ລະບຽບ^ພວກເລວີ 14:3 - ພຣະຄຳພີສັກສິ

³ ແລະ​ເພິ່ນ​ຈະ​ນຳ​ລາວ​ໄປ​ນອກຄ້າຍ ແລະ​ກວດເບິ່ງ. ຖ້າ​ພະຍາດ​ນັ້ນ​ດີ​ແລ້ວ

ລະບຽບ^ພວກເລວີ 14:3 Jak'a apnaqawi uñst'ayäwi

2 ກະສັດ 5:14

ດັ່ງນັ້ນ ນາອາມານ​ຈຶ່ງ​ລົງ​ໄປ​ທີ່​ແມ່ນໍ້າ​ຈໍແດນ​ຈຸ່ມຕົວ​ລົງ​ໃນ​ນໍ້າ​ເຈັດ​ຄັ້ງ ຕາມ​ຄຳແນະນຳ​ຂອງ​ຄົນ​ຂອງ​ພຣະເຈົ້າ ແລະ​ລາວ​ກໍ​ຫາຍ​ດີ​ເປັນ​ປົກກະຕິ. ເນື້ອໜັງ​ຂອງ​ລາວ​ສະອາດ​ເສາະໃສ​ດີ​ເປັນ​ປົກກະຕິ​ດັ່ງ​ເນື້ອໜັງ​ຂອງ​ເດັກນ້ອຍ.

2 ກະສັດ 5:3

ມື້ໜຶ່ງ ນາງ​ໄດ້​ເວົ້າ​ກັບ​ນາຍຍິງ​ຂອງຕົນ​ວ່າ, “ຂ້ານ້ອຍ​ຢາກ​ໃຫ້​ນາຍ​ຜູ້ຊາຍ ໄປ​ຫາ​ຜູ້ທຳນວາຍ​ທີ່​ນະຄອນ​ຊາມາເຣຍ ເພິ່ນ​ປິ່ນປົວ​ພະຍາດ​ຂອງ​ນາຍ​ໃຫ້​ດີ​ໄດ້.”

ພຣະທຳ​ໂຢບ 5:18

ພຣະອົງ​ພັນ​ບາດແຜ​ໃຫ້ ເພາະ​ຊົງ​ໃຫ້​ເກີດ​ບາດເຈັບ; ມື​ພຣະອົງ​ຂ້ຽນຕີ ແລະ​ມື​ພຣະອົງ​ປິ່ນປົວ​ໃຫ້​ດີ​ໄດ້.

ອົບພະຍົບ 15:26

ພຣະອົງ​ໄດ້​ບອກ​ວ່າ, “ຖ້າ​ພວກເຈົ້າ​ເຊື່ອຟັງ​ພຣະເຈົ້າຢາເວ ພຣະເຈົ້າ​ຂອງພວກເຈົ້າ​ໂດຍ​ເຮັດ​ສິ່ງ​ທີ່​ຖືກຕ້ອງ​ຕໍ່​ສາຍຕາ​ຂອງ​ພຣະອົງ ແລະ​ເຮັດ​ຕາມ​ຂໍ້ຄຳສັ່ງ​ທຸກຂໍ້​ຂອງ​ພຣະອົງ ເຮົາ​ກໍ​ຈະ​ບໍ່​ລົງໂທດ​ພວກເຈົ້າ​ດ້ວຍ​ໂຣກໄພໄຂ້ເຈັບ ດັ່ງ​ທີ່​ໄດ້​ນຳ​ມາ​ທຳລາຍ​ຊາວ​ເອຢິບ. ເຮົາ​ແມ່ນ​ພຣະເຈົ້າຢາເວ​ຜູ້​ທີ່​ປິ່ນປົວ​ຮັກສາ​ເຈົ້າ​ໃຫ້​ດີ.”

ລະບຽບ^ພວກເລວີ 13:2

ຖ້າ​ຜູ້ໃດ​ຜູ້ໜຶ່ງ​ມີ​ອາການ​ເຈັບປວດ​ຕາມ​ຜິວໜັງ ຫລື​ໂພງ​ຂຶ້ນ ຫລື​ບວມ​ທີ່​ອາດ​ຈະ​ກາຍເປັນ​ພະຍາດ​ຂີ້ທູດ ຜູ້ນັ້ນ​ຕ້ອງ​ຖືກ​ນຳ​ຕົວ​ໄປ​ຫາ​ປະໂຣຫິດ ທີ່​ສືບ​ເຊື້ອສາຍ​ມາ​ຈາກ​ຄອບຄົວ​ອາໂຣນ.

ລະບຽບ^ພວກເລວີ 13:46

ຄົນ​ນັ້ນ​ຈະ​ເປັນ​ມົນທິນ​ຕາບໃດ​ທີ່​ລາວ​ຍັງ​ເປັນ​ພະຍາດ​ນີ້​ຢູ່ ແລະ​ລາວ​ຕ້ອງ​ຢູ່​ນອກ​ຄ້າຍພັກ​ຫ່າງ​ຈາກ​ຄົນອື່ນໆ.

ລະບຽບ^ພວກເລວີ 14:48

ເມື່ອ​ປະໂຣຫິດ​ເຂົ້າ​ໄປ​ກວດເບິ່ງ​ແລ້ວ ຖ້າ​ຂີ້ເຮື້ອນ​ບໍ່​ປາກົດ​ເຫັນ​ອີກ ຫລັງຈາກ​ທີ່​ໄດ້​ໂບກ​ປູນ​ເຮືອນ​ໃໝ່​ແລ້ວ; ປະໂຣຫິດ​ຈະ​ຕ້ອງ​ປະກາດ​ວ່າ ເຮືອນ​ຫລັງ​ນັ້ນ​ບໍ່​ເປັນມົນທິນ​ຕາມ​ກົດບັນຍັດ ເພາະວ່າ​ຂີ້ເຮື້ອນ​ໄດ້​ຫາຍ​ໄປ​ໝົດ​ແລ້ວ.

ມັດທາຍ 10:8

ຈົ່ງ​ເຮັດ​ໃຫ້​ຄົນ​ເຈັບໄຂ້​ໄດ້ປ່ວຍ​ຫາຍ​ດີ ຈົ່ງ​ເຮັດ​ໃຫ້​ຄົນ​ຕາຍ​ຄືນ​ມີ​ຊີວິດ, ຈົ່ງ​ເຮັດ​ໃຫ້​ຜູ້​ທີ່​ເປັນ​ພະຍາດ​ຂີ້ທູດ​ຫາຍ​ດີ ແລະ​ຂັບໄລ່​ຜີມານຮ້າຍ​ອອກ, ພວກເຈົ້າ​ໄດ້​ຮັບ​ລ້າໆ​ໂດຍ​ບໍ່​ຄິດຄ່າ​ຢ່າງ​ໃດ ຈົ່ງ​ໃຫ້​ລ້າໆ​ໂດຍ​ບໍ່​ຄິດຄ່າ​ຢ່າງ​ນັ້ນ.

ມັດທາຍ 11:5

ຄື: ຄົນ​ຕາບອດ​ເຫັນ​ຮຸ່ງ​ໄດ້, ຄົນ​ຂາ​ຫ້ານ​ຍ່າງ​ໄດ້, ຜູ້​ທີ່​ເປັນ​ພະຍາດ​ຂີ້ທູດ​ກໍດີ​ສະອາດ, ຄົນ​ຫູ​ໜວກ​ກໍ​ໄດ້​ຍິນ, ຄົນ​ຕາຍ​ແລ້ວ​ກໍ​ເປັນ​ຄືນ​ມາ ແລະ​ຂ່າວປະເສີດ​ກໍ​ມີ​ການ​ປະກາດ​ແກ່​ຄົນ​ຍາກຈົນ.

ລູກາ 4:27

ໃນ​ສະໄໝ​ຂອງ​ຜູ້ທຳນວາຍ​ເອລີຊາ ໄດ້​ມີ​ຄົນ​ຂີ້ທູດ​ຕັ້ງ​ຫລາຍ​ຄົນ​ໃນ​ຊາດ​ອິດສະຣາເອນ, ແຕ່​ບໍ່ມີ​ຜູ້ໃດ​ໃນ​ພວກເຂົາ ໄດ້​ຮັບ​ການ​ຊຳລະ​ໃຫ້​ສະອາດ​ດີ ນອກຈາກ​ນາອາມານ ຊາວ​ຊີເຣຍ​ແຕ່​ເທົ່ານັ້ນ.”

ລູກາ 7:22

ແລ້ວ​ພຣະອົງ​ກໍ​ຕອບ​ຄົນ​ທີ່​ໂຢຮັນ​ໃຊ້​ມາ​ນັ້ນ​ວ່າ, “ຈົ່ງ​ກັບ​ໄປ​ບອກ​ໂຢຮັນ ຕາມ​ທີ່​ພວກເຈົ້າ​ໄດ້​ເຫັນ​ແລະ​ໄດ້ຍິນ ຄື​ວ່າ​ຄົນ​ຕາບອດ​ເຫັນ​ຮຸ່ງ​ໄດ້ ຄົນເປ້ຍ​ຍ່າງ​ໄດ້ ຜູ້​ທີ່​ທົນທຸກ​ດ້ວຍ​ພະຍາດ​ຂີ້ທູດ​ກໍດີ​ສະອາດ, ຄົນ​ຫູ​ໜວກ​ກໍ​ໄດ້​ຍິນ, ຄົນ​ຕາຍ​ແລ້ວ​ກໍ​ເປັນ​ຄືນ​ມາ​ມີ​ຊີວິດ ແລະ​ຂ່າວປະເສີດ​ກໍ​ປະກາດ​ແກ່​ຄົນ​ຍາກຈົນ.