ໂຢຊວຍ 6:3 - ພຣະຄຳພີສັກສິ

³ ເຈົ້າ​ພ້ອມ​ທະຫານ​ຂອງ​ເຈົ້າ​ຕ້ອງ​ຍ່າງ​ອ້ອມ​ເມືອງ​ນີ້ ວັນລະ​ໜຶ່ງ​ຮອບ​ພາຍ​ໃນ​ຫົກ​ວັນ.

ໂຢຊວຍ 6:3 Jak'a apnaqawi uñst'ayäwi

2 ຂ່າວຄາວ 4:3

ທີ່​ຂອບ​ອ້ອມຮອບ​ຂັນ​ດ້ານນອກ ມີ​ການ​ຕົບແຕ່ງ​ເປັນ​ສອງ​ແຖວ ຄື​ແຖວ​ເທິງ​ຢອງ​ແຖວ​ລຸ່ມ. ການ​ຕົບແຕ່ງ​ນີ້​ແມ່ນ​ໄດ້​ຫລໍ່​ຮູບ​ງົວ​ໃຫ້​ເປັນ​ເນື້ອ​ດຽວກັນ​ກັບ​ຂັນ.

ຈົດບັນຊີ 14:9

ຢ່າ​ກະບົດ​ຕໍ່ສູ້​ພຣະເຈົ້າຢາເວ​ເລີຍ ແລະ​ຢ່າສູ່ຢ້ານ​ປະຊາຊົນ​ທີ່​ອາໄສ​ຢູ່​ທີ່​ນັ້ນ. ພວກເຮົາ​ຈະ​ຊະນະ​ພວກເຂົາ​ຢ່າງ​ງ່າຍດາຍ. ພຣະເຈົ້າຢາເວ​ສະຖິດ​ຢູ່​ນຳ​ພວກເຮົາ ແລະ​ຈະ​ຊົງ​ທຳລາຍ​ບັນດາ​ພະ​ທີ່​ປົກປັກ​ຮັກສາ​ພວກເຂົາ​ໃຫ້​ສູນສິ້ນ​ໄປ​ໝົດ; ສະນັ້ນ ຢ່າສູ່ຢ້ານເລີຍ.”

2 ໂກຣິນໂທ 4:7

ແຕ່​ພວກເຮົາ​ມີ​ຊັບສົມບັດ​ນີ້ ຢູ່​ໃນ​ພາຊະນະ​ດິນ ເພື່ອ​ໃຫ້​ເຫັນ​ວ່າ ຣິດອຳນາດ​ອັນ​ຍິ່ງໃຫຍ່​ນັ້ນ​ເປັນ​ຂອງ​ພຣະເຈົ້າ ບໍ່ໄດ້​ມາ​ຈາກ​ພວກເຮົາ​ເອງ.

ໂຢຊວຍ 6:11

ດັ່ງນັ້ນ ເພິ່ນ​ຈຶ່ງ​ໄດ້​ສັ່ງ​ພວກ​ເຫຼົ່ານີ້ ໃຫ້​ນຳ​ຫີບ​ຂອງ​ພຣະເຈົ້າຢາເວ​ຍ່າງ​ອ້ອມ​ເມືອງ​ໜຶ່ງ​ຮອບ. ແລ້ວ​ພວກເຂົາ​ກໍໄດ້​ກັບ​ເມືອ​ສູ່​ຄ້າຍພັກ ແລະ​ນອນ​ຄ້າງຄືນ​ຢູ່​ທີ່​ນັ້ນ.

ໂຢຊວຍ 6:14

ໃນ​ວັນ​ທີ​ສອງ ພວກເຂົາ​ໄດ້​ຍ່າງ​ອ້ອມ​ເມືອງ​ອີກ​ຮອບ​ໜຶ່ງ ແລ້ວ​ກໍໄດ້​ກັບ​ເມືອ​ສູ່​ຄ້າຍພັກ. ພວກເຂົາ​ເຮັດ​ຢູ່​ຢ່າງ​ນີ້​ເປັນ​ເວລາ​ຫົກ​ວັນ.

ໂຢຊວຍ 6:2

ພຣະເຈົ້າຢາເວ​ໄດ້​ບອກ​ໂຢຊວຍ​ວ່າ, “ເຮົາ​ໄດ້​ມອບ​ເມືອງ​ເຢຣິໂກ​ແລະ​ກະສັດ​ໃນ​ເມືອງ​ນີ້ ຕະຫລອດ​ທັງ​ທະຫານ​ທີ່​ເກັ່ງກ້າ​ໄວ້​ໃນ​ກຳມື​ຂອງເຈົ້າ.

ໂຢຊວຍ 6:4

ຈົ່ງ​ໃຫ້​ປະໂຣຫິດ​ເຈັດ​ຄົນ​ຖື​ແກ​ຜູ້ລະ​ອັນ ຍ່າງ​ອອກ​ໜ້າ​ຫີບ​ພັນທະສັນຍາ. ໃນ​ວັນ​ທີ​ເຈັດ ເຈົ້າ​ແລະ​ພວກ​ທະຫານ​ຂອງ​ເຈົ້າ ຕ້ອງ​ຍ່າງ​ອ້ອມ​ເມືອງ​ເຈັດ​ຮອບ ໂດຍ​ໃຫ້​ມີ​ພວກ​ປະໂຣຫິດ​ເປົ່າແກ​ນຳໜ້າ.

ໂຢຊວຍ 6:7

ແລ້ວ​ໂຢຊວຍ​ກໍ​ບອກ​ໃຫ້​ເລີ່ມ​ຍ່າງ​ອ້ອມ​ເມືອງ ໂດຍ​ມີ​ທະຫານ​ກອງໜ້າ ຍ່າງ​ນຳ​ໜ້າ​ໄປ​ກ່ອນ​ຫີບ​ຂອງ​ພຣະເຈົ້າຢາເວ.