ລະບຽບ^ພວກເລວີ 4:3 - ພຣະຄຳພີສັກສິ

³ ຖ້າ​ປະໂຣຫິດ​ຜູ້​ໄດ້​ຮັບ​ການ​ເຈີມ​ເຮັດ​ບາບ ແລະ​ໄດ້​ນຳ​ຄວາມຜິດ​ມາ​ສູ່​ປະຊາຊົນ; ເພື່ອ​ລຶບລ້າງ​ບາບ​ຂອງຕົນ ເພິ່ນ​ຕ້ອງ​ນຳ​ງົວເຖິກໜຸ່ມ​ໂຕໜຶ່ງ ທີ່​ມີ​ສຸຂະພາບ​ດີ​ແລະ​ບໍ່ມີຕຳ​ໜິ ມາ​ຖວາຍ​ແກ່​ພຣະເຈົ້າຢາເວ.

ລະບຽບ^ພວກເລວີ 4:3 Jak'a apnaqawi uñst'ayäwi

2 ຂ່າວຄາວ 29:21

ເພື່ອ​ເປັນ​ການ​ລຶບລ້າງ​ການບາບ​ຂອງ​ຣາຊວົງ ລວມ​ທັງ​ຂອງ​ປະຊາຊົນ​ຢູດາ ແລະ​ຊຳລະ​ພຣະວິຫານ ພວກເຂົາ​ໄດ້​ຖວາຍ​ງົວເຖິກ​ເຈັດ​ໂຕ, ແກະເຖິກ​ເຈັດ​ໂຕ, ລູກແກະ​ເຈັດ​ໂຕ ແລະ​ແບ້​ເຈັດ​ໂຕ. ເພິ່ນ​ບອກ​ບັນດາ​ປະໂຣຫິດ​ທີ່​ເປັນ​ເຊື້ອສາຍ​ຂອງ​ອາໂຣນ ໃຫ້​ຖວາຍ​ສັດ​ເຫຼົ່ານັ້ນ​ທີ່​ແທ່ນບູຊາ​ຂອງ​ພຣະເຈົ້າຢາເວ.

ເອຊະຣາ 8:35

ແລ້ວ​ທຸກຄົນ​ທີ່​ກັບຄືນ​ມາ​ຈາກ​ການ​ເປັນ​ຊະເລີຍ​ໃນ​ຕ່າງຖິ່ນ ກໍໄດ້​ນຳ​ເອົາ​ເຄື່ອງຖວາຍ​ມາ​ເຜົາບູຊາ​ແກ່​ພຣະເຈົ້າ​ຂອງ​ຊາດ​ອິດສະຣາເອນ. ພວກເຂົາ​ຖວາຍ​ທັງໝົດ​ມີ: ງົວເຖິກ​ສິບສອງ​ໂຕ​ເປັນ​ຕົວແທນ​ແກ່​ຊາວ​ອິດສະຣາເອນ, ແກະເຖິກ​ເກົ້າສິບຫົກ​ໂຕ, ລູກແກະ​ເຈັດສິບເຈັດ​ໂຕ, ພວກເຂົາ​ຍັງ​ຖວາຍ​ແບ້​ອີກ​ສິບສອງ​ໂຕ ສັດ​ທັງໝົດ​ນີ້ ຖວາຍ​ແກ່​ພຣະເຈົ້າຢາເວ​ເປັນ​ເຄື່ອງ​ບູຊາ​ໄຖ່​ບາບ​ສຳລັບ​ພວກເຂົາ​ເອງ.

ອົບພະຍົບ 29:14

ສ່ວນ​ຊີ້ນ, ໜັງ ແລະ​ໄສ້​ພຸງ​ໃຫ້​ເຜົາ​ຢູ່​ນອກ​ຄ້າຍ. ອັນ​ນີ້​ແມ່ນ​ການ​ຖວາຍບູຊາ ເພື່ອ​ລຶບລ້າງ​ບາບ​ຂອງ​ພວກ​ປະໂຣຫິດ.

ອົບພະຍົບ 29:21

ຈົ່ງ​ເອົາ​ເລືອດ​ສ່ວນ​ໜຶ່ງ​ເທິງ​ແທ່ນບູຊາ ແລະ​ນໍ້າມັນ​ສັກສິດ ຊິດ​ໃສ່​ອາໂຣນ​ກັບ​ເຄື່ອງນຸ່ງ​ຂອງ​ລາວ ແລະ​ຊິດ​ໃສ່​ພວກ​ລູກຊາຍ​ຂອງ​ລາວ ຕະຫລອດ​ທັງ​ເຄື່ອງນຸ່ງຫົ່ມ​ຂອງ​ພວກເຂົາ​ດ້ວຍ ແລ້ວ​ລາວ​ເອງ​ພ້ອມ​ກັບ​ພວກ​ລູກຊາຍ ແລະ​ເຄື່ອງນຸ່ງຫົ່ມ​ຂອງ​ພວກເຂົາ​ກໍ​ຈະ​ໄດ້​ຮັບ​ການ​ອຸທິດ​ຖວາຍ​ແກ່​ເຮົາ​ທັງໝົດ.

ອົບພະຍົບ 29:7

ແລ້ວ​ເຈົ້າ​ຈົ່ງ​ເອົາ​ນໍ້າມັນ​ສັກສິດ​ຫົດສົງ​ທີ່​ເທິງ​ຫົວ​ຂອງ​ລາວ ແລະ​ສະຖາປະນາ​ລາວ.

ອົບພະຍົບ 30:10

ທຸກໆ​ປີ​ໃດ ໃຫ້​ປະໂຣຫິດ​ອາໂຣນ​ປະກອບ​ພິທີ​ຊຳລະ​ແທ່ນບູຊາ​ເທື່ອໜຶ່ງ ໂດຍ​ໃຫ້​ເອົາ​ເລືອດ​ຂອງ​ສັດ​ທີ່​ຖວາຍ​ສຳລັບ​ການ​ໄຖ່​ບາບ ຫົດສົງ​ໃສ່​ຈອມ​ແທ່ນ​ທັງ​ສີ່​ດ້ານ. ໃຫ້​ປະກອບ​ພິທີ​ນີ້​ທຸກໆ​ປີ​ຕະຫລອດໄປ. ແລ້ວ​ແທ່ນ​ນີ້​ກໍ​ຈະ​ເປັນ​ແທ່ນບູຊາ​ທີ່​ບໍຣິສຸດ​ທັງ​ສິ້ນ ຊຶ່ງ​ໄດ້​ອຸທິດ​ຖວາຍ​ແກ່​ພຣະເຈົ້າຢາເວ.”

ເອເຊກຽນ 40:39

ໃນ​ຫ້ອງ​ໂຖງ​ນີ້​ມີ​ໂຕະ​ສີ່​ໜ່ວຍ ຄື​ຂ້າງລະ​ສອງ​ໜ່ວຍ. ແມ່ນ​ເທິງ​ໂຕະ​ເຫຼົ່ານີ້ ທີ່​ພວກເຂົາ​ໄດ້​ຂ້າ​ສັດ​ຕ່າງໆ​ເພື່ອ​ເປັນ​ເຄື່ອງ​ເຜົາ​ຖວາຍບູຊາ ບໍ່​ວ່າ​ເຜົາ​ສັດ​ທັງ​ໂຕ​ຖວາຍບູຊາ ຫລື​ຖວາຍບູຊາ​ເພື່ອ​ລຶບລ້າງ​ບາບ ຫລື​ຖວາຍບູຊາ​ເພື່ອ​ຊົດໃຊ້​ແທນຄືນ.

ເອເຊກຽນ 43:19

ບັນດາ​ປະໂຣຫິດ​ເຫຼົ່ານັ້ນ​ທີ່​ເປັນ​ຄົນ​ຂອງ​ເຜົ່າເລວີ ຜູ້​ສືບ​ເຊື້ອສາຍ​ມາ​ຈາກ​ຊາດົກ ແມ່ນ​ພວກ​ດຽວ​ເທົ່ານັ້ນ​ທີ່​ຈະ​ເຂົ້າ​ມາ​ຮັບໃຊ້​ຊ້ອງໜ້າ​ເຮົາ. ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ດັ່ງນີ້ແຫຼະ. ເຈົ້າ​ຈະ​ຕ້ອງ​ຫາ​ງົວເຖິກໜຸ່ມ ມາ​ເປັນ​ເຄື່ອງ​ຖວາຍບູຊາ​ເພື່ອ​ລຶບລ້າງ​ບາບ.

ເອເຊກຽນ 44:27

ແລ້ວ​ຈຶ່ງ​ສາມາດ​ເຂົ້າ​ໄປ​ທີ່​ເດີ່ນ​ດ້ານໃນ​ຂອງ​ພຣະວິຫານ​ໄດ້ ແລະ​ຖວາຍ​ເຄື່ອງ​ບູຊາ​ສຳລັບ​ພິທີ​ຊຳລະຕົນເອງ ເພື່ອ​ວ່າ​ລາວ​ຈະ​ຮັບໃຊ້​ຢູ່​ໃນ​ພຣະວິຫານ​ອີກ​ຕໍ່ໄປ. ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ດັ່ງນີ້ແຫຼະ.

ລະບຽບ^ພວກເລວີ 1:10

ຖ້າ​ຜູ້ໃດ​ຜູ້ໜຶ່ງ​ຖວາຍ​ແກະ ຫລື​ແບ້​ໂຕໜຶ່ງ​ໃນ​ຝູງ​ຂອງຕົນ ຕ້ອງ​ໃຫ້​ເປັນ​ໂຕ​ເຖິກ​ທີ່​ມີ​ສຸຂະພາບ​ດີ​ແລະ​ບໍ່ມີຕຳໜິ.

ລະບຽບ^ພວກເລວີ 1:3

ຖ້າ​ຜູ້ນັ້ນ​ນຳ​ສັດ​ໂຕໜຶ່ງ​ຂອງຕົນ​ມາ​ເຜົາ​ຖວາຍບູຊາ ລາວ​ຕ້ອງ​ຖວາຍ​ງົວເຖິກ​ໂຕ​ທີ່​ມີ​ສຸຂະພາບ​ດີ ແລະ​ບໍ່ມີຕຳໜິ. ລາວ​ຕ້ອງ​ນຳ​ສັດ​ໂຕ​ນັ້ນ​ມາ​ທີ່​ປະຕູ​ເຂົ້າ​ຫໍເຕັນ​ບ່ອນ​ຊຸມນຸມ ຕໍ່ໜ້າ​ພຣະເຈົ້າຢາເວ ເພື່ອ​ວ່າ​ພຣະອົງ​ຈະ​ຮັບ​ເອົາ​ການ​ຖວາຍ​ຂອງ​ລາວ.

ລະບຽບ^ພວກເລວີ 16:11

ເມື່ອ​ອາໂຣນ​ຖວາຍບູຊາ​ງົວເຖິກໜຸ່ມ ເພື່ອ​ລຶບລ້າງ​ບາບ​ຂອງຕົນ​ແລະ​ຄົນ​ໃນ​ຄອບຄົວ​ນັ້ນ

ລະບຽບ^ພວກເລວີ 16:3

ຫລັງຈາກ​ລາວ​ໄດ້​ນຳ​ງົວເຖິກ​ໜຸ່ມ​ໂຕໜຶ່ງ​ມາ ເພື່ອ​ຖວາຍ​ລຶບລ້າງ​ບາບ ແລະ​ແກະເຖິກ​ໜຸ່ມ​ໂຕໜຶ່ງ ເພື່ອ​ເຜົາ​ບູຊາ​ແລ້ວ; ລາວ​ຈຶ່ງ​ເຂົ້າ​ໄປ​ໃນ​ບ່ອນ​ສັກສິດ​ໄດ້.”

ລະບຽບ^ພວກເລວີ 16:5

ສ່ວນ​ຊຸມຊົນ​ອິດສະຣາເອນ​ນັ້ນ​ຈະ​ຕ້ອງ​ນຳ​ແບ້ເຖິກ​ສອງ​ໂຕ ມາ​ໃຫ້​ອາໂຣນ​ເພື່ອ​ຖວາຍ​ລຶບລ້າງ​ບາບ ແລະ​ແກະເຖິກ​ໂຕໜຶ່ງ​ເພື່ອ​ເຜົາ​ຖວາຍບູຊາ.

ລະບຽບ^ພວກເລວີ 16:6

ເພິ່ນ​ຈະ​ຕ້ອງ​ຖວາຍ​ງົວເຖິກ​ໂຕໜຶ່ງ ຕາມ​ພິທີ​ຖວາຍບູຊາ​ລຶບລ້າງ​ການບາບ​ຂອງຕົນ​ແລະ​ຂອງ​ຄົນ​ໃນ​ຄອບຄົວ.

ລະບຽບ^ພວກເລວີ 4:14

ແລະ​ຕໍ່ມາ ເມື່ອ​ບາບ​ນັ້ນ​ໄດ້​ເປັນ​ທີ່​ຮູ້ຈັກ​ກັນ​ແລ້ວ ຊຸມຊົນ​ອິດສະຣາເອນ​ຈະ​ຕ້ອງ​ນຳ​ງົວເຖິກໜຸ່ມ​ໂຕໜຶ່ງ ມາ​ຖວາຍ​ເພື່ອ​ເປັນ​ການ​ລຶບລ້າງ​ບາບ. ພວກເຂົາ​ຈະ​ຕ້ອງ​ນຳ​ງົວ​ນັ້ນ​ມາ​ຕໍ່ໜ້າ​ຫໍເຕັນ​ບ່ອນ​ຊຸມນຸມ.

ລະບຽບ^ພວກເລວີ 4:23

ຕໍ່ມາ ເມື່ອ​ລາວ​ຮູ້​ວ່າ​ສິ່ງ​ທີ່​ຕົນ​ໄດ້​ເຮັດ​ໄປ​ນັ້ນ​ເປັນ​ບາບ ລາວ​ຈະ​ຕ້ອງ​ນຳ​ແບ້ເຖິກ​ໂຕໜຶ່ງ ທີ່​ມີ​ສຸຂະພາບ​ດີ​ແລະ​ບໍ່ມີຕຳໜິ​ມາ​ຖວາຍ.

ລະບຽບ^ພວກເລວີ 4:28

ຕໍ່ມາ ເມື່ອ​ລາວ​ຮູ້​ວ່າ​ສິ່ງ​ທີ່​ຕົນ​ໄດ້​ເຮັດ​ໄປ​ນັ້ນ​ເປັນ​ບາບ ລາວ​ຈະ​ຕ້ອງ​ນຳ​ແບ້​ແມ່​ໂຕໜຶ່ງ ທີ່​ມີ​ສຸຂະພາບ​ດີ​ແລະ​ບໍ່ມີຕຳໜິ​ມາ​ຖວາຍ.

ລະບຽບ^ພວກເລວີ 4:5

ແລ້ວ​ປະໂຣຫິດ​ຜູ້​ໄດ້​ຮັບ​ການ​ເຈີມ​ກໍ​ຈະ​ເອົາ​ເລືອດ​ບາງ​ສ່ວນ​ຂອງ​ງົວເຖິກ​ໂຕ​ນັ້ນ ຖື​ເຂົ້າ​ໄປ​ໃນ​ຫໍເຕັນ​ບ່ອນ​ຊຸມນຸມ.

ລະບຽບ^ພວກເລວີ 5:6

ແລະ​ເພື່ອ​ເປັນ​ການ​ໄຖ່​ໂທດ​ສຳລັບ​ບາບ​ນັ້ນ ລາວ​ຕ້ອງ​ນຳ​ແກະແມ່​ຫລື​ແບ້​ແມ່​ໂຕໜຶ່ງ ມາ​ຖວາຍ​ແກ່​ພຣະເຈົ້າຢາເວ. ປະໂຣຫິດ​ຈະ​ເປັນ​ຜູ້​ຖວາຍບູຊາ​ເພື່ອ​ລຶບລ້າງ​ບາບ​ຂອງ​ລາວ.

ລະບຽບ^ພວກເລວີ 6:18

ທຸກຍຸກ​ທຸກສະໄໝ​ສືບ​ໄປ ເຊື້ອສາຍ​ອາໂຣນ​ຜູ້​ທີ່​ເປັນ​ເພດ​ຊາຍ​ຈະ​ກິນ​ສິ່ງ​ນີ້​ໄດ້ ຊຶ່ງ​ເປັນ​ສ່ວນ​ໜຶ່ງ​ຂອງ​ອາຫານ​ທີ່​ຖວາຍ​ແກ່​ພຣະເຈົ້າຢາເວ. ຄົນອື່ນ​ທີ່​ແຕະຕ້ອງ​ອາຫານ​ທີ່​ໄດ້​ຖວາຍ​ນັ້ນ ຈະ​ໄດ້​ຮັບ​ອັນຕະລາຍ​ຈາກ​ຣິດອຳນາດ​ແຫ່ງ​ຄວາມ​ສັກສິດ.

ລະບຽບ^ພວກເລວີ 8:12

ເພິ່ນ​ໄດ້​ສະຖາປະນາ​ອາໂຣນ ໂດຍ​ໃຊ້​ນໍ້າມັນ​ເຈີມ​ສັກສິດ​ບາງ​ສ່ວນ​ຫົດສົງ​ທີ່​ຫົວ​ຂອງ​ລາວ ເປັນ​ການ​ອຸດທິດ​ຖວາຍຕົວ.

ລະບຽບ^ພວກເລວີ 9:2

ເພິ່ນ​ກ່າວ​ແກ່​ອາໂຣນ​ວ່າ, “ຈົ່ງ​ເອົາ​ງົວເຖິກໜຸ່ມ​ໂຕໜຶ່ງ ແລະ​ແກະເຖິກ​ໜຸ່ມ​ໂຕໜຶ່ງ ທີ່​ມີ​ສຸຂະພາບ​ດີ​ແລະ​ບໍ່ມີຕຳໜິ​ມາ​ຖວາຍ​ແກ່​ພຣະເຈົ້າຢາເວ​ຄື: ງົວເຖິກໜຸ່ມ​ໃຫ້​ຖວາຍ​ເພື່ອ​ລຶບລ້າງ​ບາບ ແລະ​ແກະເຖິກ​ໜຸ່ມ​ໃຫ້​ເຜົາ​ຖວາຍບູຊາ.

ລະບຽບ^ພວກເລວີ 9:3

ແລ້ວ​ຈົ່ງ​ບອກ​ປະຊາຊົນ​ອິດສະຣາເອນ​ໃຫ້​ນຳ​ແບ້ເຖິກ​ໂຕໜຶ່ງ ມາ​ຖວາຍ​ເພື່ອ​ລຶບລ້າງ​ບາບ ພ້ອມ​ທັງ​ລູກ​ງົວເຖິກ​ແລະ​ລູກແກະເຖິກ​ອາຍຸ​ໜຶ່ງ​ປີ​ແນວ​ລະ​ໂຕ. ທັງໝົດ​ໃຫ້​ເປັນ​ສັດ​ທີ່​ມີ​ສຸຂະພາບ​ດີ​ແລະ​ບໍ່ມີຕຳໜິ ເປັນ​ເຄື່ອງ​ຖວາຍບູຊາ​ດ້ວຍ​ໄຟ

ຈົດບັນຊີ 16:22

ແຕ່​ໂມເຊ​ແລະ​ອາໂຣນ​ຂາບລົງ​ດິນ ທູນ​ວ່າ, “ໂອ ຂ້າແດ່​ພຣະເຈົ້າ ອົງ​ເປັນ​ພຣະເຈົ້າ​ແຫ່ງ​ຈິດວິນຍານ​ທັງໝົດ​ຂອງ​ມະນຸດ. ເມື່ອ​ຄົນ​ຜູ້​ດຽວ​ເຮັດ​ບາບ ພຣະອົງ​ຈະ​ໂກດຮ້າຍ​ຊຸມຊົນ​ທັງໝົດ​ຫລື?”

ຈົດບັນຊີ 8:8

ຕໍ່ມາ​ໃຫ້​ພວກເຂົາ​ນຳ​ງົວເຖິກໜຸ່ມ​ໂຕໜຶ່ງ ແລະ​ພືດຜົນ​ເປັນເມັດ​ມາ​ຖວາຍ​ຄູ່​ກັນ​ຄື: ແປ້ງເຂົ້າ​ປະສົມ​ກັບ​ນໍ້າມັນ​ໝາກກອກເທດ ແລະ​ໃຫ້​ນຳ​ງົວເຖິກໜຸ່ມ​ໂຕໜຶ່ງ​ມາ​ອີກ​ເປັນ​ການ​ຖວາຍ​ລຶບລ້າງ​ບາບ.

ໂຣມ 8:3

ດ້ວຍວ່າ, ສິ່ງ​ທີ່​ກົດບັນຍັດ​ເຮັດ​ບໍ່ໄດ້ ເພາະ​ເນື້ອກາຍ ເຮັດ​ໃຫ້​ອ່ອນ​ກຳລັງ​ເສຍ ພຣະເຈົ້າ​ກໍໄດ້​ຊົງ​ເຮັດ​ແລ້ວ ໂດຍ​ໄດ້​ຊົງ​ໃຊ້​ພຣະບຸດ​ຂອງ​ພຣະອົງ​ມາ​ໃນ​ສະພາບ​ເໝືອນ​ເນື້ອກາຍ ​ທີ່​ຜິດບາບ ແລະ​ເພື່ອ​ຊົງ​ໄຖ່​ຄວາມ​ຜິດບາບ ພຣະອົງ​ຈຶ່ງ​ໄດ້​ຊົງ​ລົງໂທດ​ຄວາມ​ບາບ​ໃນ​ເນື້ອກາຍ ນັ້ນ.

2 ໂກຣິນໂທ 5:21

ເພາະວ່າ ພຣະເຈົ້າ​ໄດ້​ຊົງ​ກະທຳ​ໃຫ້​ພຣະຄຣິດ ຜູ້​ຊົງ​ບໍ່ມີ​ຄວາມ​ຜິດບາບ​ນັ້ນ ໄດ້​ເຂົ້າ​ສ່ວນ​ກັບ​ຄວາມ​ຜິດບາບ​ຂອງ​ພວກເຮົາ ເພື່ອ​ພວກເຮົາ​ຈະ​ໄດ້​ເຂົ້າ​ສ່ວນ​ໃນ​ຄວາມ​ຊອບທຳ​ຂອງ​ພຣະເຈົ້າ​ໂດຍ​ທາງ​ພຣະອົງ.

ເຮັບເຣີ 5:3

ເພາະເຫດນີ້ ເພິ່ນ​ຈຶ່ງ​ຕ້ອງ​ຖວາຍ​ເຄື່ອງ​ບູຊາ​ຕ່າງໆ ບໍ່ແມ່ນ​ສຳລັບ​ລຶບລ້າງ​ບາບ​ຂອງ​ພົນລະເມືອງ​ເທົ່ານັ້ນ ແຕ່​ສຳລັບ​ລຶບລ້າງ​ບາບ​ຂອງ​ຕົນເອງ​ດ້ວຍ.

ເຮັບເຣີ 9:12

ພຣະອົງ​ໄດ້​ສະເດັດ​ເຂົ້າ​ໄປ​ໃນ​ສະຖານທີ່​ສັກສິດ​ທີ່ສຸດ​ພຽງ​ເທື່ອ​ດຽວ​ເປັນ​ການ​ສິ້ນສຸດ ແລະ​ພຣະອົງ​ບໍ່ໄດ້​ຊົງ​ນຳ​ເລືອດ​ແບ້ ຫລື​ເລືອດ​ລູກ​ງົວ​ເຂົ້າ​ໄປ ແຕ່​ຊົງ​ນຳ​ພຣະ​ໂລຫິດ​ຂອງ​ພຣະອົງ​ເອງ​ເຂົ້າ​ໄປ ແລະ​ຊົງ​ສຳເລັດ​ການ​ໄຖ່​ບາບ​ອັນ​ຕະຫລອດໄປ.