ລະບຽບ^ພວກເລວີ 23:41 - ພຣະຄຳພີສັກສິ

⁴¹ ຈົ່ງ​ສະຫລອງ​ເທດສະການ​ນີ້​ເຈັດ​ວັນ. ໃຫ້​ເຊື້ອສາຍ​ຂອງ​ພວກເຈົ້າ​ຢຶດຖື​ລະບຽບ​ການ​ນີ້​ທຸກຍຸກ​ທຸກສະໄໝ​ສືບໄປ.

ລະບຽບ^ພວກເລວີ 23:41 Jak'a apnaqawi uñst'ayäwi

ເນເຫມີຢາ 8:18

ທຸກໆ​ວັນ ຕັ້ງແຕ່​ວັນ​ທຳອິດ​ຈົນຮອດ​ວັນ​ສຸດທ້າຍ​ຂອງ​ເທດສະການ ພວກເຂົາ​ໄດ້ອ່ານ​ຈາກ​ປື້ມ​ກົດບັນຍັດ​ຂອງ​ພຣະເຈົ້າ. ງານ​ສະຫລອງ​ມີ​ຢູ່​ເຈັດ​ວັນ ແລະ​ໃນ​ວັນ​ທີ​ແປດ​ແມ່ນ​ມີ​ການ​ຊຸມນຸມ​ເຮັດ​ພິທີ​ປິດ​ຕາມ​ກົດບັນຍັດ.

ລະບຽບ^ພວກເລວີ 23:14

ຢ່າ​ກິນ​ພືດຜົນ​ເປັນເມັດ​ຊຶ່ງ​ເກັບກ່ຽວ​ໃໝ່​ໃດໆ​ທັງ​ສິ້ນ ບໍ່​ວ່າ​ກິນ​ດິບ ຫລື​ປີ້ງ ຫລື​ອົບ​ເປັນ​ເຂົ້າຈີ່; ຈົນກວ່າ​ພວກເຈົ້າ​ໄດ້​ຖວາຍ​ສິ່ງ​ເຫຼົ່ານີ້​ແກ່​ພຣະເຈົ້າ​ຂອງ​ພວກເຈົ້າ​ແລ້ວ. ໃຫ້​ເຊື້ອສາຍ​ຂອງ​ພວກເຈົ້າ​ຢຶດຖື​ລະບຽບ​ການ​ນີ້​ໄວ້​ທຸກຍຸກ​ທຸກສະໄໝ​ສືບໄປ.

ລະບຽບ^ພວກເລວີ 23:40

ໃນວັນນີ້ ຈົ່ງ​ນຳ​ໝາກໄມ້​ຢ່າງດີ​ທີ່ສຸດ​ຈາກ​ຕົ້ນໄມ້​ຂອງ​ພວກເຈົ້າ​ມາ, ໃບ​ຕານ​ກ້ານພ້າວ​ກັບ​ງ່າໄມ້​ທີ່​ມີ​ໃບ​ດົກ ແລະ​ຈົ່ງ​ຊົມຊື່ນຍິນດີ​ຢູ່​ຕໍ່ໜ້າ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໃນ​ລະຫວ່າງ​ເຈັດ​ວັນ.

ລະບຽບ^ພວກເລວີ 23:42

ປະຊາຊົນ​ອິດສະຣາເອນ​ທຸກຄົນ​ຈະ​ຕ້ອງ​ສະຫລອງ​ເທດສະການ​ປຸກຕູບຢູ່​ເປັນ​ເວລາ​ເຈັດ​ວັນ,

ຈົດບັນຊີ 29:12

ໃນ​ວັນ​ທີ​ສິບຫ້າ​ຂອງ​ເດືອນ​ທີ​ເຈັດ​ໃຫ້​ພວກເຈົ້າ​ເຕົ້າໂຮມ​ກັນ​ເພື່ອ​ນະມັດສະ​ການ. ຈົ່ງ​ສະຫລອງ​ເທດສະການ​ນີ້ ເພື່ອ​ຍົກຍໍ​ໃຫ້ກຽດ​ພຣະເຈົ້າຢາເວ​ຕະຫລອດ​ເຈັດ​ວັນ ແລະ​ຢ່າ​ເຮັດ​ວຽກ​ໃດໆ​ທັງ​ສິ້ນ.