ລະບຽບ^ພວກເລວີ 21:22 - ພຣະຄຳພີສັກສິ

²² ຄົນ​ຢ່າງ​ນັ້ນ​ອາດ​ກິນ​ອາຫານ​ທີ່​ໄດ້​ຖວາຍ​ແກ່​ພຣະເຈົ້າ​ຂອງເຂົາ​ແລ້ວ​ໄດ້ ຄື: ທັງ​ອາຫານ​ທີ່​ຖວາຍ​ແລ້ວ​ຢ່າງ​ບໍຣິສຸດ​ແລະ​ຢ່າງ​ບໍຣິສຸດ​ທີ່ສຸດ;

ລະບຽບ^ພວກເລວີ 21:22 Jak'a apnaqawi uñst'ayäwi

ລະບຽບ^ພວກເລວີ 10:12

ໂມເຊ​ໄດ້​ກ່າວ​ແກ່​ອາໂຣນ​ແລະ​ເອເລອາຊາ​ແລະ​ອີທາມາ ລູກຊາຍ​ສອງ​ຄົນ​ຂອງ​ລາວ​ວ່າ, “ຈົ່ງ​ເອົາ​ພືດຜົນ​ເປັນເມັດ​ທີ່​ເຫຼືອ​ຈາກ​ການ​ຖວາຍ​ແກ່​ພຣະເຈົ້າຢາເວ​ນັ້ນ ມາ​ເຮັດ​ເຂົ້າຈີ່​ບໍ່ມີ​ເຊື້ອແປ້ງ ແລະ​ກິນ​ທີ່​ຂ້າງ​ແທ່ນບູຊາ​ເພາະ​ການ​ຖວາຍ​ນີ້​ແມ່ນ​ບໍຣິສຸດ​ທີ່ສຸດ.

ລະບຽບ^ພວກເລວີ 10:17

“ເປັນຫຍັງ​ພວກເຈົ້າ​ຈຶ່ງ​ບໍ່​ກິນ​ເຄື່ອງ​ຖວາຍ​ລຶບລ້າງ​ບາບ​ໃນ​ບ່ອນ​ບໍຣິສຸດ? ມັນ​ເປັນ​ຂອງ​ບໍຣິສຸດ​ທີ່ສຸດ ແລະ​ພຣະອົງ​ໄດ້​ມອບ​ສິ່ງ​ນັ້ນ​ໃຫ້​ພວກເຈົ້າ ເພື່ອ​ລຶບລ້າງ​ບາບ​ຂອງ​ປະຊາຊົນ​ຕໍ່ໜ້າ​ພຣະເຈົ້າຢາເວ.

ລະບຽບ^ພວກເລວີ 14:13

ເພິ່ນ​ຈະ​ຂ້າປາດຄໍ​ແກະເຖິກ ຢູ່​ໃນ​ບ່ອນ​ສັກສິດ ຄື​ບ່ອນ​ຂ້າ​ສັດ​ຖວາຍ​ລຶບລ້າງ​ບາບ ແລະ​ເຜົາ​ຖວາຍບູຊາ. ເພິ່ນ​ຕ້ອງ​ຂ້າ​ສັດ​ໃນ​ທີ່ນັ້ນ ເພາະວ່າ​ເຄື່ອງ​ຖວາຍ​ຊົດໃຊ້​ແທນຄືນ ແລະ​ລຶບລ້າງ​ບາບ ເປັນ​ຂອງ​ປະໂຣຫິດ​ແລະ​ເປັນ​ເຄື່ອງ​ບໍຣິສຸດ​ທີ່ສຸດ.

ລະບຽບ^ພວກເລວີ 2:10

ສ່ວນ​ເຄື່ອງ​ຖວາຍ​ທີ່​ເຫຼືອ​ນັ້ນ​ເປັນ​ຂອງ​ອາໂຣນ​ແລະ​ພວກ​ລູກຊາຍ​ຂອງ​ລາວ ເພາະ​ເປັນ​ສ່ວນໜຶ່ງ​ບໍຣິສຸດ​ທີ່ສຸດ​ໃນ​ທ່າມກາງ​ເຄື່ອງ​ບູຊາ​ດ້ວຍ​ໄຟ ຊຶ່ງ​ໄດ້​ຖວາຍ​ແກ່​ພຣະເຈົ້າຢາເວ​ແລ້ວ.

ລະບຽບ^ພວກເລວີ 2:3

ເຄື່ອງ​ຖວາຍ​ພືດຜົນ​ເປັນເມັດ​ທີ່​ຍັງເຫລືອ​ຢູ່​ນັ້ນ ເປັນ​ຂອງ​ອາໂຣນ​ແລະ​ພວກ​ລູກຊາຍ​ຂອງ​ລາວ ເພາະ​ເປັນ​ສ່ວນໜຶ່ງ​ບໍຣິສຸດ​ທີ່ສຸດ ໃນ​ທ່າມກາງ​ເຄື່ອງ​ບູຊາ​ດ້ວຍ​ໄຟ ຊຶ່ງ​ໄດ້​ຖວາຍ​ແກ່​ພຣະເຈົ້າຢາເວ​ແລ້ວ.

ລະບຽບ^ພວກເລວີ 21:23

ແຕ່​ຍ້ອນ​ວ່າ​ລາວ​ມີ​ຮ່າງກາຍ​ພິການ ຈຶ່ງ​ຈະ​ເຂົ້າ​ມາ​ໃກ້​ຜ້າກັ້ງ ຫລື​ໃກ້​ແທ່ນບູຊາ​ບໍ່ໄດ້. ລາວ​ຕ້ອງ​ບໍ່​ເຮັດ​ໃຫ້​ສິ່ງ​ບໍຣິສຸດ​ເຫຼົ່ານີ້​ເປັນມົນທິນ ເພາະ​ເຮົາ​ແມ່ນ​ພຣະເຈົ້າຢາເວ​ຜູ້​ໃຫ້​ພວກເຂົາ​ເປັນ​ບໍຣິສຸດ.”

ລະບຽບ^ພວກເລວີ 22:25

ຢ່າ​ເອົາ​ສັດ​ທີ່​ໄດ້​ຈາກ​ຊາວ​ຕ່າງດ້າວ ມາ​ເຮັດ​ພິທີ​ຖວາຍ​ອາຫານ​ແກ່​ພຣະເຈົ້າ​ຂອງເຈົ້າ. ສັດ​ເຫຼົ່ານັ້ນ​ຈະ​ຖື​ວ່າ ເປັນ​ສັດ​ທີ່​ບໍ່​ປົກກະຕິ​ແລະ​ຈະ​ເປັນ​ທີ່​ຍອມ​ຮັບ​ເອົາ​ບໍ່ໄດ້.”

ລະບຽບ^ພວກເລວີ 22:7

ຫລັງຈາກ​ຕາເວັນ​ຕົກ​ດິນ​ແລ້ວ ລາວ​ກໍ​ບໍ່​ເປັນ​ມົນທິນ ແລະ​ລາວ​ອາດ​ກິນ​ຂອງ​ຖວາຍ​ອັນ​ສັກສິດ ຊຶ່ງ​ເປັນ​ອາຫານ​ຂອງ​ລາວ​ໄດ້.

ລະບຽບ^ພວກເລວີ 27:28

ຢ່າ​ໃຫ້​ຜູ້ໃດ​ຂາຍ​ຫລື​ຊື້​ຄືນ​ສິ່ງ​ທີ່​ຕົນ​ໄດ້​ຖວາຍ​ຂາດຕົວ ແກ່​ພຣະເຈົ້າຢາເວ​ແລ້ວ ບໍ່​ວ່າ​ຈະ​ເປັນ​ມະນຸດ, ສັດ ຫລື​ທີ່ດິນ​ກໍດີ. ສິ່ງ​ນັ້ນ​ເປັນ​ຂອງ​ພຣະເຈົ້າຢາເວ​ຢ່າງ​ຖາວອນ.

ລະບຽບ^ພວກເລວີ 6:10

ແລ້ວ​ປະໂຣຫິດ ຜູ້​ນຸ່ງ​ເສື້ອຄຸມ​ກັບ​ສົ້ງ​ຂາສັ້ນ​ທີ່​ເຮັດ​ດ້ວຍ​ຜ້າປ່ານ ກໍ​ຈະ​ເອົາ​ຂີ້ເຖົ່າ​ຂອງ​ໄຂມັນ​ເຫຼືອ​ທີ່​ແທ່ນບູຊາ ໄປ​ຖອກ​ໄວ້​ທີ່​ຂ້າງ​ແທ່ນ.

ລະບຽບ^ພວກເລວີ 6:29

ຜູ້ຊາຍ​ທຸກໆ​ຄົນ​ທີ່​ສືບ​ເຊື້ອສາຍ​ມາ​ຈາກ​ຄອບຄົວ​ອາໂຣນ ກິນ​ຊີ້ນ​ທີ່​ໄດ້​ຖວາຍ​ແລ້ວ​ນີ້​ໄດ້;

ລະບຽບ^ພວກເລວີ 7:1

ຕໍ່ໄປນີ້ ແມ່ນ​ລະບຽບ​ການ​ສຳລັບ​ຖວາຍ​ເພື່ອ​ຊົດໃຊ້​ແທນຄືນ ຊຶ່ງ​ເປັນ​ການ​ຖວາຍ​ອັນ​ສັກສິດ​ທີ່ສຸດ.

ລະບຽບ^ພວກເລວີ 7:6

ຜູ້ຊາຍ​ທຸກໆ​ຄົນ​ໃນ​ຄອບຄົວ​ປະໂຣຫິດ​ກິນ​ຊີ້ນ​ສັດ​ທີ່​ຖວາຍ​ແລ້ວ​ນັ້ນ​ໄດ້, ແຕ່​ຕ້ອງ​ກິນ​ໃນ​ບ່ອນ​ສັກສິດ ເພາະ​ເປັນ​ເຄື່ອງ​ບໍຣິສຸດ​ທີ່ສຸດ.

ຈົດບັນຊີ 18:19

ເຄື່ອງ​ຖວາຍ​ພິເສດ​ທັງໝົດ​ເປັນ​ບໍຣິສຸດ​ທີ່​ຊາວ​ອິດສະຣາເອນ​ໄດ້​ນຳ​ມາ​ຖວາຍ​ແກ່​ພຣະເຈົ້າຢາເວ ເປັນ​ຂອງ​ເຈົ້າ​ແລະ​ພວກ​ລູກ​ຊາຍ​ຍິງ​ຂອງ​ເຈົ້າ​ທຸກຍຸກ​ທຸກສະໄໝ​ສືບໄປ. ອັນນີ້ ແມ່ນ​ພັນທະສັນຍາ​ຂອງ​ເກືອ​ອັນ​ປ່ຽນແປງ​ບໍ່ໄດ້​ຕໍ່ໜ້າ​ພຣະເຈົ້າຢາເວ​ສຳລັບ​ເຈົ້າ​ແລະ​ເຊື້ອສາຍ​ຂອງ​ເຈົ້າ.”

1 ໂກຣິນໂທ 9:13

ແນ່ນອນ​ພວກເຈົ້າ​ກໍ​ຮູ້​ວ່າ ຜູ້​ທີ່​ເຮັດ​ວຽກ​ໃນ​ພຣະວິຫານ ກໍໄດ້​ອາຫານ​ຈາກ​ພຣະວິຫານ ແລະ​ຜູ້​ທີ່​ຖວາຍ​ເຄື່ອງ​ເທິງ​ແທ່ນບູຊາ ກໍໄດ້​ຮັບ​ສ່ວນ​ແບ່ງ​ຂອງ​ເຄື່ອງ​ຖວາຍ​ນັ້ນ.