ໂຢຊວຍ 9:11 - ພຣະຄຳພີສັກສິ

¹¹ ດັ່ງນັ້ນ ບັນດາ​ຜູ້ນຳ​ຂອງ​ພວກ​ຂ້ານ້ອຍ ແລະ​ປະຊາຊົນ​ທັງໝົດ​ໃນ​ດິນແດນ ຈຶ່ງ​ໄດ້​ບອກ​ພວກ​ຂ້ານ້ອຍ​ໃຫ້​ນຳ​ເອົາ​ເຂົ້າປາ​ອາຫານ ອອກ​ເດີນທາງ​ມາ​ຫາ​ທ່ານ. ພວກເຂົາ​ໄດ້​ບອກ​ໃຫ້​ພວກ​ຂ້ານ້ອຍ​ມາ​ຂໍ​ຮັບໃຊ້​ທ່ານ ແລະ​ຢາກ​ໃຫ້​ທ່ານ​ເຮັດ​ຂໍ້​ຕົກລົງ​ກັບ​ພວກ​ຂ້ານ້ອຍ.

ໂຢຊວຍ 9:11 Jak'a apnaqawi uñst'ayäwi

ປະຖົມມະການ 43:12

ຈົ່ງ​ຖື​ເງິນ​ໄປ​ນຳ​ສອງ​ເທົ່າ ເພາະ​ພວກເຈົ້າ​ຈະ​ຕ້ອງ​ເອົາ​ເງິນ​ທີ່​ໄດ້​ພົບ​ໃນ​ຖົງເຂົ້າ​ນັ້ນ​ສົ່ງ​ຄືນ. ບາງທີ​ອາດ​ເປັນ​ການ​ຫລົງລືມ​ກໍໄດ້.

2 ກະສັດ 10:5

ສະນັ້ນ ຂ້າຣາຊການ​ຜູ້​ກຳກັບ​ຣາຊວັງ ແລະ​ຂ້າຣາຊການ​ຜູ້ປົກຄອງ​ເມືອງ ພ້ອມ​ດ້ວຍ​ຜູ້ນຳ​ປະຊາຊົນ ແລະ​ພວກ​ຜູ້​ເບິ່ງແຍງ​ລູກຫລານ​ຂອງ​ກະສັດ ຈຶ່ງ​ສົ່ງ​ຂໍ້ຄວາມ​ໄປ​ຫາ​ເຢຮູ​ວ່າ, “ພວກ​ຂ້າພະເຈົ້າ​ເປັນ​ຜູ້ຮັບໃຊ້​ທ່ານ ແລະ​ພ້ອມແລ້ວ​ທີ່​ຈະ​ປະຕິບັດ​ຕາມ​ທຸກສິ່ງ​ທີ່​ທ່ານ​ສັ່ງ. ແຕ່​ພວກ​ຂ້າພະເຈົ້າ​ຈະ​ບໍ່​ແຕ່ງຕັ້ງ​ຜູ້ໃດ​ຜູ້ໜຶ່ງ​ໃຫ້​ເປັນ​ກະສັດ; ຈົ່ງ​ເຮັດ​ຕາມ​ທີ່​ທ່ານ​ເຫັນ​ວ່າ​ດີທີ່ສຸດ​ເຖີດ.”

ເອສະເທີ 8:17

ບໍ່​ວ່າ​ຢູ່​ໃນ​ເມືອງໃດ​ຫລື​ແຂວງໃດ​ກໍຕາມ ເມື່ອ​ຄຳ​ປະກາດ​ຂອງ​ກະສັດ​ໄດ້​ອ່ານ​ອອກ​ໄປ​ໃນ​ທຸກ​ບ່ອນ ຊາວຢິວ​ກໍ​ຖື​ເປັນ​ມື້​ຢຸດ​ພັກ​ທີ່​ຊົມຊື່ນ​ຍິນດີ ໂດຍ​ຈັດ​ໃຫ້​ມີ​ການ​ກິນລ້ຽງ ແລະ​ການ​ມ່ວນຊື່ນ. ຕາມ​ທີ່​ຈິງ​ແລ້ວ ໄດ້​ມີ​ຫລາຍ​ຄົນ​ໃນ​ຊາດ​ອື່ນໆ​ອີກ​ທີ່​ກາຍເປັນ​ຢິວ ເພາະ​ບັດນີ້​ພວກເຂົາ​ຕ່າງ​ກໍ​ຢ້ານກົວ​ພວກ​ຢິວ.

ລູກາ 9:3

ພຣະອົງ​ສັ່ງ​ແກ່​ພວກເພິ່ນ​ວ່າ, “ເມື່ອ​ເດີນທາງ​ໄປ​ນັ້ນ ຢ່າ​ເອົາ​ຫຍັງ​ໄປ​ນຳ ບໍ່​ວ່າ ໄມ້​ເທົ້າ, ຖົງ, ອາຫານ, ເງິນ, ແມ່ນແຕ່​ເຄື່ອງ​ນຸ່ງ​ກໍ​ບໍ່​ໃຫ້​ຖື​ໄປ​ເພື່ອ​ປ່ຽນ.

ໂຢຊວຍ 1:11

ໃຫ້​ໄປ​ປ່າວ​ເຕືອນ​ປະຊາຊົນ​ຕາມ​ຄ້າຍພັກ​ວ່າ, “ຈົ່ງ​ຈັດແຈງ​ເອົາ​ອາຫານ​ໃຫ້​ພ້ອມ ເພາະ​ພາຍ​ໃນ​ສາມ​ວັນ ພວກເຈົ້າ​ຈະ​ຂ້າມ​ແມ່ນໍ້າ​ຈໍແດນ​ເຂົ້າ​ໄປ​ຢຶດຄອງ​ດິນແດນ ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ກຳລັງ​ຈະ​ມອບ​ໃຫ້.”

ໂຢຊວຍ 9:10

ແລະ​ເຖິງ​ທຸກໆ​ສິ່ງ​ທີ່​ພຣະອົງ​ໄດ້​ເຮັດ​ຕໍ່​ກະສັດ​ຂອງ​ຊາວ​ອາໂມ​ສອງ​ຄົນ ທີ່​ທາງທິດ​ຕາເວັນອອກ​ຂອງ​ແມ່ນໍ້າ​ຈໍແດນ ຄື​ເຈົ້າສີໂຫນ​ກະສັດ​ແຫ່ງ​ເຮັດຊະໂບນ​ແລະ​ເຈົ້າໂອກ​ກະສັດ​ແຫ່ງ​ບາຊານ ທີ່​ປົກຄອງ​ຢູ່​ໃນ​ເມືອງ​ອັດຊະຕາໂຣດ.

ໂຢຊວຍ 9:12

ຈົ່ງ​ເບິ່ງ​ເຂົ້າຈີ່​ຂອງ​ພວກ​ຂ້ານ້ອຍ​ນີ້​ດູ ຕອນ​ອອກ​ຈາກ​ບ້ານ​ມາ​ຍັງ​ອຸ່ນໆ​ຢູ່ ແຕ່​ດຽວ​ນີ້ ແຫ້ງ​ແລະ​ຕົກໂໝກ​ໝົດ.

ໂຢຊວຍ 9:8

ພວກເຂົາ​ໄດ້​ກ່າວ​ແກ່​ໂຢຊວຍ​ວ່າ, “ພວກ​ຂ້ານ້ອຍ​ມາ​ຂໍ​ຮັບໃຊ້​ທ່ານ.” ໂຢຊວຍ​ຈຶ່ງ​ໄດ້​ຖາມ​ພວກເຂົາ​ວ່າ, “ພວກເຈົ້າ​ແມ່ນ​ໃຜ​ແລະ​ມາ​ຈາກ​ໃສ?”