ເພງ^ຄໍ່າຄວນ 2:16 - ພຣະຄຳພີສັກສິ

¹⁶ ສັດຕູ​ດູຖູກ​ເຈົ້າ ແລະ​ຈ້ອງຕາ​ເບິ່ງ​ຢ່າງ​ກຽດຊັງ ພວກເຂົາ​ເບະ​ສົບ​ເວົ້າ​ຫຍໍ້ຫຍັນ​ໃສ່​ເຈົ້າ​ດັ່ງນີ້: “ພວກເຮົາ​ໄດ້​ທຳລາຍ​ມັນ​ລົງ​ແລ້ວ​ເດ ນີ້​ຄື​ວັນ​ທີ່​ພວກເຮົາ​ລໍຄອຍ​ຢາກ​ເຫັນ​ແຕ່​ດົນ​ແລ້ວ.”

ເພງ^ຄໍ່າຄວນ 2:16 Jak'a apnaqawi uñst'ayäwi

ເພງ^ສັນລະເສີນ 109:2

ຄົນ​ຂີ້ຕົວະ​ແລະ​ຄົນຊົ່ວຮ້າຍ​ໂຈມຕີ​ຂ້ານ້ອຍ​ຢູ່ ພວກເຂົາ​ໃຊ້​ຄວາມ​ບໍ່ຈິງ​ເວົ້າ​ຕໍ່ສູ້​ຂ້ານ້ອຍ​ຢູ່.

ເພງ^ສັນລະເສີນ 112:10

ເມື່ອ​ຄົນຊົ່ວ​ເຫັນ​ການ​ນີ້​ແລ້ວ​ກໍ​ເກີດ​ຄວາມ​ບໍ່​ພໍໃຈ ຈຶ່ງ​ມີ​ໃຈ​ຢາກ​ຮ້າຍ​ດ້ວຍ​ຄວາມ​ກຽດຊັງ​ຍິ່ງ. ຝ່າຍ​ຄົນຊົ່ວຊ້າ​ນັ້ນ​ຈະ​ສູນຫາຍ​ໄປ​ໃນ​ທີ່ສຸດ ແລະ​ຄວາມ​ປາຖະໜາ​ຂອງ​ພວກເຂົາ​ກໍ​ສູນຫາຍ​ໄປ​ດ້ວຍ.

ເພງ^ສັນລະເສີນ 124:3

ພວກເຂົາ​ກໍ​ຈະ​ກືນກິນ​ພວກເຮົາ​ທັງເປັນ​ຈົນ​ໝົດກ້ຽງ ເພາະ​ຄວາມ​ຄຽດແຄ້ນ​ໃຫຍ່​ຕໍ່ສູ້​ພວກເຮົາ​ນັ້ນ.

ເພງ^ສັນລະເສີນ 22:13

ພວກເຂົາ​ອ້າ​ປາກ​ໃສ່​ເໝືອນ​ດັ່ງ​ຝູງ​ໂຕສິງ ທີ່​ກຳລັງ​ຮ້ອງ​ແຜດສຽງ​ແລະ​ຈະ​ກັດກິນ​ເນື້ອ.

ເພງ^ສັນລະເສີນ 35:16

ພວກເຂົາ​ຈ້ອງຕາ​ເບິ່ງ​ຂ້ານ້ອຍ​ດ້ວຍ​ຄວາມ​ກຽດຊັງ ດັ່ງ​ພວກ​ທີ່​ຫຍໍ້ຫຍັນ​ຄົນ​ເສຍອົງຄະ.

ເພງ^ສັນລະເສີນ 35:21

ພວກເຂົາ​ຟ້ອງ​ຂ້ານ້ອຍ​ໂດຍ​ຮ້ອງໂຮ​ຂຶ້ນ​ວ່າ, “ຫັ້ນເດ ພວກຂ້ອຍ​ໄດ້​ເຫັນ​ສິ່ງ​ທີ່​ເຈົ້າ​ກະທຳ”.

ເພງ^ສັນລະເສີນ 35:25

ຂໍ​ຢ່າ​ໃຫ້​ພວກເຂົາ​ເວົ້າ​ໃນ​ໃຈ​ວ່າ, “ກຳຈັດ​ມັນ ນີ້​ແຫຼະ ຄື​ສິ່ງ​ທີ່​ພວກເຮົາ​ຢາກ​ເຮັດ”.

ເພງ^ສັນລະເສີນ 37:12

ຄົນຊົ່ວຮ້າຍ​ວາງ​ອຸບາຍ​ເພື່ອ​ປອງຮ້າຍ​ຄົນ​ຊອບທຳ ພວກເຂົາ​ກຶ້ງຕາ​ເບິ່ງ​ລາວ​ດ້ວຍ​ຄວາມ​ກຽດຊັງ​ຍິ່ງ.

ເພງ^ສັນລະເສີນ 41:8

ພວກເຂົາ​ເວົ້າ​ກັນ​ວ່າ, “ມັນ​ໂຊ​ໜັກ​ແລ້ວ ມັນ​ຈະ​ລຸກ​ຈາກ​ຕຽງ​ນອນ ໄປມາ​ໃສ​ບໍ່ໄດ້​ອີກ​ດອກ”.

ເພງ^ສັນລະເສີນ 56:2

ຄູ່​ຕໍ່ສູ້​ຂອງ​ຂ້ານ້ອຍ​ກໍ​ໂຈມຕີ​ຢູ່​ທຸກ​ວັນ ມີ​ດ້ວຍ​ກັນ​ຫລາຍ​ຄົນ​ທີ່​ຕໍ່ສູ້​ຂ້ານ້ອຍ​ຢູ່.

ເພງ^ສັນລະເສີນ 57:3

ຈາກ​ສະຫວັນ​ພຣະອົງ​ຈະ​ຕອບ​ທັງ​ຊ່ວຍ​ໃຫ້​ພົ້ນໄພ ແລະ​ປາບ​ພວກ​ທີ່​ກົດຂີ່​ຂ້ານ້ອຍ​ໃຫ້​ພ່າຍແພ້. ພຣະເຈົ້າ​ຈະ​ສຳແດງ​ໃຫ້​ເຫັນ​ຄວາມຮັກ​ອັນ​ໝັ້ນຄົງ​ຂອງ​ພຣະອົງ ແລະ​ຄວາມສັດຊື່​ຂອງ​ພຣະອົງ​ທີ່​ມີ​ແກ່​ຂ້ານ້ອຍ​ນັ້ນ.

ເອຊາຢາ 49:19

ປະເທດ​ຂອງເຈົ້າ​ຖືກ​ປະປ່ອຍ​ໃຫ້​ຮົກຮ້າງ​ເພພັງ ແຕ່​ບັດນີ້ ຈະ​ແຄບ​ເກີນ​ໄປ​ສຳລັບ​ຜູ້​ທີ່​ກັບ​ມາ​ບ້ານ. ພວກ​ທີ່​ໄດ້​ປະ​ເຈົ້າ​ໄວ້​ໃຫ້​ຮົກຮ້າງ​ເພພັງ ກໍ​ຈະ​ຖືກ​ຍົກຍ້າຍ​ອອກ​ໄປ​ໃຫ້​ຫ່າງໄກ​ຈາກ​ເຈົ້າ.

ເຢເຣມີຢາ 26:6

ຖ້າ​ພວກເຈົ້າ​ສືບຕໍ່​ບໍ່​ຍອມ​ເຊື່ອຟັງ ແລ້ວ​ເຮົາ​ກໍ​ຈະ​ເຮັດ​ຕໍ່​ພຣະວິຫານ​ນີ້ ດັ່ງ​ທີ່​ເຮົາ​ໄດ້​ເຮັດ​ຕໍ່​ເມືອງ​ຊີໂລ ແລະ​ທຸກ​ຊົນຊາດ​ທົ່ວ​ທັງໂລກ​ກໍ​ຈະ​ໃຊ້​ຊື່​ຂອງ​ເມືອງ​ນີ້​ເປັນ​ຄຳສາບແຊ່ງ.”

ເຢເຣມີຢາ 29:18

ເຮົາ​ຈະ​ໃຫ້​ສົງຄາມ, ການ​ຕາຍອຶດ​ຕາຍຫິວ, ແລະ​ການ​ເຈັບໄຂ້​ໄດ້ປ່ວຍ​ໄລ່​ຕາມ​ພວກເຂົາ​ໄປ ແລະ​ຊົນຊາດ​ທັງຫລາຍ​ໃນ​ໂລກ​ຈະ​ຕົກໃຈ​ຢ້ານກົວ​ໃນ​ສິ່ງ​ທີ່​ພວກເຂົາ​ເຫັນ. ໃນ​ທຸກໆ​ບ່ອນ​ທີ່​ເຮົາ​ໄດ້​ໃຫ້​ພວກເຂົາ​ກະຈັດ​ກະຈາຍ​ໄປ ປະຊາຊົນ​ຈະ​ສະດຸ້ງ​ຕົກໃຈ​ທັງ​ຢ້ານກົວ​ຫຼາຍ ຕໍ່​ສິ່ງ​ທີ່​ໄດ້​ເກີດຂຶ້ນ​ກັບ​ພວກເຂົາ​ນັ້ນ. ປະຊາຊົນ​ຈະ​ຫົວ​ເຍາະເຍີ້ຍ​ພວກເຂົາ ແລະ​ໃຊ້​ຊື່​ຂອງ​ພວກເຂົາ​ເປັນ​ຄຳສາບແຊ່ງ.

ເຢເຣມີຢາ 50:17

“ປະຊາຊົນ​ອິດສະຣາເອນ​ປຽບ​ດັ່ງ​ຝູງແກະ ທີ່​ຖືກ​ໂຕສິງ​ໄລ່​ໃຫ້​ກະຈັດ​ກະຈາຍ​ໄປ. ທຳອິດ ພວກເຂົາ​ຖືກ​ຈັກກະພັດ​ອັດຊີເຣຍ​ໂຈມຕີ; ຕໍ່ມາ ກະສັດ​ເນບູ​ກາດເນັດຊາ​ແຫ່ງ​ບາບີໂລນ​ໄດ້​ຫັກ​ກະດູກ​ພວກເຂົາ.”

ເຢເຣມີຢາ 50:7

ພວກເຂົາ​ຖືກ​ທຳລາຍ​ຈາກ​ທຸກໆຄົນ​ທີ່​ໄດ້​ພົບ​ເຫັນ​ພວກເຂົາ. ເຫຼົ່າ​ສັດຕູ​ຂອງ​ພວກເຂົາ​ເວົ້າ​ວ່າ, ‘ສິ່ງ​ທີ່​ພວກເຮົາ​ໄດ້​ເຮັດ​ບໍ່​ຜິດ ເພາະ​ພວກເຂົາ​ໄດ້​ເຮັດ​ບາບ​ຕໍ່ສູ້​ພຣະເຈົ້າຢາເວ ອົງ​ເປັນ​ທີ່ຢູ່​ອັນ​ແທ້ຈິງ; ຕໍ່ສູ້​ພຣະເຈົ້າຢາເວ ອົງ​ເປັນ​ຄວາມຫວັງ​ຂອງ​ບັນພະບຸລຸດ​ຂອງ​ພວກເຂົາ.’

ເຢເຣມີຢາ 51:34

“ກະສັດ​ແຫ່ງ​ບາບີໂລນ​ກືນກິນ​ນະຄອນ​ເຢຣູຊາເລັມ ໄດ້​ເຮັດ​ໃຫ້​ນະຄອນ​ຮ້າງເປົ່າ​ດັ່ງ​ໄຫ​ບໍ່ມີ​ຫຍັງ​ຈັກດີ້; ດັ່ງ​ຜີປີສາດ​ໂຕໜຶ່ງ​ກືນກິນ​ນະຄອນ​ເຢຣູຊາເລັມ ເພິ່ນ​ຢຶດ​ສິ່ງ​ທີ່​ຕ້ອງການ​ແລະ​ໂຍນ​ຂອງເຫລືອ​ຖິ້ມ.

ເພງ^ຄໍ່າຄວນ 1:21

ໂຜດ​ຟັງ ຄຳ​ຄໍ່າຄວນ​ດ້ວຍ​ເພາະ​ຂາດ​ຜູ້​ອອຍໃຈ ສັດຕູ​ຕ່າງ​ກໍ​ດີໃຈ​ທີ່​ພຣະອົງ​ນຳ​ໄພພິບັດ​ມາ​ຖືກ​ຂ້ານ້ອຍ. ຂໍໂຜດ​ນຳ ເອົາ​ວັນ​ທີ່​ພຣະອົງ​ສັນຍາ​ນັ້ນ​ມາ​ສາ ແລະ​ໂຜດ​ໃຫ້​ພວກ​ສັດຕູ​ຖືກ​ທໍລະມານ​ດ້ວຍ​ເຖີດ.

ເພງ^ຄໍ່າຄວນ 3:46

ພວກ​ຂ້ານ້ອຍ​ຖືກ​ໝິ່ນປະໝາດ​ນິນທາ ຈາກ​ເຫຼົ່າ​ສັດຕູ​ທີ່​ຕໍ່ສູ້​ພວກ​ຂ້ານ້ອຍ​ນັ້ນ.

ເອເຊກຽນ 23:32

ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ວ່າ, “ເຈົ້າ​ຈະ​ດື່ມ​ຈາກ​ຈອກ​ຂອງ​ເອື້ອຍ​ເຈົ້າ​ຄືກັນ​ໃດ ເປັນ​ຈອກ​ໃຫຍ່​ທັງ​ກົ້ນ​ເລິກ​ແລະ​ໂກນ​ດ້ວຍ. ທຸກໆຄົນ​ຈະ​ດູຖູກ​ແລະ​ເຍາະເຍີ້ຍ​ເຈົ້າ​ເດີ ເພາະ​ຈອກ​ນັ້ນ​ເຕັມ​ຈົນ​ວ່າ​ມັນ​ລົ້ນ​ອອກ.

ເອເຊກຽນ 25:15

ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ວ່າ, “ຊາວ​ຟີລິດສະຕິນ​ໄດ້​ແກ້ແຄ້ນ​ຢ່າງ​ໂຫດຫ້ຽມ​ເຫຼົ່າ​ສັດຕູ​ແຕ່​ກ່ອນກີ້​ຂອງຕົນ ແລະ​ໄດ້​ທຳລາຍ​ພວກເຂົາ​ດ້ວຍ​ຄວາມ​ກຽດຊັງ.

ເອເຊກຽນ 25:3

ຈົ່ງ​ບອກ​ພວກເຂົາ​ວ່າ, ‘ຈົ່ງ​ຟັງ​ຖ້ອຍຄຳ​ຂອງ​ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ເທີ້ນ. ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ວ່າ ພວກເຈົ້າ​ໄດ້​ມີ​ຄວາມ​ປິຕິ​ຍິນດີ​ທີ່​ເຫັນ​ວິຫານ​ຂອງເຮົາ​ເປັນ​ມົນທິນ​ທີ່​ເຫັນ​ດິນແດນ​ຂອງ​ຊາດ​ອິດສະຣາເອນ​ຖືກ​ລ້າງຜານ ແລະ​ທີ່​ເຫັນ​ປະຊາຊົນ​ຢູດາ​ຖືກ​ຈັບ​ໄປ​ເປັນ​ຊະເລີຍ​ໃນ​ຕ່າງຖິ່ນ.

ເອເຊກຽນ 25:6

ຕໍ່ໄປນີ້​ແມ່ນ​ສິ່ງ​ທີ່​ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ: ພວກເຈົ້າ​ໄດ້​ຕົບ​ມື​ແລະ​ເຕັ້ນ​ຢ່າງ​ປິຕິ​ຍິນດີ. ພວກເຈົ້າ​ໄດ້​ດູຖູກ​ດິນແດນ​ຂອງ​ຊາດ​ອິດສະຣາເອນ.

ເອເຊກຽນ 36:3

ແລ້ວ​ເຈົ້າ​ຈົ່ງ​ປະກາດ ແລະ​ບອກ​ໃນ​ສິ່ງ​ທີ່​ອົງພຣະ​ຜູ້​ເປັນເຈົ້າ ພຣະເຈົ້າ​ກຳລັງ​ກ່າວ. ເມື່ອ​ຊົນຊາດ​ໃກ້ຄຽງ​ທັງຫລາຍ​ໄດ້​ຢຶດ ແລະ​ປຸ້ນຈີ້​ພູ​ຕ່າງໆ​ຂອງ​ຊາດ​ອິດສະຣາເອນ​ນັ້ນ ທຸກຄົນ​ໄດ້​ຫົວ​ເຍາະເຍີ້ຍ​ຊາດ​ອິດສະຣາເອນ.

ເອເຊກຽນ 5:15

ເມື່ອ​ເຮົາ​ໃຈຮ້າຍ ແລະ​ໂກດເຄືອງ ແລະ​ລົງໂທດ​ເຈົ້າ​ນັ້ນ ບັນດາ​ຊົນຊາດ​ທັງໝົດ​ທີ່​ຢູ່​ອ້ອມຮອບ​ເຈົ້າ​ຈະ​ສະທ້ານ​ຢ້ານກົວ. ພວກເຂົາ​ຈະ​ແນມເບິ່ງ​ເຈົ້າ​ດ້ວຍ​ຄວາມ​ກຽດຊັງ ແລະ​ຈະ​ຫຍໍ້ຫຍັນ​ເຈົ້າ. ເຮົາ​ຄື​ພຣະເຈົ້າຢາເວ​ໄດ້ກ່າວ​ດັ່ງນີ້ແຫຼະ.

ໂຮເສອາ 8:8

ຊາວ​ອິດສະຣາເອນ​ເປັນ​ດັ່ງ​ຊົນຊາດ​ອື່ນໆ ແລະ​ບໍ່ມີ​ປະໂຫຍດ​ດັ່ງ​ໄຫ​ແຕກ.

ມີກາ 4:11

ມີ​ຫລາຍ​ຊົນຊາດ​ໄດ້​ເຕົ້າໂຮມ​ກັນ​ເພື່ອ​ໂຈມຕີ​ພວກເຈົ້າ ເຂົາ​ເວົ້າ​ວ່າ, “ນະຄອນ​ເຢຣູຊາເລັມ​ຕ້ອງ​ຖືກ​ທຳລາຍ ພວກເຮົາ​ຈະ​ໄດ້​ເຫັນ​ເມືອງ​ນີ້​ຮົກຮ້າງ​ເພພັງ.”

ກິດຈະການ 7:54

ເມື່ອ​ສະມາຊິກ​ສະພາ​ສູງສຸດ​ໄດ້ຍິນ​ຊະເຕຟາໂນ​ກ່າວ​ຖ້ອຍຄຳ​ເຫຼົ່ານີ້ ພວກເຂົາ​ກໍ​ໂມໂຫ​ເຕັມທີ ແລະ​ຂົບ​ແຂ້ວ​ຄ້ຽວຟັນ​ໃສ່​ຊະເຕຟາໂນ​ດ້ວຍ​ຄວາມ​ເຈັບແຄ້ນ​ແໜ້ນໃຈ.