ລະບຽບ^ພວກເລວີ 11:8 - ພຣະຄຳພີສັກສິ

⁸ ຢ່າ​ກິນ​ສັດ​ເຫຼົ່ານີ້ ຫລື​ແມ່ນແຕ່​ແຕະຕ້ອງ​ຊາກສັດ​ຕາຍ ເພາະ​ສັດ​ເຫຼົ່ານີ້​ເປັນ​ມົນທິນ.

ລະບຽບ^ພວກເລວີ 11:8 Jak'a apnaqawi uñst'ayäwi

ເອຊາຢາ 52:11

ທຸກຄົນ​ທີ່​ແບກຫາບ​ເຄື່ອງໃຊ້​ຂອງ​ພຣະເຈົ້າຢາເວ ຈົ່ງ​ອອກ​ໄປ​ໄວໆ ຈາກ​ນະຄອນ​ບາບີໂລນ​ເຖີດ ຢ່າ​ແຕະຕ້ອງ​ສິ່ງ​ຫວງຫ້າມ​ໃດໆ ຈົ່ງ​ຮັກສາ​ຕົວ​ໃຫ້​ບໍຣິສຸດ ແລະ​ອອກ​ໜີໄປ​ເຖີດ

ໂຮເສອາ 9:3

ປະຊາຊົນ​ອິດສະຣາເອນ​ຈະ​ບໍ່ໄດ້​ຢູ່​ໃນ​ດິນແດນ​ຂອງ​ພຣະເຈົ້າຢາເວ​ອີກ​ຕໍ່ໄປ, ແຕ່​ພວກເຂົາ​ຈະ​ຕ້ອງ​ກັບຄືນ​ໄປ​ປະເທດ​ເອຢິບ ແລະ​ກິນ​ອາຫານ​ທີ່​ຫວງຫ້າມ​ໃນ​ອັດຊີເຣຍ.

ລະບຽບ^ພວກເລວີ 11:7

ຢ່າ​ກິນ​ໝູ​ເພາະ​ຖື​ວ່າ​ເປັນ​ສັດ​ມີ​ມົນທິນ; ມັນ​ເປັນ​ສັດ​ທີ່​ມີ​ເລັບຕີນ​ເປັນ​ກີບ ແຕ່​ມັນ​ບໍ່​ຄ້ຽວເອື້ອງ.

ລະບຽບ^ພວກເລວີ 11:9

ເຈົ້າ​ກິນ​ປາ​ທຸກໆ​ຊະນິດ​ທີ່​ມີ​ຄີ​ແລະ​ມີ​ເກັດ​ໄດ້

ລະບຽບ^ພວກເລວີ 5:2

ຖ້າ​ຜູ້ໜຶ່ງ​ແຕະຕ້ອງ​ສິ່ງ​ທີ່​ເປັນ​ມົນທິນ​ຕາມ​ກົດບັນຍັດ​ໂດຍ​ບໍ່ຕັ້ງໃຈ ເຊັ່ນ​ຊາກສັດ​ຕາຍ; ລາວ​ກໍ​ເປັນ​ມົນທິນ​ແລະ​ມີ​ຄວາມຜິດ.

ມັດທາຍ 15:11

ບໍ່ແມ່ນ​ສິ່ງ​ທີ່​ມະນຸດ​ກິນ​ເຂົ້າ​ໄປ​ໃນ​ປາກ​ເຮັດ​ໃຫ້​ມະນຸດ​ຊົ່ວ​ມົວໝອງ, ແຕ່​ແມ່ນ​ສິ່ງ​ທີ່​ອອກ​ມາ​ຈາກ​ປາກ​ນັ້ນ​ແຫຼະ ທີ່​ເຮັດ​ໃຫ້​ມະນຸດ​ຊົ່ວ​ມົວໝອງ.”

ມັດທາຍ 15:20

ສິ່ງ​ເຫຼົ່ານີ້​ແຫຼະ ທີ່​ເຮັດ​ໃຫ້​ມະນຸດ​ຊົ່ວ​ມົວໝອງ, ແຕ່​ການ​ຮັບປະທານ​ອາຫານ​ໂດຍ​ບໍ່ໄດ້​ລ້າງ​ມື​ກ່ອນ​ນັ້ນ ບໍ່ໄດ້​ເຮັດ​ໃຫ້​ມະນຸດ​ຊົ່ວ​ມົວໝອງ.”

ມາຣະໂກ 7:15

ບໍ່ມີ​ສິ່ງໃດ​ທີ່​ຢູ່​ພາຍ​ນອກ ທີ່​ມະນຸດ​ກິນ​ເຂົ້າ​ໄປ​ພາຍ​ໃນ​ແລ້ວ ເຮັດ​ໃຫ້​ມະນຸດ​ຊົ່ວ​ມົວໝອງ, ແຕ່​ແມ່ນ​ສິ່ງ​ທີ່​ອອກ​ມາ​ຈາກ​ໃຈ​ມະນຸດ​ນັ້ນ​ແຫຼະ ທີ່​ເຮັດ​ໃຫ້​ມະນຸດ​ຊົ່ວ​ມົວໝອງ. [

ມາຣະໂກ 7:18

ພຣະເຢຊູເຈົ້າ​ຕອບ​ພວກເພິ່ນ​ວ່າ, “ພວກເຈົ້າ​ກໍ​ຍັງ​ບໍ່​ເຂົ້າໃຈ​ເໝືອນກັນ​ກັບ​ພວກເຂົາ​ບໍ? ພວກເຈົ້າ​ບໍ່​ເຂົ້າໃຈ​ບໍ​ວ່າ ທຸກສິ່ງ​ທີ່​ມະນຸດ​ກິນ​ເຂົ້າ​ໄປ ບໍ່​ອາດ​ເຮັດ​ໃຫ້​ມະນຸດ​ຊົ່ວ​ມົວໝອງ​ໄດ້,

ມາຣະໂກ 7:2

ພວກເຂົາ​ໄດ້​ສັງເກດ​ເຫັນ​ວ່າ ພວກ​ສາວົກ​ຂອງ​ພຣະອົງ​ກິນ​ເຂົ້າ​ໂດຍ​ບໍ່ໄດ້​ລ້າງ​ມື​ຕາມ​ພິທີ​ກ່ອນ. (

ກິດຈະການ 10:28

ເປໂຕ​ໄດ້​ກ່າວ​ກັບ​ຄົນ​ເຫຼົ່ານັ້ນ​ວ່າ, “ທ່ານ​ທັງຫລາຍ​ຮູ້​ດີ​ວ່າ ການ​ທີ່​ຄົນ​ຢິວ​ຈະ​ມາ​ຢ້ຽມຢາມ ຫລື​ເຂົ້າ​ຮ່ວມ​ຄົບຫາ​ສະມາຄົມ​ກັບ​ຄົນຕ່າງຊາດ ກໍ​ເປັນ​ການ​ຕ້ອງ​ຫ້າມ, ແຕ່​ພຣະເຈົ້າ​ໄດ້​ໂຜດ​ສຳແດງ​ໃຫ້​ຂ້າພະເຈົ້າ​ເຫັນ​ວ່າ ບໍ່​ຕ້ອງ​ຖື​ຄົນໃດ​ຄົນໜຶ່ງ​ວ່າ​ເປັນ​ຄົນ​ຕ້ອງ​ຫ້າມ ຫລື​ເປັນ​ມົນທິນ.

ກິດຈະການ 15:29

ຄື​ໃຫ້​ງົດເວັ້ນ​ເສຍ​ຈາກ​ກິນ​ອາຫານ​ທີ່​ຖວາຍບູຊາ​ແກ່​ຮູບເຄົາຣົບ​ແລ້ວ, ໃຫ້​ງົດ​ຈາກ​ການ​ກິນ​ເລືອດ, ໃຫ້​ງົດ​ຈາກ​ການ​ກິນ​ສັດ​ທີ່​ຕາຍ​ເພາະ​ຖືກ​ຮັດ​ຄໍ ແລະ​ໃຫ້​ຫລີກເວັ້ນ​ຈາກ​ການ​ຫລິ້ນຊູ້, ຖ້າ​ພວກທ່ານ​ງົດ​ຈາກ​ສິ່ງ​ເຫຼົ່ານີ້​ໄດ້ ພວກທ່ານ​ກໍ​ຢູ່ເຢັນ​ເປັນສຸກ ຈົ່ງ​ຈະເລີນ​ເທີ້ນ.”

ໂຣມ 14:21

ການ​ທີ່​ຈະ​ບໍ່​ກິນ​ຊີ້ນ ຫລື​ດື່ມ​ເຫຼົ້າ ຫລື​ເຮັດ​ສິ່ງໃດໆ ຊຶ່ງ​ເປັນ​ເຫດ​ໃຫ້​ພີ່ນ້ອງ​ຊູນ​ສະດຸດ​ໃຈ ກໍ​ເປັນ​ການ​ຖືກຕ້ອງ​ຢູ່​ແລ້ວ.

1 ໂກຣິນໂທ 8:8

ອາຫານ​ບໍ່ແມ່ນ​ສິ່ງ​ທີ່​ຊ່ວຍ​ເຮົາ ໃຫ້​ມີ​ຄວາມ​ສຳພັນ​ກັບ​ພຣະເຈົ້າ​ດີ​ຂຶ້ນ ຖ້າ​ເຮົາ​ບໍ່​ກິນ ເຮົາ​ກໍ​ບໍ່ໄດ້​ຊົ່ວ​ລົງ ຖ້າ​ເຮົາ​ກິນ ເຮົາ​ກໍ​ບໍ່ໄດ້​ດີ​ຂຶ້ນ.

2 ໂກຣິນໂທ 6:17

ດ້ວຍເຫດນັ້ນ ອົງພຣະ​ຜູ້​ເປັນເຈົ້າ​ຈຶ່ງ​ກ່າວ​ວ່າ, “ຈົ່ງ​ແຍກ​ຕົວ​ອອກ​ຈາກ​ທ່າມກາງ​ພວກເຂົາ ແລະ​ຈົ່ງ​ຕັ້ງ​ຢູ່​ຕ່າງຫາກ ຢ່າ​ແຕະຕ້ອງ​ສິ່ງ​ທີ່​ເປັນ​ມົນທິນ ແລະ​ເຮົາ​ຈຶ່ງ​ຈະ​ຮັບ​ເອົາ​ພວກເຈົ້າ​ໄວ້.

ເອເຟໂຊ 5:11

ຢ່າ​ເຂົ້າ​ໄປ​ມີ​ສ່ວນ​ໃດໆ​ກັບ​ການ​ກະທຳ​ຝ່າຍ​ຄວາມມືດ ອັນ​ບໍ່ມີ​ປະໂຫຍດ​ຫຍັງ ແຕ່​ຈົ່ງ​ເປີດເຜີຍ​ສິ່ງ​ເຫຼົ່ານັ້ນ ອອກ​ມາ​ສູ່​ຄວາມ​ສະຫວ່າງ​ກໍດີກວ່າ.

ເອເຟໂຊ 5:7

ດັ່ງນັ້ນ ພວກເຈົ້າ​ຢ່າ​ຄົບຫາ​ສະມາຄົມ​ກັບ​ຄົນ​ເຫຼົ່ານີ້​ຈັກເທື່ອ.

ໂກໂລຊາຍ 2:16

ເຫດສະນັ້ນ ຢ່າ​ໃຫ້​ຜູ້ໃດ​ກ່າວໂທດ​ພວກເຈົ້າ​ໃນ​ເລື່ອງ​ການ​ກິນການ​ດື່ມ ຫລື​ໃນ​ເລື່ອງ​ວັນ​ສຳຄັນ​ທາງ​ສາສະໜາ ຫລື​ໃນ​ເລື່ອງ​ງານ​ສະຫລອງ​ວັນ​ເດືອນ​ອອກ​ໃໝ່ ຫລື​ໃນ​ເລື່ອງ​ວັນ​ຊະບາໂຕ.

ເຮັບເຣີ 9:10

ເພາະ​ເປັນ​ເລື່ອງ​ຂອງ​ກິນ ຂອງ​ດື່ມ ແລະ​ພິທີ​ຊຳລະ​ລ້າງ​ຕ່າງໆ​ເທົ່ານັ້ນ ເປັນ​ພິທີ​ສຳລັບ​ການ​ປະຕິບັດ​ທາງ​ກາຍ ທີ່​ໄດ້​ຊົງ​ບັນຍັດ​ໄວ້ ຈົນກວ່າ​ຈະ​ໄດ້​ຊົງ​ປ່ຽນແປງ​ໃໝ່.