ລະບຽບ^ພວກເລວີ 19:11 - ພຣະຄຳພີສັກສິ

¹¹ ຢ່າ​ລັກ, ຢ່າ​ຕົວະ, ຢ່າ​ຫລອກລວງ​ກັນແລະກັນ.

ລະບຽບ^ພວກເລວີ 19:11 Jak'a apnaqawi uñst'ayäwi

2 ຊາມູເອນ 17:20

ບັນດາ​ຂ້າຣາຊການ​ຂອງ​ອັບຊາໂລມ​ໄດ້​ເຂົ້າ​ມາ​ໃນ​ເຮືອນ​ຫລັງ​ນັ້ນ ແລະ​ຖາມ​ຍິງ​ນັ້ນ​ວ່າ, “ອາຮີມາອາດ​ແລະ​ໂຢນາທານ​ຢູ່​ໃສ?” ນາງ​ຕອບ​ວ່າ, “ພວກເຂົາ​ຂ້າມ​ແມ່ນໍ້າ​ໄປ​ແລ້ວ.” ເມື່ອ​ຊາຍ​ເຫຼົ່ານັ້ນ​ຊອກ​ຫາ​ຊາຍ​ທັງສອງ​ບໍ່​ພົບ​ຈຶ່ງ​ກັບຄືນ​ເມືອ​ນະຄອນ​ເຢຣູຊາເລັມ.

1 ກະສັດ 13:18

ແລ້ວ​ຜູ້ທຳນວາຍ​ຜູ້ເຖົ້າ​ຈາກ​ເບັດເອນ​ກໍ​ກ່າວ​ແກ່​ລາວ​ວ່າ, “ຂ້າພະເຈົ້າ​ເອງ​ກໍ​ເປັນ​ຜູ້ທຳນວາຍ​ເໝືອນກັບ​ທ່ານ ພຣະເຈົ້າຢາເວ​ສັ່ງ​ໃຫ້​ເທວະດາ​ຕົນ​ໜຶ່ງ​ມາ​ບອກ​ຂ້າພະເຈົ້າ​ໃຫ້​ພາ​ທ່ານ​ເມືອ​ເຮືອນ ເພື່ອ​ໃຫ້​ທ່ານ​ໄດ້​ກິນ​ແລະ​ດື່ມ,” ແຕ່​ຜູ້ທຳນວາຍ​ຜູ້ເຖົ້າ​ຄົນ​ນີ້​ເວົ້າ​ຕົວະ.

ເພງ^ສັນລະເສີນ 101:7

ຈະ​ບໍ່ມີ​ຄົນ​ຂີ້ຕົວະ​ເຫຼືອ​ຢູ່​ໃນ​ວັງ​ຂອງ​ຂ້ານ້ອຍ​ເລີຍ ຄົນ​ໜ້າຊື່​ໃຈຄົດ​ຈະ​ຢູ່​ຕໍ່ໜ້າ​ຂ້ານ້ອຍ​ບໍ່ໄດ້.

ເພງ^ສັນລະເສີນ 116:11

ເຖິງ​ແມ່ນ​ຂ້ານ້ອຍ​ເຄີຍ​ຢ້ານ ແລະ​ເວົ້າ​ວ່າ, “ບໍ່ມີ​ຜູ້ໃດ​ເປັນ​ທີ່​ໄວ້ວາງໃຈ​ໄດ້​ເລີຍ.”

ອົບພະຍົບ 20:15

ຢ່າ​ລັກ.

ອົບພະຍົບ 20:16

ຢ່າ​ເປັນ​ພະຍານ​ບໍ່​ຈິງ​ຕໍ່ສູ້​ເພື່ອນບ້ານ.

ອົບພະຍົບ 20:17

ຢ່າ​ໄດ້​ໂລບເອົາ​ເຮືອນຊານ​ບ້ານຊ່ອງ​ຂອງ​ເພື່ອນບ້ານ​ຂອງເຈົ້າ; ຢ່າ​ຢາກ​ໄດ້​ເມຍ​ຂອງ​ລາວ, ຄົນ​ຮັບໃຊ້​ຊາຍ​ຍິງ, ງົວ, ລໍ ຫລື​ສິ່ງ​ອື່ນໆ​ອີກ​ທີ່​ລາວ​ມີ​ຢູ່.”

ອົບພະຍົບ 22:1

ຖ້າ​ຜູ້ໜຶ່ງ​ລັກ​ງົວ​ຫລື​ແກະ​ໄປ​ຂ້າ​ຫລື​ໄປ​ຂາຍ ລາວ​ຕ້ອງ​ໃຊ້​ຄືນ​ງົວ​ຫ້າ​ໂຕ​ແທນ​ງົວ​ໂຕໜຶ່ງ ແລະ​ໃຊ້​ແກະ​ຫ້າ​ໂຕ​ແທນ​ແກະ​ໂຕໜຶ່ງ.

ອົບພະຍົບ 22:7

ຖ້າ​ຜູ້ໃດ​ຜູ້ໜຶ່ງ​ຮັບ​ເງິນ ຫລື​ຂອງ​ມີຄ່າ​ຂອງ​ເພື່ອນບ້ານ​ທີ່​ນຳ​ມາ​ຝາກ​ໄວ້​ກັບ​ຕົນ ແລະ​ຂອງ​ເຫຼົ່ານັ້ນ​ຊໍ້າ​ຖືກ​ລັກ​ໄປ​ຈາກ​ເຮືອນ​ຂອງຕົນ; ຖ້າ​ຈັບ​ໄດ້​ໄລ່​ທັນ ຜູ້​ລັກ​ນັ້ນ​ຕ້ອງ​ຈ່າຍ​ໃຫ້​ຄືນ​ເຖິງ​ສອງ​ເທົ່າ.

ອົບພະຍົບ 23:1

ຢ່າ​ນຳ​ເອົາ​ເລື່ອງ​ບໍ່​ຈິງ​ໄປ​ເລົ່າ​ຕໍ່ໆ​ກັນ ແລະ​ຢ່າ​ຊ່ວຍ​ຄົນ​ຜິດ​ໂດຍ​ໃຫ້​ຄຳ​ພະຍານ​ບໍ່​ຈິງ.

ສຸພາສິດ 24:28

ຢ່າ​ເປັນ​ພະຍານ​ບໍ່ຈິງ​ຕໍ່ສູ້​ຜູ້​ບໍ່ມີ​ຄວາມຜິດ ຫລື​ກ່າວ​ຄຳຕົວະ​ກ່ຽວກັບ​ລາວ.

ເຢເຣມີຢາ 6:13

ຍ້ອນ​ທຸກຄົນ​ບໍ່​ວ່າ​ໃຫຍ່​ຫລື​ນ້ອຍ ພະຍາຍາມ​ຈະ​ຫາ​ເງິນ​ໃນ​ທາງ​ທີ່​ບໍ່​ສັດຊື່; ແມ່ນແຕ່​ພວກ​ຜູ້ທຳນວາຍ ແລະ​ພວກ​ປະໂຣຫິດ​ກໍ​ສໍ້ໂກງ​ປະຊາຊົນ.

ລະບຽບ^ພວກເລວີ 19:10

ຢ່າ​ຄືນ​ໄປ​ໃນ​ສວນ​ເກັບເລັມ​ເອົາ​ພົ້ວ​ອະງຸ່ນ​ທີ່​ລືມ​ເກັບ ຫລື​ໝາກອະງຸ່ນ​ທີ່​ຕົກ​ເທິງ​ໜ້າ​ດິນ; ຈົ່ງ​ປະ​ໃຫ້​ຄົນ​ຍາກຈົນ ແລະ​ຄົນ​ຕ່າງດ້າວ. ເຮົາ​ແມ່ນ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ.

ໂຣມ 3:4

ບໍ່​ເປັນ​ຢ່າງນັ້ນ​ດອກ ພຣະເຈົ້າ​ກ່າວ​ແຕ່​ຄວາມຈິງ ເຖິງ​ແມ່ນ​ວ່າ​ມະນຸດ​ທຸກຄົນ​ເວົ້າ​ຕົວະ​ກໍຕາມ, ດັ່ງ​ທີ່​ມີ​ຄຳ​ຂຽນ​ໄວ້​ໃນ​ພຣະຄຳພີ​ວ່າ, “ເພື່ອ​ພຣະອົງ​ຈະ​ໄດ້​ປາກົດ​ວ່າ ຊົງ​ເປັນ​ຜູ້​ທ່ຽງທຳ ໃນ​ຖ້ອຍຄຳ​ທັງຫລາຍ​ຂອງ​ພຣະອົງ ແລະ​ຊົງ​ມີໄຊ​ເມື່ອ​ພວກເຂົາ​ກ່າວໂທດ​ໃສ່​ພຣະອົງ.”

ເອເຟໂຊ 4:25

ດັ່ງນັ້ນ, ເຈົ້າ​ທັງຫລາຍ​ຈົ່ງ​ເຊົາ​ເວົ້າ​ຕົວະ ທຸກຄົນ​ຈົ່ງ​ເວົ້າ​ແຕ່​ຄວາມຈິງ​ຕໍ່​ກັນ ເພາະ​ພວກເຮົາ​ທຸກຄົນ​ເປັນ​ອະໄວຍະວະ​ຂອງ​ກັນແລະກັນ ຢູ່​ໃນ​ພຣະກາຍ​ອັນ​ດຽວກັນ.

ເອເຟໂຊ 4:28

ຝ່າຍ​ຄົນ​ທີ່​ເຄີຍ​ລັກ​ກໍ​ຈົ່ງ​ເຊົາ​ລັກ​ຕໍ່ໄປ, ແຕ່​ໃຫ້​ລົງ​ມື​ເຮັດ​ວຽກ​ເພື່ອ​ລ້ຽງຊີບ​ໃນ​ທາງ​ສັດຊື່ ເພື່ອ​ຈະ​ໄດ້​ມີ​ສ່ວນ​ຊ່ວຍເຫລືອ​ຄົນ​ຍາກຈົນ.

ພຣະບັນຍັດສອງ 5:19

ຢ່າ​ລັກ.

ໂກໂລຊາຍ 3:9

ຢ່າ​ເວົ້າ​ຕົວະ​ຕໍ່​ກັນແລະກັນ ດ້ວຍວ່າ ພວກເຈົ້າ​ໄດ້​ຖອດ​ຖິ້ມ​ສະພາບ​ມະນຸດ​ເກົ່າ​ກັບ​ຄວາມ​ປະພຶດ​ແບບ​ເກົ່າ​ນັ້ນ​ແລ້ວ.

1 ຕີໂມທຽວ 1:10

ຄົນ​ຜິດ​ສິນທຳ​ທາງ​ເພດ, ຄົນ​ຮັກ​ຮ່ວມ​ເພດ​ດຽວກັນ, ຜູ້ຮ້າຍ​ລັກ​ຄົນ, ຄົນ​ທີ່​ຂີ້ຕົວະ ແລະ​ກ່າວ​ຄຳ​ສາບານ​ບໍ່​ຈິງ ຫລື​ສິ່ງ​ອື່ນໆ​ກໍຕາມ ຊຶ່ງ​ຂັດ​ກັບ​ຫລັກ​ຄຳສັ່ງສອນ​ອັນ​ສັດຈິງ.

ພຣະນິມິດ 21:8

ສ່ວນ​ຄົນ​ຂີ້ຢ້ານ, ຄົນ​ທໍລະຍົດ, ຄົນ​ປະພຶດ​ໃນ​ສິ່ງ​ທີ່​ໜ້າກຽດ​ໜ້າຊັງ, ຜູ້ຂ້າຄົນ, ຄົນ​ປະພຶດ​ຜິດ​ສິນທຳ​ທາງ​ເພດ, ຄົນ​ໃຊ້​ເວດມົນ​ຄາຖາ, ຄົນ​ຂາບໄຫວ້​ຮູບເຄົາຣົບ ແລະ​ຄົນ​ຂີ້ຕົວະ​ທຸກຄົນ​ນັ້ນ ມໍຣະດົກ​ຂອງ​ຄົນ​ເຫຼົ່ານັ້ນ ແມ່ນ​ບຶງໄຟ​ທີ່​ໄໝ້​ຢູ່​ປົນ​ກັບ​ມາດ ຊຶ່ງ​ເປັນ​ຄວາມຕາຍ​ຄັ້ງ​ທີ​ສອງ.”