ລະບຽບ^ພວກເລວີ 1:1 - ພຣະຄຳພີສັກສິ

¹ ພຣະເຈົ້າຢາເວ​ໄດ້​ເອີ້ນ​ໂມເຊ ຈາກ​ຫໍເຕັນ​ບ່ອນ​ຊຸມນຸມ

ລະບຽບ^ພວກເລວີ 1:1 Jak'a apnaqawi uñst'ayäwi

2 ກະສັດ 16:13

ສະນັ້ນ ເພິ່ນ​ຈຶ່ງ​ເຜົາ​ສັດ​ຖວາຍ ແລະ​ຖວາຍ​ພືດຜົນ​ເປັນເມັດ​ທີ່​ເທິງ​ແທ່ນບູຊາ​ນັ້ນ ແລະ​ໄດ້​ຖອກ​ເຫຼົ້າ​ອະງຸ່ນ​ພ້ອມ​ທັງ​ເລືອດ​ເປັນ​ເຄື່ອງ​ຖວາຍບູຊາ​ຂອງ​ຕົນເອງ​ໃສ່​ເທິງ​ແທ່ນ​ນັ້ນ ເພື່ອ​ຄວາມ​ສາມັກຄີທຳ.

2 ຂ່າວຄາວ 29:32

ພວກເຂົາ​ໄດ້​ນຳ​ງົວເຖິກ​ເຈັດສິບ​ໂຕ, ແກະເຖິກ​ໜຶ່ງຮ້ອຍ​ໂຕ ແລະ​ລູກແກະ​ສອງຮ້ອຍ​ໂຕ ມາ​ເຜົາບູຊາ​ຖວາຍ​ແກ່​ພຣະເຈົ້າຢາເວ;

ອົບພະຍົບ 19:3

ແລະ​ໂມເຊ​ກໍໄດ້​ຂຶ້ນ​ໄປ​ທີ່​ເທິງ​ພູ​ເພື່ອ​ເຂົ້າ​ເຝົ້າ​ພຣະເຈົ້າ. ພຣະເຈົ້າຢາເວ​ໄດ້​ເອີ້ນ​ໂມເຊ​ຈາກ​ເທິງ​ພູ​ໃຫ້​ບອກ​ຊາວ​ອິດສະຣາເອນ ເຊື້ອສາຍ​ຂອງ​ຢາໂຄບ​ດັ່ງນີ້:

ອົບພະຍົບ 24:12

ພຣະເຈົ້າຢາເວ​ໄດ້​ກ່າວ​ແກ່​ໂມເຊ​ວ່າ, “ຈົ່ງ​ຂຶ້ນ​ມາ​ຫາ​ເຮົາ​ທີ່​ເທິງ​ພູເຂົາ; ເມື່ອ​ເຈົ້າ​ມາ​ຮອດ​ທີ່​ນີ້​ແລ້ວ ເຮົາ​ຈະ​ໃຫ້​ແຜ່ນ​ຫີນ​ສອງ​ແຜ່ນ ຊຶ່ງ​ບັນຈຸ​ກົດບັນຍັດ​ທັງໝົດ​ທີ່​ເຮົາ​ໄດ້​ຂຽນ​ໄວ້​ສຳລັບ​ແນະນຳ​ປະຊາຊົນ.”

ອົບພະຍົບ 25:22

ເຮົາ​ຈະ​ພົບ​ກັບ​ເຈົ້າ​ຢູ່​ທີ່​ເທິງ​ຝາອັດ​ຫີບ​ນັ້ນ ຄື​ຢູ່​ລະຫວ່າງ​ເທິງ​ປີກ​ທັງສອງ​ຂອງ​ເຄຣຸບ; ໃນ​ທີ່ນັ້ນ ເຮົາ​ຈະ​ໃຫ້​ກົດບັນຍັດ​ຕ່າງໆ​ຂອງເຮົາ​ແກ່​ປະຊາຊົນ​ອິດສະຣາເອນ.

ອົບພະຍົບ 29:42

ການ​ເຜົາ​ຖວາຍບູຊາ​ແກ່​ເຮົາ​ທີ່​ປະຕູ​ເຂົ້າ​ຫໍເຕັນ​ບ່ອນ​ຊຸມນຸມ​ຕໍ່ໜ້າ​ພຣະເຈົ້າຢາເວ ຈົ່ງ​ໃຫ້​ປະຕິບັດ​ກັນ​ສືບໆໄປ. ແມ່ນ​ໃນ​ບ່ອນ​ນີ້ ທີ່​ເຮົາ​ຈະ​ພົບ​ກັບ​ພວກເຈົ້າ ແລະ​ກ່າວ​ແກ່​ພວກເຈົ້າ.

ອົບພະຍົບ 3:4

ເມື່ອ​ພຣະເຈົ້າຢາເວ​ເຫັນ​ໂມເຊ​ຍ່າງ​ເຂົ້າ​ມາ​ໃກ້, ພຣະອົງ​ຈຶ່ງ​ກ່າວ​ອອກ​ມາ​ຈາກ​ພຸ່ມໄມ້​ນັ້ນ​ວ່າ, “ໂມເຊ ໂມເຊ​ເອີຍ.” ໂມເຊ​ຈຶ່ງ​ຕອບ​ວ່າ, “ໂດຍ ຂ້ານ້ອຍ​ກຳລັງ​ຟັງ​ຢູ່.”

ອົບພະຍົບ 33:7

ເມື່ອໃດ​ທີ່​ປະຊາຊົນ​ອິດສະຣາເອນ​ຕັ້ງ​ຄ້າຍພັກ​ອາໄສ​ຢູ່ ໂມເຊ​ກໍ​ກາງ​ຫໍເຕັນ​ບ່ອນ​ຊຸມນຸມ​ຂຶ້ນ​ຫ່າງ​ຈາກ​ຄ້າຍພັກ​ເມື່ອນັ້ນ. ຫໍເຕັນ​ນີ້​ເອີ້ນ​ວ່າ​ຫໍເຕັນ​ບ່ອນ​ຊຸມນຸມ ແລະ​ຖ້າ​ຜູ້ໃດ​ຕ້ອງການ​ເຂົ້າ​ພົບ​ພຣະເຈົ້າຢາເວ ກໍ​ໃຫ້​ຜູ້ນັ້ນ​ອອກ​ໄປ​ທີ່​ຫໍເຕັນ​ນັ້ນ ຊຶ່ງ​ຕັ້ງ​ຢູ່​ນອກ​ບໍລິເວນ​ຄ້າຍ.

ອົບພະຍົບ 39:32

ໃນທີ່ສຸດ ການ​ສ້າງ​ຫໍເຕັນ​ສັກສິດ, ຫໍເຕັນ​ບ່ອນ​ຊຸມນຸມ ກໍ​ສຳເລັດ​ລົງ​ທຸກຢ່າງ. ຊາວ​ອິດສະຣາເອນ​ໄດ້​ເຮັດ​ທຸກສິ່ງ​ຕາມ​ທີ່​ພຣະເຈົ້າຢາເວ​ໄດ້​ສັ່ງ​ໄວ້​ກັບ​ໂມເຊ​ທຸກປະການ.

ອົບພະຍົບ 40:29

ແລະ​ວາງ​ແທ່ນ​ເຜົາ​ບູຊາ​ຕໍ່ໜ້າ​ຫໍເຕັນ​ສັກສິດ, ຫໍເຕັນ​ບ່ອນ​ຊຸມນຸມ ຊຶ່ງ​ຊື່​ກັນ​ກັບ​ຜ້າກັ້ງ. ທີ່​ເທິງ​ແທ່ນ​ນັ້ນ ເພິ່ນ​ໄດ້​ເຜົາ​ເຄື່ອງບູຊາ​ກັບ​ຖວາຍ​ພືດຜົນ​ເປັນເມັດ ຕາມ​ທີ່​ພຣະເຈົ້າຢາເວ​ໄດ້​ສັ່ງ​ໄວ້​ນັ້ນ​ທຸກປະການ.

ລະບຽບ^ພວກເລວີ 7:38

ພຣະເຈົ້າຢາເວ​ໄດ້​ມອບ​ຂໍ້ຄຳສັ່ງ​ເຫຼົ່ານີ້​ໃຫ້​ແກ່​ໂມເຊ ທີ່​ເທິງ​ພູເຂົາ​ຊີນາຍ ໃນ​ມື້​ທີ່​ເພິ່ນ​ໄດ້​ບອກ​ປະຊາຊົນ​ອິດສະຣາເອນ ໃຫ້​ນຳ​ເຄື່ອງ​ມາ​ຖວາຍບູຊາ​ແກ່​ພຣະເຈົ້າຢາເວ​ຢູ່​ໃນ​ຖິ່ນ​ແຫ້ງແລ້ງ​ກັນດານ​ຂອງ​ຊີນາຍ.

ລະບຽບ^ພວກເລວີ 9:16

ເພິ່ນ​ຍັງ​ໄດ້​ນຳ​ສັດ​ມາ​ເຜົາ​ຖວາຍບູຊາ​ອີກ​ຕາມ​ລະບຽບ​ການ​ທຸກຢ່າງ.

ຈົດບັນຊີ 1:1

ໃນ​ມື້​ທີ​ໜຶ່ງ​ຂອງ​ເດືອນ​ທີ​ສອງ​ໃນ​ປີ​ທີ​ສອງ ຫລັງຈາກ​ທີ່​ປະຊາຊົນ​ອິດສະຣາເອນ​ອອກ​ຈາກ​ປະເທດ​ເອຢິບ​ແລ້ວ ພຣະເຈົ້າຢາເວ​ໄດ້​ບອກ​ໂມເຊ ທີ່​ຫໍເຕັນ​ບ່ອນ​ຊຸມນຸມ ທີ່​ຖິ່ນ​ແຫ້ງແລ້ງ​ກັນດານ​ຊີນາຍ​ວ່າ,

ຈົດບັນຊີ 7:89

ເມື່ອ​ໂມເຊ​ເຂົ້າ​ໄປ​ກ່າວ​ຕໍ່​ພຣະເຈົ້າຢາເວ​ໃນ​ຫໍເຕັນ​ບ່ອນ​ຊຸມນຸມ ເພິ່ນ​ກໍ​ໄດ້​ຍິນ​ພຣະອົງ​ກ່າວ​ແກ່​ເພິ່ນ​ຈາກ​ເທິງ​ຝາ​ຫີບ​ພັນທະສັນຍາ ລະຫວ່າງ​ເຄຣຸບ.

ໂຢຮັນ 1:17

ພຣະເຈົ້າ​ໄດ້​ໃຫ້​ກົດບັນຍັດ​ໂດຍ​ທາງ​ໂມເຊ ສ່ວນ​ພຣະຄຸນ​ແລະ​ຄວາມຈິງ​ນັ້ນ ໄດ້​ມາ​ໂດຍ​ທາງ​ພຣະເຢຊູ​ຄຣິດເຈົ້າ.

ພຣະບັນຍັດສອງ 27:6

ພວກເຈົ້າ​ຕ້ອງ​ສ້າງ​ແທ່ນບູຊາ​ຂອງ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ດ້ວຍ​ຫີນ​ທີ່​ບໍ່ໄດ້​ສະກັດ ແລະ​ໃຫ້​ພວກເຈົ້າ​ຖວາຍ​ເຄື່ອງ​ເຜົາບູຊາ​ແກ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໃນ​ທີ່ນັ້ນ.