ລະບຽບ^ພວກເລວີ 8:15 - ພຣະຄຳພີສັກສິ

¹⁵ ໂມເຊ​ໄດ້​ຂ້າປາດຄໍ​ງົວ​ໂຕ​ນັ້ນ​ແລະ​ເອົາ​ເລືອດ​ບາງ​ສ່ວນ​ມາ ແລະ​ຈຸ່ມ​ນິ້ວ​ມື​ລົງ​ໃນ​ເລືອດ​ແລະ​ທາ​ໃສ່​ເຂົາ​ຂອງ​ແທ່ນ​ທີ່​ແຈ​ແທ່ນບູຊາ​ເພື່ອ​ອຸທິດ​ຖວາຍ. ແລ້ວ​ເພິ່ນ​ກໍ​ຖອກ​ເລືອດ​ສ່ວນ​ທີ່​ເຫຼືອ​ນັ້ນ​ໃສ່​ຕີນ​ແທ່ນ ເພື່ອ​ຊຳລະ​ໃຫ້​ສັກສິດ​ບໍຣິສຸດ ແລະ​ອຸທິດ​ຖວາຍ​ແທ່ນບູຊາ​ນັ້ນ.

ລະບຽບ^ພວກເລວີ 8:15 Jak'a apnaqawi uñst'ayäwi

2 ຂ່າວຄາວ 29:24

ແລ້ວ​ບັນດາ​ປະໂຣຫິດ​ຈຶ່ງ​ໄດ້​ຂ້າ​ແບ້ ແລະ​ຖອກ​ເລືອດ​ໃສ່​ແທ່ນບູຊາ ເພື່ອ​ລຶບລ້າງ​ການບາບ​ຂອງ​ປະຊາຊົນ​ທຸກຄົນ ເພາະ​ກະສັດ​ໄດ້​ສັ່ງ​ໃຫ້​ຖວາຍ​ເຄື່ອງ​ເຜົາບູຊາ ແລະ​ຖວາຍ​ເຄື່ອງ​ບູຊາ ເພື່ອ​ລຶບລ້າງ​ການບາບ​ຂອງ​ປະຊາຊົນ​ອິດສະຣາເອນ​ທັງໝົດ.

ເອເຊກຽນ 45:20

ໃນ​ວັນ​ທີ​ເຈັດ​ຂອງ​ເດືອນ ໃຫ້​ເຈົ້າ​ເຮັດ​ຢ່າງ​ດຽວກັນ​ໃນ​ນາມ​ຂອງ​ຜູ້​ທີ່​ເຮັດ​ບາບ ໂດຍ​ບໍ່ໄດ້​ຕັ້ງໃຈ ຫລື​ໂດຍ​ການ​ຮູ້ເທົ່າ​ບໍ່​ເຖິງການ. ໂດຍ​ວິທີ​ນີ້​ເຈົ້າ​ກໍ​ຈະ​ຮັກສາ​ພຣະວິຫານ​ໃຫ້​ສັກສິດ.

ດານີເອນ 9:24

ເຈັດ​ເທື່ອ​ເຈັດສິບ​ປີ​ນັ້ນ​ແມ່ນ​ໄລຍະ​ເວລາ ທີ່​ພຣະເຈົ້າ​ໄດ້​ກຳນົດ​ໃຫ້​ປະຊາຊົນ​ແລະ​ເມືອງ​ອັນ​ສັກສິດ​ຂອງ​ເຈົ້າ ເລີກ​ເຮັດ​ບາບ​ແລະ​ເລີກ​ເຮັດ​ຊົ່ວ. ບາບ​ຈະ​ໄດ້​ຮັບ​ການອະໄພ ແລະ​ຄວາມ​ຍຸດຕິທຳ​ອັນ​ຖາວອນ​ຈະ​ປາກົດ​ມີ​ມາ ເພື່ອ​ວ່າ​ນິມິດ ແລະ​ຖ້ອຍຄຳ​ຂອງ​ຜູ້ທຳນວາຍ​ຈະ​ກາຍເປັນຈິງ ແລະ​ເພື່ອ​ພຣະວິຫານ​ອັນ​ສັກສິດ ຈະ​ໄດ້​ຖືກ​ຢຶດ​ຖວາຍ​ຄືນ​ໃໝ່​ໃຫ້​ແກ່​ພຣະເຈົ້າ.

ລະບຽບ^ພວກເລວີ 1:11

ລາວ​ຈະ​ຕ້ອງ​ຂ້າປາດຄໍ​ສັດ​ນັ້ນ​ທາງ​ດ້ານ​ເໜືອ​ຂອງ​ແທ່ນບູຊາ​ຕໍ່ໜ້າ​ພຣະເຈົ້າຢາເວ ແລະ​ບັນດາ​ພວກ​ລູກຊາຍ​ຂອງ​ອາໂຣນ​ຊຶ່ງ​ເປັນ​ປະໂຣຫິດ ກໍ​ຈະ​ຖອກ​ເລືອດ​ສັດ​ນັ້ນ​ໃສ່​ທັງ​ສີ່​ຂ້າງ​ຂອງ​ແທ່ນບູຊາ.

ລະບຽບ^ພວກເລວີ 1:5

ລາວ​ຈະ​ຕ້ອງ​ຂ້າປາດຄໍ​ງົວເຖິກ​ຢູ່​ທີ່​ນັ້ນ ແລະ​ປະໂຣຫິດ​ຜູ້​ທີ່​ສືບ​ເຊື້ອສາຍ​ມາ​ຈາກ​ຄອບຄົວ​ອາໂຣນ​ຈະ​ຖວາຍ​ເລືອດ​ສັດ​ນັ້ນ ແລ້ວ​ຖອກ​ເລືອດ​ໃສ່​ທັງ​ສີ່​ຂ້າງ​ຂອງ​ແທ່ນບູຊາ ທີ່​ຕັ້ງ​ຢູ່​ທາງເຂົ້າ​ຫໍເຕັນ​ບ່ອນ​ຊຸມນຸມ.

ລະບຽບ^ພວກເລວີ 16:20

ເມື່ອ​ອາໂຣນ​ເຮັດ​ພິທີ​ຊຳລະ​ລ້າງ​ບ່ອນ​ສັກສິດ​ທີ່ສຸດ, ຫໍເຕັນ​ບ່ອນ​ຊຸມນຸມ ແລະ​ແທ່ນບູຊາ​ແລ້ວ; ເພິ່ນ​ຈະ​ນຳ​ແບ້​ໂຕ​ຍັງ​ເປັນ​ຢູ່ ທີ່​ຕົກ​ເປັນ​ຂອງ​ອາຊາເຊນ ນັ້ນ​ມາ​ຖວາຍ.

ລະບຽບ^ພວກເລວີ 3:2

ຊາຍ​ຄົນ​ນັ້ນ​ຈະ​ຕ້ອງ​ວາງ​ມື​ໃສ່​ເທິງ​ຫົວ​ສັດ ແລະ​ຂ້າປາດຄໍ​ສັດ​ທີ່​ທາງ​ເຂົ້າ​ປະຕູ​ຂອງ​ຫໍເຕັນ​ບ່ອນ​ຊຸມນຸມ. ປະໂຣຫິດ​ຜູ້​ທີ່​ສືບ​ເຊື້ອສາຍ​ມາ​ຈາກ​ຄອບຄົວ​ອາໂຣນ ຈະ​ຖອກ​ເລືອດ​ງົວ​ໃສ່​ຂ້າງ​ແທ່ນບູຊາ​ທັງ​ສີ່​ຂ້າງ.

ລະບຽບ^ພວກເລວີ 3:8

ຈົ່ງ​ໃຫ້​ຜູ້ນັ້ນ​ວາງ​ມື​ລົງ​ເທິງ​ຫົວ​ແກະ ແລະ​ຂ້າປາດຄໍ​ສັດ​ນັ້ນ​ທີ່​ທາງ​ດ້ານໜ້າ​ຂອງ​ຫໍເຕັນ​ບ່ອນ​ຊຸມນຸມ. ບັນດາ​ປະໂຣຫິດ​ຈະ​ຕ້ອງ​ຖອກ​ເລືອດ​ແກະ​ນັ້ນ​ໃສ່​ຂ້າງ​ທັງ​ສີ່​ຂອງ​ແທ່ນບູຊາ

ລະບຽບ^ພວກເລວີ 4:25

ປະໂຣຫິດ​ຈະ​ຈຸ່ມ​ນິ້ວ​ມື​ລົງ​ໃນ​ເລືອດ​ນັ້ນ ແລະ​ທາ​ມັນ​ໃສ່​ເຂົາ​ຂອງ​ແທ່ນ​ທີ່​ແຈ​ຂອງ​ແທ່ນບູຊາ ສ່ວນ​ເລືອດ​ທີ່​ເຫຼືອ ໃຫ້​ເພິ່ນ​ຖອກ​ໃສ່​ຕີນ​ແທ່ນ​ນັ້ນ.

ລະບຽບ^ພວກເລວີ 4:30

ປະໂຣຫິດ​ຈະ​ຈຸ່ມ​ນິ້ວ​ມື​ລົງ​ໃນ​ເລືອດ​ສັດ ແລະ​ທາ​ມັນ​ໃສ່​ຍອດ​ແທ່ນ​ທີ່​ແຈ​ຂອງ​ແທ່ນ​ບູຊາ ແລະ​ຖອກ​ເລືອດ​ສ່ວນ​ທີ່​ເຫຼືອ​ໃສ່​ຕີນ​ຂອງ​ແທ່ນ​ນັ້ນ.

ລະບຽບ^ພວກເລວີ 4:7

ແລ້ວ​ເພິ່ນ​ກໍ​ຈະ​ເອົາ​ເລືອດ​ບາງ​ສ່ວນ ທາ​ໃສ່​ເຂົາ​ຂອງ​ແຈ​ແທ່ນ​ທີ່​ໃຊ້​ເຜົາ​ເຄື່ອງຫອມ​ຢູ່​ໃນ​ຫໍເຕັນ​ບ່ອນ​ຊຸມນຸມ​ຕໍ່ໜ້າ​ພຣະເຈົ້າຢາເວ. ສ່ວນ​ເລືອດ​ທີ່​ເຫຼືອ​ນັ້ນ ເພິ່ນ​ຈະ​ຖອກ​ໃສ່​ຕີນ​ແທ່ນ​ທີ່​ໃຊ້​ເຜົາ​ຖວາຍບູຊາ ແທ່ນ​ນີ້​ຢູ່​ໃກ້​ປະຕູເຂົ້າ​ຫໍເຕັນ​ບ່ອນ​ຊຸມນຸມ.

ລະບຽບ^ພວກເລວີ 6:30

ແຕ່​ເຄື່ອງ​ບູຊາ​ໄຖ່​ບາບ​ທີ່​ໄດ້ນຳ​ເອົາ​ເລືອດ​ເຂົ້າ​ໄປ​ໃນ​ຫໍເຕັນ​ບ່ອນ​ຊຸມນຸມ​ໃນ​ສະຖານທີ່​ສັກສິດ​ແລ້ວ ຢ່າ​ໄດ້​ກິນ​ຊີ້ນ​ສັດ​ນັ້ນ​ແຕ່​ໃຫ້​ເຜົາ​ໄຟ​ເສຍ.

ຈົດບັນຊີ 8:12

ແລ້ວ​ໃຫ້​ພວກ​ເລວີ​ວາງ​ມື​ລົງ​ເທິງ​ຫົວ​ງົວເຖິກໜຸ່ມ​ສອງ​ໂຕ​ນັ້ນ; ໂຕໜຶ່ງ​ໃຫ້​ຖວາຍ​ເພື່ອ​ລຶບລ້າງ​ບາບ ແລະ​ອີກ​ໂຕໜຶ່ງ​ນັ້ນ​ໃຫ້​ເຜົາ​ຖວາຍບູຊາ​ດ້ວຍ​ໄຟ​ແກ່​ພຣະເຈົ້າຢາເວ ເພື່ອ​ເປັນ​ພິທີ​ຊຳລະ​ພວກ​ເລວີ.

ໂຣມ 5:10

ພວກເຮົາ​ເຄີຍ​ເປັນ​ສັດຕູ​ຂອງ​ພຣະເຈົ້າ ແຕ່​ພຣະເຈົ້າ​ໄດ້​ເຮັດ​ໃຫ້​ພວກເຮົາ​ຄືນ​ດີ​ກັບ​ພຣະອົງ ຜ່ານ​ທາງ​ຄວາມ​ຕາຍ​ແຫ່ງ​ພຣະບຸດ​ຂອງ​ພຣະອົງ. ເມື່ອ​ເຮົາ​ທັງຫລາຍ​ໄດ້​ຄືນດີ​ກັບ​ພຣະເຈົ້າ​ແລ້ວ ຫລາຍກວ່າ​ນັ້ນ​ອີກ ພຣະອົງ​ຈະ​ຊົງ​ໂຜດ​ໃຫ້​ພວກເຮົາ​ໄດ້​ພົ້ນ​ໂດຍ​ການ​ຄືນພຣະຊົນ​ຂອງ​ພຣະອົງ.

ເອເຟໂຊ 2:16

ແລະ​ເພື່ອ​ຈະ​ຊົງ​ກະທຳ​ໃຫ້​ທັງສອງ​ພວກ ຄືນ​ດີ​ກັນ​ກັບ​ພຣະເຈົ້າ ເປັນ​ກາຍ​ອັນ​ດຽວກັນ​ໂດຍ​ໄມ້ກາງແຂນ ຊຶ່ງ​ເປັນ​ສິ່ງ​ທີ່​ເຮັດ​ໃຫ້​ການ​ເປັນ​ສັດຕູ​ກັນ​ນັ້ນ​ສູນສິ້ນ​ໄປ.

ເຮັບເຣີ 2:17

ເຫດສະນັ້ນ ພຣະອົງ​ຈຶ່ງ​ຕ້ອງ​ໄດ້​ກາຍເປັນ​ເໝືອນ​ດັ່ງ​ອ້າຍ​ເອື້ອຍ​ນ້ອງ​ຂອງຕົນ​ໃນ​ທຸກຢ່າງ, ເພື່ອ​ວ່າ​ພຣະອົງ​ຈະ​ໄດ້​ເປັນ​ມະຫາ​ປະໂຣຫິດ ຜູ້​ປະກອບ​ດ້ວຍ​ຄວາມ​ສັດຊື່​ແລະ​ມີ​ໃຈ​ເມດຕາ ໃນ​ການ​ບົວລະບັດ​ຮັບໃຊ້​ພຣະເຈົ້າ ເພື່ອ​ນຳ​ເຄື່ອງ​ບູຊາ​ໄປ​ຖວາຍ​ແທນ​ບາບກຳ​ຂອງ​ປະຊາຊົນ.