ລະບຽບ^ພວກເລວີ 2:13 - ພຣະຄຳພີສັກສິ

¹³ ຈົ່ງ​ເອົາ​ເກືອ​ໃສ່​ພືດຜົນ​ເປັນເມັດ​ທຸກໆ​ຊະນິດ​ທີ່​ນຳ​ມາ​ຖວາຍ​ນັ້ນ ເພາະວ່າ​ເກືອ​ເປັນ​ເຄື່ອງໝາຍ​ແຫ່ງ​ພັນທະສັນຍາ ລະຫວ່າງ​ເຈົ້າ​ກັບ​ພຣະເຈົ້າ. (ເຈົ້າ​ຕ້ອງ​ເອົາ​ເກືອ​ໃສ່​ເຄື່ອງ​ຖວາຍ​ທຸກ​ຊະນິດ).

ລະບຽບ^ພວກເລວີ 2:13 Jak'a apnaqawi uñst'ayäwi

2 ຂ່າວຄາວ 13:5

“ຈົ່ງ​ຟັງ​ຂ້າພະເຈົ້າ​ໃຫ້​ດີ ພວກທ່ານ​ບໍ່​ຮູ້​ບໍ​ວ່າ​ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ​ໄດ້​ເຮັດ​ພັນທະສັນຍາ ອັນ​ບໍ່ມີ​ວັນ​ລຶບລ້າງ​ໄດ້​ກັບ​ດາວິດ ໂດຍ​ໄດ້​ມອບ​ໃຫ້​ເພິ່ນ​ກັບ​ເຊື້ອສາຍ​ຂຶ້ນ​ເປັນ​ກະສັດ​ປົກຄອງ​ຊາດ​ອິດສະຣາເອນ​ຕະຫລອດໄປ?

ເອຊະຣາ 7:22

ຈົນເຖິງ​ກຳນົດ ເປັນ​ເງິນ​ຈຳນວນ​ປະມານ ສາມພັນ​ສີ່ຮ້ອຍ ກິໂລກຼາມ, ເຂົ້າເດືອຍ ສິບພັນ ກິໂລກຼາມ, ເຫຼົ້າ​ອະງຸ່ນ ສອງພັນ ລິດ, ນໍ້າມັນ​ໝາກກອກເທດ ສອງພັນ ລິດ ແລະ​ເກືອ​ໃຫ້​ເອົາ​ຕາມ​ທີ່​ຕ້ອງການ.

ອົບພະຍົບ 30:35

ຈົ່ງ​ໃຊ້​ສິ່ງ​ເຫຼົ່ານີ້​ປຸງ​ເປັນ​ເຄື່ອງຫອມ ແລະ​ປະສົມ​ກັນ​ເໝືອນ​ດັ່ງ​ປຸງ​ນໍ້າຫອມ. ຈົ່ງ​ຕື່ມ​ເກືອ​ໃສ່​ເພື່ອ​ຮັກສາ​ໃຫ້​ເຄື່ອງຫອມ​ນັ້ນ​ບໍຣິສຸດ​ແລະ​ສັກສິດ.

ເອເຊກຽນ 43:24

ສັດ​ທັງສອງ​ນັ້ນ​ຕ້ອງ​ໃຫ້​ມີ​ສຸຂະພາບ​ດີ​ແລະ​ບໍ່ມີຕຳໜິ. ບັນດາ​ປະໂຣຫິດ​ຈະ​ໂຮຍ​ເກືອ​ໃສ່​ມັນ ແລະ​ເຜົາ​ເປັນ​ເຄື່ອງ​ບູຊາ​ຖວາຍ​ຕໍ່ໜ້າ​ພຣະເຈົ້າຢາເວ.

ຈົດບັນຊີ 18:19

ເຄື່ອງ​ຖວາຍ​ພິເສດ​ທັງໝົດ​ເປັນ​ບໍຣິສຸດ​ທີ່​ຊາວ​ອິດສະຣາເອນ​ໄດ້​ນຳ​ມາ​ຖວາຍ​ແກ່​ພຣະເຈົ້າຢາເວ ເປັນ​ຂອງ​ເຈົ້າ​ແລະ​ພວກ​ລູກ​ຊາຍ​ຍິງ​ຂອງ​ເຈົ້າ​ທຸກຍຸກ​ທຸກສະໄໝ​ສືບໄປ. ອັນນີ້ ແມ່ນ​ພັນທະສັນຍາ​ຂອງ​ເກືອ​ອັນ​ປ່ຽນແປງ​ບໍ່ໄດ້​ຕໍ່ໜ້າ​ພຣະເຈົ້າຢາເວ​ສຳລັບ​ເຈົ້າ​ແລະ​ເຊື້ອສາຍ​ຂອງ​ເຈົ້າ.”

ມັດທາຍ 5:13

“ເຈົ້າ​ທັງຫລາຍ​ເປັນ​ເກືອ​ສຳລັບ​ມວນ​ມະນຸດ​ໂລກ, ແຕ່​ຖ້າ​ເກືອ​ໝົດ​ຣົດ​ເຄັມ​ແລ້ວ​ຈະ​ເຮັດ​ໃຫ້​ເຄັມ​ຄືນ​ໄດ້​ອີກ​ຢ່າງ​ໃດ? ມັນ​ບໍ່ມີ​ຄ່າ​ເສຍ​ແລ້ວ. ດັ່ງນັ້ນ ຈຶ່ງ​ມີ​ແຕ່​ໂຍນ​ຖິ້ມ​ໃຫ້​ຄົນ​ຢຽບ​ຢໍ່າ​ເທົ່ານັ້ນ.”

ໂກໂລຊາຍ 4:6

ຈົ່ງ​ໃຫ້​ວາຈາ​ຂອງ​ເຈົ້າ​ທັງຫລາຍ ປະກອບ​ດ້ວຍ​ເມດຕາ​ຄຸນ​ຢູ່​ສະເໝີ ປະສົມ​ດ້ວຍ​ເກືອ ເພື່ອ​ເຈົ້າ​ທັງຫລາຍ​ຈະ​ໄດ້​ຮູ້​ວິທີ​ຕອບ​ທີ່​ຖືກ​ໃຈ​ແກ່​ທຸກຄົນ.