ເພງ^ຄໍ່າຄວນ 1:3 - ພຣະຄຳພີສັກສິ

³ ຊາວ​ຢູດາ​ຕົກ​ເປັນ​ທາດ​ຂາດ​ຜູ້​ຊ່ວຍເຫລືອ ທັງ​ຖືກ​ບັງຄັບ​ໃຫ້​ໜີ​ຫ່າງໄກ​ຈາກ​ເມືອງ​ບ້ານ. ພວກເຂົາ​ອາໄສ​ຢູ່​ໃນ​ແດນ​ອື່ນ​ບໍ່ມີ​ບ່ອນ​ເປັນ​ຂອງຕົນເອງ ຖືກ​ອ້ອມ​ດ້ວຍ​ສັດຕູ ບໍ່ມີ​ທາງ​ທີ່​ຈະ​ປົບໜີໄປ​ໄດ້.

ເພງ^ຄໍ່າຄວນ 1:3 Jak'a apnaqawi uñst'ayäwi

2 ກະສັດ 25:11

ແລ້ວ​ເນບູຊາຣາດານ​ກໍ​ຈັບ​ປະຊາຊົນ​ທີ່​ຍັງ​ເຫຼືອ​ຄ້າງ​ຢູ່​ໃນ​ເມືອງ, ພວກ​ຄົນງານ​ທີ່​ມີ​ຝີມື​ດີ ທີ່​ຍັງເຫລືອ​ຢູ່ ແລະ​ພວກ​ທີ່​ມາ​ຍິນຍອມ​ຕໍ່​ພວກ​ບາບີໂລນ ໄປ​ເປັນ​ຊະເລີຍ​ທີ່​ບາບີໂລນ;

2 ກະສັດ 25:21

ໃນ​ຂົງເຂດ​ຮາມັດ. ກະສັດ​ໄດ້​ຂ້ຽນ​ຕີ​ພວກເຂົາ ແລະ​ຂ້າ​ພວກເຂົາ​ເສຍ​ໃນ​ທີ່ນັ້ນ. ດັ່ງນັ້ນ ປະຊາຊົນ​ຊາວ​ຢູດາ​ຈຶ່ງ​ໄດ້​ຖືກ​ກວາດລ້າງ​ອອກ​ຈາກ​ດິນແດນ​ຂອງ​ພວກຕົນ​ໄປ​ເປັນ​ຊະເລີຍ​ໃນ​ຕ່າງຖິ່ນ.

2 ກະສັດ 25:4

ເຖິງ​ແມ່ນ​ວ່າ​ຊາວ​ບາບີໂລນ​ໄດ້​ປິດລ້ອມ​ເມືອງ​ໄວ້​ກໍຕາມ ພວກ​ທະຫານ​ທັງໝົດ​ກໍ​ລັກ​ໜີໄປ​ໄດ້​ໃນ​ເວລາ​ກາງຄືນ. ພວກເຂົາ​ໄດ້​ໜີໄປ​ທາງ​ສວນ​ຂອງ​ກະສັດ ຜ່ານ​ໄປ​ທາງ​ປະຕູ​ເມືອງ​ທີ່​ຕິດ​ກັບ​ກຳແພງ​ສອງ​ດ້ານ ແລະ​ປົບ​ໄປ​ທາງ​ຮ່ອມພູ​ຈໍແດນ.

2 ກະສັດ 25:5

ແຕ່​ກອງທັບ​ບາບີໂລນ​ໄດ້​ໄລ່​ຕາມ​ກະສັດ​ເຊເດກີຢາ​ໄປ ແລະ​ຈັບ​ເພິ່ນ​ໄດ້​ໃນ​ທົ່ງນາ​ໃກ້​ກັບ​ເມືອງ​ເຢຣິໂກ; ສ່ວນ​ພວກ​ທະຫານ​ຕ່າງ​ກໍໄດ້​ໜີ​ປະ​ເພິ່ນ.

ເຢເຣມີຢາ 13:19

ເມືອງ​ທາງ​ພາກໃຕ້​ຂອງ​ຢູດາຍ​ໄດ້​ຖືກ​ປິດລ້ອມ​ແລ້ວ ບໍ່ມີ​ຜູ້ໃດ​ເລີຍ​ລອດຊີວິດ​ມາ​ໄດ້. ປະຊາຊົນ​ຢູດາ​ລ້ວນແຕ່​ໄດ້​ຖືກ​ຈັບ​ໄປ​ເປັນ​ຊະເລີຍ​ໃນ​ຕ່າງຖິ່ນ.”

ເຢເຣມີຢາ 16:16

ພຣະເຈົ້າຢາເວ​ກ່າວ​ວ່າ, “ເຮົາ​ກຳລັງ​ຈະ​ສົ່ງ​ຄົນ​ຈັບປາ​ຫລາຍ​ຄົນ ມາ​ຈັບ​ປະຊາຊົນ​ເຫຼົ່ານີ້. ແລ້ວ​ເຮົາ​ກໍ​ຈະ​ສົ່ງ​ນາຍພານ​ຫລາຍ​ຄົນ ມາ​ໂຫ່​ພວກເຂົາ​ລົງ​ຈາກ​ເທິງ​ພູເຂົາ ແລະ​ເນີນພູ​ທຸກໜ່ວຍ ແລະ​ເຂົ້າ​ໄປ​ໃນ​ຖໍ້າ​ແລະ​ໃນ​ໂງ່ນຫີນ.

ເຢເຣມີຢາ 24:9

ເຮົາ​ຈະ​ນຳ​ໄພພິບັດ​ມາ​ສູ່​ພວກເຂົາ ຈົນ​ຊົນຊາດ​ທັງຫລາຍ​ຈະ​ເກີດ​ຢ້ານກົວ​ຫຼາຍ. ປະຊາຊົນ​ຈະ​ຫົວເລາະ​ໃສ່​ພວກເຂົາ, ເວົ້າ​ສຽດສີ​ພວກເຂົາ, ເວົ້າ​ເຍາະເຍີ້ຍ​ພວກເຂົາ ແລະ​ໃຊ້​ຊື່​ຂອງ​ພວກເຂົາ​ເປັນ​ຄຳສາບແຊ່ງ ໃນ​ທົ່ວ​ທຸກບ່ອນ​ທີ່​ພວກເຂົາ​ກະຈັດ​ກະຈາຍ​ໄປ.

ເຢເຣມີຢາ 39:9

ໃນທີ່ສຸດ ເນບູຊາຣາດານ ຜູ້​ບັນຊາການ​ທະຫານ ກໍ​ຈັບ​ປະຊາຊົນ​ທີ່​ເຫຼືອ​ຢູ່​ໃນ​ເມືອງ​ລວມທັງ​ຄົນ​ທີ່​ໜີ​ເຂົ້າ​ມາ​ມອບ​ຕົວ​ຕໍ່​ເພິ່ນ ໄປ​ເປັນ​ຊະເລີຍ​ທີ່​ບາບີໂລນ.

ເຢເຣມີຢາ 52:15

ແລ້ວ​ເນບູຊາຣາດານ​ກໍ​ຈັບ​ເອົາ​ປະຊາຊົນ​ທີ່​ເຫຼືອ​ຢູ່​ໃນ​ເມືອງ​ໄປ​ທີ່​ບາບີໂລນ ຄື​ບັນດາ​ຊ່າງສີມື​ທີ່​ຍັງເຫລືອ​ຢູ່ ຕະຫລອດ​ທັງ​ພວກ​ທີ່​ໄດ້​ແຕກ​ໜີ​ມາ​ຫາ​ລາວ​ນັ້ນ.

ເຢເຣມີຢາ 52:8

ແຕ່​ກອງທັບ​ບາບີໂລນ​ໄດ້​ໄລ່ຕາມ​ໄປ​ທັນ​ກະສັດ​ເຊເດກີຢາ ແລະ​ຈັບ​ເພິ່ນ​ໄດ້​ຢູ່​ທີ່​ທົ່ງພຽງ​ໃກ້​ເມືອງ​ເຢຣິໂກ ແລະ​ທະຫານ​ກໍ​ແຕກ​ໜີ​ປະ​ເພິ່ນ​ໄປ​ໝົດ.

ເພງ^ຄໍ່າຄວນ 2:9

ປະຕູ​ກຳແພງ​ກໍ​ລົ້ມ ແລະ​ພັງ​ລົງ​ເປັນ​ເສດ​ຫີນ ກົງເຫລັກ​ກໍ​ຫັກ​ຕົກລົງ​ເປັນ​ຊິ້ນໆ. ບັດນີ້ ກະສັດ​ແລະ​ຂຸນນາງ​ກໍ​ຖືກ​ຈັບ​ເປັນ​ຊະເລີຍ ການ​ສັ່ງສອນ​ກົດບັນຍັດ​ກໍ​ບໍ່ມີ​ຕໍ່ໄປ​ອີກ​ແລ້ວ ສ່ວນ​ພວກ​ຜູ້ທຳນວາຍ​ກໍ​ບໍ່ໄດ້​ຮັບ​ນິມິດ​ຈາກ​ພຣະເຈົ້າຢາເວ

ເພງ^ຄໍ່າຄວນ 4:15

ປະຊາຊົນ​ຮ້ອງ​ໃສ່​ພວກເຂົາ​ວ່າ, “ໜີໄປ​ສາ ພວກເຈົ້າ​ເປັນ​ມົນທິນ ຢ່າ​ສູ່​ແຕະຕ້ອງ​ຂ້ອຍ.” ສະນັ້ນ ພວກເຂົາ​ຈຶ່ງ​ໄດ້​ຊັດເຊ​ພະເນຈອນ​ໄປ ຈາກ​ປະເທດ​ນີ້​ສູ່​ທີ່​ອື່ນໄກ​ຂາດ​ການ​ຕ້ອນຮັບ.

ເພງ^ຄໍ່າຄວນ 5:5

ຖືກ​ໄລ່​ໄປ​ດັ່ງ​ລໍ​ຫລື​ອູດ​ທີ່​ແບກ​ຂອງ​ໜັກ ອິດເມື່ອຍ​ອ່ອນແຮງ​ແຕ່​ກໍ​ບໍ່ໄດ້​ພັກຜ່ອນ.

ເອເຊກຽນ 5:12

ສ່ວນ​ໜຶ່ງ​ຂອງ​ປະຊາຊົນ​ຂອງ​ເຈົ້າ​ນັ້ນ​ຈະ​ຕາຍ​ຍ້ອນ​ການ​ເຈັບໄຂ້​ໄດ້ປ່ວຍ ຕະຫລອດ​ທັງ​ການ​ອຶດຢາກ​ຢູ່​ໃນເມືອງ; ສ່ວນ​ໜຶ່ງ​ນັ້ນ​ຈະ​ຖືກ​ຄົມ​ດາບ​ຢູ່​ນອກເມືອງ ແລະ​ສ່ວນ​ສຸດທ້າຍ​ນັ້ນ​ເຮົາ​ຈະ​ໃຫ້​ກະຈັດ​ກະຈາຍ​ໄປ​ຕາມ​ລົມ ແລະ​ທັງ​ຈະ​ໃຊ້​ດາບ​ໄລ່​ຕິດຕາມ​ພວກເຂົາ​ໄປ​ດ້ວຍ.

ພຣະບັນຍັດສອງ 28:48

ເພາະ​ສະນັ້ນ ພວກເຈົ້າ​ຈະ​ຮັບໃຊ້​ເຫຼົ່າ​ສັດຕູ ທີ່​ພຣະເຈົ້າຢາເວ​ກຳລັງ​ນຳມາ​ຕໍ່ສູ້​ພວກເຈົ້າ. ພວກເຈົ້າ​ຈະ​ອຶດເຂົ້າ, ຫິວນໍ້າ, ເປືອຍຕົວ ແລະ​ບໍ່ມີ​ຫຍັງ​ຈັກ​ຢ່າງ. ພຣະອົງ ຈະ​ກົດຂີ່​ພວກເຈົ້າ​ຢ່າງ​ທາລຸນ ຈົນກວ່າ​ພວກເຈົ້າ​ຖືກ​ທຳລາຍ​ໄປ​ໝົດ​ສິ້ນ.