ລະບຽບ^ພວກເລວີ 19:23 - ພຣະຄຳພີສັກສິ

²³ ເມື່ອ​ພວກເຈົ້າ​ເຂົ້າ​ໄປ​ຢູ່​ໃນ​ດິນແດນ​ການາອານ ແລະ​ປູກ​ຕົ້ນໄມ້​ຊະນິດ​ກິນ​ໝາກ ຈົ່ງ​ລະນຶກ​ວ່າ​ໃນ​ເວລາ​ສາມ​ປີ​ທຳອິດ​ໝາກໄມ້​ໃນ​ຕົ້ນ​ນັ້ນ​ເປັນ​ມົນທິນ. ໃນ​ໄລຍະ​ເວລາ​ນັ້ນ ພວກເຈົ້າ​ຢ່າ​ສູ່​ກິນ.

ລະບຽບ^ພວກເລວີ 19:23 Jak'a apnaqawi uñst'ayäwi

ອົບພະຍົບ 6:12

ແຕ່​ໂມເຊ​ໄດ້​ຕອບ​ພຣະເຈົ້າຢາເວ​ວ່າ, “ແມ່ນແຕ່​ຊາວ​ອິດສະຣາເອນ​ກໍ​ຍັງ​ບໍ່​ຟັງ​ຂ້ານ້ອຍ ແລ້ວ​ຈະ​ໃຫ້​ກະສັດ​ຟາໂຣ​ເຊື່ອຟັງ​ຂ້ານ້ອຍ​ໄດ້​ຢ່າງ​ໃດ? ຂ້ານ້ອຍ​ເປັນ​ຄົນ​ບໍ່​ຊ່າງເວົ້າ.”

ອົບພະຍົບ 6:30

ແຕ່​ໂມເຊ​ໄດ້​ຕອບ​ພຣະເຈົ້າຢາເວ​ວ່າ, “ພຣະອົງ​ກໍ​ຮູ້​ແລ້ວ​ວ່າ ຂ້ານ້ອຍ​ເປັນ​ຄົນ​ເວົ້າ​ບໍ່​ເກັ່ງ​ເຊັ່ນນີ້; ແລ້ວ​ຈະ​ໃຫ້​ກະສັດ​ຟາໂຣ​ເຊື່ອຟັງ​ຂ້ານ້ອຍ​ໄດ້​ຢ່າງ​ໃດ?”

ເຢເຣມີຢາ 6:10

ຂ້າພະເຈົ້າ​ຈຶ່ງ​ຕອບ​ວ່າ, “ຜູ້ໃດ​ແດ່​ຈະ​ຟັງ​ຂ້ານ້ອຍ ຖ້າ​ຂ້ານ້ອຍ​ບອກ ແລະ​ເຕືອນ​ພວກເຂົາ? ພວກເຂົາ​ດື້ດ້ານ ແລະ​ບໍ່​ຍອມ​ຟັງ​ຖ້ອຍຄຳ​ຂອງ​ພຣະເຈົ້າຢາເວ; ພວກເຂົາ​ຫົວເລາະ​ໃສ່​ສິ່ງ​ທີ່​ພຣະອົງ​ບອກ​ໃຫ້​ຂ້ານ້ອຍ​ກ່າວ.

ລະບຽບ^ພວກເລວີ 12:3

ໃນ​ມື້​ທີ​ແປດ ເດັກນ້ອຍ​ຜູ້​ນີ້​ຈະ​ຕ້ອງ​ຮັບ​ພິທີຕັດ.

ລະບຽບ^ພວກເລວີ 14:34

ລະບຽບການ​ນີ້​ແມ່ນ​ກ່ຽວກັບ​ເຮືອນ​ທີ່​ມີ​ຂີ້ເຮື້ອນ​ແຜ່​ລາມ​ອອກ​ໄປ. (ລະບຽບການ​ເຫຼົ່ານີ້​ແມ່ນ​ໄດ້​ນຳ​ມາ​ໃຊ້ ຫລັງຈາກ​ທີ່​ປະຊາຊົນ​ອິດສະຣາເອນ ໄດ້​ເຂົ້າ​ໄປ​ອາໄສ​ຢູ່​ໃນ​ດິນແດນ​ການາອານ ທີ່​ໄດ້​ມອບ​ໃຫ້​ແກ່​ພວກເຂົາ​ເປັນ​ກຳມະສິດ.)

ລະບຽບ^ພວກເລວີ 19:22

ແລະ​ໂດຍ​ແກະ​ນັ້ນ ປະໂຣຫິດ​ຈະ​ເຮັດ​ພິທີ​ຊຳລະ​ຕໍ່ໜ້າ​ພຣະເຈົ້າຢາເວ ເພື່ອ​ລຶບລ້າງ​ບາບ​ໂທດ​ຂອງ​ຜູ້ນັ້ນ ແລະ​ບາບ​ທີ່​ຜູ້ນັ້ນ​ໄດ້​ເຮັດ​ກໍ​ຈະ​ໄດ້​ຮັບ​ການ​ຍົກໂທດ​ໃຫ້.

ລະບຽບ^ພວກເລວີ 19:24

ໃນ​ປີ​ທີ​ສີ່ ໝາກໄມ້​ທຸກ​ໜ່ວຍ​ຈະ​ຕ້ອງ​ຖືກ​ນຳ​ມາ​ຖວາຍ​ແກ່​ເຮົາ​ຕາມ​ພິທີ ເພື່ອ​ສະແດງ​ເຖິງ​ການ​ຮູ້​ພຣະຄຸນ​ຕໍ່​ພຣະເຈົ້າຢາເວ

ລະບຽບ^ພວກເລວີ 23:14

ຢ່າ​ກິນ​ພືດຜົນ​ເປັນເມັດ​ຊຶ່ງ​ເກັບກ່ຽວ​ໃໝ່​ໃດໆ​ທັງ​ສິ້ນ ບໍ່​ວ່າ​ກິນ​ດິບ ຫລື​ປີ້ງ ຫລື​ອົບ​ເປັນ​ເຂົ້າຈີ່; ຈົນກວ່າ​ພວກເຈົ້າ​ໄດ້​ຖວາຍ​ສິ່ງ​ເຫຼົ່ານີ້​ແກ່​ພຣະເຈົ້າ​ຂອງ​ພວກເຈົ້າ​ແລ້ວ. ໃຫ້​ເຊື້ອສາຍ​ຂອງ​ພວກເຈົ້າ​ຢຶດຖື​ລະບຽບ​ການ​ນີ້​ໄວ້​ທຸກຍຸກ​ທຸກສະໄໝ​ສືບໄປ.

ກິດຈະການ 7:51

ພວກເຈົ້າ​ຊ່າງ​ດື້ດ້ານ​ແທ້​ນໍ ໃຈ​ຂອງ​ພວກເຈົ້າ​ຊ່າງ​ຄື​ກັບ​ໃຈ​ຄົນ​ທີ່​ບໍ່​ນັບຖື​ພຣະເຈົ້າ ຫູ​ຂອງ​ພວກເຈົ້າ​ຊ່າງ​ໜັກ​ຕໍ່​ພຣະຄຳ​ແທ້ໆ ບັນພະບຸລຸດ​ຂອງ​ພວກເຈົ້າ​ເປັນ​ຢ່າງ​ໃດ ພວກເຈົ້າ​ກໍ​ເປັນ​ຢ່າງ​ນັ້ນ ຄື​ເຈົ້າ​ທັງຫລາຍ​ຂັດຂວາງ​ພຣະວິນຍານ​ບໍຣິສຸດເຈົ້າ​ຢູ່​ສະເໝີ.