​ຮັບ​ຄ່າຈ້າງ​ຂອງ​ຕົນ. ຢ່າ​ຍ້າຍ​ຈາກ​ເຮືອນ​ນີ້​ໄປ​ສູ່​ເຮືອນ​ອື່ນ.

ລູກາ 10:7 Jak'a apnaqawi uñst'ayäwi

ຈົດບັນຊີ 18:31

ພວກເຈົ້າ​ແລະ​ຄອບຄົວ​ຈະ​ເອົາ​ໄປ​ກິນ​ບ່ອນ​ໃດ​ບ່ອນ​ໜຶ່ງ​ກໍໄດ້ ເພາະວ່າ​ແມ່ນ​ຄ່າຈ້າງ​ສຳລັບ​ວຽກງານ​ທີ່​ພວກເຈົ້າ​ໄດ້​ເຮັດ​ໃນ​ຫໍເຕັນ​ບ່ອນ​ຊຸມນຸມ.

ມາຣະໂກ 6:10

ພຣະອົງ​ຍັງ​ສັ່ງ​ອີກ​ວ່າ, “ເຮືອນ​ໃດ​ທີ່​ຕ້ອນຮັບ​ພວກເຈົ້າ ຈົ່ງ​ຢູ່​ໃນ​ເຮືອນ​ນັ້ນ ຈົນກວ່າ​ພວກເຈົ້າ​ຈາກ​ບ່ອນ​ນັ້ນ​ໄປ.

ລູກາ 10:6

ຖ້າ​ມີ​ຄົນ​ຮັກ​ສັນຕິສຸກ​ອາໄສ​ຢູ່​ໃນ​ຄອບຄົວ​ນີ້ ສັນຕິສຸກ​ກໍ​ຈະ​ຢູ່​ກັບ​ຜູ້ນັ້ນ, ຖ້າ​ບໍ່ມີ ສັນຕິສຸກ​ນັ້ນ​ຈະ​ກັບຄືນ​ມາ​ຫາ​ເຈົ້າ​ອີກ.

ລູກາ 9:4

ເຮືອນ​ໃດ​ທີ່​ຕ້ອນຮັບ​ພວກເຈົ້າ ຈົ່ງ​ຢູ່​ໃນ​ເຮືອນ​ນັ້ນ ຈົນກວ່າ​ພວກເຈົ້າ​ຈາກ​ໄປ,

ກິດຈະການ 16:15

ເມື່ອ​ນາງ​ພ້ອມ​ກັບ​ໄທ​ເຮືອນ​ຂອງຕົນ ໄດ້​ຮັບ​ບັບຕິສະມາ​ແລ້ວ ກໍໄດ້​ເຊີນ​ພວກເຮົາ​ວ່າ, “ຖ້າ​ພວກທ່ານ​ເຫັນ​ວ່າ ຂ້ານ້ອຍ​ເປັນ​ຜູ້​ເຊື່ອ​ໃນ​ອົງພຣະ​ຜູ້​ເປັນເຈົ້າ ເຊີນ​ເຂົ້າ​ມາ​ພັກ​ອາໄສ​ໃນ​ເຮືອນ​ຂອງ​ຂ້ານ້ອຍ.” ແລະ​ນາງ​ໄດ້​ວອນຂໍ​ຈົນ​ພວກເຮົາ​ຂັດ​ບໍ່ໄດ້.

ກິດຈະການ 16:34

ແລ້ວ​ເຈົ້າໜ້າທີ່​ກໍໄດ້​ພາ​ໂປໂລ​ກັບ​ຊີລາ​ຂຶ້ນ​ໄປ​ໃນ​ເຮືອນ​ຂອງຕົນ ແລ້ວ​ໃຫ້​ຄົນ​ແຕ່ງ​ອາຫານ​ມາ​ໃຫ້​ພວກເພິ່ນ​ກິນ, ລາວ​ກັບ​ຄອບຄົວ​ຂອງ​ລາວ​ຈຶ່ງ​ເຕັມ​ດ້ວຍ​ຄວາມ​ຊົມຊື່ນ​ຍິນດີ ເພາະ​ບັດນີ້​ພວກເຂົາ​ໄດ້​ເຊື່ອ​ໃນ​ພຣະເຈົ້າ​ແລ້ວ.

ກິດຈະການ 16:40

ເມື່ອ​ໂປໂລ ແລະ ຊີລາ​ອອກ​ຈາກ​ຄຸກ​ແລ້ວ ກໍ​ໄປ​ທີ່​ເຮືອນ​ຂອງ​ນາງ​ລີເດຍ, ໃນ​ທີ່ນັ້ນ ພວກເພິ່ນ​ໄດ້​ພົບ​ພວກ​ພີ່ນ້ອງ ແລະ​ເມື່ອ​ກ່າວ​ຄຳ​ໜູນໃຈ​ແລ້ວ ກໍ​ອຳລາ​ຈາກ​ໄປ.

ຄາລາເຕຍ 6:6

ຄົນ​ທີ່​ຮັບ​ພຣະທຳ​ຄຳສອນ​ແລ້ວ ຈົ່ງ​ແບ່ງ​ສິ່ງ​ທີ່​ດີ​ທຸກຢ່າງ​ໃຫ້​ແກ່​ຜູ້​ທີ່​ສັ່ງສອນ​ຕົນ.

ພຣະບັນຍັດສອງ 12:12

ຈົ່ງ​ຊົມຊື່ນ​ຍິນດີ​ຢູ່​ຊ້ອງໜ້າ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ພ້ອມ​ກັບ​ລູກຫລານ​ຂອງ​ພວກເຈົ້າ, ຄົນ​ຮັບໃຊ້​ຂອງ​ພວກເຈົ້າ ແລະ​ຊາວ​ເລວີ​ທີ່​ອາໄສ​ຢູ່​ໃນ​ເມືອງ​ຂອງ​ພວກເຈົ້າ; ຈົ່ງ​ຈົດຈຳ​ໄວ້​ວ່າ​ຊາວ​ເລວີ​ຈະ​ບໍ່ມີ​ດິນແດນ​ເປັນ​ຂອງ​ຕົນເອງ.

ພຣະບັນຍັດສອງ 18:8

ລາວ​ຈະ​ໄດ້​ຮັບ​ສ່ວນແບ່ງ​ເທົ່າ​ກັນ​ກັບ​ປະໂຣຫິດ​ຄົນອື່ນໆ ແລະ​ຮັກສາ​ສິ່ງຂອງ​ທີ່​ຄອບຄົວ​ຂອງ​ລາວ​ຈັດ​ສົ່ງ​ມາ​ໃຫ້​ລາວ​ໄດ້.”

1 ຕີໂມທຽວ 5:13

ນອກ​ນັ້ນ​ພວກເຂົາ​ຍັງ​ເປັນ​ຄົນ​ມັກ​ຢູ່​ລ້າ ທຽວ​ຂຶ້ນ​ເຮືອນນັ້ນ​ເຮືອນນີ້ ຍິ່ງ​ຮ້າຍ​ກວ່າ​ນັ້ນ ພວກເຂົາ​ມັກ​ເວົ້າຂວັນ​ນິນທາ ມັກ​ຫຍຸ້ງກ່ຽວ​ຢູ່​ກັບ​ກິດທຸລະ​ຂອງ​ຄົນອື່ນ ແລະ​ມັກ​ເວົ້າ​ແຕ່​ສິ່ງ​ທີ່​ບໍ່​ສົມຄວນ.

2 ຕີໂມທຽວ 2:6

ຊາວ​ກະສິກອນ​ທີ່​ເຮັດ​ວຽກ​ໜັກ ກໍ​ຄວນ​ເປັນ​ຜູ້​ທຳອິດ​ທີ່​ໄດ້​ຮັບ​ຜົນ​ເກັບກ່ຽວ.