ລະບຽບ^ພວກເລວີ 7:7 - ພຣະຄຳພີສັກສິ

⁷ ລະບຽບ​ການ​ຂໍ້​ໜຶ່ງ​ທີ່​ໃຊ້​ປະຕິບັດ​ກັບ​ການ​ຖວາຍ​ເພື່ອ​ລຶບລ້າງ​ບາບ ແລະ​ເພື່ອ​ຊົດໃຊ້​ແທນຄືນ​ຄື: ຊີ້ນ​ສັດ​ນັ້ນ​ເປັນ​ຂອງ​ປະໂຣຫິດ​ຜູ້​ເຮັດ​ພິທີ.

ລະບຽບ^ພວກເລວີ 7:7 Jak'a apnaqawi uñst'ayäwi

2 ກະສັດ 12:16

ເງິນ​ທີ່​ໄດ້​ມາ​ຈາກ​ເຄື່ອງ​ຖວາຍ​ໃນ​ການ​ຊຳລະຄືນ ແລະ​ໄດ້​ຈາກ​ເຄື່ອງ​ຖວາຍ​ໃນ​ການ​ລຶບລ້າງ​ບາບ​ນັ້ນ ບໍ່ແມ່ນ​ເງິນ​ທີ່​ນຳມາ​ຖວາຍ​ໃນ​ວິຫານ​ຂອງ​ພຣະເຈົ້າຢາເວ; ເງິນ​ສ່ວນ​ນີ້​ເປັນ​ຂອງ​ພວກ​ປະໂຣຫິດ.

2 ກະສັດ 12:17

ໃນ​ເວລາ​ນັ້ນ ກະສັດ​ຮາຊາເອນ​ແຫ່ງ​ຊີເຣຍ​ໄດ້​ບຸກໂຈມຕີ​ເມືອງກາດ ແລະ​ໄດ້​ຮັບ​ໄຊຊະນະ ແລ້ວ​ເພິ່ນ​ກໍ​ຕັດສິນໃຈ​ໂຈມຕີ​ນະຄອນ​ເຢຣູຊາເລັມ.

ລະບຽບ^ພວກເລວີ 14:13

ເພິ່ນ​ຈະ​ຂ້າປາດຄໍ​ແກະເຖິກ ຢູ່​ໃນ​ບ່ອນ​ສັກສິດ ຄື​ບ່ອນ​ຂ້າ​ສັດ​ຖວາຍ​ລຶບລ້າງ​ບາບ ແລະ​ເຜົາ​ຖວາຍບູຊາ. ເພິ່ນ​ຕ້ອງ​ຂ້າ​ສັດ​ໃນ​ທີ່ນັ້ນ ເພາະວ່າ​ເຄື່ອງ​ຖວາຍ​ຊົດໃຊ້​ແທນຄືນ ແລະ​ລຶບລ້າງ​ບາບ ເປັນ​ຂອງ​ປະໂຣຫິດ​ແລະ​ເປັນ​ເຄື່ອງ​ບໍຣິສຸດ​ທີ່ສຸດ.

ລະບຽບ^ພວກເລວີ 2:10

ສ່ວນ​ເຄື່ອງ​ຖວາຍ​ທີ່​ເຫຼືອ​ນັ້ນ​ເປັນ​ຂອງ​ອາໂຣນ​ແລະ​ພວກ​ລູກຊາຍ​ຂອງ​ລາວ ເພາະ​ເປັນ​ສ່ວນໜຶ່ງ​ບໍຣິສຸດ​ທີ່ສຸດ​ໃນ​ທ່າມກາງ​ເຄື່ອງ​ບູຊາ​ດ້ວຍ​ໄຟ ຊຶ່ງ​ໄດ້​ຖວາຍ​ແກ່​ພຣະເຈົ້າຢາເວ​ແລ້ວ.

ລະບຽບ^ພວກເລວີ 2:3

ເຄື່ອງ​ຖວາຍ​ພືດຜົນ​ເປັນເມັດ​ທີ່​ຍັງເຫລືອ​ຢູ່​ນັ້ນ ເປັນ​ຂອງ​ອາໂຣນ​ແລະ​ພວກ​ລູກຊາຍ​ຂອງ​ລາວ ເພາະ​ເປັນ​ສ່ວນໜຶ່ງ​ບໍຣິສຸດ​ທີ່ສຸດ ໃນ​ທ່າມກາງ​ເຄື່ອງ​ບູຊາ​ດ້ວຍ​ໄຟ ຊຶ່ງ​ໄດ້​ຖວາຍ​ແກ່​ພຣະເຈົ້າຢາເວ​ແລ້ວ.

ລະບຽບ^ພວກເລວີ 6:17

ແຕ່​ຈະ​ຕ້ອງ​ເຮັດ​ເປັນ​ເຂົ້າຈີ່​ບໍ່ມີ​ເຊື້ອແປ້ງ​ກິນ​ໃນ​ບ່ອນ​ສັກສິດ​ຄື: ທີ່​ເດີ່ນ​ຂອງ​ຫໍເຕັນ​ບ່ອນ​ຊຸມນຸມ. ເຮົາ​ໄດ້​ໃຫ້​ເຄື່ອງ​ທີ່​ເຫຼືອ​ຈາກ​ການ​ຖວາຍ​ບູຊາ​ດ້ວຍ​ໄຟ​ນັ້ນ ເປັນ​ຂອງ​ປະໂຣຫິດ. ມັນ​ເປັນ​ເຄື່ອງ​ບໍຣິສຸດ​ທີ່ສຸດ ເໝືອນກັນ​ກັບ​ເຄື່ອງ​ຖວາຍ​ເພື່ອ​ລຶບລ້າງ​ບາບ ແລະ​ເຄື່ອງ​ຖວາຍ​ເພື່ອ​ຊົດໃຊ້​ແທນຄືນ.

ລະບຽບ^ພວກເລວີ 7:8

ໜັງ​ສັດ​ທີ່​ໄດ້​ຖວາຍ​ເປັນ​ເຄື່ອງ​ເຜົາບູຊາ​ແລ້ວ ໃຫ້​ເປັນ​ຂອງ​ປະໂຣຫິດ​ຜູ້​ເຮັດ​ພິທີ.

ຈົດບັນຊີ 5:8

ແຕ່​ຖ້າ​ຜູ້​ຮັບ​ນັ້ນ​ຫາກ​ຕາຍໄປ ແລະ​ບໍ່ມີ​ຍາດພີ່ນ້ອງ​ໃກ້ຄຽງ​ທີ່​ຈະ​ຮັບ​ຄ່າ​ໃຊ້​ແທນຄືນ; ຈົ່ງ​ມອບ​ເງິນ​ນັ້ນ​ໃຫ້​ປະໂຣຫິດ​ເພື່ອ​ເປັນ​ການ​ຖວາຍ​ແກ່​ອົງພຣະ​ຜູ້​ເປັນເຈົ້າ. ນອກຈາກນີ້ ຜູ້​ເຮັດ​ຜິດ​ຈະ​ຕ້ອງ​ຖວາຍ​ແກະເຖິກ​ໂຕໜຶ່ງ ເພື່ອ​ປະກອບ​ພິທີ​ລຶບລ້າງ​ບາບ​ຂອງຕົນ.

1 ໂກຣິນໂທ 10:18

ຈົ່ງ​ພິຈາລະນາ​ເບິ່ງ​ການ​ປະຕິບັດ​ຂອງ​ຊົນຊາດ​ອິດສະຣາເອນ ພວກ​ທີ່​ກິນ​ເຄື່ອງ​ຖວາຍ​ແລ້ວ​ນັ້ນ ກໍ​ມີ​ສ່ວນ​ໃນ​ແທ່ນບູຊາ​ນັ້ນ​ບໍ່ແມ່ນ​ບໍ?

1 ໂກຣິນໂທ 9:13

ແນ່ນອນ​ພວກເຈົ້າ​ກໍ​ຮູ້​ວ່າ ຜູ້​ທີ່​ເຮັດ​ວຽກ​ໃນ​ພຣະວິຫານ ກໍໄດ້​ອາຫານ​ຈາກ​ພຣະວິຫານ ແລະ​ຜູ້​ທີ່​ຖວາຍ​ເຄື່ອງ​ເທິງ​ແທ່ນບູຊາ ກໍໄດ້​ຮັບ​ສ່ວນ​ແບ່ງ​ຂອງ​ເຄື່ອງ​ຖວາຍ​ນັ້ນ.