ລະບຽບ^ພວກເລວີ 16:8 - ພຣະຄຳພີສັກສິ

⁸ ໃນ​ທີ່ນັ້ນ ອາໂຣນ​ຈະ​ໃຊ້​ສະຫລາກ​ດ້ວຍ​ຫີນ​ສອງ​ແຜ່ນ; ແຜ່ນ​ໜຶ່ງ​ນັ້ນ​ໃຫ້​ຂຽນ​ວ່າ, “ສຳລັບ​ພຣະເຈົ້າຢາເວ” ແລະ​ແຜ່ນ​ໜຶ່ງ​ອີກ​ຂຽນ​ວ່າ, “ສຳລັບ​ອາຊາເຊນ.”

ລະບຽບ^ພວກເລວີ 16:8 Jak'a apnaqawi uñst'ayäwi

ສຸພາສິດ 16:33

ມະນຸດ​ໃຊ້​ສະຫລາກ​ຢາກ​ຮູ້​ພຣະປະສົງ, ແຕ່​ແມ່ນ​ພຣະເຈົ້າຢາເວ​ເອງ​ທີ່​ເປັນ​ຜູ້​ໃຫ້​ຄຳ​ຊີ້ຂາດ.

ເອເຊກຽນ 48:29

ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ວ່າ, “ດິນແດນ​ທີ່​ໄດ້​ຖືກ​ແບ່ງປັນ​ເປັນ​ສ່ວນ​ໃຫ້​ເຜົ່າ​ຕ່າງໆ​ຂອງ​ຊາດ​ອິດສະຣາເອນ ເປັນ​ກຳມະສິດ​ນັ້ນ​ແມ່ນ​ຕ້ອງ​ດຳເນີນ​ດ້ວຍ​ວິທີ​ນີ້​ແຫຼະ.”

ລະບຽບ^ພວກເລວີ 16:10

ແບ້​ໂຕ​ທີ່​ຕົກ​ເປັນ​ຂອງ​ອາຊາເຊນ ຈະ​ຖືກ​ນຳ​ມາ​ຖວາຍ​ຕໍ່ໜ້າ​ພຣະເຈົ້າຢາເວ​ທັງ​ເປັນ; ແລ້ວ​ເຂົາ​ກໍ​ຈະ​ປ່ອຍ​ແບ້​ໂຕ​ນີ້​ເຂົ້າ​ໄປ​ໃນ​ຖິ່ນ​ແຫ້ງແລ້ງ​ກັນດານ​ອາຊາເຊນ ເພື່ອ​ລຶບລ້າງ​ການບາບ​ຂອງ​ປະຊາຊົນ​ອິດສະຣາເອນ.

ລະບຽບ^ພວກເລວີ 16:26

ຜູ້​ທີ່​ນຳ​ແບ້​ໄປ​ປ່ອຍ​ໃນ​ຖິ່ນ​ແຫ້ງແລ້ງ​ກັນດານ​ອາຊາເຊນ​ນັ້ນ ຕ້ອງ​ຊັກ​ເຄື່ອງນຸ່ງຫົ່ມ​ຂອງຕົນ​ແລະ​ອາບນໍ້າ​ຊຳລະ​ຮ່າງກາຍ ແລ້ວ​ຈຶ່ງ​ກັບຄືນ​ເຂົ້າ​ໃນ​ຄ້າຍພັກ​ໄດ້.

ລະບຽບ^ພວກເລວີ 16:7

ຕໍ່ມາ ເພິ່ນ​ຈະ​ຕ້ອງ​ນຳ​ແບ້​ສອງ​ໂຕ​ມາ​ຕໍ່ໜ້າ​ພຣະເຈົ້າຢາເວ ທີ່​ທາງເຂົ້າ​ຫໍເຕັນ​ບ່ອນ​ຊຸມນຸມ.

ລະບຽບ^ພວກເລວີ 16:9

ອາໂຣນ​ຈະ​ຕ້ອງ​ຖວາຍ​ແບ້​ໂຕ​ທີ່​ສະຫລາກ​ຕົກ​ຖືກ​ນັ້ນ ແກ່​ພຣະເຈົ້າຢາເວ​ເພື່ອ​ລຶບລ້າງ​ບາບ.

ໂຢນາ 1:7

ພວກ​ລູກເຮືອ​ໄດ້​ເວົ້າ​ຕໍ່​ກັນແລະກັນ​ວ່າ, “ໃຫ້​ພວກເຮົາ​ໃຊ້​ສະຫລາກ ແລະ​ຫາ​ຕົວ​ຜູ້​ທີ່​ເຮັດ​ໃຫ້​ພວກເຮົາ​ຕ້ອງ​ຕົກ​ຢູ່​ໃນ​ອັນຕະລາຍ​ເຊັ່ນນີ້.” ພວກເຂົາ​ຈຶ່ງ​ໃຊ້​ສະຫລາກ ແລະ​ສະຫລາກ​ນັ້ນ​ກໍ​ຕົກ​ຖືກ​ຊື່​ໂຢນາ.

ຈົດບັນຊີ 33:54

ຈົ່ງ​ແບ່ງປັນ​ດິນແດນ​ໃຫ້​ເຜົ່າ ແລະ​ຕະກຸນ​ຕ່າງໆ​ໂດຍ​ວິທີ​ໃຊ້​ສະຫລາກ​ຄື: ຕະກຸນ​ທີ່​ມີ​ຫລາຍ​ຄົນ​ໃຫ້​ມີ​ດິນແດນ​ຫລາຍ ແລະ​ຕະກຸນ​ທີ່​ມີ​ໜ້ອຍ​ຄົນ​ໃຫ້​ມີ​ດິນແດນ​ໜ້ອຍ ທຸກຄົນ​ຈະ​ໄດ້​ຮັບ​ດິນແດນ​ເປັນ​ກຳມະສິດ ຕາມ​ທີ່​ສະຫລາກ​ໄດ້​ຕົກ​ຖືກ​ຕົນ ການ​ແບ່ງປັນ​ນີ້​ໄດ້​ເຮັດ​ຕາມ​ຕະກຸນ​ປູ່ຍ່າຕາຍາຍ​ຂອງ​ແຕ່ລະເຜົ່າ.