ໂຢຊວຍ 7:4 - ພຣະຄຳພີສັກສິ

⁴ ດັ່ງນັ້ນ ຊາວ​ອິດສະຣາເອນ​ປະມານ​ສາມພັນ​ຄົນ​ຈຶ່ງ​ໄດ້​ອອກ​ໄປ​ບຸກໂຈມຕີ ແຕ່​ພວກເຂົາ​ໄດ້​ຖືກ​ຕີ​ຄືນ​ໃຫ້​ແຕກ​ຖອຍໜີ​ມາ.

ໂຢຊວຍ 7:4 Jak'a apnaqawi uñst'ayäwi

ເພງ^ສັນລະເສີນ 89:43

ພຣະອົງ​ໃຫ້​ອາວຸດ​ຂອງ​ລາວ​ໃຊ້​ການ​ບໍ່ໄດ້​ເລີຍ ພຣະອົງ​ໄດ້​ໃຫ້​ລາວ​ເສຍໄຊ​ຢູ່​ໃນ​ສະໜາມຮົບ.

ເອຊາຢາ 30:17

ພວກເຈົ້າ​ພັນ​ຄົນ​ຈະ​ແລ່ນ​ໜີ​ເມື່ອ​ເຫັນ​ທະຫານ​ຜູ້ໜຶ່ງ​ຂອງ​ສັດຕູ ແລະ​ທະຫານ​ຫ້າ​ຄົນ​ຂອງ​ສັດຕູ​ກໍ​ພຽງພໍ ທີ່​ຈະ​ເຮັດ​ໃຫ້​ພວກເຈົ້າ​ແລ່ນ​ໜີໄປ​ໝົດ. ໃນ​ກອງທັບ​ຂອງ​ພວກເຈົ້າ​ຈະ​ບໍ່ມີ​ຫຍັງ​ເຫຼືອ​ເລີຍ ນອກຈາກ​ຫລັກ​ທຸງ​ທີ່​ຈອມ​ເນີນພູ​ເທົ່ານັ້ນ.

ເອຊາຢາ 59:2

ເພາະ​ການບາບ​ຂອງ​ພວກເຈົ້າ​ເອງ ພຣະອົງ​ຈຶ່ງ​ບໍ່ໄດ້ຍິນ​ພວກເຈົ້າ​ຮ້ອງຂໍ​ໃຫ້​ຊ່ວຍເຫລືອ. ເມື່ອ​ພວກເຈົ້າ​ພະຍາຍາມ​ນະມັດສະການ​ພຣະເຈົ້າ ແມ່ນ​ການບາບ​ຂອງ​ພວກເຈົ້າ​ນັ້ນແຫລະ ທີ່​ແຍກ​ພວກເຈົ້າ​ຈາກ​ພຣະອົງ.

ລະບຽບ^ພວກເລວີ 26:17

ເຮົາ​ຈະ​ຫັນ​ມາ​ຕໍ່ສູ້​ພວກເຈົ້າ​ເພື່ອ​ວ່າ​ພວກເຈົ້າ​ຈະ​ພ່າຍແພ້ ແລະ​ຜູ້​ທີ່​ຊັງ​ພວກເຈົ້າ​ກໍ​ຈະ​ປົກຄອງ​ພວກເຈົ້າ; ພວກເຈົ້າ​ຈະ​ຕື່ນ​ຕົກໃຈ​ຢ້ານກົວ ຈົນ​ແລ່ນ​ເປີດ​ໜີໄປ​ຢ່າງ​ບໍ່​ຮູ້ສຶກ​ຕົວ​ໂດຍ​ບໍ່ມີ​ໃຜ​ໄລ່​ຕິດຕາມ.

ພຣະບັນຍັດສອງ 28:25

ພຣະເຈົ້າຢາເວ​ຈະ​ໃຫ້​ສັດຕູ​ມາ​ຊະນະ​ພວກເຈົ້າ. ພວກເຈົ້າ​ຈະ​ໂຈມຕີ​ພວກເຂົາ​ທາງ​ທິດດຽວ ແຕ່​ພວກເຈົ້າ​ຈະ​ແລ່ນ​ເປີດ​ໜີໄປ​ທຸກ​ທິດ​ທຸກ​ທາງ ແລະ​ປະຊາຊົນ​ທັງໝົດ​ເທິງ​ແຜ່ນດິນ​ໂລກ​ຈະ​ອົກສັ່ນ​ຂວັນເສຍ ເມື່ອ​ພວກເຂົາ​ໄດ້ຍິນ​ສິ່ງ​ທີ່​ເກີດຂຶ້ນ​ກັບ​ພວກເຈົ້າ.

ພຣະບັນຍັດສອງ 32:30

ເປັນຫຍັງ​ຄົນ​ຜູ້ດຽວ​ນັ້ນ ຈຶ່ງ​ຊະນະ​ຄົນ​ເປັນພັນ ແລະ​ເປັນຫຍັງ​ພຽງ​ສອງ​ຄົນ ຈຶ່ງ​ຊະນະ​ຄົນ​ເປັນ​ໝື່ນ? ກໍ​ເພາະວ່າ​ພຣະເຈົ້າ​ໄດ້​ປະຖິ້ມ​ພວກເຂົາ ພຣະເຈົ້າຢາເວ​ອົງ​ຍິ່ງໃຫຍ່​ໄດ້​ໃຫ້​ພວກເຂົາ​ພ່າຍແພ້.

ໂຢຊວຍ 7:3

ກໍໄດ້​ກັບ​ມາ​ລາຍງານ​ໂຢຊວຍ​ວ່າ, “ບໍ່​ຈຳເປັນ​ຈະ​ສົ່ງ​ທຸກໆ​ຄົນ​ໄປ​ຕີ​ເອົາ​ເມືອງ​ອາອີ. ໃຫ້​ສົ່ງ​ພຽງແຕ່​ສອງ​ຫລື​ສາມພັນ​ຄົນ​ເທົ່ານັ້ນ​ໄປ​ກໍ​ພໍ. ຢ່າ​ສົ່ງ​ກອງທັບ​ທັງໝົດ​ຂຶ້ນ​ໄປ​ສູ້ຮົບ​ໃນ​ທີ່ນັ້ນ ເພາະ​ເມືອງ​ອາອີ​ນີ້​ບໍ່​ເປັນ​ເມືອງ​ໃຫຍ່.”