ລະບຽບ^ພວກເລວີ 26:4 - ພຣະຄຳພີສັກສິ

⁴ ເຮົາ​ກໍ​ຈະ​ໃຫ້​ຝົນ​ຕົກ​ຕາມ​ລະດູ​ການ ເພື່ອ​ທີ່ດິນ​ຈະ​ຜະລິດ​ຜົນລະປູກ​ໄດ້​ຫລາຍ ແລະ​ຕົ້ນໄມ້​ກໍ​ຈະ​ເກີດ​ໝາກ​ຫລາຍ.

ລະບຽບ^ພວກເລວີ 26:4 Jak'a apnaqawi uñst'ayäwi

1 ກະສັດ 17:1

ຍັງ​ມີ​ຜູ້ທຳນວາຍ​ຄົນ​ໜຶ່ງ​ຊື່​ວ່າ​ເອລີຢາ ໄທເມືອງ​ຕີຊະເບ​ໃນ​ເຂດ​ກີເລອາດ​ໄດ້​ບອກ​ກະສັດ​ອາຮາບ​ວ່າ, “ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ​ອົງ​ຊົງ​ພຣະຊົນຢູ່​ທີ່​ຂ້ານ້ອຍ​ຮັບໃຊ້​ຢູ່​ນີ້; ໃນ​ສອງ​ຫລື​ສາມ​ປີ​ຂ້າງ​ໜ້າ​ຈະ​ບໍ່ມີ​ນໍ້າໝອກ​ຫລື​ນໍ້າ​ຝົນ ຈົນກວ່າ​ຂ້ານ້ອຍ​ຈະ​ສັ່ງ​ໃຫ້​ມີ.”

ພຣະທຳ​ໂຢບ 5:10

ພຣະອົງ​ໃຫ້​ຝົນ​ຕົກ​ມາ​ໃສ່​ທົ່ວ​ທັງ​ດິນແດນ ແລະ​ໃຫ້​ທົ່ງໄຮ່​ທົ່ງນາ​ມີ​ນໍ້າ​ເພື່ອ​ຫລໍ່ລ້ຽງ.

ເພງ^ສັນລະເສີນ 104:13

ຈາກ​ທ້ອງຟ້າ​ພຣະອົງ​ໃຫ້​ຝົນ​ຕົກ​ໃສ່​ພູ​ທັງຫລາຍ ແລະ​ພຣະພອນ​ກໍ​ເຕັມ​ໄປ​ທົ່ວ​ທັງ​ແຜ່ນດິນ​ໂລກ.

ເພງ^ສັນລະເສີນ 67:6

ທີ່ດິນ​ເກີດ​ຜົນລະປູກ​ໃຫ້​ໄດ້​ເກັບກ່ຽວ, ພຣະເຈົ້າ, ພຣະເຈົ້າ​ຂອງ​ພວກເຮົາ​ໄດ້​ອວຍພຣະພອນ​ແກ່​ພວກເຮົາ.

ເພງ^ສັນລະເສີນ 67:7

ພຣະເຈົ້າ​ໄດ້​ອວຍພອນ​ແກ່​ພວກເຮົາ ຂໍ​ໃຫ້​ປະຊາຊົນ​ທັງໝົດ​ທີ່​ສຸດປາຍ​ແຜ່ນດິນ​ໂລກ ຈົ່ງ​ຖວາຍ​ພຣະກຽດ​ແດ່​ພຣະອົງ.

ເພງ^ສັນລະເສີນ 68:9

ພຣະອົງ​ໄດ້​ເທ​ຫ່າຝົນ​ລົງ​ໃສ່​ຢ່າງ​ອຸດົມສົມບູນ ໃຫ້​ດິນແດນ​ທີ່​ຊຸດໂຊມ​ອຸດົມສົມບູນ​ຂຶ້ນ​ໃໝ່

ເພງ^ສັນລະເສີນ 85:12

ພຣະເຈົ້າຢາເວ​ຈະ​ເຮັດ​ໃຫ້​ພວກເຮົາ​ຈະເລີນ​ຮຸ່ງເຮືອງ ດິນແດນ​ຂອງ​ພວກເຮົາ​ຈະ​ໄດ້​ເກັບກ່ຽວ​ຢ່າງດີ.

ເພງ^ສັນລະເສີນ 85:13

ຄວາມ​ຊອບທຳ​ຈະ​ໄປ​ກ່ອນ​ໜ້າ​ພຣະອົງ ແລະ​ຈັດຕຽມ​ຫົນທາງ​ໄວ້​ສຳລັບ​ພຣະອົງ​ດ້ວຍ.

ເອຊາຢາ 30:23

ເມື່ອໃດ​ພວກເຈົ້າ​ປູກຝັງ​ພືດພັນ ພຣະອົງ​ຈະ​ສົ່ງ​ຝົນ​ມາ​ຫລໍ່ລ້ຽງ​ໃຫ້​ໃຫຍ່​ຂຶ້ນ ພ້ອມ​ຈະ​ໃຫ້​ພວກເຈົ້າ​ເກັບກ່ຽວ​ໄດ້​ຢ່າງ​ອຸດົມສົມບູນ ແລະ​ຝູງສັດ​ຂອງ​ພວກເຈົ້າ​ກໍ​ຈະ​ມີ​ຫຍ້າ​ກິນ​ຢ່າງ​ອຸດົມສົມບູນ.

ເອຊາຢາ 5:6

ຂ້ອຍ​ຈະ​ປ່ອຍ​ໃຫ້​ຫຍ້າ​ເກີດຂຶ້ນ​ເຕັມ​ໄປ​ທົ່ວ. ຂ້ອຍ​ຈະ​ບໍ່​ຕັດ​ແໜງ​ຫລື​ພວນດິນ; ແຕ່​ຈະ​ປ່ອຍ​ໃຫ້​ເຄືອ​ແລະ​ກົກ​ໜາມ​ປົ່ງ​ຂຶ້ນ​ຫຸ້ມຫໍ່. ຂ້ອຍ​ຈະ​ບໍ່​ໃຫ້​ແມ່ນແຕ່​ຝົນ​ຕົກລົງ​ມາ​ຮຳ​ສວນ​ນັ້ນ​ເລີຍ.”

ເຢເຣມີຢາ 14:22

ບໍ່ມີ​ຮູບເຄົາຣົບ​ຂອງ​ຊົນຊາດ​ໃດ​ເຮັດ​ໃຫ້​ຝົນ​ຕົກ​ມາ ຟ້າ​ສະຫວັນ​ກໍ​ເຮັດ​ໃຫ້​ຝົນ​ຫລັ່ງລິນ​ລົງ​ມາ​ບໍ່ໄດ້; ຂ້າແດ່​ພຣະເຈົ້າຢາເວ ພຣະເຈົ້າ​ຂອງ​ພວກ​ຂ້ານ້ອຍ​ເອີຍ ເພາະ​ແມ່ນ​ພຣະອົງ​ທີ່​ໄດ້​ກະທຳ​ທຸກສິ່ງ​ເຫຼົ່ານີ້.

ເອເຊກຽນ 36:30

ເຮົາ​ຈະ​ເຮັດ​ໃຫ້​ຕົ້ນໄມ້ ແລະ​ທົ່ງນາ​ຂອງ​ພວກເຈົ້າ​ເກີດຜົນ​ຫລາຍ ເພື່ອ​ວ່າ​ການອຶດຢາກ​ຈະ​ບໍ່​ເກີດຂຶ້ນ​ອີກ​ຕໍ່ໄປ ອັນ​ເປັນ​ການ​ອັບອາຍ​ຂາຍໜ້າ​ໃຫ້​ແກ່​ພວກເຈົ້າ​ໃນ​ທ່າມກາງ​ຊົນຊາດ​ທັງຫລາຍ.

ໂຢເອນ 2:22

ຝູງສັດ​ເອີຍ ຢ່າ​ສູ່​ຢ້ານ​ແຕ່​ປະການ​ໃດ​ເລີຍ ທີ່​ທົ່ງ​ລ້ຽງ​ສັດ​ຕ່າງໆ ກໍ​ມີ​ຫຍ້າຂຽວ​ສົດ​ແລ້ວ; ຕົ້ນໄມ້​ຕ່າງໆ ກໍ​ເກີດໝາກ​ເກີດຜົນ ໝາກເດື່ອ​ແລະ​ໝາກອະງຸ່ນ​ກໍ​ມີ​ເຕັມ​ຢູ່.

ລະບຽບ^ພວກເລວີ 25:19

ທີ່ດິນ​ຈະ​ຜະລິດ​ຜົນລະປູກ​ໃຫ້ ແລະ​ພວກເຈົ້າ​ຈະ​ໄດ້​ກິນ​ຢ່າງ​ອີ່ມໜຳ​ສຳລານ ແລະ​ຈະ​ຢູ່​ໃນ​ປະເທດ​ໄດ້​ຢ່າງ​ປອດໄພ.

ລະບຽບ^ພວກເລວີ 25:21

ເຮົາ​ຈະ​ອວຍພອນ​ທີ່ດິນ​ປູກຝັງ​ໃນ​ປີ​ທີ​ຫົກ ເພື່ອ​ວ່າ​ມັນ​ຈະ​ຜະລິດ​ອາຫານ​ໃຫ້​ພໍ​ສຳລັບ​ສາມ​ປີ.

ເຊກາຣີຢາ 8:12

ພວກເຂົາ​ຈະ​ປູກ​ພືດພັນ​ຂອງຕົນ​ຢ່າງ​ສະຫງົບສຸກ. ຕົ້ນອະງຸ່ນ​ຂອງ​ພວກເຂົາ​ຈະ​ເກີດ​ໝາກ​ຫລາຍ ແຜ່ນດິນ​ຈະ​ຜະລິດ​ຜົນລະປູກ​ໄດ້​ດີ ແລະ​ຝົນ​ກໍ​ຈະ​ຕົກລົງ​ມາ​ຢ່າງ​ບໍຣິບູນ. ເຮົາ​ຈະ​ໃຫ້​ພຣະພອນ​ທັງໝົດ​ເຫຼົ່ານີ້​ແກ່​ປະຊາຊົນ ທີ່​ລອດຊີວິດ​ຢູ່​ໃນ​ຊາດ​ຂອງເຮົາ​ນັ້ນ.

ມັດທາຍ 5:45

ເພື່ອ​ວ່າ​ເຈົ້າ​ທັງຫລາຍ​ຈະ​ກາຍເປັນ​ບຸດ​ແຫ່ງ​ພຣະບິດາເຈົ້າ ຜູ້​ຊົງ​ສະຖິດ​ໃນ​ສະຫວັນ ເພາະ​ພຣະອົງ​ບັນດານ​ໃຫ້​ແສງ​ຕາເວັນ​ຂອງ​ພຣະອົງ​ສ່ອງ​ໃສ່​ທັງ​ຄົນຊົ່ວ​ແລະ​ຄົນ​ດີ​ເໝືອນກັນ ແລະ​ໃຫ້​ຝົນ​ຕົກ​ໃສ່​ທັງ​ຄົນ​ທີ່​ຊອບທຳ​ແລະ​ບໍ່​ຊອບທຳ.

ກິດຈະການ 14:17

ແຕ່​ເຖິງ​ປານນັ້ນ ພຣະອົງ​ບໍ່ໄດ້​ໃຫ້​ຂາດ​ພະຍານ​ເຖິງ​ເລື່ອງ​ພຣະອົງ ໂດຍ​ກິດຈະການ​ອັນ​ດີ​ຂອງ​ພຣະອົງ ຄື​ໄດ້​ບັນດານ​ຝົນ​ໃຫ້​ຕົກ​ຈາກ​ທ້ອງຟ້າ ແລະ​ໃຫ້​ມີ​ຜົນລະປູກ​ຕາມ​ລະດູການ, ຈຶ່ງ​ໂຜດ​ໃຫ້​ອາຫານ​ການກິນ​ແກ່​ພວກທ່ານ ແລະ​ໃຫ້​ຈິດໃຈ​ອີ່ມເຕັມ​ດ້ວຍ​ຄວາມສຸກ.”

ພຣະບັນຍັດສອງ 11:13

ສະນັ້ນ ຈົ່ງ​ເຊື່ອຟັງ​ຂໍ້ຄຳສັ່ງ​ທີ່​ຂ້າພະເຈົ້າ​ໄດ້​ໃຫ້​ພວກເຈົ້າ​ໃນວັນນີ້ ຈົ່ງ​ຮັກ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ແລະ​ຮັບໃຊ້​ພຣະອົງ​ດ້ວຍ​ສຸດໃຈ.

ພຣະບັນຍັດສອງ 11:14

ຖ້າ​ພວກເຈົ້າ​ເຮັດ​ຕາມ ພຣະອົງ​ກໍ​ຈະ​ສົ່ງ​ຝົນ​ມາ​ເທິງ​ດິນແດນ​ຂອງ​ພວກເຈົ້າ ຖືກ​ຕາມ​ລະດູການ ໃນ​ລະດູ​ໃບໄມ້​ຫລົ່ນ​ແລະ​ລະດູ​ໃບໄມ້ປົ່ງ ເພື່ອ​ວ່າ​ພວກເຈົ້າ​ຈະ​ມີ​ເຂົ້າ ມີ​ເຫຼົ້າ​ອະງຸ່ນ ແລະ​ມີ​ນໍ້າມັນ​ໝາກກອກເທດ

ພຣະບັນຍັດສອງ 28:12

ພຣະເຈົ້າຢາເວ​ຈະ​ສົ່ງ​ຝົນ​ຈາກ​ຄັງ​ອັນ​ອຸດົມສົມບູນ​ຂອງ​ພຣະອົງ​ໃນ​ຟ້າ​ສະຫວັນ ໃຫ້​ຕົກ​ຖືກ​ຕາມ​ລະດູການ ແລະ​ອວຍພອນ​ທຸກໆ​ວຽກງານ​ຂອງ​ພວກເຈົ້າ ເພື່ອ​ພວກເຈົ້າ​ຈະ​ໃຫ້​ຫລາຍ​ຊົນຊາດ​ກູ້​ຢືມ, ແຕ່​ພວກເຈົ້າ​ຈະ​ບໍ່ໄດ້​ກູ້​ຢືມ​ຈາກ​ຊົນຊາດ​ໃດ.

ຢາໂກໂບ 5:7

ເຫດສະນັ້ນ ພີ່ນ້ອງ​ທັງຫລາຍ​ຂອງເຮົາ​ເອີຍ, ຈົ່ງ​ອົດທົນ​ຈົນກວ່າ​ອົງພຣະ​ຜູ້​ເປັນເຈົ້າ​ຈະ​ສະເດັດ​ມາ. ຈົ່ງ​ເບິ່ງ​ຊາວ​ປູກຝັງ​ທີ່​ລໍຄອຍ​ຜົນ​ອັນ​ມີຄ່າ ທີ່​ຈະ​ໄດ້​ຮັບ​ຈາກ​ແຜ່ນດິນ ເຂົາ​ພຽນ​ຄອຍ​ຈົນກວ່າ​ມີ​ຝົນ​ຕົ້ນ​ລະດູ​ແລະ​ຝົນ​ປາຍ​ລະດູ.

ພຣະນິມິດ 11:6

ພະຍານ​ທັງສອງ​ນີ້ ມີ​ສິດ​ອຳນາດ​ທີ່​ຈະ​ອັດ​ທ້ອງຟ້າ​ໄວ້ ເພື່ອ​ບໍ່​ໃຫ້​ຝົນ​ຕົກ​ໃນ​ຂະນະທີ່​ພວກເພິ່ນ​ປະກາດ​ພຣະທຳ​ຂອງ​ພຣະເຈົ້າ​ຢູ່​ນັ້ນ ພວກເພິ່ນ​ຍັງ​ມີ​ສິດ​ອຳນາດ​ເຮັດ​ໃຫ້​ນໍ້າ​ກາຍເປັນ​ເລືອດ​ໄດ້ ທັງ​ມີ​ສິດ​ອຳນາດ​ບັນດານ​ໃຫ້​ໄພ​ອັນຕະລາຍ​ທຸກຢ່າງ ທໍລະມານ​ແຜ່ນດິນ​ໂລກ​ໄດ້​ທຸກ​ເວລາ ຕາມ​ຄວາມ​ປາຖະໜາ.