ລະບຽບ^ພວກເລວີ 24:5 - ພຣະຄຳພີສັກສິ

⁵ ຈົ່ງ​ເອົາ​ແປ້ງ​ສິບສອງ​ກິໂລກຼາມ​ມາ ແລະ​ປັ້ນ​ເຮັດ​ເຂົ້າຈີ່​ສິບສອງ​ກ້ອນ.

ລະບຽບ^ພວກເລວີ 24:5 Jak'a apnaqawi uñst'ayäwi

1 ກະສັດ 18:31

ເພິ່ນ​ໄດ້​ເອົາ​ຫີນ​ສິບສອງ​ກ້ອນ ຄື​ກ້ອນ​ໜຶ່ງ​ສຳລັບ​ແຕ່ລະເຜົ່າ​ໃນ​ສິບສອງ​ເຜົ່າ ຕາມ​ຊື່​ລູກຊາຍ​ຂອງ​ຢາໂຄບ​ຜູ້​ທີ່​ພຣະເຈົ້າຢາເວ​ໃສ່​ຊື່​ໃຫ້​ວ່າ ອິດສະຣາເອນ.

1 ຂ່າວຄາວ 23:29

ຮັບຜິດຊອບ​ເຂົ້າຈີ່​ທີ່​ຖວາຍ​ແກ່​ພຣະເຈົ້າ, ແປ້ງເຂົ້າ​ທີ່​ໃຊ້​ໃນ​ການ​ຖວາຍບູຊາ, ເຂົ້າໜົມ​ທີ່​ບໍ່ມີ​ເຊື້ອແປ້ງ, ເຄື່ອງ​ປີ້ງ​ບູຊາ ແລະ​ແປ້ງເຂົ້າ​ປະສົມ​ນໍ້າມັນ​ໝາກກອກເທດ; ຊັ່ງ​ແລະ​ຕັກຕວງ​ເຄື່ອງ​ຖວາຍ​ໃນ​ພຣະວິຫານ;

1 ຂ່າວຄາວ 9:32

ສະມາຊິກ​ໃນ​ຕະກຸນ​ຂອງ​ໂກຮາດ​ເປັນ​ຜູ້​ຮັບຜິດຊອບ ຈັດແຈ່ງ​ເຂົ້າຈີ່​ສັກສິດ ລຽນໄວ້​ເປັນ​ແຖວ, ເພື່ອ​ຈັດຕຽມ​ເຂົ້າຈີ່​ນັ້ນ​ທຸກໆ​ວັນ​ຊະບາໂຕ.

2 ຂ່າວຄາວ 13:11

ທຸກ​ເຊົ້າ​ແລະ​ທຸກ​ແລງ ພວກເຂົາ​ໄດ້​ຖວາຍ​ເຄື່ອງຫອມ ແລະ​ຂ້າ​ສັດ​ເຜົາ​ທັງ​ໂຕ​ບູຊາ​ແກ່​ພຣະເຈົ້າຢາເວ. ພວກເຂົາ​ຖວາຍ​ເຂົ້າຈີ່​ທີ່​ເທິງ​ໂຕະ ຊຶ່ງ​ຖືກ​ຊຳລະ​ໃຫ້​ໝົດ​ມົນທິນ​ແລ້ວ​ຕາມ​ພິທີ ແລະ​ທຸກ​ແລງ​ພວກເຂົາ​ໄດ້​ໄຕ້​ຕະກຽງ​ເທິງ​ຫລັກ​ຮອງ​ຕະກຽງ​ທີ່​ເຮັດ​ດ້ວຍ​ຄຳ. ພວກເຮົາ​ປະຕິບັດ​ຕາມ​ສິ່ງ​ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຮົາ​ໄດ້​ສັ່ງ​ໄວ້, ແຕ່​ພວກທ່ານ​ໄດ້​ປະຖິ້ມ​ພຣະອົງ.

ເນເຫມີຢາ 10:33

ພວກ​ຂ້ານ້ອຍ​ຈະ​ຈັດຫາ​ໄວ້​ສຳລັບ​ການ​ນະມັດສະການ​ໃນ​ພຣະວິຫານ ດັ່ງນີ້: ເຂົ້າຈີ່​ສັກສິດ, ພືດຜົນ​ເປັນເມັດ​ທີ່​ຖວາຍ​ປະຈຳວັນ, ສັດ​ຫລາຍ​ໂຕ​ທີ່​ຕ້ອງ​ເຜົາບູຊາ​ແຕ່ລະວັນ, ເຄື່ອງ​ຖວາຍບູຊາ​ສັກສິດ​ສຳລັບ​ວັນ​ຊະບາໂຕ, ສຳລັບ​ວັນ​ເດືອນ​ຂຶ້ນ​ໃໝ່ ແລະ​ສຳລັບ​ວັນ​ອື່ນໆ, ເຄື່ອງ​ຖວາຍບູຊາ​ສັກສິດ​ອື່ນໆ, ເຄື່ອງ​ຖວາຍບູຊາ​ເພື່ອ​ລຶບລ້າງ​ບາບ​ຂອງ​ຊາດ​ອິດສະຣາເອນ ແລະ​ສິ່ງ​ອື່ນໆ​ອີກ ທີ່​ຈຳເປັນ​ສຳລັບ​ພຣະວິຫານ.

ເນເຫມີຢາ 10:34

ພວກ​ຂ້ານ້ອຍ, ປະຊາຊົນ, ບັນດາ​ປະໂຣຫິດ ແລະ​ຊາວ​ເລວີ ຈະ​ໃຊ້​ສະຫລາກ​ແຕ່ລະປີ ເພື່ອ​ຕັດສິນ​ຊີ້ຂາດ​ຢ່າງ​ຄັກແນ່​ວ່າ ຕະກຸນໃດ​ຈະ​ເປັນ​ຜູ້​ຈັດຫາ​ຟືນ​ມາ​ທີ່​ວິຫານ​ຂອງ​ພຣະເຈົ້າ​ຂອງ​ພວກ​ຂ້ານ້ອຍ ເພື່ອ​ເຜົາ​ບູຊາ​ຖວາຍ​ແກ່​ພຣະເຈົ້າຢາເວ ພຣະເຈົ້າ​ຂອງ​ພວກ​ຂ້ານ້ອຍ ຕາມ​ທີ່​ກົດບັນຍັດ​ຂອງ​ພຣະອົງ​ໄດ້​ຂຽນ​ໄວ້.

ອົບພະຍົບ 25:30

ຈົ່ງ​ວາງ​ໂຕະ​ໄວ້​ຢູ່​ຕໍ່ໜ້າ​ຫີບ​ພັນທະສັນຍາ ແລະ​ທີ່​ເທິງ​ໂຕະ​ນັ້ນ ຈົ່ງ​ວາງ​ເຂົ້າຈີ່​ທີ່​ຖວາຍບູຊາ​ແກ່​ເຮົາ​ຕະຫລອດໄປ.

ອົບພະຍົບ 39:36

ໂຕະ​ແລະ​ເຄື່ອງໃຊ້​ທຸກຢ່າງ​ປະຈຳ​ໂຕະ​ແລະ​ເຂົ້າຈີ່​ຖວາຍ;

ອົບພະຍົບ 40:23

ແລະ​ເອົາ​ເຂົ້າຈີ່ ຊຶ່ງ​ຖວາຍ​ແກ່​ພຣະເຈົ້າຢາເວ​ນັ້ນ​ວາງ​ໄວ້​ທີ່​ເທິງ​ໂຕະ ຕາມ​ທີ່​ພຣະເຈົ້າຢາເວ​ໄດ້​ສັ່ງ​ໄວ້​ນັ້ນ​ທຸກປະການ.

ອົບພະຍົບ 40:4

ຈົ່ງ​ຍົກ​ໂຕະ​ເຂົ້າ​ມາ ແລະ​ຈັດ​ເຄື່ອງໃຊ້​ທຸກຢ່າງ​ປະຈຳ​ໂຕະ​ໄວ້. ແລ້ວ​ຍົກ​ຫລັກ​ຕະກຽງ​ເຂົ້າ​ມາ ແລະ​ໃຕ້​ຕະກຽງ​ໄວ້​ເທິງ​ຫລັກ.

ຈົດບັນຊີ 4:7

ຕ້ອງ​ປູ​ຜ້າ​ສີຟ້າ​ລົງ​ເທິງ​ໂຕະ​ກ່ອນ ຊຶ່ງ​ມີ​ເຂົ້າຈີ່​ຖວາຍ​ວາງ​ໄວ້​ທີ່​ນັ້ນ ແລ້ວ​ຈຶ່ງ​ເອົາ​ຊາມ, ຈານ​ເຄື່ອງຫອມ, ຈານ​ໃສ່​ເຄື່ອງ​ຖວາຍ ແລະ​ຈອກ​ໃສ່​ເຫຼົ້າ​ອະງຸ່ນ​ສຳລັບ​ຖວາຍ ວາງ​ໃສ່​ເທິງ​ໂຕະ. ສ່ວນ​ເຂົ້າຈີ່​ນັ້ນ ຈະ​ຕ້ອງ​ມີ​ຢູ່​ເທິງ​ໂຕະ​ສະເໝີ.

ມັດທາຍ 12:4

ເພິ່ນ​ໄດ້​ເຂົ້າ​ໄປ​ໃນ​ວິຫານ​ຂອງ​ພຣະເຈົ້າ ແລະ​ໄດ້​ກິນ​ເຂົ້າຈີ່​ທີ່​ໄດ້​ຖວາຍ​ແກ່​ພຣະເຈົ້າ ຊຶ່ງ​ເພິ່ນ​ແລະ​ຄົນ​ຂອງ​ເພິ່ນ​ບໍ່ມີ​ສິດ​ທີ່​ຈະ​ກິນ​ເຂົ້າຈີ່​ນັ້ນ ເພາະ​ແມ່ນ​ປະໂຣຫິດ​ເທົ່ານັ້ນ ທີ່​ມີ​ສິດ​ກິນ​ເຂົ້າຈີ່​ນັ້ນ​ໄດ້.

ກິດຈະການ 26:7

ປະຊາຊົນ​ຂອງ​ພວກ​ຂ້ານ້ອຍ​ທັງ​ສິບສອງ​ເຜົ່າ ຫວັງ​ໄດ້​ຮັບ​ຕາມ​ທີ່​ພຣະເຈົ້າ​ໄດ້​ສັນຍາ​ໄວ້​ນັ້ນ ຈຶ່ງ​ນະມັດສະການ​ພຣະເຈົ້າ​ດ້ວຍ​ໃຈ​ຮ້ອນຮົນ​ທັງເວັນ​ທັງຄືນ, ກະສັດ​ອັກຄຼີປາ​ທີ່​ນັບຖື ຍ້ອນ​ຄວາມຫວັງ​ອັນນີ້ ທີ່​ພວກ​ຢິວ​ກ່າວຫາ​ຂ້ານ້ອຍ.

ເຮັບເຣີ 9:2

ດ້ວຍວ່າ, ມີ​ຫໍເຕັນ​ສັກສິດ​ທີ່​ຈັດຕັ້ງ​ຂຶ້ນ​ແລ້ວ ຄື​ຫ້ອງ​ຊັ້ນນອກ ຊຶ່ງ​ມີ​ຫລັກ​ຕະກຽງ ມີ​ໂຕະ ແລະ​ມີ​ເຂົ້າຈີ່​ທີ່​ຕັ້ງ​ຖວາຍ​ໄວ້ ຫ້ອງ​ທຳອິດ​ນີ້​ເອີ້ນ​ວ່າ, ສະຖານທີ່​ສັກສິດ.

ຢາໂກໂບ 1:1

ຈາກ ຢາໂກໂບ, ຜູ້​ຮັບໃຊ້​ຂອງ​ພຣະເຈົ້າ ແລະ​ຂອງ​ອົງ​ພຣະເຢຊູ​ຄຣິດເຈົ້າ. ເຖິງ​ຄົນ​ສິບສອງ​ຕະກຸນ​ທີ່​ກະຈັດ​ກະຈາຍ​ຢູ່​ນັ້ນ.

1 ຊາມູເອນ 21:6

ດັ່ງນັ້ນ ປະໂຣຫິດ​ຈຶ່ງ​ເອົາ​ເຂົ້າຈີ່​ບໍຣິສຸດ​ສັກສິດ​ນັ້ນ​ໃຫ້​ດາວິດ ເພາະ​ເພິ່ນ​ມີ​ແຕ່​ເຂົ້າຈີ່​ທີ່​ໄດ້​ຖວາຍ​ຕໍ່ໜ້າ​ພຣະເຈົ້າຢາເວ​ແລ້ວ​ເທົ່ານັ້ນ ຊຶ່ງ​ໄດ້​ເອົາ​ມາ​ຈາກ​ໂຕະ​ສັກສິດ ແລະ​ເອົາ​ເຂົ້າຈີ່​ໃໝ່​ມາ​ວາງ​ໄວ້​ແທນ.

1 ຊາມູເອນ 21:7

ໃນ​ມື້​ນັ້ນ ໂດເອັກ ຄົນ​ເອໂດມ​ຫົວໜ້າ​ຄົນລ້ຽງແກະ​ຂອງ​ກະສັດ​ໂຊນ​ກໍ​ຢູ່​ໃນ​ທີ່ນັ້ນ ເພື່ອ​ປະຕິບັດ​ໜ້າທີ່​ຕໍ່ໜ້າ​ພຣະເຈົ້າຢາເວ.