ລະບຽບ^ພວກເລວີ 22:23 - ພຣະຄຳພີສັກສິ

²³ ສ່ວນ​ການ​ຖວາຍ​ຕາມໃຈ​ສັດທາ​ນັ້ນ ພວກເຈົ້າ​ຖວາຍ​ສັດ​ທີ່​ເປັນ​ໝັນ ຫລື​ຕົນ​ໂຕ​ທີ່​ບໍ່​ສົມບູນ​ໄດ້, ແຕ່​ສຳລັບ​ການ​ຖວາຍ​ເພື່ອ​ແກ້​ບະບົນ​ນັ້ນ​ຈະ​ບໍ່​ເປັນ​ທີ່​ຍອມຮັບ​ໄດ້.

ລະບຽບ^ພວກເລວີ 22:23 Jak'a apnaqawi uñst'ayäwi

ອົບພະຍົບ 35:29

ປະຊາຊົນ​ອິດສະຣາເອນ​ທັງ​ຍິງ​ແລະ​ຊາຍ​ຜູ້​ທີ່​ມີ​ໃຈ​ເຫລື້ອມໃສ​ສັດທາ ກໍໄດ້​ນຳ​ເຄື່ອງ​ຖວາຍ​ຂອງ​ພວກເຂົາ​ມາ​ປະກອບສ່ວນ​ໃນ​ວຽກງານ ຕາມ​ທີ່​ພຣະເຈົ້າຢາເວ​ໄດ້​ສັ່ງ​ຜ່ານ​ທາງ​ໂມເຊ ໃຫ້​ພວກເຂົາ​ເຮັດ​ນັ້ນ​ທຸກປະການ.

ລະບຽບ^ພວກເລວີ 21:18

ບໍ່​ໃຫ້​ຊາຍ​ໃດ​ທີ່​ມີ​ຮ່າງກາຍ​ພິການ​ຖວາຍ​ອາຫານ​ແກ່​ເຮົາ ເຊັ່ນ: ຄົນ​ຕາບອດ, ຄົນ​ຂາ​ພິການ, ຄົນ​ໜ້າ​ຕາ​ເສຍ​ຮູບຊົງ ຫລື​ຕີນມື​ຄົດງໍ;

ລະບຽບ^ພວກເລວີ 22:22

ຢ່າ​ຖວາຍ​ສັດ​ດັ່ງ​ຕໍ່ໄປນີ້​ໃຫ້​ພຣະເຈົ້າຢາເວ ຄື: ສັດ​ຕາບອດ ຫລື​ຂາ​ພິການ ຫລື​ມີ​ແປ້ວ ຫລື​ມີ​ສິ່ງ​ໄຫລ​ອອກ ຫລື​ເປັນ​ຂີ້ກາກ​ຂີ້ຫິດ. ຢ່າ​ຖວາຍ​ສັດ​ເຫຼົ່ານີ້​ເທິງ​ແທ່ນບູຊາ​ເປັນ​ເຄື່ອງ​ບູຊາ​ຖວາຍ​ດ້ວຍໄຟ​ແກ່​ພຣະເຈົ້າຢາເວ.

ລະບຽບ^ພວກເລວີ 22:24

ຢ່າ​ຖວາຍ​ສັດ​ໂຕ​ໃດ​ທີ່​ໝາກ​ໄຂ່​ຫຳ​ຖືກ​ບີບ​ແຕກ, ຖືກ​ຕັດ, ຖືກ​ຕອນ ຫລື​ຖືກ​ລອກ​ອອກ​ແກ່​ພຣະເຈົ້າຢາເວ ສິ່ງ​ນີ້​ບໍ່​ເປັນ​ທີ່​ອະນຸຍາດ​ໃຫ້​ເຮັດ​ໃນ​ດິນແດນ​ຂອງ​ພວກເຈົ້າ​ຢ່າງ​ເດັດຂາດ,

ມາລາກີ 1:8

ເມື່ອ​ພວກເຈົ້າ​ນຳ​ສັດ​ຕາບອດ ຫລື​ສັດ​ເຈັບໂຊ ຫລື​ສັດ​ຂາ​ພິການ ມາ​ຖວາຍ​ແກ່​ເຮົາ ພວກເຈົ້າ​ຄິດວ່າ​ເປັນ​ການ​ຖືກຕ້ອງ​ແລ້ວ​ບໍ? ຈົ່ງ​ລອງ​ນຳ​ສັດ​ເຊັ່ນນັ້ນ​ໄປ​ໃຫ້​ຜູ້ປົກຄອງ​ຂອງ​ພວກເຈົ້າ​ເບິ່ງດູ ເພິ່ນ​ຈະ​ພໍໃຈ​ນຳ​ພວກເຈົ້າ​ບໍ? ຫລື​ພວກເຈົ້າ​ຈະ​ໄດ້​ຮັບ​ຄວາມດີ​ຄວາມຊອບ​ຫຍັງ​ແດ່​ຈາກ​ເພິ່ນ?” ພຣະເຈົ້າຢາເວ​ຊົງຣິດ​ອຳນາດ​ຍິ່ງໃຫຍ່​ກ່າວ​ດັ່ງນັ້ນແຫຼະ.

ພຣະບັນຍັດສອງ 15:21

ແຕ່​ຖ້າ​ສັດ​ນັ້ນ​ບໍ່​ປົກກະຕິ​ຄື​ເປັນ​ງ່ອຍ ຫລື​ຕາບອດ ຫລື​ພິການ ຢ່າ​ນຳ​ມາ​ຖວາຍບູຊາ​ແກ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ຢ່າງ​ເດັດຂາດ.

ພຣະບັນຍັດສອງ 17:1

“ຢ່າ​ເອົາ​ງົວ​ຫລື​ແກະ​ທີ່​ມີ​ສຸຂະພາບ​ບໍ່​ດີ​ແລະ​ມີ​ຕຳໜິ ຖວາຍ​ແກ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ການ​ເຮັດ​ເຊັ່ນນີ້​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ກຽດຊັງ​ຫລາຍ​ທີ່ສຸດ.