ລະບຽບ^ພວກເລວີ 7:32 - ພຣະຄຳພີສັກສິ

³² ຂາ​ຂວາ​ດ້ານຫລັງ​ສັດ​ຈະ​ຕ້ອງ​ມອບ​ເປັນ​ຂອງ​ບຳລຸງ​ແກ່​ປະໂຣຫິດ

ລະບຽບ^ພວກເລວີ 7:32 Jak'a apnaqawi uñst'ayäwi

ອົບພະຍົບ 29:27

ເມື່ອ​ມີ​ການ​ສະຖາປະນາ​ປະໂຣຫິດ ຊີ້ນ​ໜ້າເອິກ​ແລະ​ຂາໜ້າ​ຂອງ​ແກະເຖິກ ທີ່​ຈັດ​ເອົາ​ໄວ້​ສຳລັບ​ການ​ສະຖາປະນາ ຈົ່ງ​ໃຫ້​ຖວາຍ​ແກວ່ງໄປ​ແກວ່ງມາ​ຊຶ່ງ​ເປັນ​ເຄື່ອງ​ບູຊາ​ແກວ່ງໄປ​ແກວ່ງມາ ແລະ​ໃຫ້​ປະ​ໄວ້​ຕ່າງຫາກ​ສຳລັບ​ພວກ​ປະໂຣຫິດ.

ລະບຽບ^ພວກເລວີ 10:14

ແຕ່​ເຈົ້າ​ພ້ອມ​ຄອບຄົວ​ຂອງ​ເຈົ້າ​ຈົ່ງ​ກິນ​ຊີ້ນ​ໜ້າເອິກ​ແລະ​ຊີ້ນ​ຂາ​ຫລັງ ແລະ​ຈົ່ງ​ກິນ​ໄດ້​ໃນ​ທຸກໆ​ບ່ອນ​ທີ່​ບໍ່​ເປັນ​ມົນທິນ​ຕາມ​ກົດບັນຍັດ. ເຄື່ອງ​ຖວາຍ​ເຫຼົ່ານີ້​ໄດ້​ມອບ​ແກ່​ເຈົ້າ​ແລະ​ເຊື້ອສາຍ​ຂອງ​ເຈົ້າ​ແລ້ວ ຊຶ່ງ​ເປັນ​ສ່ວນ​ທີ່​ພວກເຈົ້າ​ໄດ້​ຮັບ​ຈາກ​ການ​ຖວາຍ ເພື່ອ​ຄວາມ​ສາມັກຄີທຳ​ຂອງ​ປະຊາຊົນ​ອິດສະຣາເອນ.

ລະບຽບ^ພວກເລວີ 7:33

ສຳລັບ​ປະໂຣຫິດ​ຜູ້​ຖວາຍ​ເລືອດ​ກັບ​ໄຂມັນ​ຕາມ​ພິທີ​ຖວາຍ​ເພື່ອ​ຄວາມ​ສາມັກຄີທຳ, ຜູ້ນັ້ນ​ຕ້ອງ​ໄດ້​ຮັບ​ຊີ້ນ​ຂາ​ຂວາ​ດ້ານຫລັງ​ຂອງ​ສັດ​ນັ້ນ.

ລະບຽບ^ພວກເລວີ 7:34

ຊີ້ນ​ໜ້າເອິກ​ແລະ​ຊີ້ນ​ຂາ​ຂວາ​ດ້ານຫລັງ​ຂອງ​ສັດ ທີ່​ປະຊາຊົນ​ອິດສະຣາເອນ​ນຳ​ມາ​ຖວາຍ​ເປັນ​ຂອງ​ມອບ​ໃຫ້​ອາໂຣນ​ແລະ​ພວກ​ລູກຊາຍ​ຂອງ​ລາວ.

ລະບຽບ^ພວກເລວີ 9:21

ສ່ວນ​ຊີ້ນ​ໜ້າເອິກ​ແລະ​ຂາ​ຫລັງ​ເບື້ອງຂວາ​ນັ້ນ ໃຫ້​ເປັນ​ເຄື່ອງ​ຖວາຍ​ແກວ່ງໄປ​ແກວ່ງມາ​ຕໍ່ໜ້າ​ພຣະເຈົ້າຢາເວ ເພື່ອ​ເປັນ​ສ່ວນ​ມອບ​ໃຫ້​ປະໂຣຫິດ ຕາມ​ທີ່​ໂມເຊ​ໄດ້​ສັ່ງ​ໄວ້​ທຸກປະການ.

ຈົດບັນຊີ 5:9

ເຊັ່ນດຽວ​ກັນ ການ​ຖວາຍ​ແກວ່ງໄປ​ແກວ່ງມາ​ທຸກ​ເທື່ອ ທີ່​ຊາວ​ອິດສະຣາເອນ​ໄດ້​ນຳ​ມາ​ຖວາຍ ຈະ​ເປັນ​ຂອງ​ປະໂຣຫິດ​ຜູ້​ປະກອບ​ພິທີ​ລຶບລ້າງ​ບາບ.

ຈົດບັນຊີ 6:20

ຕໍ່ມາ ປະໂຣຫິດ​ຈະ​ຖວາຍ​ສິ່ງ​ເຫຼົ່ານີ້ ເປັນ​ເຄື່ອງ​ຖວາຍບູຊາ​ດ້ວຍ​ໄຟ​ແກວ່ງໄປ​ແກວ່ງມາ​ຕໍ່ໜ້າ​ພຣະເຈົ້າຢາເວ; ສິ່ງ​ເຫຼົ່ານັ້ນ ເປັນ​ເຄື່ອງ​ຖວາຍ​ອັນ​ສັກສິດ​ສຳລັບ​ປະໂຣຫິດ ນອກຈາກ​ສ່ວນ​ທຳມະດາ​ທີ່​ເພິ່ນ​ໄດ້​ຮັບ​ຕາມ​ກົດບັນຍັດ​ຄື: ຊີ້ນ​ໜ້າເອິກ​ແລະ​ຂາ​ຂອງ​ແກະເຖິກ. ຫລັງຈາກ​ນັ້ນ ຄົນ​ນາຊີຣີ​ຈຶ່ງ​ດື່ມ​ເຫຼົ້າ​ອະງຸ່ນ​ໄດ້.

ພຣະບັນຍັດສອງ 18:3

ເມື່ອໃດ​ມີ​ການ​ຂ້າ​ງົວ​ແລະ​ແກະ​ເປັນ​ການ​ຖວາຍບູຊາ ບັນດາ​ປະໂຣຫິດ​ຈະ​ໄດ້​ຮັບ​ຊີ້ນ​ຂາໜ້າ, ຊີ້ນ​ຄາງ ແລະ​ຊີ້ນ​ໜັງ​ທ້ອງ.

1 ຊາມູເອນ 9:24

ດັ່ງນັ້ນ ຄົນ​ຄົວກິນ​ຈຶ່ງ​ນຳ​ເອົາ​ຊີ້ນຂາ​ຕ່ອນ​ດີທີ່ສຸດ ມາ​ວາງ​ໄວ້​ຕໍ່ໜ້າ​ໂຊນ. ແລ້ວ ຊາມູເອນ ກໍ​ເວົ້າ​ວ່າ, “ອັນ​ນີ້​ແມ່ນ​ສ່ວນ​ທີ່​ຖືກ​ຈັດ​ໄວ້​ສຳລັບ​ເຈົ້າ ຈົ່ງ​ກິນ​ສາ. ຂ້ອຍ​ຈົ່ງ​ໄວ້​ໃຫ້​ເຈົ້າ​ກິນ​ພ້ອມ​ກັບ​ທຸກຄົນ​ທີ່​ໄດ້​ຮັບ​ເຊີນ​ມາ​ໃນ​ທີ່ນີ້.”