ລູກາ 1:15 - ພຣະຄຳພີສັກສິ

¹⁵ ເພິ່ນ​ຈະ​ເປັນ​ຜູ້​ຍິ່ງໃຫຍ່​ໃນ​ສາຍ​ພຣະເນດ​ຂອງ​ອົງພຣະ​ຜູ້​ເປັນເຈົ້າ ເພິ່ນ​ຈະ​ບໍ່​ດື່ມ​ເຫຼົ້າ​ອະງຸ່ນ ຫລື​ເຫຼົ້າ​ປຸກ​ແຕ່​ຢ່າງ​ໃດ ແລະ​ຈະ​ເຕັມ​ໄປ​ດ້ວຍ​ພຣະວິນຍານ​ບໍຣິສຸດເຈົ້າ ຕັ້ງແຕ່​ຈາກ​ທ້ອງ​ແມ່​ມາ

ພຣະຄຳພີລາວສະບັບສະໄໝໃໝ່

¹⁵ ເພາະ​ເພິ່ນ​ຈະ​ເປັນ​ຜູ້ຍິ່ງໃຫຍ່​ໃນ​ສາຍຕາ​ຂອງ​ອົງພຣະຜູ້ເປັນເຈົ້າ. ເພິ່ນ​ຈະ​ບໍ່​ດື່ມ​ເຫລົ້າອະງຸ່ນ ແລະ ຂອງ​ມຶນເມົາ ແລະ ເພິ່ນ​ຈະ​ເຕັມ​ໄປ​ດ້ວຍ​ພຣະວິນຍານບໍລິສຸດເຈົ້າ​ຕັ້ງແຕ່​ກ່ອນ​ທີ່​ເພິ່ນ​ເກີດ​ມາ.

ລູກາ 1:15 Jak'a apnaqawi uñst'ayäwi

ປະຖົມມະການ 12:2

ເຮົາ​ຈະ​ໃຫ້​ເຈົ້າ​ມີ​ເຊື້ອສາຍ​ຫລາຍ ແລະ​ພວກເຂົາ​ຈະ​ກາຍເປັນ​ຊົນຊາດ​ໃຫຍ່. ເຮົາ​ຈະ​ອວຍພອນ​ເຈົ້າ ແລະ​ໃຫ້​ເຈົ້າ​ມີ​ຊື່ສຽງ ແລະ​ເຈົ້າ​ຈະ​ໄດ້​ເປັນ​ທໍ່​ພຣະພອນ​ໃຫ້​ແກ່​ຊົນຊາດ​ອື່ນໆ​ເທິງ​ແຜ່ນດິນ​ໂລກ.

ປະຖົມມະການ 48:19

ຢາໂຄບ​ປະຕິເສດ ແລະ​ເວົ້າ​ວ່າ, “ພໍ່​ຮູ້​ແລ້ວ​ລູກ​ເອີຍ ພໍ່​ຮູ້​ດີ. ເຊື້ອສາຍ​ຂອງ​ມານາເຊ​ກໍ​ຈະ​ກາຍເປັນ​ຊົນຊາດ​ໃຫຍ່​ເໝືອນກັນ. ແຕ່​ຜູ້ນ້ອງ​ນັ້ນ​ຈະ​ຍິ່ງໃຫຍ່​ກວ່າ​ຜູ້ອ້າຍ ແລະ​ເຊື້ອສາຍ​ຂອງ​ລາວ​ຈະ​ກາຍເປັນ​ຊົນຊາດ​ທີ່​ຍິ່ງໃຫຍ່.”

1 ຂ່າວຄາວ 17:8

ເຮົາ​ໄດ້​ຢູ່​ກັບ​ເຈົ້າ​ທຸກ​ທີ່​ທຸກບ່ອນ​ທີ່​ເຈົ້າ​ໄປ ແລະ​ໄດ້​ເອົາ​ຊະນະ​ສັດຕູ​ທັງຫລາຍ​ຂອງ​ເຈົ້າ ເມື່ອ​ເຈົ້າ​ບຸກໜ້າ​ເຂົ້າ​ໄປ. ເຮົາ​ຈະ​ສ້າງ​ເຈົ້າ​ໃຫ້​ມີ​ຊື່ສຽງ ແລະ​ເປັນ​ຜູ້ນຳ​ຄົນ​ຍິ່ງໃຫຍ່​ທີ່ສຸດ​ໃນ​ໂລກ.

1 ຂ່າວຄາວ 29:12

ຄວາມຮັ່ງມີ​ແລະ​ຊັບສົມບັດ​ທັງໝົດ​ກໍ​ມາ​ຈາກ​ພຣະອົງ​ທັງສິ້ນ; ພຣະອົງ​ປົກປ້ອງ​ຄຸ້ມຄອງ​ສັບພະທຸກສິ່ງ​ດ້ວຍ​ກຳລັງ ແລະ​ຣິດເດດ​ຂອງ​ພຣະອົງ​ເອງ ແລະ​ພຣະອົງ​ບັນດານ​ໃຫ້​ຜູ້ໃດ​ຜູ້ໜຶ່ງ​ຍິ່ງໃຫຍ່​ແລະ​ເຂັ້ມແຂງ​ໄດ້.

ເພງ^ສັນລະເສີນ 22:9

ເມື່ອ​ຂ້ານ້ອຍ​ເກີດ ພຣະອົງ​ໃຫ້​ຄວາມ​ປອດໄພ ເມື່ອ​ຍັງ​ເຍົາໄວ​ແມ່ນ​ພຣະອົງ​ທີ່​ໄດ້​ຮັກສາ​ໄວ້.

ເຢເຣມີຢາ 1:5

“ເຮົາ​ເລືອກ​ເຈົ້າ​ໄວ້ ກ່ອນ​ເຮົາ​ໄດ້​ໃຫ້​ຊີວິດ​ແກ່​ເຈົ້າ ແລະ​ກ່ອນ​ເຈົ້າ​ໄດ້​ເກີດ​ມາ ເຮົາ​ໄດ້​ເລືອກ​ເອົາ​ເຈົ້າ​ໄວ້​ແລ້ວ ເພື່ອ​ໃຫ້​ເປັນ​ຜູ້ທຳນວາຍ​ແກ່​ປະຊາຊາດ​ທັງຫລາຍ.”

ເຢເຣມີຢາ 35:6

ແຕ່​ພວກເຂົາ​ໄດ້​ຕອບ​ວ່າ, “ພວກເຮົາ​ບໍ່​ດື່ມ​ເຫຼົ້າ​ອະງຸ່ນ; ເພາະ​ໂຢນາດາບ ລູກຊາຍ​ຂອງ​ເຣກາບ​ຜູ້​ເປັນ​ບັນພະບຸລຸດ​ຂອງ​ພວກເຮົາ​ໄດ້​ບອກ​ພວກເຮົາ​ວ່າ, ‘ພວກເຈົ້າ​ຢ່າ​ດື່ມ​ເຫຼົ້າ​ອະງຸ່ນ​ຊະນິດ​ໃດໆ​ຈັກເທື່ອ ຄື​ພວກເຈົ້າ​ເອງ ແລະ​ລູກຫລານ​ຂອງ​ພວກເຈົ້າ​ດ້ວຍ.

ລະບຽບ^ພວກເລວີ 10:9

“ເຈົ້າ​ແລະ​ພວກ​ລູກຊາຍ​ຂອງ​ເຈົ້າ​ບໍ່​ຕ້ອງ​ເຂົ້າ​ມາ​ທີ່​ຫໍເຕັນ​ບ່ອນ​ຊຸມນຸມ ເມື່ອ​ພວກເຈົ້າ​ດື່ມ​ເຫຼົ້າ​ອະງຸ່ນ ຫລື​ເຫລົ້າປຸກ; ຖ້າ​ພວກເຈົ້າ​ຂືນ​ເຮັດ ພວກເຈົ້າ​ຈະ​ຕາຍ. ອັນ​ນີ້​ແມ່ນ​ລະບຽບ​ການ​ທີ່​ຈະ​ຕ້ອງ​ປະຕິບັດ​ກັນ ທຸກ​ຊົ່ວ​ເຊັ່ນ​ເຊື້ອສາຍ​ຂອງ​ພວກເຈົ້າ.

ເຊກາຣີຢາ 9:15

ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ຈະ​ປົກປ້ອງ ປະຊາຊົນ​ຂອງ​ພຣະອົງ ພວກເຂົາ​ຈະ​ທຳລາຍ​ສັດຕູ​ໃຫ້​ກ້ຽງ. ພວກເຂົາ​ຈະ​ຮ້ອງໂຮ​ໃນ​ສະໜາມຮົບ​ດັ່ງ​ຄົນ​ມືນເມົາ ແລະ​ຈະ​ເຮັດ​ໃຫ້​ສັດຕູ​ເລືອດ​ໄຫລຫລັ່ງ​ຍ້ອຍ; ມັນ​ຈະ​ໄຫລຫລັ່ງ​ຍ້ອຍ​ດັ່ງ​ເລືອດ​ທີ່​ຈະ​ນຳ​ໄປ​ຖວາຍ ຖອກ​ໃສ່​ແທ່ນບູຊາ ຈາກ​ຖ້ວຍ​ໃບ​ໜຶ່ງ.

ລູກາ 1:14

ເຈົ້າ​ຈະ​ມີ​ຄວາມ​ຊົມຊື່ນ​ຍິນດີ​ຢ່າງ​ລົ້ນເຫລືອ ແລະ​ຫລາຍ​ຄົນ​ຈະ​ຍິນດີ​ເມື່ອ​ເພິ່ນ​ເກີດ​ມາ.

ລູກາ 7:28

ເຮົາ​ບອກ​ເຈົ້າ​ທັງຫລາຍ​ວ່າ, ໂຢຮັນ​ຍິ່ງໃຫຍ່​ກວ່າ​ມະນຸດ​ຄົນ​ໃດໆ ທີ່​ເກີດ​ຈາກ​ແມ່ຍິງ, ແຕ່​ຜູ້​ທີ່​ນ້ອຍ​ທີ່ສຸດ​ໃນ​ອານາຈັກ​ສະຫວັນ ກໍ​ໃຫຍ່​ກວ່າ​ໂຢຮັນ​ອີກ.” (

ລູກາ 7:33

ດ້ວຍວ່າ, ໂຢຮັນ​ບັບຕິສະໂຕ​ໄດ້​ມາ​ບໍ່​ກິນ​ແລະ​ບໍ່​ດື່ມ​ນໍ້າ​ອະງຸ່ນ ແຕ່​ພວກເຈົ້າ​ພັດ​ເວົ້າ​ວ່າ ‘ເພິ່ນ​ມີ​ຜີມານຮ້າຍ​ສິງ’

ໂຢຮັນ 5:35

ໂຢຮັນ​ເປັນ​ດັ່ງ​ໂຄມໄຟ​ທີ່​ໃຕ້​ສ່ອງ​ແສງ​ສະຫວ່າງ​ຢູ່ ເຈົ້າ​ທັງຫລາຍ​ໄດ້​ຊື່ນຊົມ​ຍິນດີ​ກັບ​ແສງ​ສະຫວ່າງ​ຂອງ​ລາວ​ນັ້ນ​ພຽງ​ຊົ່ວຄາວ.

ກິດຈະການ 2:4

ທຸກຄົນ​ໃນ​ທີ່ນັ້ນ ຈຶ່ງ​ເຕັມ​ໄປ​ດ້ວຍ​ພຣະວິນຍານ​ບໍຣິສຸດເຈົ້າ ແລະ​ເລີ່ມ​ປາກ​ພາສາ​ຕ່າງໆ ຕາມ​ທີ່​ພຣະວິນຍານ​ຊົງ​ໂຜດ​ໃຫ້​ພວກເພິ່ນ​ເວົ້າ.

ຄາລາເຕຍ 1:15

ແຕ່​ດ້ວຍ​ພຣະຄຸນ​ຂອງ​ພຣະເຈົ້າ ພຣະອົງ​ໄດ້​ຊົງ​ເລືອກ​ເຮົາ​ໄວ້​ຕັ້ງແຕ່​ຢູ່​ໃນ​ທ້ອງ​ແມ່ ແລະ​ໄດ້​ເອີ້ນ​ເຮົາ​ໃຫ້​ບົວລະບັດ​ຮັບໃຊ້​ພຣະອົງ ເມື່ອ​ພຣະອົງ​ຊົງ​ພໍພຣະໄທ

ເອເຟໂຊ 5:18

ແລະ​ຢ່າ​ເມົາ​ເຫລົ້າແວງ ຊຶ່ງ​ພາ​ໃຫ້​ເສຍ​ຄົນ ແຕ່​ຈົ່ງ​ເຕັມ​ລົ້ນ​ດ້ວຍ​ພຣະວິນຍານ​ກໍດີກວ່າ.

ໂຢຊວຍ 3:7

ຕໍ່ມາ ພຣະເຈົ້າຢາເວ​ໄດ້​ກ່າວ​ແກ່​ໂຢຊວຍ​ວ່າ, “ສິ່ງ​ທີ່​ເຮົາ​ກະທຳ​ໃນ​ມື້ນີ້ ຈະ​ເຮັດ​ໃຫ້​ຊາວ​ອິດສະຣາເອນ​ທຸກຄົນ​ໃຫ້ກຽດ​ແກ່​ເຈົ້າ ວ່າ​ເຈົ້າ​ເປັນ​ຜູ້​ຍິ່ງໃຫຍ່​ຄົນ​ໜຶ່ງ ແລະ​ພວກເຂົາ​ຈະ​ຮູ້​ວ່າ ເຮົາ​ໄດ້​ຢູ່​ນຳ​ເຈົ້າ​ເໝືອນດັ່ງ​ທີ່​ໄດ້​ຢູ່​ນຳ​ໂມເຊ.

ໂຢຊວຍ 4:14

ສິ່ງ​ທີ່​ພຣະເຈົ້າຢາເວ​ໄດ້​ກະທຳ​ໃນ​ມື້​ນັ້ນ ເຮັດ​ໃຫ້​ຊາວ​ອິດສະຣາເອນ​ຖື​ໂຢຊວຍ​ເປັນ​ຜູ້​ຍິ່ງໃຫຍ່​ຄົນ​ໜຶ່ງ. ພວກເຂົາ​ໃຫ້ກຽດ​ໂຢຊວຍ​ຕະຫລອດ​ຊົ່ວຊີວິດ​ຂອງ​ເພິ່ນ ເໝືອນດັ່ງ​ທີ່​ພວກເຂົາ​ໄດ້​ໃຫ້ກຽດ​ໂມເຊ.