ໂຢຊວຍ 6:21 - ພຣະຄຳພີສັກສິ

²¹ ພວກເຂົາ​ໄດ້​ໃຊ້​ດາບ​ຂ້າ​ທັງ​ຍິງ​ແລະ​ຊາຍ ຜູ້ໜຸ່ມ​ແລະ​ຜູ້ເຖົ້າ, ຕະຫລອດ​ທັງ​ຝູງງົວ, ຝູງແກະ ແລະ​ຝູງ​ລໍ​ດ້ວຍ.

ໂຢຊວຍ 6:21 Jak'a apnaqawi uñst'ayäwi

1 ກະສັດ 20:42

ຜູ້ທຳນວາຍ​ຈຶ່ງ​ກ່າວ​ຕໍ່​ກະສັດ​ວ່າ, “ນີ້​ຄື​ຖ້ອຍຄຳ​ຂອງ​ພຣະເຈົ້າຢາເວ: ‘ເພາະ​ເຈົ້າ​ປ່ອຍ​ຄົນ​ທີ່​ເຮົາ​ສັ່ງ​ໃຫ້​ຂ້າ​ຖິ້ມ​ໜີໄປ ເຈົ້າ​ຈະ​ຕ້ອງ​ເອົາ​ຊີວິດ​ຂອງ​ເຈົ້າ​ເອງ​ທົດແທນ​ຄືນ ແລະ​ກອງທັບ​ຂອງເຈົ້າ​ກໍ​ຈະ​ຖືກ​ທຳລາຍ ທີ່​ເຈົ້າ​ໄດ້​ປ່ອຍ​ໃຫ້​ກອງທັບ​ຂອງ​ລາວ​ໜີໄປ.”’

ເຢເຣມີຢາ 48:18

ພວກເຈົ້າ​ຜູ້​ທີ່​ອາໄສ​ຢູ່​ໃນ​ເມືອງ​ດີໂບນ​ເອີຍ ລົງ​ຈາກ​ຕຳແໜ່ງ​ສູງ​ຂອງ​ພວກເຈົ້າ​ສາ​ເທາະ ແລະ​ລົງ​ມາ​ນັ່ງ​ໃນ​ຂີ້ຝຸ່ນ​ເທິງ​ພື້ນດິນ​ສາ ຜູ້​ທຳລາຍ​ໄດ້​ມາ ແລະ​ປ້ອມ​ຖືກ​ເພພັງ​ແລ້ວ.

ພຣະບັນຍັດສອງ 13:16

ໃຫ້​ຂົນ​ເອົາ​ຊັບສິນ​ຂອງ​ຊາວເມືອງ​ອອກ​ມາ​ກອງ​ຢູ່​ທີ່​ສີ່​ແຍກ​ກາງ​ເມືອງ ແລະ​ຈູດ​ເມືອງ ພ້ອມ​ທັງ​ຈູດ​ທຸກໆ​ສິ່ງ​ໃນ​ເມືອງ​ນັ້ນ ເປັນ​ການ​ຖວາຍບູຊາ​ແກ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ. ຈົ່ງ​ປ່ອຍ​ໃຫ້​ເປັນ​ເມືອງ​ຮ້າງ​ຢູ່​ຢ່າງ​ນັ້ນ​ຕະຫລອດໄປ ແລະ​ຢ່າ​ສ້າງ​ຂຶ້ນ​ໃໝ່​ເປັນ​ເດັດຂາດ.

ພຣະບັນຍັດສອງ 2:34

ໃນ​ເວລາ​ດຽວກັນ​ນັ້ນ ພວກເຮົາ​ໄດ້​ຢຶດ​ແລະ​ທຳລາຍ​ທຸກໆ​ເມືອງ​ຖິ້ມ ແລະ​ຂ້າ​ທຸກໆ​ຄົນ​ບໍ່​ວ່າ​ຊາຍ​ຍິງ ຫລື​ເດັກນ້ອຍ. ພວກເຮົາ​ບໍ່​ໃຫ້​ໃຜ​ລອດຊີວິດ​ຢູ່​ເລີຍ.

ພຣະບັນຍັດສອງ 7:16

ຈົ່ງ​ທຳລາຍ​ທຸກໆ​ຊົນຊາດ​ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ມອບ​ໄວ້​ໃຕ້​ອຳນາດ​ຂອງ​ພວກເຈົ້າ ແລະ​ຢ່າ​ສະແດງ​ຄວາມ​ເມດຕາ​ໃດໆ​ແກ່​ພວກເຂົາ. ຢ່າ​ຂາບໄຫວ້​ບັນດາ​ພະ​ຂອງ​ພວກເຂົາ ເພາະ​ສິ່ງ​ນັ້ນ​ເປັນ​ການ​ທຳລາຍ​ພວກເຈົ້າ​ເອງ.

ໂຢຊວຍ 10:28

ໃນ​ມື້ນັ້ນ ໂຢຊວຍ​ໄດ້​ໂຈມຕີ​ແລະ​ຢຶດຄອງ​ເມືອງ​ມັກເກດາ ແລະ​ໄດ້​ຂ້າ​ກະສັດ​ຂອງ​ເມືອງ​ນັ້ນ. ເພິ່ນ​ໄດ້​ຂ້າ​ທຸກໆ​ຄົນ​ຢູ່​ໃນ​ເມືອງ​ໂດຍ​ບໍ່​ໄວ້​ຊີວິດ​ໃຜ​ເລີຍ. ເພິ່ນ​ໄດ້​ເຮັດ​ຕໍ່​ກະສັດ​ແຫ່ງ​ມັກເກດາ ເໝືອນ​ດັ່ງ​ທີ່​ໄດ້​ເຮັດ​ຕໍ່​ກະສັດ​ແຫ່ງ​ເຢຣິໂກ.

ໂຢຊວຍ 10:39

ເພິ່ນ​ຢຶດຄອງ​ເມືອງ​ແລະ​ຈັບ​ກະສັດ ແລະ​ຢຶດເອົາ​ບັນດາ​ເມືອງ​ທີ່​ຢູ່​ໃກ້ຄຽງ. ເພິ່ນ​ຂ້າ​ທຸກໆ​ຄົນ​ໃນ​ທີ່ນັ້ນ. ໂຢຊວຍ​ໄດ້​ເຮັດ​ຕໍ່​ເມືອງ​ເດບີ ເໝືອນ​ດັ່ງ​ທີ່​ເພິ່ນ​ໄດ້​ເຮັດ​ຕໍ່​ເມືອງ​ເຮັບໂຣນ​ແລະ​ລິບນາ ຕະຫລອດ​ທັງ​ກະສັດ​ໃນ​ເມືອງ​ເຫຼົ່ານີ້​ດ້ວຍ.

ໂຢຊວຍ 11:11

ພວກເຂົາ​ໄດ້​ຂ້າ​ທຸກໆ​ຄົນ ແລະ​ບໍ່​ໄວ້​ຊີວິດ​ໃຜ​ເລີຍ ພ້ອມ​ທັງ​ໄດ້​ຈູດ​ເມືອງ​ຖິ້ມ​ດ້ວຍ.

ໂຢຊວຍ 11:14

ປະຊາຊົນ​ອິດສະຣາເອນ​ໄດ້​ຢຶດເອົາ​ສິ່ງຂອງ​ຕ່າງໆ​ອັນ​ມີຄ່າ ຕະຫລອດ​ທັງ​ຝູງສັດ​ໃນ​ເມືອງ​ເຫຼົ່ານີ້​ມາ​ເປັນ​ຂອງ​ຕົນເອງ ແລະ​ພວກເຂົາ​ໄດ້​ຂ້າ​ທຸກໆ​ຄົນ​ໂດຍ​ບໍ່​ໄວ້​ຊີວິດ​ໃຜ​ເລີຍ.

ໂຢຊວຍ 8:2

ເຈົ້າ​ຈົ່ງ​ເຮັດ​ຕໍ່​ເມືອງ​ອາອີ​ແລະ​ກະສັດ​ຂອງ​ເມືອງ​ນີ້ ເໝືອນດັ່ງ​ທີ່​ເຈົ້າ​ໄດ້​ເຮັດ​ຕໍ່​ເມືອງ​ເຢຣິໂກ​ແລະ​ກະສັດ​ຂອງ​ເມືອງ​ນັ້ນ. ແຕ່​ໃນຄັ້ງນີ້ ໃຫ້​ພວກເຈົ້າ​ເອົາ​ສິ່ງຂອງ ແລະ​ຝູງສັດ​ມາ​ເປັນ​ຂອງ​ພວກເຈົ້າ​ໄດ້. ຈົ່ງ​ຕຽມ​ໂຈມຕີ​ເມືອງ​ທາງ​ດ້ານຫລັງ ໂດຍ​ບໍ່​ໃຫ້​ພວກເຂົາ​ຮູ້ຕົວ.”

ໂຢຊວຍ 8:22

ບັດນີ້ ພວກ​ອິດສະຣາເອນ​ທີ່​ຢູ່​ໃນ​ເມືອງ​ກໍໄດ້​ອອກ​ມາ​ສົມທົບ​ສູ້ຮົບ. ສະນັ້ນ ພວກ​ອາອີ​ຈຶ່ງ​ຖືກ​ປິດລ້ອມ​ໄວ້​ຢ່າງ​ສິ້ນເຊີງ ແລະ​ພວກ​ອິດສະຣາເອນ​ໄດ້​ຂ້າ​ພວກເຂົາ​ຖິ້ມ ໂດຍ​ບໍ່ມີ​ຜູ້ໃດ​ໜີ​ພົ້ນ​ແລະ​ລອດຊີວິດ​ໄປ​ໄດ້

ໂຢຊວຍ 9:3

ເມື່ອ​ຊາວ​ກີເບໂອນ​ຜູ້​ທີ່​ເປັນ​ຄົນ​ຮີວີ​ໄດ້ຍິນ​ເຖິງ​ເລື່ອງ ຊຶ່ງ​ໂຢຊວຍ​ໄດ້​ເຮັດ​ຕໍ່​ເມືອງ​ເຢຣິໂກ​ແລະ​ເມືອງ​ອາອີ

ພຣະນິມິດ 18:21

ແລ້ວ​ມີ​ເທວະດາ​ຜູ້​ມີ​ຣິດ​ຕົນ​ໜຶ່ງ ໄດ້​ຍົກ​ຫີນ​ກ້ອນ​ໜຶ່ງ​ເໝືອນ​ຫີນ​ໂມ້​ໃຫຍ່ ຖິ້ມ​ລົງ​ໃນ​ທະເລ ກ່າວ​ວ່າ, “ບາບີໂລນ ມະຫາ​ນະຄອນ​ນັ້ນ ຈະ​ຖືກ​ຖິ້ມ​ລົງ​ໂດຍ​ຮຸນແຮງ​ຢ່າງ​ນີ້​ແຫຼະ, ແລ້ວ​ຈະ​ບໍ່ມີ​ຜູ້ໃດ​ເຫັນ​ມັນ​ອີກ​ຈັກເທື່ອ.

1 ຊາມູເອນ 15:3

ຈົ່ງ​ໄປ​ໂຈມຕີ​ຊາວ​ອາມາເຫຼັກ ແລະ​ທຳລາຍ​ທຸກຢ່າງ​ທີ່​ພວກເຂົາ​ມີ​ຢູ່​ນັ້ນ​ໃຫ້​ໝົດ. ຢ່າ​ໃຫ້​ສິ່ງໃດສິ່ງໜຶ່ງ​ເຫຼືອ​ຢູ່​ເລີຍ. ຈົ່ງ​ຂ້າ​ຜູ້ຊາຍ​ຜູ້ຍິງ, ແອນ້ອຍ​ທີ່​ຫາ​ກໍ​ເກີດ​ໃໝ່​ກັບ​ເດັກນ້ອຍ​ທຸກຄົນ​ຖິ້ມ ຕະຫລອດ​ທັງ​ຝູງງົວ, ຝູງແກະ, ຝູງ​ອູດ ແລະ​ຝູງ​ລໍ​ດ້ວຍ.”’

1 ຊາມູເອນ 15:8

ເພິ່ນ​ຈັບ​ເຈົ້າ​ອາກາ​ກະສັດ​ແຫ່ງ​ອາມາເຫຼັກ​ໄດ້​ທັງ​ເປັນ ແລະ​ໄດ້​ຂ້າ​ປະຊາຊົນ​ທັງໝົດ​ຖິ້ມ.