ໂຢຊວຍ 9:14 - ພຣະຄຳພີສັກສິ

¹⁴ ຊາວ​ອິດສະຣາເອນ​ໄດ້​ຊີມ​ອາຫານ​ບາງ​ສ່ວນ​ຂອງ​ພວກເຂົາ ແຕ່​ບໍ່ໄດ້​ຂໍ​ຄຳແນະນຳ​ຈາກ​ພຣະເຈົ້າຢາເວ​ກ່ຽວກັບ​ເລື່ອງນີ້.

ໂຢຊວຍ 9:14 Jak'a apnaqawi uñst'ayäwi

2 ຊາມູເອນ 2:1

ຫລັງຈາກ​ນັ້ນ​ແລ້ວ ດາວິດ​ກໍ​ຖາມ​ພຣະເຈົ້າຢາເວ​ວ່າ, “ຂ້ານ້ອຍ​ຄວນ​ໄປ​ຢຶດເອົາ​ເມືອງ​ໜຶ່ງ​ໃນ​ຢູດາຍ​ຫລື​ບໍ່?” ພຣະເຈົ້າຢາເວ​ຕອບ​ເພິ່ນ​ວ່າ, “ໄປ​ຢຶດເອົາ.” ດາວິດ​ຖາມ​ວ່າ, “ເມືອງໃດ?” ພຣະອົງ​ກ່າວ​ວ່າ, “ເມືອງ​ເຮັບໂຣນ.”

2 ຊາມູເອນ 5:19

ກະສັດ​ດາວິດ​ຖາມ​ພຣະເຈົ້າຢາເວ​ວ່າ, “ໃຫ້​ຂ້ານ້ອຍ​ໄປ​ໂຈມຕີ​ພວກ​ຟີລິດສະຕິນ​ຫລື​ບໍ່? ພຣະອົງ​ຈະ​ໃຫ້​ຂ້ານ້ອຍ​ຮົບ​ຊະນະ​ພວກເຂົາ​ຫລື​ບໍ່?” ພຣະເຈົ້າຢາເວ​ໄດ້ຕອບ​ວ່າ, “ຈົ່ງ​ໄປ​ໂຈມຕີ​ພວກເຂົາ ເຮົາ​ຈະ​ໃຫ້​ເຈົ້າ​ຮົບ​ຊະນະ.”

ເອຊະຣາ 8:21

ຢູ່​ທີ່​ນັ້ນ​ໃກ້​ຫ້ວຍ​ອາຮາວາ ຂ້າພະເຈົ້າ​ໄດ້​ອອກ​ຄຳສັ່ງ​ໃຫ້​ທຸກຄົນ​ຖືສິນ​ອົດອາຫານ ແລະ​ຖ່ອມຕົວ​ລົງ​ຕໍ່ໜ້າ​ພຣະເຈົ້າ​ຂອງ​ພວກເຮົາ ເພື່ອ​ຂໍ​ໃຫ້​ພຣະອົງ​ນຳພາ​ໃນ​ການ​ເດີນທາງ ແລະ​ໃຫ້​ປົກປັກ​ຮັກສາ​ພວກເຮົາ ພ້ອມທັງ​ລູກໆ​ຂອງ​ພວກເຮົາ​ແລະ​ເຄື່ອງຂອງ​ທັງໝົດ​ທີ່​ພວກເຮົາ​ມີ​ຢູ່.

ອົບພະຍົບ 28:30

ຈົ່ງ​ໃສ່​ອຸຣິມ​ແລະ​ທຸມມິມ ໄວ້​ໃນ​ແຜ່ນ​ປົກເອິກ​ແຫ່ງ​ການ​ພິພາກສາ ແລະ​ຂອງ​ສອງ​ສິ່ງນີ້​ຈະ​ຢູ່​ທີ່​ຫົວໃຈ​ຂອງ​ອາໂຣນ ເມື່ອ​ລາວ​ເຂົ້າ​ເຝົ້າ​ຕໍ່ໜ້າ​ພຣະເຈົ້າຢາເວ. ອາໂຣນ​ຈະ​ຮັບ​ພາລະ​ການ​ພິພາກສາ​ປະຊາຊົນ​ອິດສະຣາເອນ​ໄວ້​ທີ່​ຫົວໃຈ​ຂອງ​ຕົນ​ສະເໝີ​ຕໍ່ໜ້າ​ພຣະເຈົ້າຢາເວ.”

ຈົດບັນຊີ 27:21

ລາວ​ຈະ​ເພິ່ງ​ປະໂຣຫິດ​ເອເລອາຊາ ຜູ້​ທີ່​ຈະ​ຮຽນຮູ້​ຄວາມປະສົງ​ຂອງເຮົາ ໂດຍ​ໃຊ້​ອຸຣິມ​ແລະ​ທຸມມິມ ຕໍ່ໜ້າ​ພຣະເຈົ້າຢາເວ ອັນ​ນີ້​ຈະ​ແມ່ນ​ວິທີ​ທີ່​ເອເລອາຊາ ນຳພາ​ໂຢຊວຍ ແລະ​ຊຸມຊົນ​ອິດສະຣາເອນ ໃນ​ວຽກ​ການ​ທັງໝົດ​ຂອງ​ພວກເຂົາ.”

ຢາໂກໂບ 1:5

ແຕ່​ຖ້າ​ຄົນ​ໃດ​ໃນ​ພວກເຈົ້າ​ຂາດ​ສະຕິປັນຍາ ກໍ​ໃຫ້​ຜູ້ນັ້ນ​ທູນຂໍ​ຈາກ​ພຣະເຈົ້າ ຜູ້​ຊົງ​ໂຜດ​ປະທານ​ໃຫ້​ແກ່​ຄົນ​ທັງປວງ​ດ້ວຍ​ພຣະ​ກະລຸນາ ບໍ່​ຊົງ​ກ່າວ​ຕິ ແລະ​ຜູ້ນັ້ນ​ກໍ​ຈະ​ໄດ້​ຮັບ​ສິ່ງ​ທີ່​ທູນຂໍ.

ໂຢຊວຍ 9:13

ຕອນ​ທີ່​ພວກ​ຂ້ານ້ອຍ​ຮ່າຍ​ເຫຼົ້າ​ອະງຸ່ນ​ໃສ່​ຖົງ​ນັ້ນ​ມັນ​ຍັງ​ໃໝ່​ຢູ່ ແຕ່​ເບິ່ງແມ! ດຽວ​ນີ້​ມັນ​ຂາດ ເຄື່ອງນຸ່ງ​ແລະ​ເກີບ​ກໍ​ເກົ່າ​ທັງ​ຂາດ​ດ້ວຍ ເພາະ​ການ​ເດີນທາງ​ອັນ​ແສນໄກ​ໃນ​ຄັ້ງ​ນີ້.”

ພວກ^ຜູ້ປົກຄອງ 1:1

ຫລັງຈາກ​ທີ່​ໂຢຊວຍ​ໄດ້​ຕາຍໄປ​ແລ້ວ ຊາວ​ອິດສະຣາເອນ​ກໍໄດ້​ຖາມ​ພຣະເຈົ້າຢາເວ​ວ່າ, “ໃນ​ພວກ​ຂ້ານ້ອຍ ແມ່ນ​ເຜົ່າໃດ​ທີ່​ຈະ​ເປັນ​ພວກ​ທຳອິດ​ໄປ​ໂຈມຕີ​ພວກ​ການາອານ​ກ່ອນ?”

ພວກ^ຜູ້ປົກຄອງ 20:18

ສ່ວນ​ພວກ​ອິດສະຣາເອນ​ໄດ້​ໄປ​ບ່ອນ​ນະມັດສະການ​ທີ່​ເບັດເອນ ແລະ​ໃນ​ທີ່ນັ້ນ​ພວກເຂົາ​ຖາມ​ພຣະເຈົ້າ​ວ່າ, “ພຣະອົງ​ຈະ​ໃຫ້​ເຜົ່າໃດ​ອອກ​ໄປ​ໂຈມຕີ​ພວກ​ເບັນຢາມິນ​ກ່ອນ?” ພຣະເຈົ້າຢາເວ​ຕອບ​ວ່າ, “ເຜົ່າ​ຢູດາ​ໄປ​ກ່ອນ.”

1 ຊາມູເອນ 22:10

ອາຮີເມເຫຼັກ​ໄດ້​ຖາມ​ພຣະເຈົ້າຢາເວ​ໃຫ້​ລາວ​ວ່າ ລາວ​ຄວນ​ຈະ​ເຮັດ​ຢ່າງໃດ. ນອກຈາກ​ນັ້ນ ເພິ່ນ​ຍັງ​ເອົາ​ອາຫານ​ແລະ​ດາບ​ຂອງ​ໂກລີອາດ ຊາວ​ຟີລິດສະຕິນ​ໃຫ້​ລາວ​ດ້ວຍ.”