ລະບຽບ^ພວກເລວີ 6:11 - ພຣະຄຳພີສັກສິ

¹¹ ຕໍ່ມາ ປະໂຣຫິດ​ຈະ​ປ່ຽນ​ຖ່າຍ​ເຄື່ອງນຸ່ງ​ອອກ ແລະ​ເອົາ​ຂີ້ເຖົ່າ​ໄປ​ຖິ້ມ​ນອກ​ຄ້າຍ ໃນ​ບ່ອນ​ເຮັດ​ຄວາມ​ສະອາດ.

ລະບຽບ^ພວກເລວີ 6:11 Jak'a apnaqawi uñst'ayäwi

ອົບພະຍົບ 29:37

ຈົ່ງ​ເຮັດ​ດັ່ງນີ້​ທຸກໆ​ວັນ ຕະຫລອດ​ເຈັດ​ວັນ. ແລ້ວ​ແທ່ນ​ນັ້ນ​ກໍ​ຈະ​ສັກສິດ​ທີ່ສຸດ ແລະ​ຖ້າ​ຜູ້ໃດ​ຫລື​ສິ່ງໃດ​ແຕະຕ້ອງ​ຖືກ​ແທ່ນ​ນັ້ນ ຄົນ​ນັ້ນ​ແລະ​ສິ່ງ​ນັ້ນ​ກໍ​ຈະ​ຖືກ​ສຳພັດ ກັບ​ຣິດອຳນາດ​ແຫ່ງ​ຄວາມ​ສັກສິດ​ຂອງ​ແທ່ນບູຊາ.”

ເອເຊກຽນ 44:19

ກ່ອນ​ພວກເຂົາ​ຈະ​ໄປ​ທີ່​ເດີ່ນ​ດ້ານນອກ ບ່ອນ​ທີ່​ປະຊາຊົນ​ປະຊຸມກັນ​ຢູ່​ນັ້ນ ພວກເຂົາ​ຕ້ອງ​ແກ້​ເຄື່ອງ​ປະຈຳ​ໜ້າທີ່​ໃນ​ພຣະວິຫານ​ອອກ​ໄວ້​ໃນ​ຫ້ອງ​ສັກສິດ. ໃຫ້​ພວກເຂົາ​ນຸ່ງ​ເຄື່ອງ​ຢ່າງ​ອື່ນ ເພື່ອ​ປ້ອງກັນ​ບໍ່​ໃຫ້​ປະຊາຊົນ​ໄດ້​ຮັບ​ອັນຕະລາຍ ຍ້ອນ​ເຄື່ອງນຸ່ງ​ອັນ​ສັກສິດ.

ລະບຽບ^ພວກເລວີ 16:27

ສ່ວນ​ງົວເຖິກ​ກັບ​ແບ້ເຖິກ​ນັ້ນ​ແມ່ນ​ຂ້າ​ຖວາຍ​ລຶບລ້າງ​ບາບ ໂດຍ​ນຳ​ເລືອດ​ສັດ​ເຂົ້າ​ໄປ​ໃນ​ບ່ອນ​ສັກສິດ​ເພື່ອ​ການ​ຍົກ​ບາບ ຈະ​ຕ້ອງ​ຖືກ​ນຳ​ອອກ​ໄປ​ເຜົາ​ຂ້າງ​ນອກ​ພ້ອມ​ທັງ​ໜັງ, ຊີ້ນ ແລະ​ເຄື່ອງໃນ​ໄສ້​ພຸງ.

ລະບຽບ^ພວກເລວີ 24:9

ສ່ວນ​ເຂົ້າຈີ່​ນັ້ນ​ໃຫ້​ເປັນ​ຂອງ​ອາໂຣນ ແລະ​ເຊື້ອສາຍ​ຂອງ​ລາວ ແລະ​ພວກເຂົາ​ຈະ​ຕ້ອງ​ກິນ​ເຂົ້າຈີ່​ນັ້ນ​ໃນ​ບ່ອນ​ສັກສິດ ເພາະ​ແມ່ນ​ອາຫານ​ບໍຣິສຸດ ທີ່​ໄດ້​ຖວາຍ​ແກ່​ພຣະເຈົ້າຢາເວ​ສຳລັບ​ປະໂຣຫິດ.”

ລະບຽບ^ພວກເລວີ 4:12

ໃຫ້​ຫາມ​ອອກ​ໄປ​ນອກ​ຄ້າຍ ບ່ອນ​ທີ່​ທຳ​ຄວາມ​ສະອາດ​ຄື​ບ່ອນ​ຖິ້ມ​ຂີ້ເຖົ່າ ແລ້ວ​ໃຊ້​ຟືນ​ເຜົາ​ສິ່ງ​ເຫຼົ່ານັ້ນ​ເສຍ.

ລະບຽບ^ພວກເລວີ 4:21

ຕໍ່ມາ ເພິ່ນ​ຈະ​ເອົາ​ງົວ​ທີ່​ໄດ້​ຄົວ​ແລ້ວ​ທັງ​ໂຕ​ນັ້ນ ຫາມ​ອອກ​ໄປ​ເຜົາ​ນອກ​ຄ້າຍ ເໝືອນ​ດັ່ງ​ເຜົາ​ງົວ​ທີ່​ໄດ້​ຖວາຍ​ເພື່ອ​ລຶບລ້າງ​ບາບ​ຂອງຕົນ. ອັນ​ນີ້​ແມ່ນ​ການ​ຖວາຍ ເພື່ອ​ລຶບລ້າງ​ບາບ​ຂອງ​ຊຸມຊົນ.

ລະບຽບ^ພວກເລວີ 6:10

ແລ້ວ​ປະໂຣຫິດ ຜູ້​ນຸ່ງ​ເສື້ອຄຸມ​ກັບ​ສົ້ງ​ຂາສັ້ນ​ທີ່​ເຮັດ​ດ້ວຍ​ຜ້າປ່ານ ກໍ​ຈະ​ເອົາ​ຂີ້ເຖົ່າ​ຂອງ​ໄຂມັນ​ເຫຼືອ​ທີ່​ແທ່ນບູຊາ ໄປ​ຖອກ​ໄວ້​ທີ່​ຂ້າງ​ແທ່ນ.

ລະບຽບ^ພວກເລວີ 6:12

ໄຟ​ທີ່​ເທິງ​ແທ່ນບູຊາ​ນັ້ນ ຕ້ອງ​ດັງ​ໃຫ້​ລຸກ​ຢູ່​ສະເໝີ ແລະ​ຢ່າ​ໃຫ້​ມອດ. ທຸກໆ​ເຊົ້າ​ໃດ ປະໂຣຫິດ​ຈະ​ຕ້ອງ​ກອງ​ຟືນ​ຂຶ້ນ​ເທິງ​ແທ່ນ ຕຽມ​ເຄື່ອງ​ບູຊາ ແລະ​ເຜົາ​ໄຂມັນ​ຖວາຍ​ເພື່ອ​ຄວາມ​ສາມັກຄີທຳ.

ລະບຽບ^ພວກເລວີ 6:20

ສຳລັບ​ການ​ສະຖາປະນາ​ປະໂຣຫິດ​ຜູ້​ທີ່​ຖືກ​ເຈີມ​ສືບ​ເຊື້ອສາຍ​ມາ​ຈາກ​ອາໂຣນ. ໃນ​ມື້​ທີ່​ລາວ​ໄດ້​ຮັບ​ສະຖາປະນາ​ນັ້ນ ລາວ​ຈະ​ຕ້ອງ​ຖວາຍ​ແປ້ງເຂົ້າ​ສອງ​ກິໂລກຼາມ​ແກ່​ພຣະເຈົ້າຢາເວ (ຈຳນວນ​ເທົ່າ​ກັບ​ການ​ຖວາຍ​ພືດຜົນ​ເປັນເມັດ​ປະຈຳ​ວັນ) ຄື: ເຄິ່ງ​ໜຶ່ງ​ໃນ​ຕອນເຊົ້າ​ແລະ​ອີກ​ເຄິ່ງ​ໜຶ່ງ​ໃນ​ຕອນແລງ.

ລະບຽບ^ພວກເລວີ 6:22

ທຸກຍຸກ​ທຸກສະໄໝ​ສືບ​ໄປ ການ​ຖວາຍ​ນີ້​ໃຫ້​ເປັນ​ທີ່​ຢຶດຖື​ໂດຍ​ໃຫ້​ທຸກໆ​ຄົນ​ໃນ​ເຊື້ອສາຍ​ຂອງ​ອາໂຣນ ຜູ້​ທີ່​ຖືກ​ເຈີມ​ເປັນ​ມະຫາ​ປະໂຣຫິດ. ໃຫ້​ເຜົາ​ພືດຜົນ​ເປັນເມັດ​ທັງໝົດ ຖວາຍ​ເປັນ​ເຄື່ອງ​ບູຊາ​ແກ່​ພຣະເຈົ້າຢາເວ.

ລະບຽບ^ພວກເລວີ 7:6

ຜູ້ຊາຍ​ທຸກໆ​ຄົນ​ໃນ​ຄອບຄົວ​ປະໂຣຫິດ​ກິນ​ຊີ້ນ​ສັດ​ທີ່​ຖວາຍ​ແລ້ວ​ນັ້ນ​ໄດ້, ແຕ່​ຕ້ອງ​ກິນ​ໃນ​ບ່ອນ​ສັກສິດ ເພາະ​ເປັນ​ເຄື່ອງ​ບໍຣິສຸດ​ທີ່ສຸດ.