ລະບຽບ^ພວກເລວີ 11:7 - ພຣະຄຳພີສັກສິ

⁷ ຢ່າ​ກິນ​ໝູ​ເພາະ​ຖື​ວ່າ​ເປັນ​ສັດ​ມີ​ມົນທິນ; ມັນ​ເປັນ​ສັດ​ທີ່​ມີ​ເລັບຕີນ​ເປັນ​ກີບ ແຕ່​ມັນ​ບໍ່​ຄ້ຽວເອື້ອງ.

ລະບຽບ^ພວກເລວີ 11:7 Jak'a apnaqawi uñst'ayäwi

ເອຊາຢາ 65:4

ໃນ​ຕອນ​ກາງຄືນ ພວກເຂົາ​ໄປ​ໃນ​ຖໍ້າ ແລະ​ຂຸມຝັງສົບ ເພື່ອ​ເອີ້ນ​ວິນຍານ​ຂອງ​ຄົນຕາຍ​ມາ​ປຶກສາ. ພວກເຂົາ​ກິນ​ຊີ້ນໝູ ແລະ​ຊົດ​ນໍ້າ​ຕົ້ມ​ຂອງ​ຊີ້ນໝູ ທີ່​ໄດ້​ບູຊາ​ຖວາຍ​ແກ່​ພະ​ຂອງ​ຊາວ​ຕ່າງຊາດ.

ເອຊາຢາ 66:17

ພຣະເຈົ້າຢາເວ​ກ່າວ​ວ່າ, “ຄາວ​ສຸດທ້າຍ​ມາ​ໃກ້​ແລ້ວ ສຳລັບ​ຜູ້​ທີ່​ຊຳລະ​ຕົນເອງ​ເພື່ອ​ຂາບໄຫວ້​ພະ​ຂອງ​ຊາວ​ຕ່າງຊາດ ຄື​ຜູ້​ເຂົ້າຮ່ວມ​ໃນ​ຂະບວນ​ການ​ບູຊາ​ສວນ​ສັກສິດ ແລະ​ຜູ້​ກິນ​ໝູ​ແລະ​ກິນ​ໜູ​ແລະ​ອາຫານ​ຂີ້ດຽດ​ອື່ນໆ​ອີກ.

ເອຊາຢາ 66:3

ປະຊາຊົນ​ເຮັດ​ຕາມ​ຄວາມ​ພໍໃຈ​ຂອງ​ພວກເຂົາ. ບໍ່​ວ່າ​ຈະ​ຂ້າ​ງົວເຖິກ​ເປັນ​ເຄື່ອງ​ບູຊາ​ຫລື​ເອົາ​ມະນຸດ​ບູຊາ​ກໍດີ; ບໍ່​ວ່າ​ຈະ​ຂ້າ​ແກະ​ຫລື​ຫັກ​ຄໍ​ໝາ​ມາ​ບູຊາ​ກໍດີ; ບໍ່​ວ່າ​ນຳ​ພືດຜົນ​ເປັນເມັດ​ຫລື​ເອົາ​ເລືອດ​ໝູ​ມາ​ບູຊາ​ກໍດີ; ບໍ່​ວາ​ຈະ​ເຜົາ​ເຄື່ອງຫອມ​ຖວາຍບູຊາ ຫລື​ວອນຂໍ​ຕໍ່​ຮູບເຄົາຣົບ​ກໍດີ ທັງໝົດ​ນັ້ນ​ຄື​ກັນ​ສຳລັບ​ພວກເຂົາ. ພວກເຂົາ​ພໍໃຈ​ກັບ​ວິທີ​ຂາບໄຫວ້​ແບບ​ໜ້າລັງກຽດ​ນີ້.

ລະບຽບ^ພວກເລວີ 11:3

ເຈົ້າ​ກິນ​ສັດ​ທີ່​ເທິງ​ແຜ່ນດິນ​ທີ່​ມີ​ໂບກຕີນ​ເປັນ​ກີບ ແລະ​ສັດ​ທີ່​ຄ້ຽວເອື້ອງ​ທຸກໆ​ຊະນິດ​ໄດ້

ລະບຽບ^ພວກເລວີ 11:8

ຢ່າ​ກິນ​ສັດ​ເຫຼົ່ານີ້ ຫລື​ແມ່ນແຕ່​ແຕະຕ້ອງ​ຊາກສັດ​ຕາຍ ເພາະ​ສັດ​ເຫຼົ່ານີ້​ເປັນ​ມົນທິນ.

ມັດທາຍ 7:6

“ຢ່າ​ເອົາ​ສິ່ງ​ທີ່​ບໍຣິສຸດ​ໂຍນ​ໃຫ້​ໝາ ຢ້ານ​ວ່າ​ມັນ​ຈະ​ຫັນ​ຄືນ​ມາ​ສວບ​ກັດ​ເຈົ້າ ຢ່າ​ໂຍນ​ໄຂ່ມຸກ​ໃສ່​ຕໍ່ໜ້າ​ໝູ ຢ້ານ​ວ່າ​ມັນ​ຈະ​ຢຽບ​ຢໍ່າ​ຖິ້ມ​ເທົ່ານັ້ນ.”

ລູກາ 15:15

ດັ່ງນັ້ນ ລາວ​ຈຶ່ງ​ໄປ​ຂໍ​ຮັບ​ຈ້າງ​ຢູ່​ນຳ​ຄົນ​ໜຶ່ງ​ໃນ​ເມືອງ​ນັ້ນ ແລະ​ຄົນ​ນັ້ນ​ກໍ​ໃຊ້​ລາວ​ອອກ​ໄປ​ລ້ຽງ​ໝູ​ທີ່​ທົ່ງນາ.

ລູກາ 8:33

ແລ້ວ​ຜີມານຮ້າຍ​ເຫຼົ່ານັ້ນ ກໍ​ອອກ​ຈາກ​ຊາຍ​ຄົນ​ນີ້​ເຂົ້າ​ໄປ​ສິງ​ຢູ່​ໃນ​ຝູງ​ໝູ, ໝູ​ທັງ​ຝູງ​ກໍ​ຟ້າວ​ແລ່ນ​ລົງ​ຕາລິ່ງຊັນ ແລະ​ໂຕນ​ໃສ່​ທະເລສາບ​ຈົມ​ນໍ້າ​ຕາຍ​ໝົດ.

ພຣະບັນຍັດສອງ 14:8

ຢ່າ​ກິນ​ໝູ​ເພາະ​ໝູ​ເປັນ​ທີ່​ຖື​ວ່າ​ເປັນ​ມົນທິນ. ມັນ​ບໍ່​ຄ້ຽວເອື້ອງ ແຕ່​ມີ​ໂບກຕີນ​ເປັນ​ກີບ. ຢ່າ​ກິນ​ສັດ​ເຫຼົ່ານີ້ ແລະ​ຢ່າ​ແຕະຕ້ອງ​ແມ່ນແຕ່​ຊາກສົບ​ຂອງ​ມັນ.