ລະບຽບ^ພວກເລວີ 23:11 - ພຣະຄຳພີສັກສິ

¹¹ ປະໂຣຫິດ​ຈະ​ຍົກ​ຮວງເຂົ້າ​ຂຶ້ນ​ແກວ່ງໄປ​ແກວ່ງມາ ເປັນ​ເຄື່ອງ​ຖວາຍບູຊາ​ພິເສດ​ຕໍ່ໜ້າ​ພຣະເຈົ້າຢາເວ ເພື່ອ​ວ່າ​ພຣະອົງ​ຈະ​ຮັບ​ຮອງ​ເອົາ​ພວກເຈົ້າ. ປະໂຣຫິດ​ຈະ​ຖວາຍ​ຮວງເຂົ້າ​ໃນ​ມື້​ໃໝ່ ຫລັງຈາກ​ວັນ​ຊະບາໂຕ.

ລະບຽບ^ພວກເລວີ 23:11 Jak'a apnaqawi uñst'ayäwi

ອົບພະຍົບ 28:38

ຈົ່ງ​ໃຫ້​ອາໂຣນ​ໃສ່​ເຄື່ອງ​ປະດັບ​ນັ້ນ​ປິ່ນ​ມາ​ທາງ​ໜ້າ ເພື່ອ​ວ່າ​ພຣະເຈົ້າຢາເວ​ຈະ​ຮັບ​ເອົາ​ການ​ຖວາຍ​ທຸກຢ່າງ ທີ່​ປະຊາຊົນ​ອິດສະຣາເອນ​ຖວາຍ ເຖິງ​ແມ່ນ​ວ່າ​ປະຊາຊົນ​ໄດ້​ເຮັດ​ຜິດ​ບາງສິ່ງ​ບາງຢ່າງ​ໃນ​ການ​ຖວາຍ​ກໍຕາມ.

ອົບພະຍົບ 29:24

ຈົ່ງ​ວາງ​ສິ່ງ​ເຫຼົ່ານີ້​ໃສ່​ໃນ​ອົ້ງ​ມື​ຂອງ​ອາໂຣນ ແລະ​ພວກ​ລູກຊາຍ​ຂອງ​ລາວ ແລ້ວ​ບອກ​ພວກເຂົາ​ໃຫ້​ຖວາຍ​ແກວ່ງໄປ​ແກວ່ງມາ​ເພື່ອ​ເປັນ​ເຄື່ອງ​ບູຊາ​ແກວ່ງໄປ​ແກວ່ງມາ​ຖວາຍ​ຕໍ່ໜ້າ​ພຣະເຈົ້າຢາເວ.

ລະບຽບ^ພວກເລວີ 10:14

ແຕ່​ເຈົ້າ​ພ້ອມ​ຄອບຄົວ​ຂອງ​ເຈົ້າ​ຈົ່ງ​ກິນ​ຊີ້ນ​ໜ້າເອິກ​ແລະ​ຊີ້ນ​ຂາ​ຫລັງ ແລະ​ຈົ່ງ​ກິນ​ໄດ້​ໃນ​ທຸກໆ​ບ່ອນ​ທີ່​ບໍ່​ເປັນ​ມົນທິນ​ຕາມ​ກົດບັນຍັດ. ເຄື່ອງ​ຖວາຍ​ເຫຼົ່ານີ້​ໄດ້​ມອບ​ແກ່​ເຈົ້າ​ແລະ​ເຊື້ອສາຍ​ຂອງ​ເຈົ້າ​ແລ້ວ ຊຶ່ງ​ເປັນ​ສ່ວນ​ທີ່​ພວກເຈົ້າ​ໄດ້​ຮັບ​ຈາກ​ການ​ຖວາຍ ເພື່ອ​ຄວາມ​ສາມັກຄີທຳ​ຂອງ​ປະຊາຊົນ​ອິດສະຣາເອນ.

ລະບຽບ^ພວກເລວີ 23:12

ໃນ​ວັນ​ທີ່​ພວກເຈົ້າ​ຖວາຍ​ພືດຜົນ​ເປັນເມັດ​ແກວ່ງໄປ​ແກວ່ງມາ​ນັ້ນ ພວກເຈົ້າ​ຈົ່ງ​ເຜົາ​ລູກແກະ​ໂຕໜຶ່ງ​ທີ່​ມີ​ສຸຂະພາບ​ດີ​ແລະ​ບໍ່ມີຕຳໜິ​ອາຍຸ​ໜຶ່ງ​ປີ ຖວາຍບູຊາ​ແກ່​ພຣະເຈົ້າຢາເວ.

ລະບຽບ^ພວກເລວີ 9:21

ສ່ວນ​ຊີ້ນ​ໜ້າເອິກ​ແລະ​ຂາ​ຫລັງ​ເບື້ອງຂວາ​ນັ້ນ ໃຫ້​ເປັນ​ເຄື່ອງ​ຖວາຍ​ແກວ່ງໄປ​ແກວ່ງມາ​ຕໍ່ໜ້າ​ພຣະເຈົ້າຢາເວ ເພື່ອ​ເປັນ​ສ່ວນ​ມອບ​ໃຫ້​ປະໂຣຫິດ ຕາມ​ທີ່​ໂມເຊ​ໄດ້​ສັ່ງ​ໄວ້​ທຸກປະການ.

ນາງຣຸດ 1:22

ດັ່ງນັ້ນ ນາໂອມີ​ຈຶ່ງ​ກັບ​ມາ​ຈາກ​ດິນແດນ​ໂມອາບ​ກັບ​ນາງຣຸດ​ຊາວ​ໂມອາບ​ຜູ້​ທີ່​ເປັນ​ລູກໃພ້. ເມື່ອ​ທັງສອງ​ມາ​ຮອດ​ເມືອງ​ເບັດເລເຮັມ​ນັ້ນ ກໍ​ພໍດີ​ຖືກ​ກັບ​ຕົ້ນ​ລະດູ​ເກັບກ່ຽວ​ເຂົ້າເດືອຍ.