ໂຢຊວຍ 9:7 - ພຣະຄຳພີສັກສິ

⁷ ແຕ່​ຊາວ​ອິດສະຣາເອນ​ໄດ້​ເວົ້າ​ຕໍ່​ຄົນ​ຮີວີ​ວ່າ, “ພວກເຈົ້າ​ອາດ​ຈະ​ຢູ່​ໃກ້​ກັບ​ພວກເຮົາ​ນີ້​ກໍໄດ້ ດ້ວຍເຫດໃດ​ພວກເຮົາ​ຈຶ່ງ​ຈະ​ເຮັດ​ຂໍ້​ຕົກລົງ​ກັບ​ພວກເຈົ້າ?”

ໂຢຊວຍ 9:7 Jak'a apnaqawi uñst'ayäwi

ປະຖົມມະການ 10:17

ຮີວີ, ອາກກີ, ສີນີ,

ປະຖົມມະການ 34:2

ເມື່ອ​ຊີເຄມ ລູກຊາຍ​ຂອງ​ຮາໂມ​ຊາວ​ຮີວີ ທີ່​ເປັນ​ຜູ້ປົກຄອງ​ໃນ​ຂົງ​ເຂດ​ນີ້ ເຫັນ​ດີນາ; ລາວ​ຈຶ່ງ​ຈັບ​ເອົາ​ນາງ​ໄປ​ຂົ່ມຂືນ.

2 ຊາມູເອນ 24:7

ແລ້ວ​ພວກເຂົາ​ກໍໄດ້​ໄປ​ທາງທິດໃຕ້​ຈົນເຖິງ​ເມືອງ​ຕີເຣ ຊຶ່ງ​ເປັນ​ເມືອງ​ທີ່​ມີ​ປ້ອມ​ປ້ອງກັນ​ອັນ​ເຂັ້ມແຂງ ແລະ​ໄປ​ທົ່ວ​ທຸກ​ເມືອງ​ຂອງ​ຊາວ​ຮີວີ​ແລະ​ຂອງ​ຊາວ​ການາອານ ແລະ​ໃນທີ່ສຸດ ພວກເຂົາ​ກໍ​ມາ​ເຖິງ​ເມືອງ​ເບເອນເຊບາ ທາງ​ພາກໃຕ້​ຂອງ​ຢູດາຍ.

ອົບພະຍົບ 23:22

ແຕ່​ຖ້າ​ພວກເຈົ້າ​ເຊື່ອຟັງ​ເທວະດາ​ນັ້ນ ແລະ​ເຮັດ​ຕາມ​ທຸກໆ​ສິ່ງ​ທີ່​ເຮົາ​ໄດ້​ສັ່ງ​ໄວ້ ເຮົາ​ຈະ​ຕໍ່ສູ້​ສັດຕູ​ທັງຫລາຍ​ຂອງ​ພວກເຈົ້າ.

ອົບພະຍົບ 3:8

ສະນັ້ນ ເຮົາ​ຈຶ່ງ​ລົງ​ມາ​ຊ່ວຍກູ້​ພວກເຂົາ​ໃຫ້​ພົ້ນ​ຈາກ​ການ​ທາລຸນ​ຂອງ​ຊາວ​ເອຢິບ; ເພື່ອ​ນຳພາ​ພວກເຂົາ​ໄປ​ສູ່​ດິນແດນ​ທີ່​ອຸດົມສົມບູນ ແລະ​ຮັ່ງມີ​ບ່ອນ​ທີ່​ຊາວ​ການາອານ, ຮິດຕີ, ອາໂມ, ເປຣີຊີ, ຮີວີ ແລະ​ຊາວ​ເຢບຸດ​ອາໄສ​ຢູ່​ໃນ​ເວລາ​ນີ້.

ອົບພະຍົບ 34:12

ຢ່າ​ເຮັດ​ຂໍ້​ຕົກລົງ​ໃດໆ​ກັບ​ປະຊາຊົນ​ໃນ​ດິນແດນ ທີ່​ເຈົ້າ​ກຳລັງ​ຈະ​ເຂົ້າ​ໄປ​ຢູ່​ນີ້​ເດັດຂາດ ເພາະ​ສິ່ງ​ນັ້ນ​ຈະ​ເປັນ​ບ້ວງແຮ້ວ​ອັນ​ຮ້າຍກາດ​ດັກຈັບ​ພວກເຈົ້າ.

ຈົດບັນຊີ 33:52

ພວກເຈົ້າ​ຕ້ອງ​ຂັບໄລ່​ປະຊາຊົນ​ໃນ​ດິນແດນ​ນັ້ນ​ອອກ​ໄປ​ໃຫ້​ໝົດ. ໃຫ້​ທຳລາຍ​ເສົາ​ຫີນ​ແລະ​ຮູບເຄົາຣົບ​ທີ່​ເປັນ​ໂລຫະ​ພ້ອມ​ບ່ອນ​ນະມັດສະການ​ຮູບ​ເຫຼົ່ານັ້ນ​ທັງໝົດ​ຖິ້ມ.

ພຣະບັນຍັດສອງ 20:16

ແຕ່​ເມື່ອ​ພວກເຈົ້າ​ຢຶດຄອງ​ເມືອງ​ຕ່າງໆ​ຢູ່​ໃນ​ດິນແດນ​ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ກຳລັງ​ຈະ​ມອບ​ໃຫ້​ນັ້ນ ຈົ່ງ​ຂ້າ​ທຸກໆ​ຄົນ​ຖິ້ມ.

ໂຢຊວຍ 11:19

ມີ​ເມືອງ​ດຽວ​ເທົ່ານັ້ນ ທີ່​ໄດ້​ສ້າງ​ຄວາມ​ສະຫງົບສຸກ​ກັບ​ປະຊາຊົນ​ອິດສະຣາເອນ​ຄື: ເມືອງ​ກີເບໂອນ​ບ່ອນ​ທີ່​ຊາວ​ຮີວີ​ບາງ​ພວກ​ໄດ້​ອາໄສ​ຢູ່. ສ່ວນ​ເມືອງ​ອື່ນໆ​ທັງໝົດ​ນັ້ນ​ແມ່ນ​ໄດ້​ສູ້ຮົບ​ເອົາ.

ໂຢຊວຍ 9:1

ໄຊຊະນະ​ຂອງ​ຊາວ​ອິດສະຣາເອນ ໄດ້​ຊ່າລື​ໄປ​ຈົນເຖິງ​ກະສັດ​ທັງໝົດ ທີ່​ທາງພາກ​ຕາເວັນຕົກ​ຂອງ​ແມ່ນໍ້າ​ຈໍແດນ ດັ່ງນີ້: ພວກ​ທີ່​ຢູ່​ຕາມ​ເນີນພູ, ຕາມ​ຕີນ​ພູ, ຕາມ​ທົ່ງ​ຮາບພຽງ ແລະ​ຕາມ​ຝັ່ງ​ທະເລ​ເມດີແຕຣາເນ​ທາງເໜືອ​ຈົນເຖິງ​ເລບານອນ. ພວກ​ນີ້​ແມ່ນ​ກະສັດ​ຂອງ​ຊາວ​ຮິດຕີ, ຊາວ​ອາໂມ, ຊາວ​ການາອານ, ຊາວ​ເປຣີຊີ, ຊາວ​ຮີວີ ແລະ​ຊາວ​ເຢບຸດ.

ພວກ^ຜູ້ປົກຄອງ 2:2

ພວກເຈົ້າ​ບໍ່​ຕ້ອງ​ເຮັດ​ຄຳສັນຍາ​ໃດໆ​ກັບ​ປະຊາຊົນ​ທີ່​ຢູ່​ໃນ​ດິນແດນ​ນີ້. ພວກເຈົ້າ​ຈະ​ຕ້ອງ​ທຳລາຍ​ຖິ້ມ​ໝົດ​ແທ່ນບູຊາ​ຂອງ​ພວກເຂົາ.’ ແຕ່​ພວກເຈົ້າ​ບໍ່​ເຮັດ​ຕາມ​ທີ່​ເຮົາ​ໄດ້​ບອກ​ໄວ້. ພວກເຈົ້າ​ກັບ​ໄປ​ເຮັດ​ໃນ​ສິ່ງ​ທີ່​ກົງກັນຂ້າມ

ພວກ^ຜູ້ປົກຄອງ 3:3

ພວກ​ທີ່​ຍັງເຫລືອ​ຢູ່​ໃນ​ດິນແດນ​ນັ້ນ ມີ​ດັ່ງນີ້: ຊາວ​ຟີລິດສະຕິນ​ຢູ່​ໃນ​ຫ້າ​ເມືອງ, ຊາວ​ການາອານ​ທັງໝົດ, ຊາວ​ຊີໂດນ ແລະ​ຊາວ​ຮີວີ​ທີ່​ຢູ່​ຕາມ​ເທິງ​ພູ​ເລບານອນ ຕັ້ງແຕ່​ພູ​ບາອານ-ເຮີໂມນ​ຈົນເຖິງ​ທາງ​ຜ່ານ​ຂອງ​ຊ່ອງແຄບ​ຮາມັດ.