ໂຢຊວຍ 8:3 - ພຣະຄຳພີສັກສິ

³ ດັ່ງນັ້ນ ໂຢຊວຍ​ຈຶ່ງ​ຕຽມ​ເອົາ​ທະຫານ​ທັງໝົດ​ໄປ​ໂຈມຕີ​ເມືອງ​ອາອີ. ເພິ່ນ​ໄດ້​ເລືອກ​ເອົາ​ທະຫານ​ທີ່​ເກັ່ງກ້າ​ສາມ​ໝື່ນ​ຄົນ ແລະ​ໃຫ້​ເຄື່ອນທັບ​ໄປ​ໃນ​ຕອນ​ກາງຄືນ

ໂຢຊວຍ 8:3 Jak'a apnaqawi uñst'ayäwi

ອົບພະຍົບ 17:9

ໂມເຊ​ຈຶ່ງ​ສັ່ງ​ໂຢຊວຍ​ວ່າ, “ມື້ອື່ນ ເຈົ້າ​ຈົ່ງ​ເລືອກເຟັ້ນ​ເອົາ​ບາງຄົນ ອອກ​ໄປ​ສູ້ຮົບ​ກັບ​ຊາວ​ອາມາເຫຼັກ. ສ່ວນ​ເຮົາ​ເອງ​ຈະ​ຖື​ໄມ້ຄ້ອນເທົ້າ​ທີ່​ພຣະເຈົ້າ​ໄດ້​ມອບ​ໃຫ້​ນັ້ນ ຢືນ​ເບິ່ງ​ຢູ່​ເທິງ​ເນີນພູ.”

ມັດທາຍ 24:39

ແຕ່​ພວກເຂົາ​ບໍ່ໄດ້​ສຳນຶກ​ຫຍັງ​ເລີຍ ຈົນກວ່າ​ນໍ້າ​ໄຫລ​ມາ​ຖ້ວມ​ກວາດ​ເອົາ​ພວກເຂົາ​ໃຫ້​ດັບສູນ​ໄປ ເມື່ອ​ບຸດ​ມະນຸດ​ມາ ກໍ​ຈະ​ເປັນ​ດັ່ງນັ້ນແຫລະ.

ມັດທາຍ 24:50

ແລ້ວ​ວັນ​ໜຶ່ງ ນາຍ​ຂອງ​ຄົນ​ຮັບໃຊ້​ຜູ້​ນັ້ນ​ກໍ​ຈະ​ກັບ​ມາ ໂດຍ​ທີ່​ລາວ​ບໍ່​ຄາດຄິດ ແລະ​ໃນ​ເວລາ​ທີ່​ລາວ​ບໍ່​ຮູ້

ມັດທາຍ 25:6

ພໍ​ເຖິງ​ທ່ຽງ​ຄືນ​ກໍ​ມີ​ສຽງ​ຮ້ອງ​ດັງ​ຂຶ້ນ​ວ່າ, ‘ເຈົ້າບ່າວ​ມາ​ແລ້ວ ຈົ່ງ​ອອກ​ໄປ​ຮັບ​ເພິ່ນ​ເຖີດ.’

1 ເທສະໂລນິກ 5:2

ເພາະ​ພວກເຈົ້າ​ເອງ​ກໍ​ຮູ້ຈັກ​ດີ​ແລ້ວ​ວ່າ ວັນ​ຂອງ​ອົງພຣະ​ຜູ້​ເປັນເຈົ້າ​ຈະ​ສະເດັດ​ມາ ເໝືອນ​ດັ່ງ​ຂະໂມຍ​ມາ​ໃນ​ເວລາ​ກາງຄືນ.

ໂຢຊວຍ 10:7

ດັ່ງນັ້ນ ໂຢຊວຍ ແລະ​ກອງທັບ​ທັງໝົດ​ຂອງຕົນ ລວມ​ທັງ​ພວກ​ທະຫານ​ທີ່​ເກັ່ງກ້າ ຈຶ່ງ​ໄດ້​ອອກ​ໄປ​ຈາກ​ກິນການ.

ໂຢຊວຍ 8:2

ເຈົ້າ​ຈົ່ງ​ເຮັດ​ຕໍ່​ເມືອງ​ອາອີ​ແລະ​ກະສັດ​ຂອງ​ເມືອງ​ນີ້ ເໝືອນດັ່ງ​ທີ່​ເຈົ້າ​ໄດ້​ເຮັດ​ຕໍ່​ເມືອງ​ເຢຣິໂກ​ແລະ​ກະສັດ​ຂອງ​ເມືອງ​ນັ້ນ. ແຕ່​ໃນຄັ້ງນີ້ ໃຫ້​ພວກເຈົ້າ​ເອົາ​ສິ່ງຂອງ ແລະ​ຝູງສັດ​ມາ​ເປັນ​ຂອງ​ພວກເຈົ້າ​ໄດ້. ຈົ່ງ​ຕຽມ​ໂຈມຕີ​ເມືອງ​ທາງ​ດ້ານຫລັງ ໂດຍ​ບໍ່​ໃຫ້​ພວກເຂົາ​ຮູ້ຕົວ.”

ໂຢຊວຍ 8:4

ໂດຍ​ໄດ້​ສັ່ງ​ວ່າ, “ຈົ່ງ​ລີ້​ຢູ່​ທາງ​ດ້ານຫລັງ​ຂອງ​ຕົວເມືອງ ແຕ່​ຢ່າ​ໃຫ້​ໄກ​ຈາກ​ຕົວເມືອງ​ຫລາຍ ແລ້ວ​ໃຫ້​ພາກັນ​ຕຽມພ້ອມ​ເຂົ້າ​ໂຈມຕີ.

2 ເປໂຕ 3:10

ແຕ່​ວັນ​ຂອງ​ອົງພຣະ​ຜູ້​ເປັນເຈົ້າ ຈະ​ມາ​ເຖິງ​ເໝືອນ​ດັ່ງ​ຂະໂມຍ​ມາ. ໃນ​ວັນ​ນັ້ນ ຟ້າ​ສະຫວັນ​ຈະ​ລ່ວງ​ເສຍ​ໄປ ດ້ວຍ​ສຽງດັງ​ກ້ອງສະໜັ່ນ ໂລກ​ທາດ​ຈະ​ສະຫລາຍ​ໄປ​ດ້ວຍ​ໄຟ ແລະ​ແຜ່ນດິນ​ໂລກ​ກັບ​ທຸກສິ່ງ​ສາລະພັດ​ຈະ​ໄໝ້​ເສຍ​ໝົດ.

ພວກ^ຜູ້ປົກຄອງ 9:32

ເມື່ອ​ເປັນ​ເຊັ່ນນີ້ ຂໍ​ໃຫ້​ທ່ານ​ນຳ​ຄົນ​ອອກ​ໄປ​ລີ້​ຢູ່​ຕາມ​ທົ່ງນາ​ໃນ​ຕອນ​ກາງຄືນ.