ໂຢຊວຍ 9:13 - ພຣະຄຳພີສັກສິ

¹³ ຕອນ​ທີ່​ພວກ​ຂ້ານ້ອຍ​ຮ່າຍ​ເຫຼົ້າ​ອະງຸ່ນ​ໃສ່​ຖົງ​ນັ້ນ​ມັນ​ຍັງ​ໃໝ່​ຢູ່ ແຕ່​ເບິ່ງແມ! ດຽວ​ນີ້​ມັນ​ຂາດ ເຄື່ອງນຸ່ງ​ແລະ​ເກີບ​ກໍ​ເກົ່າ​ທັງ​ຂາດ​ດ້ວຍ ເພາະ​ການ​ເດີນທາງ​ອັນ​ແສນໄກ​ໃນ​ຄັ້ງ​ນີ້.”

ໂຢຊວຍ 9:13 Jak'a apnaqawi uñst'ayäwi

ມັດທາຍ 9:17

ບໍ່ມີ​ຜູ້ໃດ​ດອກ​ທີ່​ຖອກ​ເຫຼົ້າ​ອະງຸ່ນ ໃໝ່​ໃສ່​ຖົງ​ໜັງ​ເກົ່າ. ດ້ວຍວ່າ, ຖົງ​ໜັງ​ນັ້ນ​ຈະ​ແຕກ ເຫຼົ້າ​ອະງຸ່ນ​ຈະ​ໄຫລ​ອອກ ແລະ​ທັງ​ຖົງ​ໜັງ​ກໍ​ຈະ​ເສຍ​ໄປ, ແຕ່​ຕ້ອງ​ໃຊ້​ຖົງ​ໜັງ​ໃໝ່​ໃສ່​ເຫຼົ້າ​ອະງຸ່ນ​ໃໝ່ ແລະ​ທັງສອງ​ຢ່າງ​ກໍ​ຈະ​ຢູ່​ໃນ​ສະພາບ​ດີ.”

ມາຣະໂກ 2:22

ບໍ່ມີ​ຜູ້ໃດ​ທີ່​ຖອກ​ເຫຼົ້າ​ອະງຸ່ນ ໃໝ່​ໃສ່​ຖົງ​ໜັງ​ເກົ່າ ຖ້າ​ເຮັດ​ຢ່າງ​ນັ້ນ ເຫຼົ້າ​ອະງຸ່ນ​ຈະ​ເຮັດ​ໃຫ້​ຖົງ​ໜັງ​ນັ້ນ​ຂາດ ແລະ​ເຫຼົ້າ​ອະງຸ່ນ​ກັບ​ທັງ​ຖົງ​ກໍ​ຈະ​ເສຍ​ໄປ, ແຕ່​ເຫຼົ້າ​ອະງຸ່ນ​ໃໝ່​ຕ້ອງ​ໃສ່​ໄວ້​ໃນ​ຖົງ​ໜັງ​ໃໝ່.”

ລູກາ 5:37

ບໍ່ມີ​ຜູ້ໃດ​ດອກ ທີ່​ເອົາ​ນໍ້າ​ອະງຸ່ນ ໃໝ່​ໃສ່​ຖົງ​ໜັງ​ເກົ່າ, ເພາະ​ນໍ້າ​ອະງຸ່ນ​ໃໝ່​ຈະ​ເຮັດ​ໃຫ້​ຖົງ​ໜັງ​ຂາດ, ນໍ້າ​ອະງຸ່ນ​ຈະ​ໄຫລ​ອອກ ແລະ​ຖົງ​ໜັງ​ກໍ​ຈະ​ເສຍ​ໄປ​ເໝືອນກັນ.

ພຣະບັນຍັດສອງ 29:5

ເປັນ​ເວລາ​ສີ່ສິບ​ປີ ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໄດ້​ນຳ​ພວກເຈົ້າ​ຜ່ານ​ຖິ່ນ​ແຫ້ງແລ້ງ​ກັນດານ ແມ່ນແຕ່​ເຄື່ອງ​ນຸ່ງຫົ່ມ​ແລະ​ເກີບ​ຂອງ​ພວກເຈົ້າ​ກໍ​ບໍ່ໄດ້​ຂາດ.

ໂຢຊວຍ 9:12

ຈົ່ງ​ເບິ່ງ​ເຂົ້າຈີ່​ຂອງ​ພວກ​ຂ້ານ້ອຍ​ນີ້​ດູ ຕອນ​ອອກ​ຈາກ​ບ້ານ​ມາ​ຍັງ​ອຸ່ນໆ​ຢູ່ ແຕ່​ດຽວ​ນີ້ ແຫ້ງ​ແລະ​ຕົກໂໝກ​ໝົດ.

ໂຢຊວຍ 9:14

ຊາວ​ອິດສະຣາເອນ​ໄດ້​ຊີມ​ອາຫານ​ບາງ​ສ່ວນ​ຂອງ​ພວກເຂົາ ແຕ່​ບໍ່ໄດ້​ຂໍ​ຄຳແນະນຳ​ຈາກ​ພຣະເຈົ້າຢາເວ​ກ່ຽວກັບ​ເລື່ອງນີ້.

ໂຢຊວຍ 9:4

ພວກເຂົາ​ຈຶ່ງ​ໄດ້​ຊອກ​ຫາ​ວິທີ​ໃຊ້​ອຸບາຍ​ຫລອກລວງ​ໂຢຊວຍ. ພວກເຂົາ​ໄດ້​ນຳ​ເອົາ​ເຂົ້າປາ​ອາຫານ​ໃສ່​ຖົງ​ຂາດໆ ເອົາ​ເຫຼົ້າ​ອະງຸ່ນ​ໃສ່​ຖົງ​ໜັງ​ຂາດ​ແລະ​ຕາບ ແລະ​ພາດ​ໃສ່​ຫລັງ​ລໍ.

ໂຢຊວຍ 9:5

ພວກເຂົາ​ໄດ້​ນຸ່ງ​ເຄື່ອງ​ເກົ່າ​ແລະ​ໃສ່​ເກີບ​ຂາດ​ທີ່​ຖິ້ມ​ແລ້ວ. ສ່ວນ​ເຂົ້າຈີ່​ທີ່​ຖື​ໄປ​ນຳ​ນັ້ນ​ກໍ​ແຫ້ງ​ແລະ​ຕົກໂໝກ.