ລະບຽບ^ພວກເລວີ 19:19 - ພຣະຄຳພີສັກສິ

¹⁹ ຈົ່ງ​ຍອມ​ຟັງ​ຂໍ້ຄຳສັ່ງ​ຂອງເຮົາ. ຢ່າ​ປະສົມພັນ​ສັດ​ປະເພດ​ຕ່າງກັນ. ຢ່າ​ຫວ່ານ​ແນວປູກ​ສອງ​ຊະນິດ​ໃສ່​ນາ​ໄຮ່​ດຽວກັນ. ຢ່າ​ນຸ່ງ​ເຄື່ອງ​ເຮັດ​ດ້ວຍ​ຜ້າ​ສອງ​ຊະນິດ​ປົນກັນ.

ລະບຽບ^ພວກເລວີ 19:19 Jak'a apnaqawi uñst'ayäwi

ປະຖົມມະການ 36:24

ຊີເບໂອນ​ມີ​ລູກຊາຍ​ສອງ​ຄົນ​ດັ່ງນີ້: ອາອີຢາ​ແລະ​ອານາ. (ອານາ​ແມ່ນ​ຜູ້​ພົບ​ບໍ່ນໍ້າ​ຮ້ອນ ຢູ່​ໃນ​ຖິ່ນ​ແຫ້ງແລ້ງ​ກັນດານ ເມື່ອ​ເວລາ​ກຳລັງ​ລ້ຽງ​ຝູງ​ລໍ​ພໍ່​ຂອງຕົນ​ຢູ່.)

2 ຊາມູເອນ 13:29

ດັ່ງນັ້ນ ພວກ​ຄົນ​ຮັບໃຊ້​ຈຶ່ງ​ປະຕິບັດ​ຕາມ​ຄຳແນະນຳ​ຂອງ​ອັບຊາໂລມ ແລະ​ຂ້າ​ອຳໂນນ​ເສຍ. ສ່ວນ​ພວກ​ລູກຊາຍ​ຄົນອື່ນໆ​ຂອງ​ກະສັດ​ດາວິດ​ກໍ​ຂຶ້ນ​ຂີ່​ລໍ​ແລະ​ປົບໜີໄປ.

2 ຊາມູເອນ 18:9

ໃນ​ທັນໃດນັ້ນ ອັບຊາໂລມ​ໄດ້​ພົບ​ທະຫານ​ບາງຄົນ​ຂອງ​ກະສັດ​ດາວິດ. ອັບຊາໂລມ​ກຳລັງ​ຂີ່​ລໍ​ແລະ​ໃນ​ຂະນະທີ່​ລໍ​ພວມ​ແລ່ນ​ຜ່ານ​ເຂົ້າ​ໄປ​ໃນ​ຕົ້ນໂອກ ຫົວ​ຂອງ​ອັບຊາໂລມ​ເລີຍຄາ​ຢູ່​ກັບ​ງ່າ​ໄມ້. ລໍ​ຈຶ່ງ​ແລ່ນ​ໜີໄປ​ແລະ​ປ່ອຍ​ໃຫ້​ອັບຊາໂລມ​ແຂວນ​ຢູ່​ກາງ​ອາກາດ.

1 ກະສັດ 1:33

ແລະ​ກະສັດ​ກ່າວ​ແກ່​ພວກເພິ່ນ​ວ່າ, “ຈົ່ງ​ເອົາ​ພວກ​ຂ້າຣາຊການ​ປະຈຳວັງ​ໄປ​ກັບ​ພວກເຈົ້າ ໃຫ້​ໂຊໂລໂມນ​ລູກຊາຍ​ຂອງເຮົາ​ຂີ່​ລໍ​ຂອງເຮົາ ແລ້ວ​ແຫ່​ລາວ​ລົງ​ໄປ​ທີ່​ບໍ່ນໍ້າ​ກີໂຮນ

ເອຊະຣາ 2:66

ມ້າ - 736 ໂຕ; ລໍ - 245 ໂຕ

ລະບຽບ^ພວກເລວີ 18:4

ຈົ່ງ​ເຊື່ອຟັງ​ກົດບັນຍັດ​ຂອງເຮົາ ແລະ​ເຮັດ​ແຕ່​ສິ່ງ​ທີ່​ເຮົາ​ໄດ້​ສັ່ງ​ພວກເຈົ້າ​ໄວ້​ເທົ່າ​ນັ້ນ. ເຮົາ​ແມ່ນ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ.

ລະບຽບ^ພວກເລວີ 19:37

ຈົ່ງ​ປະຕິບັດ​ຕາມ​ບັນດາ​ກົດບັນຍັດ ແລະ​ຄຳສັ່ງ​ທຸກ​ຂໍ້​ຂອງເຮົາ. ເຮົາ​ແມ່ນ​ພຣະເຈົ້າຢາເວ.”

ລະບຽບ^ພວກເລວີ 20:8

ຈົ່ງ​ເຊື່ອຟັງ​ກົດບັນຍັດ​ທັງຫລາຍ​ຂອງເຮົາ ເພາະ​ເຮົາ​ແມ່ນ​ພຣະເຈົ້າຢາເວ ຜູ້​ເຮັດ​ໃຫ້​ພວກເຈົ້າ​ບໍຣິສຸດ.

ລະບຽບ^ພວກເລວີ 22:31

ຈົ່ງ​ເຊື່ອຟັງ​ແລະ​ປະຕິບັດ​ຕາມ​ຂໍ້ຄຳສັ່ງ​ຂອງເຮົາ ຝ່າຍ​ເຮົາ​ແມ່ນ​ພຣະເຈົ້າຢາເວ.

ລະບຽບ^ພວກເລວີ 25:18

“ຈົ່ງ​ເຊື່ອຟັງ​ກົດບັນຍັດ​ທຸກໆ​ບົດ​ຂອງ​ເຮົາ ແລະ​ຈົ່ງ​ຖື​ຮັກສາ​ຄຳສັ່ງ​ທຸກໆ​ຂໍ້​ຂອງ​ເຮົາ ເພື່ອ​ວ່າ​ພວກເຈົ້າ​ຈະ​ຢູ່​ໃນ​ດິນແດນ​ໄດ້​ຢ່າງ​ປອດໄພ.

ລູກາ 5:36

ແລ້ວ​ພຣະອົງ​ຍັງ​ໄດ້​ກ່າວ​ຄຳອຸປະມາ​ນີ້​ສູ່​ພວກເຂົາ​ຟັງ​ວ່າ, “ບໍ່ມີ​ຜູ້ໃດ​ດອກ ທີ່​ຈີກ​ເສື້ອຜ້າ​ໃໝ່ ເພື່ອ​ໃຊ້​ຕາບ​ເສື້ອຜ້າ​ເກົ່າ ຖ້າ​ເຮັດ​ດັ່ງນັ້ນ ກໍ​ຈະ​ເຮັດ​ໃຫ້​ເສື້ອຜ້າ​ໃໝ່​ຂາດ​ເສຍ​ໄປ ແລະ​ຜ້າ​ຕ່ອນ​ໃໝ່​ກໍ​ຈະ​ບໍ່​ສົມ​ກັບ​ເສື້ອ​ເກົ່າ.

ໂຣມ 11:6

ແຕ່​ຖ້າ​ເປັນ​ທາງ​ພຣະຄຸນ ກໍ​ບໍ່ແມ່ນ​ທາງ​ການ​ປະຕິບັດ ຫລື​ຖ້າ​ເປັນ​ທາງ​ການ​ປະຕິບັດ​ແລ້ວ ພຣະຄຸນ​ນັ້ນ​ກໍ​ບໍ່ແມ່ນ​ພຣະຄຸນ​ອີກ​ຕໍ່ໄປ.

ພຣະບັນຍັດສອງ 4:1

ແລ້ວ​ໂມເຊ​ກໍໄດ້​ກ່າວ​ແກ່​ປະຊາຊົນ​ວ່າ, “ຈົ່ງ​ເຊື່ອຟັງ​ກົດບັນຍັດ​ທຸກ​ຂໍ້ ທີ່​ຂ້າພະເຈົ້າ​ກຳລັງ​ສອນ​ພວກເຈົ້າ ແລະ​ພວກເຈົ້າ​ຈະ​ມີ​ຊີວິດ ແລະ​ຢຶດຄອງ​ດິນແດນ ທີ່​ພຣະເຈົ້າຢາເວ ພຣະເຈົ້າ​ຂອງ​ປູ່ຍ່າຕາຍາຍ​ຂອງ​ພວກເຈົ້າ ກຳລັງ​ຈະ​ມອບ​ໃຫ້​ພວກເຈົ້າ.

ພຣະບັນຍັດສອງ 4:5

ຂ້າພະເຈົ້າ​ໄດ້​ສັ່ງສອນ​ກົດບັນຍັດ​ທຸກ​ຂໍ້​ແກ່​ພວກເຈົ້າ ຕາມ​ທີ່​ພຣະເຈົ້າຢາເວ​ພຣະເຈົ້າ​ຂອງ​ຂ້າພະເຈົ້າ​ໄດ້​ບອກ. ຈົ່ງ​ປະຕິບັດ​ຕາມ​ກົດບັນຍັດ​ເຫຼົ່ານີ້​ຢູ່​ໃນ​ດິນແດນ ທີ່​ພວກເຈົ້າ​ກຳລັງ​ຈະ​ບຸກຮຸກ​ເຂົ້າ​ໄປ​ຢຶດຄອງ.