ໂຢຊວຍ 8:17 - ພຣະຄຳພີສັກສິ

¹⁷ ຜູ້ຊາຍ​ທຸກຄົນ​ໃນ​ເມືອງ​ອາອີ ໄດ້​ອອກ​ໄລ່ຕາມ​ພວກ​ອິດສະຣາເອນ​ໄປ ແລະ​ປ່ອຍ​ໃຫ້​ຕົວເມືອງ​ເປີດ​ປະໄວ້​ຢ່າງ​ບໍ່ມີ​ໃຜ​ປ້ອງກັນ.

ໂຢຊວຍ 8:17 Jak'a apnaqawi uñst'ayäwi

ພຣະບັນຍັດສອງ 2:30

ແຕ່​ເຈົ້າ​ສີໂຫນ​ແຫ່ງ​ເຮັດຊະໂບນ​ບໍ່​ອະນຸຍາດ​ໃຫ້​ພວກເຮົາ​ຜ່ານ​ດິນແດນ​ຂອງ​ເພິ່ນ​ໄປ. ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ໄດ້​ເຮັດ​ໃຫ້​ເພິ່ນ​ດື້ດຶງ​ແລະ​ແຂງກະດ້າງ ເພື່ອ​ພວກເຮົາ​ຈະ​ໄດ້​ຊະນະ​ແລະ​ຢຶດ​ເອົາ​ເຂດແດນ​ທັງໝົດ​ຂອງ​ເພິ່ນ ມາ​ຄອບຄອງ​ຈົນ​ເທົ່າ​ທຸກ​ວັນນີ້.

ໂຢຊວຍ 11:20

ພຣະເຈົ້າຢາເວ​ໄດ້​ເຮັດ​ໃຫ້​ພວກເຂົາ​ມີ​ໃຈ​ຢາກ​ສູ້ຮົບ​ຊາວ​ອິດສະຣາເອນ ເພື່ອ​ວ່າ​ພວກເຂົາ​ຈະ​ໄດ້​ຖືກ​ທຳລາຍ​ຢ່າງ​ໝົດກ້ຽງ​ເປັນ​ການ​ລົງໂທດ ແລະ​ເພື່ອ​ທຸກຄົນ​ຈະ​ຖືກ​ຂ້າ​ຢ່າງ​ບໍ່​ປານີ ເໝືອນ​ດັ່ງ​ທີ່​ພຣະເຈົ້າຢາເວ​ໄດ້​ສັ່ງ​ໄວ້​ກັບ​ໂມເຊ.

ໂຢຊວຍ 8:16

ຝ່າຍ​ຜູ້ຊາຍ​ຢູ່​ໃນ​ເມືອງ​ທຸກຄົນ​ກໍ​ໄລ່ຕາມ​ໄປ ແລະ​ໃນ​ຂະນະທີ່​ພວກເຂົາ​ໄລ່ຕາມ​ໂຢຊວຍ​ໄປ​ນັ້ນ ພວກເຂົາ​ກໍ​ຫ່າງ​ຈາກ​ຕົວເມືອງ​ອອກ​ໄປ​ເລື້ອຍໆ.

ໂຢຊວຍ 8:18

ແລ້ວ​ພຣະເຈົ້າຢາເວ​ກໍໄດ້​ກ່າວ​ແກ່​ໂຢຊວຍ​ວ່າ, “ຈົ່ງ​ເອົາ​ຫອກ​ຂອງ​ເຈົ້າ​ຊີ້​ໄປ​ທາງ​ເມືອງ​ອາອີ ເຮົາ​ກຳລັງ​ມອບ​ເມືອງ​ອາອີ​ໃຫ້​ເຈົ້າ.” ໂຢຊວຍ​ກໍ​ປະຕິບັດ​ຕາມ​ທີ່​ພຣະອົງ​ໄດ້​ບອກ

ໂຢຊວຍ 8:3

ດັ່ງນັ້ນ ໂຢຊວຍ​ຈຶ່ງ​ຕຽມ​ເອົາ​ທະຫານ​ທັງໝົດ​ໄປ​ໂຈມຕີ​ເມືອງ​ອາອີ. ເພິ່ນ​ໄດ້​ເລືອກ​ເອົາ​ທະຫານ​ທີ່​ເກັ່ງກ້າ​ສາມ​ໝື່ນ​ຄົນ ແລະ​ໃຫ້​ເຄື່ອນທັບ​ໄປ​ໃນ​ຕອນ​ກາງຄືນ

ພວກ^ຜູ້ປົກຄອງ 20:31

ຝ່າຍ​ພວກ​ເບັນຢາມິນ​ກໍ​ອອກ​ມາ​ຕໍ່ສູ້​ຕາມເຄີຍ ແລະ​ຖືກ​ລໍ້​ໃຫ້​ອອກ​ໄປ​ໄກ​ຈາກ​ຕົວເມືອງ. ດັ່ງ​ຄັ້ງກ່ອນ ພວກເຂົາ​ເລີ່ມ​ຂ້າ​ພວກ​ອິດສະຣາເອນ​ແດ່​ແລ້ວ​ຕາມ​ນອກ​ເມືອງ ແລະ​ຕາມ​ເສັ້ນ​ທາງ​ໄປ​ສູ່​ເບັດເອນ​ແລະ​ກີເບອາ. ພວກເຂົາ​ໄດ້​ຂ້າ​ຊາວ​ອິດສະຣາເອນ​ປະມານ​ສາມສິບ​ຄົນ.