ໂຢຊວຍ 7:18 - ພຣະຄຳພີສັກສິ

¹⁸ ເພິ່ນ​ໄດ້​ເອົາ​ຄອບຄົວ​ຊັບດີ​ໄປ​ຂ້າງໜ້າ​ແຕ່ລະຄົນ; ແລະ​ອາການ​ລູກຊາຍ​ຂອງ​ການໝີ, ຫລານຊາຍ​ຂອງ​ຊັບດີ​ຕະກຸນ​ເຊຣາ​ເຜົ່າ​ຢູດາ​ກໍ​ຖືກ​ເລືອກ.

ໂຢຊວຍ 7:18 Jak'a apnaqawi uñst'ayäwi

ສຸພາສິດ 13:21

ຄວາມ​ລຳບາກ​ຕິດຕາມ​ຄົນບາບ​ໄປ​ທຸກແຫ່ງ​ທຸກຫົນ, ແຕ່​ຄວາມ​ຈະເລິນ​ຮຸ່ງເຮືອງ​ເປັນ​ບຳເໜັດ​ຂອງ​ຄົນ​ຊອບທຳ.

ເຢເຣມີຢາ 2:26

ອົງພຣະ​ຜູ້​ເປັນເຈົ້າ​ກ່າວ​ວ່າ, “ຂະໂມຍ​ເມື່ອ​ຖືກ​ຈັບ​ໄດ້ ລາວ​ຈະ​ລະອາຍ​ຫລາຍ​ສັນໃດ; ຊາວ​ອິດສະຣາເອນ​ທຸກຄົນ​ກໍ​ຈະ​ໄດ້​ຖືກ​ອັບອາຍ​ຫລາຍ​ສັນນັ້ນ ເປັນ​ຕົ້ນ: ບັນດາ​ກະສັດ, ພວກ​ຂ້າຣາຊການ ພວກ​ປະໂຣຫິດ ແລະ​ພວກ​ຜູ້ທຳນວາຍ​ຂອງ​ພວກເຈົ້າ.

ຈົດບັນຊີ 32:23

ແຕ່​ຖ້າ​ພວກເຈົ້າ​ຫາກ​ບໍ່​ເຮັດ​ຕາມ​ສັນຍາ ເຮົາ​ຂໍເຕືອນ​ວ່າ ພວກເຈົ້າ​ໄດ້​ເຮັດ​ບາບ​ຕໍ່ສູ້​ພຣະເຈົ້າຢາເວ ແລະ​ພວກເຈົ້າ​ຈະ​ໄດ້​ຮັບ​ໂທດກຳ​ຍ້ອນ​ບາບ​ນັ້ນ. ຢ່າ​ເຂົ້າໃຈ​ຜິດ​ໃນ​ເລື່ອງ​ນີ້.

ໂຢຊວຍ 7:17

ເພິ່ນ​ໄດ້​ນຳ​ເອົາ​ເຜົ່າ​ຢູດາ​ໄປ​ຂ້າງໜ້າ ແລະ​ຕະກຸນ​ເຊຣາ​ໄດ້​ຖືກ​ເລືອກ; ແລ້ວ​ເພິ່ນ​ກໍໄດ້​ນຳ​ເອົາ​ຕະກຸນ​ເຊຣາ​ໄປ​ຂ້າງໜ້າ​ແຕ່ລະ​ຄອບຄົວ ແລະ​ຄອບຄົວ​ຊັບດີ​ໄດ້​ຖືກ​ເລືອກ.

1 ຊາມູເອນ 14:42

ແລ້ວ​ກະສັດ​ໂຊນ​ກໍ​ເວົ້າ​ວ່າ, “ຈົ່ງ​ຈົກ​ສະຫລາກ​ລະຫວ່າງ​ເຮົາ ແລະ​ໂຢນາທານ​ລູກຊາຍ​ຂອງ​ເຮົາ​ເຖີດ.” ແລະ​ສະຫລາກ​ກໍ​ຕົກ​ຖືກ​ໂຢນາທານ.