ລະບຽບ^ພວກເລວີ 24:6 - ພຣະຄຳພີສັກສິ

⁶ ເມື່ອ​ເຮັດ​ແລ້ວ ຈົ່ງ​ວາງ​ເຂົ້າຈີ່​ນັ້ນ​ເປັນ​ສອງ​ແຖວ​ຄື: ແຖວ​ລະ​ຫົກ​ກ້ອນ​ເທິງ​ໂຕະ​ທີ່​ໂອບ​ດ້ວຍ​ຄຳສົດ ຊຶ່ງ​ຕັ້ງ​ໄວ້​ຢູ່​ຕໍ່ໜ້າ​ອົງພຣະ​ຜູ້​ເປັນເຈົ້າ.

ລະບຽບ^ພວກເລວີ 24:6 Jak'a apnaqawi uñst'ayäwi

1 ກະສັດ 7:48

ກະສັດ​ໂຊໂລໂມນ​ຍັງ​ໄດ້​ເຮັດ​ເຄື່ອງໃຊ້​ໃນ​ວິຫານ​ຂອງ​ພຣະເຈົ້າຢາເວ​ດ້ວຍ​ຄຳ ມີ​ດັ່ງນີ້: ແທ່ນບູຊາ, ໂຕະ​ສຳລັບ​ໃສ່​ເຂົ້າຈີ່​ຖວາຍ​ແກ່​ພຣະເຈົ້າ,

2 ຂ່າວຄາວ 13:11

ທຸກ​ເຊົ້າ​ແລະ​ທຸກ​ແລງ ພວກເຂົາ​ໄດ້​ຖວາຍ​ເຄື່ອງຫອມ ແລະ​ຂ້າ​ສັດ​ເຜົາ​ທັງ​ໂຕ​ບູຊາ​ແກ່​ພຣະເຈົ້າຢາເວ. ພວກເຂົາ​ຖວາຍ​ເຂົ້າຈີ່​ທີ່​ເທິງ​ໂຕະ ຊຶ່ງ​ຖືກ​ຊຳລະ​ໃຫ້​ໝົດ​ມົນທິນ​ແລ້ວ​ຕາມ​ພິທີ ແລະ​ທຸກ​ແລງ​ພວກເຂົາ​ໄດ້​ໄຕ້​ຕະກຽງ​ເທິງ​ຫລັກ​ຮອງ​ຕະກຽງ​ທີ່​ເຮັດ​ດ້ວຍ​ຄຳ. ພວກເຮົາ​ປະຕິບັດ​ຕາມ​ສິ່ງ​ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຮົາ​ໄດ້​ສັ່ງ​ໄວ້, ແຕ່​ພວກທ່ານ​ໄດ້​ປະຖິ້ມ​ພຣະອົງ.

2 ຂ່າວຄາວ 4:19

ກະສັດ​ໂຊໂລໂມນ​ຍັງ​ມີ​ເຄື່ອງ​ຕົບແຕ່ງ​ວິຫານ​ຂອງ​ພຣະເຈົ້າ​ທີ່​ເຮັດ​ດ້ວຍ​ຄຳ​ເຊັ່ນກັນ ດັ່ງນີ້: ແທ່ນບູຊາ​ແລະ​ໂຕະ​ໃສ່​ເຂົ້າຈີ່​ທີ່​ຖວາຍ​ໄວ້;

ເນເຫມີຢາ 10:33

ພວກ​ຂ້ານ້ອຍ​ຈະ​ຈັດຫາ​ໄວ້​ສຳລັບ​ການ​ນະມັດສະການ​ໃນ​ພຣະວິຫານ ດັ່ງນີ້: ເຂົ້າຈີ່​ສັກສິດ, ພືດຜົນ​ເປັນເມັດ​ທີ່​ຖວາຍ​ປະຈຳວັນ, ສັດ​ຫລາຍ​ໂຕ​ທີ່​ຕ້ອງ​ເຜົາບູຊາ​ແຕ່ລະວັນ, ເຄື່ອງ​ຖວາຍບູຊາ​ສັກສິດ​ສຳລັບ​ວັນ​ຊະບາໂຕ, ສຳລັບ​ວັນ​ເດືອນ​ຂຶ້ນ​ໃໝ່ ແລະ​ສຳລັບ​ວັນ​ອື່ນໆ, ເຄື່ອງ​ຖວາຍບູຊາ​ສັກສິດ​ອື່ນໆ, ເຄື່ອງ​ຖວາຍບູຊາ​ເພື່ອ​ລຶບລ້າງ​ບາບ​ຂອງ​ຊາດ​ອິດສະຣາເອນ ແລະ​ສິ່ງ​ອື່ນໆ​ອີກ ທີ່​ຈຳເປັນ​ສຳລັບ​ພຣະວິຫານ.

ເນເຫມີຢາ 10:34

ພວກ​ຂ້ານ້ອຍ, ປະຊາຊົນ, ບັນດາ​ປະໂຣຫິດ ແລະ​ຊາວ​ເລວີ ຈະ​ໃຊ້​ສະຫລາກ​ແຕ່ລະປີ ເພື່ອ​ຕັດສິນ​ຊີ້ຂາດ​ຢ່າງ​ຄັກແນ່​ວ່າ ຕະກຸນໃດ​ຈະ​ເປັນ​ຜູ້​ຈັດຫາ​ຟືນ​ມາ​ທີ່​ວິຫານ​ຂອງ​ພຣະເຈົ້າ​ຂອງ​ພວກ​ຂ້ານ້ອຍ ເພື່ອ​ເຜົາ​ບູຊາ​ຖວາຍ​ແກ່​ພຣະເຈົ້າຢາເວ ພຣະເຈົ້າ​ຂອງ​ພວກ​ຂ້ານ້ອຍ ຕາມ​ທີ່​ກົດບັນຍັດ​ຂອງ​ພຣະອົງ​ໄດ້​ຂຽນ​ໄວ້.

ອົບພະຍົບ 25:30

ຈົ່ງ​ວາງ​ໂຕະ​ໄວ້​ຢູ່​ຕໍ່ໜ້າ​ຫີບ​ພັນທະສັນຍາ ແລະ​ທີ່​ເທິງ​ໂຕະ​ນັ້ນ ຈົ່ງ​ວາງ​ເຂົ້າຈີ່​ທີ່​ຖວາຍບູຊາ​ແກ່​ເຮົາ​ຕະຫລອດໄປ.

ອົບພະຍົບ 39:36

ໂຕະ​ແລະ​ເຄື່ອງໃຊ້​ທຸກຢ່າງ​ປະຈຳ​ໂຕະ​ແລະ​ເຂົ້າຈີ່​ຖວາຍ;

ເອເຊກຽນ 41:22

ແທ່ນບູຊາ​ແທ່ນ​ໜຶ່ງ​ທີ່​ເຮັດ​ດ້ວຍ​ໄມ້ ສູງ​ໜຶ່ງ​ແມັດ​ເຄິ່ງ​ແລະ​ກວ້າງ​ໜຶ່ງ​ແມັດ. ເສົາ​ທີ່​ແຈ, ພື້ນຖານ, ກັບ​ຂອບ​ຂອງ​ແທ່ນ ລ້ວນແຕ່​ເຮັດ​ດ້ວຍ​ໄມ້​ທັງນັ້ນ. ຊາຍ​ຜູ້ນັ້ນ​ໄດ້​ກ່າວ​ແກ່​ຂ້າພະເຈົ້າ​ວ່າ, “ນີ້​ແຫຼະ​ແມ່ນ​ໂຕະ​ທີ່​ຕັ້ງ​ໄວ້​ຢູ່​ຕໍ່ໜ້າ​ພຣະເຈົ້າຢາເວ.”

1 ໂກຣິນໂທ 14:40

ຈົ່ງ​ເຮັດ​ທຸກສິ່ງ​ໃຫ້​ຖືກຕ້ອງ​ແລະ​ມີ​ລະບຽບ.

ເຮັບເຣີ 9:2

ດ້ວຍວ່າ, ມີ​ຫໍເຕັນ​ສັກສິດ​ທີ່​ຈັດຕັ້ງ​ຂຶ້ນ​ແລ້ວ ຄື​ຫ້ອງ​ຊັ້ນນອກ ຊຶ່ງ​ມີ​ຫລັກ​ຕະກຽງ ມີ​ໂຕະ ແລະ​ມີ​ເຂົ້າຈີ່​ທີ່​ຕັ້ງ​ຖວາຍ​ໄວ້ ຫ້ອງ​ທຳອິດ​ນີ້​ເອີ້ນ​ວ່າ, ສະຖານທີ່​ສັກສິດ.