ລະບຽບ^ພວກເລວີ 10:2 - ພຣະຄຳພີສັກສິ

² ດັ່ງນັ້ນ ພຣະເຈົ້າຢາເວ​ໄດ້​ສົ່ງ​ໄຟ​ລົງ​ມາ​ໄໝ້​ພວກເຂົາ​ຕາຍ​ຄາ​ທີ່​ຢູ່​ຊ້ອງໜ້າ​ພຣະເຈົ້າຢາເວ.

ລະບຽບ^ພວກເລວີ 10:2 Jak'a apnaqawi uñst'ayäwi

2 ຊາມູເອນ 6:7

ໃນ​ທັນໃດນັ້ນ ພຣະເຈົ້າຢາເວ​ກໍ​ໂກດຮ້າຍ​ອຸດຊາ ແລະ​ຂ້າ​ລາວ ເພາະ​ລາວ​ບໍ່​ຢ້ານຢຳ​ພຣະອົງ. ອຸດຊາ​ຕາຍ​ໃກ້​ກັບ​ຫີບ​ຂອງ​ພຣະເຈົ້າ​ຢູ່​ທີ່​ນັ້ນ.

1 ກະສັດ 13:28

ແລະ​ເພິ່ນ​ກໍ​ຂີ່​ລໍ​ອອກ​ໄປ ແລະ​ພົບ​ຊາກສົບ​ຂອງ​ຜູ້ທຳນວາຍ​ນອນ​ຢຽດ​ໃນ​ຫົນທາງ ຊຶ່ງ​ມີ​ລໍ​ແລະ​ສິງ​ຢືນ​ຢູ່​ທີ່​ນັ້ນ. ສິງ​ບໍ່ໄດ້​ກັດກິນ​ຊາກສົບ ຫລື​ຕໍ່ສູ້​ລໍ​ແຕ່​ຢ່າງໃດ.

1 ກະສັດ 18:38

ແລ້ວ​ພຣະເຈົ້າຢາເວ​ກໍໄດ້​ສົ່ງ​ໄຟ​ລົງ​ມາ​ໄໝ້​ເຄື່ອງບູຊາ, ໄໝ້​ຟືນ, ໄໝ້​ກ້ອນຫີນ, ເຜົາ​ໄໝ້​ດິນ ແລະ​ດູດ​ນໍ້າ​ໃນ​ຮ່ອງ​ຈົນ​ແຫ້ງ.

2 ກະສັດ 1:10

ເອລີຢາ​ຕອບ​ວ່າ, “ຖ້າ​ຂ້ອຍ​ເປັນ​ຄົນ​ຂອງ​ພຣະເຈົ້າ ຂໍ​ໃຫ້​ໄຟ​ຈາກ​ສະຫວັນ​ລົງ​ມາ​ໄໝ້​ເຈົ້າ​ແລະ​ພວກ​ທະຫານ​ຂອງ​ເຈົ້າ​ໃຫ້​ຕາຍ​ສາ.” ໃນທັນໃດ ໄຟ​ຈາກ​ສະຫວັນ​ກໍ​ລົງ​ມາ​ໄໝ້​ນາຍ​ທະຫານ​ແລະ​ຄົນ​ຂອງ​ລາວ​ຕາຍ​ໝົດ.

2 ກະສັດ 1:12

ແຕ່​ເອລີຢາ​ຕອບ​ວ່າ, “ຖ້າ​ຂ້ອຍ​ເປັນ​ຄົນ​ຂອງ​ພຣະເຈົ້າ ຂໍ​ໃຫ້​ໄຟ​ຈາກ​ສະຫວັນ​ລົງ​ມາ​ໄໝ້​ເຈົ້າ ແລະ​ພວກ​ທະຫານ​ຂອງ​ເຈົ້າ​ໃຫ້​ຕາຍ​ສາ.” ໃນທັນໃດ ໄຟ​ຂອງ​ພຣະເຈົ້າ​ກໍ​ລົງ​ມາ​ຈາກ​ສະຫວັນ​ໄໝ້​ນາຍ​ທະຫານ ແລະ​ຄົນ​ຂອງ​ລາວ​ຕາຍ​ໝົດ.

1 ຂ່າວຄາວ 13:10

ໃນ​ທັນໃດນັ້ນ ພຣະເຈົ້າຢາເວ​ກໍ​ໂກດຮ້າຍ​ອຸດຊາ ແລະ​ເຮັດ​ໃຫ້​ລາວ​ຕາຍ ເພາະ​ລາວ​ແຕະຕ້ອງ​ຫີບ​ນັ້ນ. ລາວ​ໄດ້​ສິ້ນໃຈ​ຕາຍ​ຢູ່​ທີ່​ນັ້ນ​ຕໍ່ໜ້າ​ພຣະເຈົ້າ

1 ຂ່າວຄາວ 15:13

ຍ້ອນ​ພວກເຈົ້າ​ບໍ່ໄດ້​ໄປ​ທີ່​ນັ້ນ​ເທື່ອ​ທຳອິດ ເພື່ອ​ຫາມ​ຫີບ​ພັນທະສັນຍາ; ພຣະເຈົ້າຢາເວ ພຣະເຈົ້າ​ຂອງ​ພວກເຮົາ​ຈຶ່ງ​ໄດ້​ລົງໂທດ​ພວກເຮົາ ເພາະ​ບໍ່ໄດ້​ນະມັດສະການ​ພຣະອົງ​ຕາມ​ທີ່​ສົມຄວນ.”

1 ຂ່າວຄາວ 24:2

ນາດາບ​ແລະ​ອາບີຮູ​ຕາຍໄປ​ກ່ອນ​ພໍ່ ແລະ​ບໍ່ໄດ້​ສືບ​ເຊື້ອສາຍ​ໃຫ້​ຜູ້ໃດ​ເລີຍ; ດັ່ງນັ້ນ ເອເລອາຊາ​ແລະ​ອີທາມາ ນ້ອງ​ຂອງ​ພວກເຂົາ​ຈຶ່ງ​ຂຶ້ນ​ເປັນ​ປະໂຣຫິດ.

ພຣະທຳ​ໂຢບ 1:16

ລາວ​ເວົ້າ​ບໍ່​ທັນ​ຂາດຄຳ ຄົນ​ຮັບໃຊ້​ຜູ້​ອື່ນ​ອີກ​ກໍ​ມາ ແລະ​ເວົ້າ​ວ່າ, “ຟ້າ​ໄດ້​ຜ່າ​ແກະ​ກັບ​ຄົນລ້ຽງແກະ​ຕາຍ​ຈົນ​ໝົດ. ຂ້ານ້ອຍ​ແມ່ນ​ຜູ້ດຽວ​ເທົ່ານັ້ນ ທີ່​ລອດຊີວິດ​ໜີ​ມາ​ບອກ​ທ່ານ.”

ເພງ^ສັນລະເສີນ 50:3

ພຣະເຈົ້າ​ຂອງ​ພວກເຮົາ​ກຳລັງ​ມາ​ຢ່າງ​ໂດ່ງດັງ ພຣະອົງ​ມີ​ໄຟ​ລຸກ​ຢູ່ ແລະ​ມີ​ລົມພະຍຸ​ອັນ​ຮ້າຍແຮງ​ພັດ​ອ້ອມ​ພຣະອົງ​ໄວ້.

ອົບພະຍົບ 24:1

ແລ້ວ​ພຣະເຈົ້າ​ໄດ້​ບອກ​ໂມເຊ​ວ່າ, “ເຈົ້າ​ກັບ​ອາໂຣນ, ນາດາບ, ອາບີຮູ, ພ້ອມ​ທັງ​ບັນດາ​ຫົວໜ້າ 70 ຄົນ​ຂອງ​ຊາດ​ອິດສະຣາເອນ ຈົ່ງ​ຂຶ້ນ​ມາ​ຫາ​ພຣະເຈົ້າຢາເວ​ທີ່​ເທິງ​ພູເຂົາ; ເມື່ອ​ຂຶ້ນ​ມາ​ແລ້ວ​ໃຫ້​ກົ້ມຂາບ​ນະມັດສະການ​ຢູ່​ຫ່າງໆ.

ເອຊາຢາ 30:33

ພວກເຂົາ​ຈັດຕຽມ​ບ່ອນ​ເຜົາ​ຈັກກະພັດ​ອັດຊີເຣຍ ດ້ວຍ​ກອງ​ໄຟ​ອັນ​ໃຫຍ່​ມາ​ດົນ​ແລ້ວ. ບ່ອນ​ນັ້ນ​ທັງເລິກ​ທັງກວ້າງ​ແລະ​ທັງ​ມີ​ກອງ​ຟືນ​ສູງ. ພຣະເຈົ້າຢາເວ​ຈະ​ຫາຍໃຈ​ເປັນ​ແປວໄຟ ເພື່ອ​ໄໝ້​ເຜົາຜານ​ບ່ອນນັ້ນ.

ລະບຽບ^ພວກເລວີ 10:5

ດັ່ງນັ້ນ ພວກເຂົາ​ຈຶ່ງ​ມາ​ຍົກ​ເສື້ອ​ພ້ອມ​ສົບ​ຄົນ​ຕາຍ​ອອກ​ໄປ​ໄວ້​ນອກ​ຄ້າຍພັກ ຕາມ​ທີ່​ໂມເຊ​ໄດ້​ສັ່ງ.

ລະບຽບ^ພວກເລວີ 16:1

ພຣະເຈົ້າຢາເວ​ໄດ້​ກ່າວ​ແກ່​ໂມເຊ ຫລັງຈາກ​ລູກຊາຍ​ສອງ​ຄົນ​ຂອງ​ອາໂຣນ​ໄດ້​ຕາຍໄປ ຜູ້​ທີ່​ຖືກ​ຂ້າ​ຄາວ​ເມື່ອ​ພວກເຂົາ​ໄດ້​ຫຍັບ​ເຂົ້າ​ໄປ​ໃກ້​ພຣະເຈົ້າຢາເວ​ນັ້ນ.

ລະບຽບ^ພວກເລວີ 9:24

ໄຟ​ໄດ້ລົງ​ມາ​ຕໍ່ໜ້າ​ພຣະເຈົ້າຢາເວ​ໄໝ້​ເຄື່ອງ​ຖວາຍບູຊາ​ແລະ​ສ່ວນ​ຕ່າງໆ​ຂອງ​ໄຂມັນ​ທີ່​ເທິງ​ແທ່ນບູຊາ. ເມື່ອ​ປະຊາຊົນ​ໄດ້​ເຫັນ​ດັ່ງນັ້ນ ພວກເຂົາ​ກໍ​ພາກັນ​ໂຮຮ້ອງ​ຂຶ້ນ​ດ້ວຍ​ສຽງດັງ​ກ້ອງສະໜັ່ນ ແລະ​ຂາບລົງ​ຈົນ​ໜ້າ​ຈຸ​ດິນ.

ຈົດບັນຊີ 16:35

ແລ້ວ​ໄຟ​ຈາກ​ພຣະເຈົ້າຢາເວ​ກໍ​ໄດ້ລົງ​ມາ​ເຜົາຜານ 250 ຄົນ ຄື​ຜູ້​ທີ່​ໄດ້​ເຜົາ​ເຄື່ອງຫອມ​ມາ​ຖວາຍ​ນັ້ນ.

ຈົດບັນຊີ 16:49

ຈຳນວນ​ຄົນຕາຍ​ມີ 14.700 ຄົນ​ໂດຍ​ບໍ່​ນັບ​ຜູ້​ທີ່​ຕາຍ​ຍ້ອນ​ໂກຣາ​ໄດ້​ກະບົດ.

ຈົດບັນຊີ 26:61

ນາດາບ​ແລະ​ອາບີຮູ​ໄດ້​ຕາຍ ຕອນ​ທີ່​ພວກເຂົາ​ໄດ້​ຖວາຍ​ບູຊາ​ໄຟ​ທີ່​ຕ້ອງຫ້າມ​ຕໍ່ໜ້າ​ພຣະເຈົ້າຢາເວ.

ກິດຈະການ 5:10

ໃນ​ທັນໃດນັ້ນ ນາງ​ກໍ​ລົ້ມ​ລົງ​ທີ່​ຕີນ​ຂອງ​ເປໂຕ ແລະ​ສິ້ນໃຈ​ຕາຍ ເມື່ອ​ພວກ​ຊາຍ​ໜຸ່ມ​ເຂົ້າ​ມາ​ກໍ​ເຫັນ​ວ່າ​ນາງ​ຕາຍ​ແລ້ວ. ດັ່ງນັ້ນ ພວກເຂົາ​ຈຶ່ງ​ຫາມ​ຊາກສົບ​ຂອງ​ນາງ​ອອກ​ໄປ ແລະ​ຝັງ​ໄວ້​ທີ່​ຂ້າງ​ຊາກສົບ​ຜົວ​ຂອງ​ນາງ.

ກິດຈະການ 5:5

ເມື່ອ​ອານາເນຍ​ໄດ້ຍິນ​ຖ້ອຍຄຳ​ເຫຼົ່ານີ້ ລາວ​ກໍ​ລົ້ມ​ລົງ​ສິ້ນໃຈ​ຕາຍ ຝ່າຍ​ຄົນ​ທັງປວງ​ທີ່​ໄດ້ຍິນ​ເຖິງ​ເຫດການ​ນັ້ນ ຕ່າງ​ກໍ​ຕົກໃຈ​ຢ້ານກົວ​ຢ່າງໃຫຍ່.

1 ໂກຣິນໂທ 10:11

ເຫດການ​ທັງໝົດ​ເຫຼົ່ານີ້ ໄດ້​ເກີດຂຶ້ນ​ແກ່​ບັນພະບຸລຸດ​ຂອງ​ພວກເຮົາ ກໍ​ເພື່ອ​ເປັນ​ຕົວຢ່າງ​ໃຫ້​ແກ່​ຜູ້​ອື່ນ ແລະ​ໄດ້​ບັນທຶກ​ເຫດການ​ທັງໝົດ​ນີ້​ໄວ້ ເພື່ອ​ເຕືອນ​ສະຕິ​ພວກເຮົາ ຊຶ່ງ​ຢູ່​ໃນ​ຍຸກ​ສຸດທ້າຍ​ທີ່​ກຳລັງ​ຈະ​ມາ​ເຖິງ.

1 ຊາມູເອນ 6:19

ພຣະເຈົ້າຢາເວ​ໄດ້​ຂ້າ​ຊາວ​ເມືອງ​ເບັດເຊເມດ​ເຈັດສິບ​ຄົນ ຍ້ອນ​ພວກເຂົາ​ຊ່ອງເບິ່ງ​ຫີບ​ຂອງ​ພຣະເຈົ້າຢາເວ. ປະຊາຊົນ​ໄດ້​ໄວ້ທຸກ​ໃຫ້ ເພາະ​ພຣະເຈົ້າຢາເວ​ໄດ້​ໃຫ້​ເກີດ​ການ​ເຂັ່ນຂ້າ​ເປັນ​ໝູ່​ຢ່າງໜັກ​ໃນ​ທ່າມກາງ​ພວກເຂົາ.