ເພງ^ຄໍ່າຄວນ 4:7 - ພຣະຄຳພີສັກສິ

⁷ ພວກ​ເຈົ້າຊາຍ ທີ່​ບໍຣິສຸດ​ຜຸດຜ່ອງ​ດັ່ງ​ຫິມະ​ຂາວ ມີ​ແຮງ​ແລະ​ເຂັ້ມແຂງ ສຸຂະພາບ​ດີເດັ່ນ.

ເພງ^ຄໍ່າຄວນ 4:7 Jak'a apnaqawi uñst'ayäwi

ພຣະທຳ​ໂຢບ 28:18

ຄຸນຄ່າ​ຂອງ​ປັນຍາ​ນັ້ນ​ມີ​ຫລາຍ​ເຫລືອລົ້ນ ກວ່າ​ເພັດນິນ​ຈິນດາ​ຫລື​ທັບທີມ​ດ້ວຍ.

ເພງ^ສັນລະເສີນ 144:12

ຂໍ​ໃຫ້​ລູກຊາຍ​ຂອງ​ຂ້ານ້ອຍ​ເປັນ​ດັ່ງ​ຕົ້ນໄມ້​ໃຫຍ່ ທີ່​ໃຫຍ່​ຂຶ້ນ​ຢ່າງ​ທ່ຽງທຳ​ໃນ​ໄວ​ໜຸ່ມ​ຂອງ​ເຂົາເຈົ້າ. ຂໍ​ໃຫ້​ລູກສາວ​ຂອງ​ຂ້ານ້ອຍ​ເປັນ​ດັ່ງ​ເສົາ​ຕົ້ນ​ໃຫຍ່ ທີ່​ຖືກ​ປະດັບ​ໄວ້​ເອ້​ໃນ​ພະຣາຊວັງ.

ເພງ^ສັນລະເສີນ 51:7

ຂໍ​ຊົງ​ໂຜດ​ຊຳລະ​ບາບ​ຂອງ​ຂ້ານ້ອຍ​ແດ່ ແລະ​ຂ້ານ້ອຍ​ກໍ​ຈະ​ສະອາດ​ງາມ​ດີ ໂຜດ​ຊຳລະ​ການບາບ​ຂອງ​ຂ້ານ້ອຍ​ທັງໝົດ ແລະ​ຂ້ານ້ອຍ​ກໍ​ຈະ​ຂາວ​ກວ່າ​ຫິມະ.

ອົບພະຍົບ 24:10

ແລະ​ພວກເຂົາ​ໄດ້​ເຫັນ​ພຣະເຈົ້າ​ຂອງ​ຊາດ​ອິດສະຣາເອນ. ລຸ່ມ​ຕີນ​ຂອງ​ພຣະອົງ​ມີ​ສິ່ງ​ໜຶ່ງ​ປູ​ໄວ້ ເປັນ​ຄື​ແກ້ວໄພທູນ​ສະຫງ່າ​ແຈ່ມໃສ​ດັ່ງ​ທ້ອງຟ້າ.

ຍອດເພງ 5:10

ຄົນຮັກ​ຂອງຂ້ອຍ​ງາມ​ສະຫງ່າ​ທັງ​ແຂງແຮງ​ດີ ເປັນ​ຄົນດຽວ​ທີ່​ມີ ຜູ້​ຮູ້ຈັກກັນ​ດີ​ໃນ​ໝື່ນ​ຄົນ​ນັ້ນ.

ຍອດເພງ 5:15

ສ່ວນ​ຂາ​ລາວ​ນັ້ນ​ເປັນ​ດັ່ງ​ເສົາ​ຫີນ​ປູນ ທີ່​ຕັ້ງ​ຢູ່​ເທິງ​ພື້ນ​ເປັນ​ຄຳ​ທັງສິ້ນ; ລາວ​ສະຫງ່າງາມ​ແທ້​ດັ່ງ​ພູ​ເລບານອນ ທີ່​ມີ​ຕົ້ນແປກ​ງາມ​ຢຽດຢູ່​ຢ່າງ​ສູງສົ່ງ.

ດານີເອນ 1:15

ເມື່ອ​ໝົດ​ກຳນົດ​ແລ້ວ​ກໍ​ເຫັນ​ວ່າ, ພວກເພິ່ນ​ມີ​ສຸຂະພາບ​ດີ​ແລະ​ແຂງແຮງ​ກວ່າ​ພວກ​ທີ່​ກິນ​ອາຫານ​ຂອງ​ກະສັດ.

ລູກາ 1:15

ເພິ່ນ​ຈະ​ເປັນ​ຜູ້​ຍິ່ງໃຫຍ່​ໃນ​ສາຍ​ພຣະເນດ​ຂອງ​ອົງພຣະ​ຜູ້​ເປັນເຈົ້າ ເພິ່ນ​ຈະ​ບໍ່​ດື່ມ​ເຫຼົ້າ​ອະງຸ່ນ ຫລື​ເຫຼົ້າ​ປຸກ​ແຕ່​ຢ່າງ​ໃດ ແລະ​ຈະ​ເຕັມ​ໄປ​ດ້ວຍ​ພຣະວິນຍານ​ບໍຣິສຸດເຈົ້າ ຕັ້ງແຕ່​ຈາກ​ທ້ອງ​ແມ່​ມາ

ພວກ^ຜູ້ປົກຄອງ 13:5

ເມື່ອ​ລູກຊາຍ​ຂອງ​ເຈົ້າ​ເກີດ​ມາ​ແລ້ວ ເຈົ້າ​ຕ້ອງ​ບໍ່​ຕັດ​ຜົມ​ໃຫ້​ລາວ​ຈັກເທື່ອ ເພາະ​ນັບ​ຕັ້ງແຕ່​ມື້​ທີ່​ລາວ​ເກີດ​ມາ​ນັ້ນ ລາວ​ຈະ​ໄດ້​ຮັບ​ການ​ອຸທິດຕົວ​ແກ່​ພຣະເຈົ້າ ເປັນ​ຄົນ​ນາຊີຣີ. ລາວ​ຈະ​ຕັ້ງຕົ້ນ​ພາລະກິດ​ໃນ​ການ​ຊ່ວຍກູ້​ເອົາ​ຊາດ​ອິດສະຣາເອນ ໃຫ້​ພົ້ນ​ຈາກ​ອຳນາດ​ຂອງ​ພວກ​ຟີລິດສະຕິນ.”

ພວກ^ຜູ້ປົກຄອງ 13:7

ແຕ່​ເພິ່ນ​ໄດ້​ບອກ​ວ່າ​ຂ້ອຍ​ຈະ​ຖືພາ​ແລະ​ເກີດ​ລູກຊາຍ​ຜູ້ໜຶ່ງ. ເພິ່ນ​ຍັງ​ບອກ​ອີກ​ວ່າ ບໍ່​ໃຫ້​ຂ້ອຍ​ດື່ມ​ນໍ້າ​ອະງຸ່ນ ຫລື​ເຫຼົ້າ ຫລື​ກິນ​ອາຫານ​ໃດໆ​ທີ່​ຫວງຫ້າມ ເພາະ​ເດັກນ້ອຍ​ນັ້ນ​ຈະ​ໄດ້​ຮັບ​ການ​ອຸທິດຕົວ​ແກ່​ພຣະເຈົ້າ​ຕະຫລອດ​ຊົ່ວຊີວິດ​ຂອງ​ລາວ.”

ພວກ^ຜູ້ປົກຄອງ 16:17

ໃນ​ທີ່ສຸດ ແຊມຊັນ​ຈຶ່ງ​ບອກ​ນາງ​ຕາມ​ຄວາມຈິງ​ວ່າ, “ຂ້ອຍ​ບໍ່ເຄີຍ​ຕັດ​ຜົມ​ຈັກເທື່ອ ເພາະ​ຂ້ອຍ​ອຸທິດ​ຕົວ​ແກ່​ພຣະເຈົ້າ​ເປັນ​ຄົນ​ນາຊີຣີ ນັບ​ຕັ້ງແຕ່​ມື້​ທີ່​ຂ້ອຍ​ໄດ້​ເກີດ​ມາ. ຖ້າ​ຂ້ອຍ​ຕັດ​ຜົມ​ເມື່ອໃດ ຂ້ອຍ​ຈະ​ສູນເສຍ​ແຮງ​ເມື່ອນັ້ນ ແລະ​ຂ້ອຍ​ຈະ​ບໍ່​ແຂງແຮງ​ດັ່ງ​ຄົນ​ທົ່ວ​ໄປ.”

1 ຊາມູເອນ 16:12

ດັ່ງນັ້ນ ເຢຊີ​ຈຶ່ງ​ໄດ້ສົ່ງ​ຄົນ​ໄປ​ນຳ​ເອົາ​ດາວິດ. ລາວ​ເປັນ​ຄົນ​ຜິວ​ສົດໃສ, ເປັນ​ຊາຍໜຸ່ມ​ທີ່​ມີ​ສຸຂະພາບ​ດີ ແລະ​ຕາ​ກໍ​ເປັນ​ແວວ​ແຈ່ມໃສ​ງາມດີ. ພຣະເຈົ້າຢາເວ​ກ່າວ​ວ່າ, “ແມ່ນ​ຄົນ​ນີ້​ແຫຼະ ຈົ່ງ​ເອົາ​ນໍ້າມັນ​ສັກສິດ​ຫົດສົງ​ລາວ.”