ລະບຽບ^ພວກເລວີ 21:9 - ພຣະຄຳພີສັກສິ

⁹ ຖ້າ​ລູກສາວ​ຂອງ​ປະໂຣຫິດ​ເປັນ​ໂສເພນີ ນາງ​ກໍ​ເຮັດ​ໃຫ້​ພໍ່​ຂອງຕົນ​ໄດ້​ຮັບ​ຄວາມ​ອັບອາຍ​ຂາຍໜ້າ; ນາງ​ຈະ​ຕ້ອງ​ຖືກ​ເຜົາ​ທັງເປັນ.

ລະບຽບ^ພວກເລວີ 21:9 Jak'a apnaqawi uñst'ayäwi

ປະຖົມມະການ 38:24

ຢູ່​ຕໍ່​ມາ ປະມານ​ສາມ​ເດືອນ​ມີ​ຄົນ​ມາ​ບອກ​ຢູດາ​ວ່າ, “ດຽວ​ນີ້​ຕາມາ​ລູກໃພ້​ຂອງ​ເຈົ້າ​ຖືກ​ເຂົາ​ຫລິ້ນ​ມານ​ສາ​ແລ້ວ.” ຢູດາ​ຈຶ່ງ​ສັ່ງ​ວ່າ, “ເອົາ​ນາງ​ອອກ​ມາ​ແລະ​ເຜົາ​ໃຫ້​ຕາຍ​ທັງເປັນ.”

ອົບພະຍົບ 31:14

ຈົ່ງ​ຮັກສາ​ວັນ​ພັກຜ່ອນ​ນີ້ ເພາະ​ເປັນ​ວັນ​ສັກສິດ. ຜູ້ໃດ​ທີ່​ເຮັດ​ວຽກ​ໃນວັນນີ້ ຜູ້ນັ້ນ​ຕ້ອງ​ມີ​ໂທດ​ເຖິງ​ຕາຍ.

ເອຊາຢາ 33:14

ປະຊາຊົນ​ຂອງ​ພູເຂົາ​ຊີໂອນ​ທີ່​ເຮັດ​ບາບ ກຳລັງ​ຢ້ານກົວ​ຈົນ​ຕົວ​ສັ່ນເຊັນ. ພວກເຂົາ​ເວົ້າ​ວ່າ, “ການຕັດສິນ​ຂອງ​ພຣະເຈົ້າ​ເປັນ​ດັ່ງ​ໄຟ​ທີ່​ໄໝ້​ຢູ່​ຕະຫລອດໄປ. ມີ​ຜູ້ໃດ​ແດ່​ໃນ​ພວກເຮົາ​ທີ່​ມີ​ຊີວິດ​ລອດ​ຢູ່​ໄດ້​ໃນ​ໄຟ​ເຊັ່ນນັ້ນ?”

ເອເຊກຽນ 9:6

ຈົ່ງ​ຂ້າ​ຄົນ​ເຖົ້າ, ຊາຍໜຸ່ມ, ຍິງ​ໜຸ່ມ, ບັນດາ​ແມ່ ແລະ​ພວກ​ເດັກນ້ອຍ. ແຕ່​ຢ່າ​ແຕະຕ້ອງ​ຜູ້ໃດ​ທີ່​ມີ​ເຄື່ອງໝາຍ​ທີ່​ໜ້າຜາກ. ຈົ່ງ​ເລີ່ມ​ແຕ່​ພຣະວິຫານ​ຂອງເຮົາ​ໄປ.” ສະນັ້ນ ພວກເຂົາ​ຈຶ່ງ​ໄດ້​ເລີ່ມ​ສັງຫານ​ບັນດາ​ຜູ້ປົກຄອງ​ທີ່​ກຳລັງ​ຢືນ​ຢູ່​ໃນ​ພຣະວິຫານ.

ລະບຽບ^ພວກເລວີ 19:29

ຢ່າ​ເຮັດ​ໃຫ້​ລູກສາວ​ຂອງ​ພວກເຈົ້າ​ອັບອາຍ​ຂາຍໜ້າ ໂດຍ​ຊຸກຍູ້​ໃຫ້​ເຂົາ​ເປັນ​ໂສເພນີ​ຢູ່​ຕາມ​ວັດ. ຖ້າ​ພວກເຈົ້າ​ຂືນ​ເຮັດ ພວກເຈົ້າ​ກໍ​ຫັນ​ໄປ​ຫາ​ພະອື່ນ​ສາ​ແລ້ວ ແລະ​ດິນແດນ​ຂອງ​ພວກເຈົ້າ​ກໍ​ຈະ​ເຕັມ​ໄປ​ດ້ວຍ​ການ​ຜິດ​ສິນທຳ.

ລະບຽບ^ພວກເລວີ 20:14

ຖ້າ​ຊາຍ​ກັບ​ຍິງ​ແຕ່ງງານ​ກັນ ແລະ​ເອົາ​ແມ່​ຂອງ​ຍິງ​ນັ້ນ​ເປັນ​ເມຍ​ດ້ວຍ; ເຂົາ​ທັງ​ສາມ​ຈະ​ຕ້ອງ​ຖືກ​ເຜົາ​ໄຟ​ໃຫ້​ຕາຍ​ທັງ​ເປັນ ຍ້ອນ​ສິ່ງ​ອັບອາຍ​ທີ່​ພວກເຂົາ​ໄດ້​ເຮັດ​ນັ້ນ; ການ​ກະທຳ​ເຊັ່ນນີ້​ບໍ່ຄວນ​ໃຫ້​ເກີດຂຶ້ນ​ໃນ​ທ່າມກາງ​ພວກເຈົ້າ.

ມາລາກີ 2:3

ເຮົາ​ຈະ​ລົງໂທດ​ລູກ​ຂອງ​ພວກເຈົ້າ ແລະ​ເອົາ​ໜ້າ​ພວກເຈົ້າ​ຖູ​ໃສ່​ຂີ້​ສັດ​ທີ່​ພວກເຈົ້າ​ນຳ​ມາ​ຖວາຍບູຊາ​ນັ້ນ ແລ້ວ​ພວກເຈົ້າ​ກໍ​ຈະ​ຖືກ​ໂຍນ​ອອກ​ໄປ​ພ້ອມ​ກັບ​ຂີ້​ສັດ​ນັ້ນ.

ພຣະບັນຍັດສອງ 22:21

ກໍ​ໃຫ້​ນຳ​ຍິງ​ນັ້ນ​ອອກ​ໄປ​ທີ່​ປະຕູ​ເຮືອນ​ພໍ່​ຂອງ​ນາງ ແລ້ວ​ໃຫ້​ຊາວ​ເມືອງ​ແກວ່ງ​ກ້ອນຫີນ​ໃສ່​ໃຫ້​ຕາຍ​ໃນ​ທີ່ນັ້ນ. ນາງ​ໄດ້​ເຮັດ​ສິ່ງ​ທີ່​ອັບອາຍ​ຂາຍໜ້າ​ທ່າມກາງ​ຊາວ​ເມືອງ​ຂອງ​ພວກເຮົາ ໂດຍ​ສົມສູ່​ທາງເພດ​ກ່ອນ​ແຕ່ງງານ​ຄາວ​ທີ່​ນາງ​ໄດ້​ອາໄສ​ຢູ່​ນຳ​ພໍ່​ແມ່. ໃນ​ທຳນອງນີ້​ພວກເຈົ້າ​ຈຶ່ງ​ຈະ​ກຳຈັດ​ຄວາມ​ຊົ່ວຮ້າຍ​ນີ້.

ຕີໂຕ 1:6

ຄື​ພວກ​ຜູ້ປົກຄອງ​ນັ້ນ ຕ້ອງ​ເປັນ​ຜູ້​ທີ່​ບໍ່ມີ​ຂໍ້​ຕິຕຽນ ມີ​ເມຍ​ຄົນ​ດຽວ ມີ​ລູກ​ທີ່​ເຊື່ອ​ໃນ​ພຣະເຈົ້າ ແລະ​ບໍ່​ຖືກ​ກ່າວຫາ​ວ່າ​ເປັນ​ນັກເລງ ຫລື​ເປັນ​ຄົນ​ດື້ດ້ານ.

ໂຢຊວຍ 7:15

ຜູ້ໃດ​ທີ່​ຖືກ​ຈັບ​ໄດ້​ພ້ອມ​ກັບ​ສິ່ງຂອງ​ທີ່​ຕ້ອງ​ຖືກ​ທຳລາຍ ຈະ​ຖືກ​ເຜົາ​ທັງເປັນ​ພ້ອມ​ກັບ​ທຸກໆ​ຄົນ​ໃນ​ຄອບຄົວ​ຂອງ​ລາວ ແລະ​ທຸກໆ​ສິ່ງ​ທີ່​ເປັນ​ຂອງ​ລາວ. ດ້ວຍວ່າ, ລາວ​ໄດ້​ນຳ​ເອົາ​ຄວາມ​ອັບອາຍ​ອັນ​ໃຫຍ່ຫລວງ​ມາ​ສູ່​ຊາດ​ອິດສະຣາເອນ ແລະ​ທັງ​ໄດ້​ລະເມີດ​ພັນທະສັນຍາ​ຂອງ​ພຣະເຈົ້າຢາເວ.”

ໂຢຊວຍ 7:25

ໂຢຊວຍ​ໄດ້​ກ່າວ​ວ່າ, “ເປັນຫຍັງ​ເຈົ້າ​ຈຶ່ງ​ໄດ້​ເຮັດ​ໃຫ້​ພວກເຮົາ​ເດືອດຮ້ອນ​ຢ່າງ​ນີ້? ບັດນີ້​ພຣະເຈົ້າຢາເວ​ຈະ​ເຮັດ​ໃຫ້​ເຈົ້າ​ເດືອດຮ້ອນ.” ພໍ​ກ່າວ​ສຸດ​ແລ້ວ ທຸກຄົນ​ກໍ​ແກວ່ງ​ກ້ອນຫີນ​ໃສ່​ອາການ​ຈົນ​ຕາຍ; ພວກເຂົາ​ຍັງ​ໄດ້​ແກວ່ງ​ກ້ອນຫີນ​ໃສ່​ຄົນ​ໃນ​ຄອບຄົວ​ຂອງ​ລາວ ແລະ​ຈູດ​ພວກເຂົາ​ຕະຫລອດ​ທັງ​ທຸກສິ່ງ​ທີ່​ພວກເຂົາ​ມີ.

1 ຊາມູເອນ 2:17

ບາບ​ຂອງ​ພວກ​ລູກຊາຍ​ຂອງ​ເອລີ​ນີ້​ໜັກ​ທີ່ສຸດ​ຕໍ່​ສາຍຕາ​ຂອງ​ພຣະເຈົ້າຢາເວ ເພາະ​ພວກເຂົາ​ໝິ່ນປະໝາດ​ເຄື່ອງ​ບູຊາ​ທີ່​ໄດ້​ຖືກ​ນຳ​ມາ​ຖວາຍ​ແກ່​ພຣະເຈົ້າຢາເວ.

1 ຊາມູເອນ 2:34

ການນີ້​ຈະ​ເປັນ​ໝາຍສຳຄັນ​ແກ່​ເຈົ້າ ເມື່ອ​ໂຮຟະນີ​ແລະ​ຟີເນຮາ​ລູກຊາຍ​ທັງສອງ​ຂອງ​ເຈົ້າ​ຕາຍໄປ​ໃນ​ວັນ​ດຽວກັນ.