ລະບຽບ^ພວກເລວີ 15:10 - ພຣະຄຳພີສັກສິ

¹⁰ ຜູ້ໃດ​ຜູ້ໜຶ່ງ​ທີ່​ແຕະຕ້ອງ​ບ່ອນ​ນັ່ງ​ຂອງ​ຄົນ​ທີ່​ມີ​ສິ່ງ​ໄຫລ​ອອກ ກໍ​ເປັນມົນທິນ​ຈົນ​ຮອດ​ຄໍ່າ. ຜູ້ໃດ​ຜູ້ໜຶ່ງ​ທີ່​ຫາມ​ສິ່ງ​ທີ່​ລາວ​ໄດ້​ນັ່ງ ຕ້ອງ​ຊັກ​ເຄື່ອງ​ນຸ່ງ​ຫົ່ມ​ຂອງຕົນ ແລະ​ອາບນໍ້າ​ຊຳລະ​ຮ່າງກາຍ; ແລະ​ລາວ​ຍັງ​ເປັນມົນທິນ​ຈົນ​ຮອດ​ຄໍ່າ.

ລະບຽບ^ພວກເລວີ 15:10 Jak'a apnaqawi uñst'ayäwi

ເພງ^ສັນລະເສີນ 26:6

ຂ້າແດ່​ພຣະເຈົ້າຢາເວ ຂ້ານ້ອຍ​ຂໍ​ລ້າງ​ມື​ເພື່ອ​ສະແດງ​ວ່າ ຂ້ານ້ອຍ​ບໍ່ມີ​ຄວາມຜິດ ແລະ​ໄປ​ເຖິງ​ແທ່ນບູຊາ​ຂອງ​ພຣະອົງ.

ລະບຽບ^ພວກເລວີ 11:24

ຜູ້ໃດ​ກໍຕາມ​ທີ່​ແຕະຕ້ອງ​ຊາກສັດ​ຕາຍ​ດັ່ງ​ຕໍ່ໄປນີ້ ຈະ​ເປັນ​ມົນທິນ​ຈົນ​ຮອດ​ຄໍ່າ​ຄື: ສັດ​ທຸກ​ຊະນິດ​ທີ່​ມີ​ເລັບຕີນ​ເປັນ​ກີບ ນອກຈາກ​ເລັບຕີນ​ແຍກກັນ​ແລະ​ຄ້ຽວເອື້ອງ ແລະ​ສັດ​ສີ່​ຕີນ​ທີ່​ຕີນ​ເປັນ​ຈຸ້ມ. ຜູ້ໃດ​ກໍຕາມ​ທີ່​ຫາມ​ຊາກສັດ​ຕ້ອງ​ຊັກ​ເຄື່ອງນຸ່ງ​ຂອງຕົນ ແຕ່​ລາວ​ຈະ​ຍັງ​ເປັນ​ມົນທິນ​ຈົນ​ຮອດ​ຄໍ່າ.

ລະບຽບ^ພວກເລວີ 15:11

ຖ້າ​ຜູ້​ທີ່​ມີ​ສິ່ງ​ໄຫລ​ອອກ​ມາ​ນັ້ນ ແຕະຕ້ອງ​ຜູ້ໃດ​ຜູ້ໜຶ່ງ ໂດຍ​ບໍ່ໄດ້​ລ້າງ​ມື​ເສຍ​ກ່ອນ; ຜູ້​ທີ່​ຖືກ​ແຕະຕ້ອງ​ນັ້ນ​ຕ້ອງ​ຊັກ​ເຄື່ອງນຸ່ງຫົ່ມ​ຂອງຕົນ ແລະ​ອາບນໍ້າ​ຊຳລະ​ຮ່າງກາຍ ແລະ​ລາວ​ຍັງ​ເປັນມົນທິນ​ຈົນ​ຮອດ​ຄໍ່າ.

ລະບຽບ^ພວກເລວີ 15:5

ຜູ້ໃດ​ກໍຕາມ​ທີ່​ແຕະຕ້ອງ​ຕຽງນອນ​ຂອງ​ລາວ ຕ້ອງ​ຊັກ​ເຄື່ອງນຸ່ງຫົ່ມ​ຂອງຕົນ​ແລະ​ໃຫ້​ອາບນໍ້າ​ຊຳລະ​ຮ່າງກາຍ ແລະ​ລາວ​ຍັງ​ເປັນມົນທິນ​ຈົນ​ຮອດ​ຄໍ່າ.

ລະບຽບ^ພວກເລວີ 15:8

ຖ້າ​ຜູ້​ທີ່​ມີ​ສິ່ງ​ໄຫລ​ອອກ ຖົ່ມ​ນໍ້າລາຍ​ຖືກ​ຜູ້​ທີ່​ບໍ່​ເປັນມົນທິນ​ຕາມ​ກົດບັນຍັດ; ຜູ້​ຖືກ​ນໍ້າລາຍ​ນັ້ນ​ຕ້ອງ​ຊັກ​ເຄື່ອງນຸ່ງຫົ່ມ​ຂອງຕົນ ແລະ​ໃຫ້​ອາບນໍ້າ​ຊຳລະ​ຮ່າງກາຍ ແລະ​ລາວ​ຍັງ​ເປັນມົນທິນ​ຈົນ​ຮອດ​ຄໍ່າ.

ລະບຽບ^ພວກເລວີ 15:9

ອານ​ໃສ່​ຫລັງ​ສັດ​ຫລື​ບ່ອນ​ນັ່ງ​ໃດໆ​ທີ່​ຄົນ​ມີ​ສິ່ງ​ໄຫລ​ອອກ​ນັ່ງ ຕ້ອງ​ໃຫ້​ຖື​ວ່າ​ເປັນ​ມົນທິນ.

ຈົດບັນຊີ 19:22

ສິ່ງໃດ​ທີ່​ຄົນ​ເປັນມົນທິນ​ຈັບບາຍ​ກໍ​ເປັນ​ມົນທິນ ແລະ​ຜູ້ໃດ​ທີ່​ຈັບບາຍ ຜູ້ນັ້ນ​ກໍ​ຍັງ​ເປັນມົນທິນ​ຢູ່​ຈົນ​ຮອດ​ຄໍ່າ.”

ຢາໂກໂບ 4:8

ເຈົ້າ​ທັງຫລາຍ​ຈົ່ງ​ເຂົ້າ​ໃກ້​ພຣະເຈົ້າ ແລະ​ພຣະອົງ​ຈະ​ສະເດັດ​ມາ​ໃກ້​ພວກເຈົ້າ ຄົນ​ບາບ​ທັງຫລາຍ​ເອີຍ, ຈົ່ງ​ຊຳລະ​ມື​ໃຫ້​ສະອາດ ແລະ​ຄົນ​ສອງໃຈ​ເອີຍ, ຈົ່ງ​ຊຳລະ​ໃຈ​ຂອງຕົນ​ໃຫ້​ບໍຣິສຸດ