ໂຢຊວຍ 7:11 - ພຣະຄຳພີສັກສິ

¹¹ ຊາດ​ອິດສະຣາເອນ​ໄດ້​ເຮັດ​ບາບ ພວກເຂົາ​ໄດ້​ລະເມີດ​ພັນທະສັນຍາ ທີ່​ເຮົາ​ໄດ້​ສັ່ງ​ພວກເຂົາ​ໃຫ້​ຖື​ຮັກສາ. ພວກເຂົາ​ໄດ້​ເອົາ​ບາງສິ່ງ​ບາງຢ່າງ​ທີ່​ຕ້ອງ​ຖືກ​ທຳລາຍ​ນັ້ນ. ພວກເຂົາ​ໄດ້​ລັກ​ເອົາ​ມາ​ແລະ​ອຳ​ໄວ້ ແລ້ວ​ເອົາ​ສິ່ງ​ເຫຼົ່ານີ້​ລວມ​ເຂົ້າ​ກັບ​ສິ່ງຂອງ​ຂອງ​ຕົນເອງ.

ໂຢຊວຍ 7:11 Jak'a apnaqawi uñst'ayäwi

2 ກະສັດ 18:12

ນະຄອນ​ຊາມາເຣຍ​ແຕກ ກໍ​ເພາະ​ຊາວ​ອິດສະຣາເອນ​ບໍ່ໄດ້​ເຊື່ອຟັງ​ພຣະເຈົ້າຢາເວ ພຣະເຈົ້າ​ຂອງ​ພວກເຂົາ, ແຕ່​ໄດ້​ລະເມີດ​ພັນທະສັນຍາ​ທີ່​ພຣະອົງ​ໄດ້​ເຮັດ​ໄວ້​ກັບ​ພວກເຂົາ ແລະ​ບໍ່​ເຊື່ອຟັງ​ກົດບັນຍັດ​ທັງໝົດ​ທີ່​ໂມເຊ​ຜູ້ຮັບໃຊ້​ຂອງ​ພຣະເຈົ້າຢາເວ​ໄດ້​ມອບ​ໃຫ້​ແກ່​ພວກເຂົາ​ນັ້ນ. ພວກເຂົາ​ບໍ່​ຍອມ​ຟັງ ແລະ​ບໍ່ຍອມ​ປະຕິບັດ​ຕາມ.

2 ກະສັດ 5:24

ເມື່ອ​ພວກເຂົາ​ມາ​ເຖິງ​ເນີນພູ​ບ່ອນ​ເອລີຊາ​ຢູ່, ເກຮາຊິ​ກໍ​ແບກ​ເອົາ​ເສື້ອຜ້າ ແລະ​ເງິນ​ສອງ​ຖົງ​ນັ້ນ​ເຂົ້າ​ໄປ​ເກັບ​ໄວ້​ໃນ​ເຮືອນ. ແລ້ວ​ລາວ​ກໍ​ສົ່ງ​ບັນດາ​ຄົນ​ຮັບໃຊ້​ຂອງ​ນາອາມານ​ກັບຄືນ​ເມືອ.

ເອຊາຢາ 24:5

ປະຊາກອນ​ໄດ້​ເຮັດ​ໃຫ້​ໂລກນີ້​ເປັນ​ມົນທິນ ໂດຍ​ລະເມີດ​ກົດບັນຍັດ​ຂອງ​ພຣະເຈົ້າ ແລະ​ຝ່າຝືນ​ພັນທະສັນຍາ​ທີ່​ພຣະອົງ​ໄດ້​ເຮັດ​ໄວ້​ກັບ​ພວກເຂົາ​ຕະຫລອດໄປ.

ເຢເຣມີຢາ 31:32

ພັນທະສັນຍາ​ນີ້​ຈະ​ບໍ່​ຄື​ພັນທະສັນຍາ​ເກົ່າ ທີ່​ເຮົາ​ໄດ້​ເຮັດ​ກັບ​ບັນພະບຸລຸດ​ຂອງ​ພວກເຂົາ ເມື່ອ​ເຮົາ​ໄດ້​ຈູງ​ແຂນ​ພວກເຂົາ​ອອກ​ມາ​ຈາກ​ປະເທດ​ເອຢິບ​ນັ້ນ. ເຖິງ​ແມ່ນ​ວ່າ​ເຮົາ​ເປັນ​ດັ່ງ​ຜົວ​ຂອງ​ພວກເຂົາ​ກໍຕາມ ພວກເຂົາ​ກໍ​ບໍ່ໄດ້​ຮັກສາ​ພັນທະສັນຍາ​ນັ້ນ​ເລີຍ. ພຣະເຈົ້າຢາເວ​ກ່າວ​ດັ່ງນີ້ແຫຼະ.

ໂຮເສອາ 6:7

ແຕ່​ພໍ​ເມື່ອ​ພວກເຂົາ​ໄດ້​ເຂົ້າ​ໄປ​ໃນ​ດິນແດນ​ທີ່​ອາດາມ ພວກເຂົາ​ກໍໄດ້​ລະເມີດ​ພັນທະສັນຍາ ທີ່​ເຮົາ​ໄດ້​ມີ​ໄວ້​ກັບ​ພວກເຂົາ​ນັ້ນ.

ລະບຽບ^ພວກເລວີ 5:15

ຖ້າ​ຜູ້ໃດ​ຜູ້ໜຶ່ງ​ເຮັດ​ບາບ ຍ້ອນ​ລືມ​ຊຳລະ​ສິ່ງ​ບໍຣິສຸດ​ໃຫ້​ແກ່​ພຣະເຈົ້າຢາເວ ໂດຍ​ບໍ່ຕັ້ງໃຈ ເພື່ອ​ເປັນ​ການ​ຊົດໃຊ້​ແທນຄືນ​ຫລັງ​ໃຫ້​ພຣະອົງ ລາວ​ຕ້ອງ​ນຳ​ແກະ​ຫລື​ແບ້​ເຖິກ​ໂຕໜຶ່ງ ທີ່​ມີ​ສຸຂະພາບ​ດີ​ແລະ​ບໍ່ມີ​ຕຳໜິ​ມາ​ຖວາຍ​ແກ່​ພຣະເຈົ້າຢາເວ. ສ່ວນ​ລາຄາ​ສັດ​ນັ້ນ ໃຫ້​ຖື​ເອົາ​ຕາມ​ອັດຕາ​ທາງ​ການ​ຂອງ​ສຳນັກ​ນະມັດສະການ.

ຮາບາກຸກ 2:6

ປະຊາຊົນ​ທີ່​ຖືກ​ຄອບຄອງ​ນັ້ນ ພວກເຂົາ​ຈະ​ປ້ອຍດ່າ​ແລະ​ດູຖູກ​ຢຽບຫຍາມ​ພວກ​ທີ່​ຄອບຄອງ​ພວກຕົນ ແລະ​ສະແດງ​ທ່າທີ​ຫຍໍ້ຫຍັນ​ໃສ່​ພວກເຂົາ​ໂດຍ​ຈະ​ເວົ້າ​ວ່າ, “ພວກສູ​ໄດ້​ເອົາ​ຂອງ​ຜູ້ອື່ນ​ມາ​ເປັນ​ຂອງຕົນ ແຕ່​ເຄາະກຳ​ຈະ​ເປັນ​ຂອງ​ພວກສູ ພວກສູ​ຈະ​ສ້າງຮັ່ງ​ຄູນມີ​ອີກ​ດົນນານ​ປານໃດ ໂດຍ​ບັງຄັບ​ລູກໜີ້​ໃຫ້​ຊຳລະ​ໜີ້ສິນ​ໝົດ?”

ເຊກາຣີຢາ 5:4

ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ກ່າວ​ວ່າ ພຣະອົງ​ຈະ​ສົ່ງ​ຄຳສາບແຊ່ງ​ນີ້​ອອກ​ໄປ ແລະ​ມັນ​ຈະ​ເຂົ້າ​ໄປ​ໃນ​ເຮືອນ​ຂອງ​ຄົນ​ຂີ້ລັກ​ທຸກຄົນ ຕະຫລອດ​ທັງ​ເຮືອນ​ຂອງ​ຜູ້​ເວົ້າຕົວະ​ພາຍໃຕ້​ຄຳ​ສາບານ​ທຸກຄົນ. ມັນ​ຈະ​ຢູ່​ໃນ​ເຮືອນ​ຂອງ​ພວກເຂົາ​ຈົນກວ່າ​ບ້ານ​ເຮືອນ​ຖືກ​ຮົກຮ້າງ​ເພພັງ.”

ມັດທາຍ 22:21

ພວກເຂົາ​ຕອບ​ວ່າ, “ເປັນ​ຂອງ​ກາຍຊາ.” ດັ່ງນັ້ນ ພຣະເຢຊູເຈົ້າ​ຈຶ່ງ​ກ່າວ​ແກ່​ພວກເຂົາ​ວ່າ, “ເຫດສະນັ້ນ ສິ່ງ​ທີ່​ເປັນ​ຂອງ​ກາຍຊາ ຈົ່ງ​ຄືນ​ໃຫ້​ແກ່​ກາຍຊາ ສິ່ງ​ທີ່​ເປັນ​ຂອງ​ພຣະເຈົ້າ ຈົ່ງ​ຄືນ​ຖວາຍ​ໃຫ້​ແກ່​ພຣະເຈົ້າ.”

ກິດຈະການ 5:9

ດັ່ງນັ້ນ ເປໂຕ​ຈຶ່ງ​ກ່າວ​ຕໍ່​ນາງ​ວ່າ, “ເປັນຫຍັງ​ເຈົ້າ​ກັບ​ຜົວ​ຂອງ​ເຈົ້າ ຈຶ່ງ​ພ້ອມໃຈ​ກັນ​ທົດລອງ​ພຣະວິນຍານ​ຂອງ​ອົງພຣະ​ຜູ້​ເປັນເຈົ້າ? ບັດນີ້ ພວກ​ຜູ້ຊາຍ​ທີ່​ໄດ້​ໄປ​ຝັງສົບ​ຜົວ​ຂອງ​ເຈົ້າ ກໍ​ມາ​ເຖິງ​ປະຕູ​ແລ້ວ ແລະ​ພວກເຂົາ​ກໍ​ຈະ​ຫາມ​ຊາກສົບ​ຂອງ​ເຈົ້າ​ອອກ​ໄປ​ເໝືອນກັນ.”

ພຣະບັນຍັດສອງ 17:2

ຖ້າ​ພວກເຈົ້າ​ໄດ້​ພົບ​ວ່າ ມີ​ຊາຍ​ຫລື​ຍິງ​ຄົນ​ໜຶ່ງ​ທີ່​ຢູ່​ໃນ​ເມືອງ​ຂອງ​ພວກເຈົ້າ ໄດ້​ເຮັດ​ຊົ່ວຮ້າຍ​ຕໍ່ສູ້​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ແລະ​ຝ່າຝືນ​ພັນທະສັນຍາ​ຂອງ​ພຣະອົງ

ເຮັບເຣີ 4:13

ແລະ​ໃນ​ທຸກສິ່ງ​ທີ່​ໄດ້​ຖືກ​ສ້າງ​ຂຶ້ນ​ນັ້ນ ບໍ່ມີ​ສິ່ງໃດ​ຖືກ​ບັງລັບ​ໄວ້​ຈາກ​ພຣະພັກ​ພຣະອົງ​ໄດ້ ແຕ່​ທຸກສິ່ງ​ໄດ້​ປາກົດ​ແຈ້ງ​ຕໍ່​ສາຍຕາ​ຂອງ​ພຣະອົງ ຜູ້​ທີ່​ເຮົາ​ຈະ​ຕ້ອງ​ໃຫ້​ການ​ນັ້ນ.

ໂຢຊວຍ 23:16

ຖ້າ​ພວກເຈົ້າ​ບໍ່​ຖື​ຮັກສາ​ພັນທະສັນຍາ ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໄດ້​ສັ່ງ​ພວກເຈົ້າ​ໄວ້ ແລະ​ຖ້າ​ພວກເຈົ້າ​ໄປ​ຮັບໃຊ້​ແລະ​ຂາບໄຫວ້​ພະອື່ນ ແລ້ວ​ພຣະເຈົ້າຢາເວ​ກໍ​ຈະ​ລົງໂທດ​ພວກເຈົ້າ​ດ້ວຍ​ຄວາມ​ໂກດຮ້າຍ ແລະ​ໃນ​ອີກ​ບໍ່​ດົນ​ຈະ​ບໍ່ມີ​ໃຜ​ໃນ​ພວກເຈົ້າ​ເຫຼືອ​ຢູ່​ໃນ​ດິນແດນ​ອັນ​ສວຍງາມ ທີ່​ພຣະອົງ​ໄດ້​ມອບ​ໃຫ້​ແກ່​ພວກເຈົ້າ.”

ໂຢຊວຍ 7:1

ແຕ່​ຊາວ​ອິດສະຣາເອນ​ໄດ້​ລະເມີດ​ໃນ​ສິ່ງຂອງ​ທີ່​ຕ້ອງ​ຖວາຍ​ນັ້ນ​ຄື: ອາການ​ເປັນ​ລູກ​ຂອງ​ການໝີ ຫລານຊາຍ​ຂອງ​ຊັບດີ ແລະ​ຄົນ​ໃນ​ຕະກຸນ​ເຊຣາ​ເຜົ່າ​ຢູດາ​ໄດ້ເອົາ​ສິ່ງຂອງ​ທີ່​ຕ້ອງ​ຖວາຍ​ນັ້ນ​ໄປ​ເປັນ​ຂອງຕົນ; ສະນັ້ນ ພຣະເຈົ້າຢາເວ​ຈຶ່ງ​ໂກດຮ້າຍ​ຊາວ​ອິດສະຣາເອນ​ຢ່າງໜັກ.

ໂຢຊວຍ 7:10

ພຣະເຈົ້າຢາເວ​ໄດ້​ກ່າວ​ແກ່​ໂຢຊວຍ​ວ່າ, “ຈົ່ງ​ລຸກ​ຂຶ້ນ ເປັນຫຍັງ​ເຈົ້າ​ຈຶ່ງ​ໝູບ​ໜ້າ​ຢູ່​ຢ່າງ​ນີ້?

ພວກ^ຜູ້ປົກຄອງ 2:20

ດ້ວຍເຫດນີ້ ພຣະເຈົ້າຢາເວ​ຈຶ່ງ​ໂກດຮ້າຍ​ຊາດ​ອິດສະຣາເອນ ແລະ​ກ່າວ​ວ່າ, “ຊົນຊາດ​ນີ້​ຝ່າຝືນ​ພັນທະສັນຍາ ທີ່​ເຮົາ​ໄດ້​ສັ່ງ​ໄວ້​ກັບ​ປູ່ຍ່າຕາຍາຍ​ຂອງ​ພວກເຂົາ​ໃຫ້​ຢຶດຖື. ຍ້ອນ​ວ່າ​ພວກເຂົາ​ບໍ່​ເຊື່ອຟັງ​ຄຳສັ່ງ​ຂອງເຮົາ

1 ຊາມູເອນ 14:38

ກະສັດ​ໂຊນ​ຈຶ່ງ​ກ່າວ​ແກ່​ບັນດາ​ຜູ້ນຳ​ຂອງ​ປະຊາຊົນ​ວ່າ, “ຈົ່ງ​ພາກັນ​ມາ​ທີ່​ນີ້ ແລະ​ໄປ​ສອບ​ຖາມ​ເບິ່ງ​ວ່າ​ໃນ​ມື້ນີ້​ມີ​ຜູ້ໃດ​ເຮັດ​ຜິດ​ຫຍັງແດ່?