ລະບຽບ^ພວກເລວີ 27:9 - ພຣະຄຳພີສັກສິ

⁹ ຖ້າ​ການ​ບະບົນ​ກ່ຽວຂ້ອງ​ກັບ​ສັດ​ໂຕໜຶ່ງ​ທີ່​ຮັບ​ເອົາ​ໄດ້ ໃຫ້​ເປັນ​ການ​ຖວາຍບູຊາ​ແກ່​ພຣະເຈົ້າຢາເວ ແລ້ວ​ເຄື່ອງ​ຖວາຍ​ທຸກໆ​ຢ່າງ​ຊຶ່ງ​ຖວາຍ​ແກ່​ພຣະເຈົ້າຢາເວ​ກໍ​ບໍຣິສຸດ.

ລະບຽບ^ພວກເລວີ 27:9 Jak'a apnaqawi uñst'ayäwi

ສຸພາສິດ 20:25

ຈົ່ງ​ຄິດ​ໃຫ້​ຖ້ວນຖີ່​ກ່ອນ​ຈຶ່ງ​ສັນຍາ​ຕໍ່​ພຣະເຈົ້າ​ວ່າ​ຈະ​ຖວາຍບູຊາ ຕໍ່ມາ​ອາດ​ຈະ​ເສຍໃຈ​ຕາມ​ພາຍຫລັງ​ກໍໄດ້.

ປັນຍາຈານ 5:6

ຈົ່ງ​ຫລີກເວັ້ນ​ຄຳເວົ້າ​ທີ່​ນຳ​ເຈົ້າ​ໄປ​ສູ່​ການບາບ ເພື່ອ​ເຈົ້າ​ຈະ​ບໍ່​ຕ້ອງ​ໄປ​ເວົ້າ​ກັບ​ປະໂຣຫິດ​ຂອງ​ພຣະເຈົ້າ​ວ່າ ເຈົ້າ​ບໍ່ໄດ້​ໝາຍຄວາມວ່າ​ຢ່າງນັ້ນ. ເປັນຫຍັງ​ຈຶ່ງ​ເຮັດ​ໃຫ້​ພຣະອົງ​ໂກດຮ້າຍ​ເຈົ້າ? ເປັນຫຍັງ​ຈຶ່ງ​ປ່ອຍ​ໃຫ້​ພຣະອົງ​ທຳລາຍ​ສິ່ງ​ທີ່​ເຈົ້າ​ຫາ​ມາ​ໄດ້​ນັ້ນ?

ເອເຊກຽນ 48:14

ບໍລິເວນ​ທີ່​ໄດ້​ຖືກ​ອຸທິດ​ຖວາຍ​ແກ່​ພຣະເຈົ້າຢາເວ​ແລ້ວ ແມ່ນ​ສ່ວນ​ທີ່​ສັກສິດ​ໃນ​ດິນແດນ​ທັງໝົດ; ບໍ່​ໃຫ້​ຂາຍ ຫລື​ແລກປ່ຽນ, ຫລື​ປ່ຽນ​ກຳມະສິດ​ໃຫ້​ຜູ້ໜຶ່ງ​ຜູ້ໃດ​ເປັນ​ເດັດຂາດ.

ລະບຽບ^ພວກເລວີ 27:10

ຢ່າ​ໃຫ້​ເຂົາ​ເອົາ​ສັດ​ໂຕ​ອື່ນ​ມາ​ປ່ຽນ​ແທນ​ສັດ​ໂຕ​ທີ່​ໄດ້​ສັນຍາ​ຖວາຍ ບໍ່​ວ່າ​ໂຕດີ​ປ່ຽນ​ແທນ​ໂຕ​ບໍ່ດີ ຫລື​ໂຕ​ບໍ່ດີ​ປ່ຽນ​ໂຕດີ. ຖ້າ​ລາວ​ປ່ຽນ​ແທນ ສັດ​ທັງສອງ​ນັ້ນ​ກໍ​ຈະ​ເປັນ​ບໍຣິສຸດ.

ລະບຽບ^ພວກເລວີ 27:8

ຖ້າ​ຜູ້ໃດ​ຜູ້ໜຶ່ງ​ທີ່​ໄດ້​ບະບົນ​ໄວ້​ນັ້ນ​ເປັນ​ຄົນ​ຍາກຈົນ ແລະ​ບໍ່​ສາມາດ​ຈ່າຍ​ຕາມ​ອັດຕາ​ກຳນົດ​ໄວ້​ໄດ້ ຕ້ອງ​ໃຫ້​ນຳ​ຜູ້ນັ້ນ​ໄປ​ຫາ​ປະໂຣຫິດ ເພື່ອ​ວ່າ​ເພິ່ນ​ຈະ​ວາງ​ອັດຕາ​ໃໝ່​ໃຫ້​ຕາມ​ຄວາມ​ສາມາດ​ທີ່​ລາວ​ຈະ​ຈ່າຍ​ໄດ້.

ລະບຽບ^ພວກເລວີ 5:15

ຖ້າ​ຜູ້ໃດ​ຜູ້ໜຶ່ງ​ເຮັດ​ບາບ ຍ້ອນ​ລືມ​ຊຳລະ​ສິ່ງ​ບໍຣິສຸດ​ໃຫ້​ແກ່​ພຣະເຈົ້າຢາເວ ໂດຍ​ບໍ່ຕັ້ງໃຈ ເພື່ອ​ເປັນ​ການ​ຊົດໃຊ້​ແທນຄືນ​ຫລັງ​ໃຫ້​ພຣະອົງ ລາວ​ຕ້ອງ​ນຳ​ແກະ​ຫລື​ແບ້​ເຖິກ​ໂຕໜຶ່ງ ທີ່​ມີ​ສຸຂະພາບ​ດີ​ແລະ​ບໍ່ມີ​ຕຳໜິ​ມາ​ຖວາຍ​ແກ່​ພຣະເຈົ້າຢາເວ. ສ່ວນ​ລາຄາ​ສັດ​ນັ້ນ ໃຫ້​ຖື​ເອົາ​ຕາມ​ອັດຕາ​ທາງ​ການ​ຂອງ​ສຳນັກ​ນະມັດສະການ.

ມັດທາຍ 15:5

ແຕ່​ພວກເຈົ້າ​ກັບ​ສັ່ງສອນ​ວ່າ, ຖ້າ​ຄົນ​ໜຶ່ງ​ມີ​ສິ່ງ​ຂອງ​ທີ່​ຕົນ​ອາດ​ຊ່ວຍເຫລືອ​ພໍ່​ແມ່​ຂອງຕົນ​ໄດ້ ແລ້ວ​ອ້າງ​ສິ່ງ​ນັ້ນ​ວ່າ, ‘ເປັນ​ຂອງ​ຖວາຍ​ແດ່​ພຣະເຈົ້າ’