ລະບຽບ^ພວກເລວີ 20:16 - ພຣະຄຳພີສັກສິ

¹⁶ ຖ້າ​ຍິງ​ຜູ້ໃດ​ພະຍາຍາມ​ສົມສູ່​ທາງ​ເພດ​ກັບ​ສັດ ຍິງ​ຜູ້ນັ້ນ​ກັບ​ສັດ​ຈະ​ຕ້ອງ​ໄດ້​ຮັບ​ໂທດ​ເຖິງ​ຕາຍ​ເໝືອນກັນ. ເຂົາ​ຮັບຜິດຊອບ​ຕໍ່​ການ​ຕາຍ​ຂອງ​ຕົນເອງ.

ລະບຽບ^ພວກເລວີ 20:16 Jak'a apnaqawi uñst'ayäwi

ອົບພະຍົບ 19:13

ລາວ​ຈະ​ຖືກ​ແກວ່ງ​ດ້ວຍ​ກ້ອນຫີນ ຫລື​ຖືກ​ຍິງ​ດ້ວຍ​ລູກ​ໜ້າທະນູ ແລະ​ຢ່າ​ຂ້າ​ໂດຍ​ໃຊ້​ມື​ແຕະຕ້ອງ​ລາວ. ຢ່າ​ໄວ້​ຊີວິດ​ຜູ້ໃດ​ຜູ້ໜຶ່ງ ບໍ່​ວ່າ​ຄົນ​ຫລື​ສັດ​ກໍຕາມ, ແຕ່​ພໍ​ເມື່ອ​ສຽງ​ແກ​ດັງ​ໃຫ້​ບາງຄົນ ຂຶ້ນ​ມາ​ເທິງ​ພູ​ໄດ້.”

ອົບພະຍົບ 21:28

“ຖ້າ​ງົວເຖິກ​ໂຕໜຶ່ງ​ຊົນ​ຄົນ​ຕາຍ ຈົ່ງ​ເອົາ​ຫີນ​ແກວ່ງ​ໃສ່​ງົວ​ນັ້ນ​ໃຫ້​ຕາຍ ແລະ​ຢ່າ​ກິນ​ຊີ້ນ​ຂອງ​ມັນ, ແຕ່​ເຈົ້າຂອງ​ງົວ​ຈະ​ບໍ່ໄດ້​ຮັບ​ໂທດ.

ອົບພະຍົບ 21:32

ຖ້າ​ງົວເຖິກ​ຊົນ​ທາດຮັບໃຊ້​ຊາຍ​ຕາຍ ເຈົ້າຂອງ​ງົວ​ຕ້ອງ​ຈ່າຍ​ຄ່າ​ຫົວ​ໃຫ້​ແກ່​ນາຍ​ຂອງ​ທາດຮັບໃຊ້ ເປັນ​ເງິນ​ສາມສິບ​ຫລຽນ ແລະ​ຈົ່ງ​ເອົາ​ກ້ອນຫີນ​ແກວ່ງ​ໃສ່​ງົວ​ໂຕ​ນັ້ນ​ໃຫ້​ເຖິງ​ຕາຍ.”

ອົບພະຍົບ 22:19

ຢ່າ​ໄວ້​ຊີວິດ​ຄົນ​ທີ່​ສົມສູ່​ທາງ​ເພດ​ກັບ​ສັດ.

ລະບຽບ^ພວກເລວີ 18:23

ຊາຍ​ກໍດີ​ຫລື​ຍິງ​ກໍດີ ຢ່າ​ໄດ້​ສົມສູ່​ທາງ​ເພດ​ກັບ​ສັດ; ເພາະ​ການ​ເຮັດ​ຢ່າງ​ບ້າ​ຄັ່ງ​ເຊັ່ນນີ້ ພາ​ໃຫ້​ພວກເຈົ້າ​ເປັນມົນທິນ​ຕາມ​ກົດບັນຍັດ.

ລະບຽບ^ພວກເລວີ 20:15

ຖ້າ​ຊາຍ​ຜູ້ໃດ​ໄດ້​ສົມສູ່​ທາງ​ເພດ​ກັບ​ສັດ ຊາຍ​ຜູ້ນັ້ນ​ແລະ​ສັດ​ຈະ​ຕ້ອງ​ໄດ້​ຮັບ​ໂທດ​ເຖິງ​ຕາຍ.

ລະບຽບ^ພວກເລວີ 20:17

ຖ້າ​ຊາຍ​ຜູ້ໜຶ່ງ​ແຕ່ງງານ​ກັບ​ເອື້ອຍ ຫລື​ນ້ອງ​ຂອງ​ຕົນເອງ ຫລື​ເອື້ອຍ​ນ້ອງ​ຕ່າງ​ພໍ່​ຕ່າງ​ແມ່​ກັນ, ພວກເຂົາ​ຈະ​ຕ້ອງ​ຖືກ​ປະຊາຊົນ​ປະຈານ​ຂາຍໜ້າ ແລະ​ຖືກ​ຂັບໄລ່​ໃຫ້​ອອກ​ໄປ​ຈາກ​ຊຸມຊົນ. ລາວ​ໄດ້​ສົມສູ່​ກັບ​ເອື້ອຍ​ຫລື​ນ້ອງ​ຂອງຕົນ; ສະນັ້ນ ລາວ​ຈຶ່ງ​ຕ້ອງ​ຮັບ​ຜົນ​ທີ່​ຕາມ​ມາ.

ເຮັບເຣີ 12:20

ເພາະວ່າ ຂໍ້ຄວາມ​ທີ່​ຊົງ​ບັນຍັດ​ໄວ້​ນັ້ນ ພວກເຂົາ​ທົນ​ບໍ່ໄດ້ ຄື​ວ່າ, “ແມ່ນແຕ່​ສັດເດຍລະສານ​ໂຕ​ໃດ​ໂຕໜຶ່ງ ຖ້າ​ຫາກ​ໄປ​ຕ້ອງ​ພູ​ນັ້ນ ກໍ​ຈະ​ຕ້ອງ​ຖືກ​ຄວ່າງ​ກ້ອນຫີນ​ໃສ່​ໃຫ້​ຕາຍ.”