ລະບຽບ^ພວກເລວີ 16:22 - ພຣະຄຳພີສັກສິ

²² ແບ້​ໂຕ​ນີ້​ກໍ​ຈະ​ຮັບ​ແບກ​ການບາບ​ທັງໝົດ​ຂອງ​ພວກເຂົາ ໄປ​ສູ່​ຖິ່ນ​ເປົ່າປ່ຽວ.

ລະບຽບ^ພວກເລວີ 16:22 Jak'a apnaqawi uñst'ayäwi

ເພງ^ສັນລະເສີນ 103:10

ພຣະອົງ​ບໍ່ໄດ້​ລົງໂທດ​ພວກເຮົາ​ຕາມ​ທີ່​ສົມຄວນ ຫລື​ບໍ່​ຕອບແທນ​ໃນ​ການບາບ​ແລະ​ຄວາມຜິດ​ດ້ວຍ.

ເພງ^ສັນລະເສີນ 103:12

ທິດ​ຕາເວັນອອກ​ໄກ​ຈາກ​ທິດ​ຕາເວັນຕົກ​ເທົ່າໃດ ພຣະອົງ​ກໍ​ຍົກ​ການບາບ​ຂອງ​ພວກເຮົາ​ໄປ​ໄກ​ເທົ່ານັ້ນ.

ເອເຊກຽນ 18:22

ບາບ​ທັງໝົດ​ຂອງ​ລາວ​ຈະ​ໄດ້​ຮັບ​ການອະໄພ ແລະ​ລາວ​ຈະ​ມີ​ຊີວິດ​ຢູ່ ເພາະ​ລາວ​ໄດ້​ເຮັດ​ໃນ​ສິ່ງ​ທີ່​ຖືກຕ້ອງ.”

ເອເຊກຽນ 4:4

ແລ້ວ​ເຈົ້າ​ຈົ່ງ​ນອນ​ຕະແຄງ​ຂ້າງ​ຊ້າຍ ແລະ​ເຮົາ ກໍ​ຈະ​ວາງ​ຄວາມຜິດ​ຂອງ​ຊົນຊາດ​ອິດສະຣາເອນ​ໄວ້​ເທິງ​ເຈົ້າ. ເຈົ້າ​ຈະ​ທົນທຸກ​ຢູ່​ທີ່​ນັ້ນ ສາມຮ້ອຍ​ເກົ້າສິບ​ວັນ ເພາະ​ຄວາມຜິດ​ຂອງ​ພວກເຂົາ. ເຮົາ​ລົງໂທດ​ເຈົ້າ​ໜຶ່ງ​ວັນ​ສຳລັບ​ໂທດ​ຂອງ​ພວກເຂົາ​ໜຶ່ງ​ປີ.

ລະບຽບ^ພວກເລວີ 14:7

ແລ້ວ​ປະໂຣຫິດ​ກໍ​ຈະ​ຊິດ​ເລືອດ​ນັ້ນ​ເຈັດ​ເທື່ອ​ໃສ່​ຄົນ​ທີ່​ຈະ​ຖືກ​ຊຳລະ​ຕົວ​ຈາກ​ພະຍາດ​ຜິວໜັງ ແລະ​ເພິ່ນ​ກໍ​ຈະ​ປະກາດ​ວ່າ​ລາວ​ບໍ່​ເປັນ​ມົນທິນ.

ລະບຽບ^ພວກເລວີ 16:21

ເພິ່ນ​ຈະ​ວາງ​ມື​ທັງສອງ​ຂອງ​ເພິ່ນ​ລົງ​ເທິງ​ຫົວ​ແບ້ ແລະ​ສາລະພາບ​ສິ່ງ​ຊົ່ວຮ້າຍ​ທຸກຢ່າງ, ການບາບ​ນາໆ​ຊະນິດ ແລະ​ການ​ທໍລະຍົດ​ທຸກປະການ​ຂອງ​ປະຊາຊົນ​ອິດສະຣາເອນ ແລະ​ຢອງ​ສິ່ງ​ທັງໝົດ​ນີ້​ທີ່​ເທິງ​ຫົວ​ຂອງ​ແບ້​ໂຕ​ນັ້ນ. ຕໍ່ມາ​ແບ້​ໂຕ​ນີ້ ກໍ​ຈະ​ຖືກ​ນຳ​ອອກ​ໄປ​ສູ່​ຖິ່ນ​ແຫ້ງແລ້ງ​ກັນດານ ໂດຍ​ຊາຍ​ທີ່​ໄດ້​ຖືກ​ເລືອກ​ໄວ້.

ລະບຽບ^ພວກເລວີ 16:23

ແລ້ວ​ອາໂຣນ​ກໍ​ຕ້ອງ​ເຂົ້າ​ໄປ​ໃນ​ຫໍເຕັນ​ບ່ອນ​ຊຸມນຸມ, ແກ້​ເຄື່ອງ​ປະຈຳ​ຕໍ່າແໜ່ງ​ຂອງ​ປະໂຣຫິດ ທີ່​ເພິ່ນ​ໄດ້​ໃສ່​ເມື່ອ​ເຂົ້າ​ໄປ​ໃນ​ບ່ອນ​ສັກສິດ​ທີ່ສຸດ ແລະ​ປະ​ໄວ້​ໃນ​ທີ່ນັ້ນ.

ມີກາ 7:19

ພຣະອົງ​ຍັງ​ຈະ​ເມດຕາ​ພວກ​ຂ້ານ້ອຍ​ອີກເທື່ອໜຶ່ງ. ພຣະອົງ​ຈະ​ຢຽບຢໍ່າ​ການບາບ​ຕ່າງໆ​ຂອງ​ພວກ​ຂ້ານ້ອຍ​ລົງ​ໃຕ້​ຕີນ​ຂອງ​ພຣະອົງ ແລະ​ໂຍນ​ລົງ​ໄປ​ໃນ​ພື້ນ​ທະເລ​ເລິກ

ໂຢຮັນ 1:29

ວັນ​ຕໍ່ມາ ໂຢຮັນ​ໄດ້​ເຫັນ​ພຣະເຢຊູເຈົ້າ​ກຳລັງ​ຍ່າງ​ມາ​ຫາ​ຕົນ ຈຶ່ງ​ກ່າວ​ຂຶ້ນ​ວ່າ, “ເບິ່ງແມ! ລູກແກະ​ຂອງ​ພຣະເຈົ້າ​ຜູ້​ຊົງ​ຮັບ​ເອົາ​ບາບກຳ​ຂອງ​ມະນຸດ​ສະໂລກ​ໄປ​ເສຍ

ຄາລາເຕຍ 3:13

ພຣະຄຣິດ​ໄດ້​ຊົງ​ໄຖ່​ພວກເຮົາ ໃຫ້​ພົ້ນ​ຈາກ​ການ​ສາບແຊ່ງ​ຂອງ​ກົດບັນຍັດ ໂດຍ​ການ​ທີ່​ພຣະອົງ​ຊົງ​ຍອມ​ຖືກ​ສາບແຊ່ງ​ແທນ​ພວກເຮົາ (ເພາະ​ພຣະຄຳພີ​ຂຽນ​ໄວ້​ວ່າ, “ທຸກຄົນ​ທີ່​ຖືກ​ແຂວນ​ໄວ້​ທີ່​ຕົ້ນໄມ້ ກໍ​ຖືກ​ສາບແຊ່ງ​ແລ້ວ.”)

ເຮັບເຣີ 9:28

ພຣະຄຣິດ​ກໍ​ສັນນັ້ນ ໄດ້​ຖວາຍ​ພຣະອົງ​ເອງ​ເປັນ​ເຄື່ອງ​ບູຊາ​ເທື່ອ​ດຽວ ເພື່ອ​ລຶບລ້າງ​ບາບກຳ​ຂອງ​ຄົນ​ຈຳນວນ​ຫລວງຫລາຍ. ພຣະອົງ​ຈະ​ມາ​ປາກົດ​ເທື່ອ​ທີ​ສອງ​ໂດຍ​ບໍ່​ກ່ຽວກັບ​ຄວາມ​ບາບ ແຕ່​ເພື່ອ​ໂຜດ​ຊ່ວຍ​ເອົາ​ບັນດາ​ຜູ້​ທີ່​ລໍຄອຍ​ພຣະອົງ​ດ້ວຍ​ໃຈ​ຮ້ອນຮົນ​ໃຫ້​ໄດ້​ຮັບ​ຄວາມ​ພົ້ນ.

1 ເປໂຕ 2:24

ໃນ​ພຣະກາຍ​ຂອງ​ພຣະອົງ​ເອງ ພຣະອົງ​ໄດ້​ຊົງ​ຮັບ​ແບກ​ບາບ​ຂອງ​ພວກເຮົາ​ໄປ​ເຖິງ​ຕົ້ນໄມ້​ນັ້ນ ເພື່ອ​ພວກເຮົາ​ຈະ​ໄດ້​ຕາຍ​ເສຍ​ຝ່າຍ​ການບາບ ແລະ​ມີ​ຊີວິດ​ຝ່າຍ​ຄວາມ​ຊອບທຳ, ດ້ວຍ​ບາດແຜ​ຂອງ​ພຣະອົງ ເຈົ້າ​ທັງຫລາຍ​ກໍດີ​ປົກກະຕິ​ແລ້ວ.