ເພງ^ຄໍ່າຄວນ 5:21 - ພຣະຄຳພີສັກສິ

²¹ ຂ້າແດ່​ພຣະເຈົ້າຢາເວ ໂຜດ​ນຳ​ພວກ​ຂ້ານ້ອຍ​ດ້ວຍ ໃຫ້​ກັບ​ມາ​ຫາ​ພຣະອົງ​ອີກ​ແດ່ ແລະ​ໂຜດ​ປົວແປງ​ຖານະ​ເກົ່າ​ນັ້ນ ໃຫ້​ຄືນ​ສູ່​ສະພາບ​ເດີມ​ແດ່ທ້ອນ.

ເພງ^ຄໍ່າຄວນ 5:21 Jak'a apnaqawi uñst'ayäwi

1 ກະສັດ 18:37

ຂ້າແດ່​ພຣະເຈົ້າຢາເວ ຂໍ​ພຣະອົງ​ຕອບ​ຂ້ານ້ອຍ​ດ້ວຍ ຂໍ​ພຣະອົງ​ຕອບ​ຂ້ານ້ອຍ​ເພື່ອ​ປະຊາຊົນ​ເຫຼົ່ານີ້​ຈະ​ຮູ້​ວ່າ ພຣະອົງ​ແມ່ນ​ພຣະເຈົ້າຢາເວ ອົງ​ເປັນ​ພຣະເຈົ້າ ແລະ​ຮູ້​ວ່າ​ພຣະອົງ​ກຳລັງ​ນຳ​ພວກເຂົາ​ກັບຄືນ​ມາ​ຫາ​ພຣະອົງ.”

ເພງ^ສັນລະເສີນ 80:19

ຂ້າແດ່​ພຣະເຈົ້າຢາເວ ພຣະເຈົ້າ​ອົງ​ຊົງ​ຣິດອຳນາດ​ຍິ່ງໃຫຍ່​ເອີຍ ຂໍ​ຊົງ​ໂຜດ​ນຳ​ພວກ​ຂ້ານ້ອຍ​ໃຫ້​ກັບຄືນ​ມາ​ແດ່ທ້ອນ ຂໍ​ຊົງ​ໂຜດ​ໃຫ້​ຄວາມ​ເມດຕາ​ແກ່​ພວກ​ຂ້ານ້ອຍ ແລ້ວ​ພວກ​ຂ້ານ້ອຍ​ກໍ​ຈະ​ໄດ້​ພົ້ນໄພ.

ເພງ^ສັນລະເສີນ 80:3

ຂ້າແດ່​ພຣະເຈົ້າ ຂໍ​ຊົງ​ໂຜດ​ນຳ​ພວກ​ຂ້ານ້ອຍ​ກັບຄືນ​ມາ ຂໍ​ຊົງ​ໂຜດ​ເມດຕາ ແລ້ວ​ພວກ​ຂ້ານ້ອຍ​ກໍ​ຈະ​ໄດ້​ພົ້ນ.

ເພງ^ສັນລະເສີນ 80:7

ຂ້າແດ່​ພຣະເຈົ້າ​ອົງ​ຊົງ​ຣິດອຳນາດ​ຍິ່ງໃຫຍ່​ເອີຍ ຂໍ​ຊົງ​ໂຜດ​ນຳ​ພວກ​ຂ້ານ້ອຍ​ກັບຄືນ​ມາ​ແດ່ທ້ອນ ຂໍ​ຊົງ​ໂຜດ​ໃຫ້​ຄວາມ​ເມດຕາ​ແກ່​ພວກ​ຂ້ານ້ອຍ​ແດ່ ແລ້ວ​ພວກ​ຂ້ານ້ອຍ​ກໍ​ຈະ​ພົ້ນໄພ.

ເພງ^ສັນລະເສີນ 85:4

ຂ້າແດ່​ພຣະເຈົ້າ​ແຫ່ງ​ຄວາມພົ້ນ​ຂອງ​ພວກ​ຂ້ານ້ອຍ ຂໍ​ຊົງ​ໂຜດ​ນຳ​ພວກ​ຂ້ານ້ອຍ​ຄືນ​ບ້ານ ໂຜດ​ລະຖິ້ມ​ຄວາມ​ບໍ່​ພໍໃຈ ທີ່​ພຣະອົງ​ມີ ຕໍ່​ພວກ​ຂ້ານ້ອຍ​ນັ້ນ​ເຖີດ.

ເອຊາຢາ 60:20

ມື້​ທີ່​ເຈົ້າ​ໂສກເສົ້າ​ເສຍໃຈ​ຈະ​ສິ້ນສຸດ​ໄປ ພຣະເຈົ້າຢາເວ​ຈະ​ເປັນ​ແຈ້ງ​ຂອງເຈົ້າ ຄື​ເປັນ​ຄວາມ​ສະຫວ່າງ​ຂອງເຈົ້າ​ຕະຫລອດໄປ ສ່ອງ​ແສງແຈ້ງ​ກວ່າ​ຕາເວັນ​ແລະ​ເດືອນ​ອີກ.

ເຢເຣມີຢາ 30:20

ເຮົາ​ຈະ​ໃຫ້​ອຳນາດ​ດັ່ງເດີມ​ໃໝ່​ແກ່​ຊົນຊາດ​ນີ້​ເດີ ເຮົາ​ຈະ​ລົງໂທດ​ແກ່​ທຸກຄົນ​ທີ່​ກົດຂີ່​ພວກເຂົາ.

ເຢເຣມີຢາ 31:18

“ເຮົາ​ໄດ້ຍິນ​ປະຊາຊົນ​ອິດສະຣາເອນ​ເວົ້າ ດ້ວຍ​ຄວາມ​ໂສກເສົ້າ​ເສຍໃຈ​ດັ່ງນີ້: ‘ພວກ​ຂ້ານ້ອຍ​ດື້ດ້ານ ແລະ​ຈອງຫອງ ດັ່ງ​ສັດ​ໂຕໜຶ່ງ ແຕ່​ຂໍໂຜດ​ໄດ້​ສັ່ງສອນ​ໃຫ້​ເຊື່ອຟັງ​ພຣະອົງ​ແດ່ ຂໍໂຜດ​ໃຫ້​ໄດ້​ກັບຄືນ​ມາ​ຫາ​ພຣະອົງ​ແດ່ທ້ອນ; ພວກ​ຂ້ານ້ອຍ​ພ້ອມ​ແລ້ວ​ຈະ​ກັບຄືນ​ມາ​ຫາ​ພຣະອົງ ເພາະ​ພຣະອົງ​ເປັນ​ພຣະເຈົ້າຢາເວ ພຣະເຈົ້າ​ຂອງ​ພວກ​ຂ້ານ້ອຍ.

ເຢເຣມີຢາ 31:4

ເຮົາ​ຈະ​ປົວແປງ​ແລະ​ກໍ່ສ້າງ​ເຈົ້າ​ຂຶ້ນ​ໃໝ່​ອີກເທື່ອໜຶ່ງ. ພວກເຈົ້າ​ຈະ​ຕີ​ກອງ ແລະ​ຟ້ອນລຳ​ຢ່າງ​ຊື່ນບານ​ອີກເທື່ອໜຶ່ງ.

ເຢເຣມີຢາ 33:10

ພຣະເຈົ້າຢາເວ​ໄດ້​ກ່າວ​ວ່າ, “ປະຊາຊົນ​ກຳລັງ​ເວົ້າ​ວ່າ ບ່ອນ​ນີ້​ເປັນ​ດັ່ງ​ຖິ່ນ​ແຫ້ງແລ້ງ​ກັນດານ; ໃນ​ທີ່ນັ້ນ​ບໍ່ມີ​ແມ່ນແຕ່​ຄົນ ແລະ​ສັດ​ອາໄສ​ຢູ່. ເຂົາ​ເວົ້າ​ຖືກ​ແລ້ວ; ເມືອງ​ຂອງ​ຢູດາຍ​ກັບ​ຕາມ​ທ້ອງ​ຖະໜົນ​ຂອງ​ນະຄອນ​ເຢຣູຊາເລັມ​ກໍ​ຫວ່າງເປົ່າ; ບໍ່ມີ​ຄົນ​ຫລື​ສັດ​ອາໄສ​ຢູ່​ເລີຍ, ແຕ່​ໃນ​ບ່ອນ​ເຫຼົ່ານີ້ ພວກເຈົ້າ​ຈະ​ໄດ້ຍິນ​ອີກ​ເທື່ອ​ໃໝ່

ເຢເຣມີຢາ 33:13

ຕາມ​ເມືອງ​ຕ່າງໆ​ແລະ​ຕາມ​ເຂດ​ເນີນພູ, ຕາມ​ຕີນ​ພູ​ຕ່າງໆ ແລະ​ທາງ​ພາກໃຕ້​ຂອງ​ຢູດາຍ, ໃນ​ເຂດແດນ​ຂອງ​ເບັນຢາມິນ, ໃນ​ໝູ່ບ້ານ​ຢູ່​ອ້ອມແອ້ມ​ນະຄອນ​ເຢຣູຊາເລັມ ແລະ​ໃນ​ເມືອງ​ຕ່າງໆ​ຂອງ​ຢູດາຍ, ພວກ​ລ້ຽງແກະ​ຈະ​ນັບເບິ່ງ​ຝູງແກະ​ຂອງ​ພວກເຂົາ​ອີກ​ເທື່ອໜຶ່ງ.” ພຣະເຈົ້າຢາເວ​ກ່າວ​ດັ່ງນັ້ນແຫຼະ.

ເອເຊກຽນ 36:37

ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ວ່າ, ‘ອີກ​ຄັ້ງ​ໜຶ່ງ ເຮົາ​ຈະ​ໃຫ້​ຊາວ​ອິດສະຣາເອນ ຂໍ​ຄວາມ​ຊ່ວຍເຫລືອ​ຈາກ​ເຮົາ; ແລະ​ເຮົາ​ຈະ​ໃຫ້​ພວກເຂົາ​ເພີ່ມ​ຂຶ້ນ​ເປັນ​ຈຳນວນພົນ​ອັນ​ຫລວງຫລາຍ ດັ່ງ​ຝູງແກະ.

ຮາບາກຸກ 3:2

ຂ້າແດ່​ພຣະເຈົ້າຢາເວ ຂ້ານ້ອຍ​ໄດ້ຍິນ​ເຖິງ​ສິ່ງ​ທີ່​ຊົງ​ໄດ້​ກະທຳ, ຂ້ານ້ອຍ​ຈຶ່ງ​ເຕັມ​ໄປ​ດ້ວຍ​ຄວາມ​ຢຳເກງ​ຍິ່ງ. ບັດນີ້ ໂຜດ​ຮື້ຟື້ນ​ໃໝ່​ໃນ​ສະໄໝ​ພວກ​ຂ້ານ້ອຍ​ແດ່​ນາ ກິດຈະການ​ອັນ​ຍິ່ງໃຫຍ່​ທີ່​ພຣະເຈົ້າຢາເວ​ໄດ້​ກະທຳ​ນັ້ນ ເຖິງ​ວ່າ​ເມື່ອ​ພຣະອົງ​ລົງໂທດ​ໂກດຮ້າຍ​ກໍຕາມ ໂຜດ​ເມດຕາ​ສົງສານ​ພວກ​ຂ້ານ້ອຍ​ແດ່ທ້ອນ.

ມາລາກີ 3:4

ແລ້ວ​ເຄື່ອງ​ຖວາຍບູຊາ​ທີ່​ປະຊາຊົນ​ຢູດາ​ແລະ​ເຢຣູຊາເລັມ ນຳ​ມາ​ຖວາຍ​ແກ່​ພຣະເຈົ້າຢາເວ​ນັ້ນ​ກໍ​ຈະ​ເປັນ​ທີ່​ພໍໃຈ​ພຣະອົງ ດັ່ງ​ເຄື່ອງ​ບູຊາ​ຂອງ​ພວກເຂົາ​ທີ່​ເຄີຍ​ເປັນ​ມາ​ແຕ່​ຄາວກ່ອນ.