ໂຢຊວຍ 6:15 - ພຣະຄຳພີສັກສິ

¹⁵ ແຕ່​ໃນ​ວັນ​ທີເຈັດ ພວກເຂົາ​ໄດ້​ລຸກ​ຂຶ້ນ​ແຕ່​ເດິກໆ ແລະ​ໄດ້​ຍ່າງ​ອ້ອມ​ເມືອງ​ເຈັດ​ຮອບ​ຕາມ​ລະບຽບ​ເກົ່າ ມີ​ພຽງ​ວັນ​ດຽວ​ເທົ່ານັ້ນ ທີ່​ພວກເຂົາ​ໄດ້​ຍ່າງ​ອ້ອມ​ເມືອງ​ເຈັດຮອບ.

ໂຢຊວຍ 6:15 Jak'a apnaqawi uñst'ayäwi

ເພງ^ສັນລະເສີນ 119:147

ກ່ອນ​ຕາເວັນ​ຂຶ້ນ ຂ້ານ້ອຍ​ກໍ​ຮ້ອງຫາ​ພຣະອົງ​ໃຫ້​ຊ່ວຍເຫຼືອ ຂ້ານ້ອຍ​ຂໍ​ຝາກ​ຄວາມຫວັງ​ໄວ້​ໃນ​ພຣະສັນຍາ​ຂອງ​ພຣະອົງ​ດ້ວຍ.

ມັດທາຍ 28:1

ຫລັງຈາກ​ວັນ​ຊະບາໂຕ​ນັ້ນ​ເປັນ​ວັນ​ອາທິດ ຕັ້ງແຕ່​ເຊົ້າ​ໃກ້​ຕາເວັນ​ຂຶ້ນ ມາຣີ​ໄທ​ມັກດາລາ ແລະ​ມາຣີ​ຄົນ​ໜຶ່ງ​ອີກ​ໄດ້​ໄປ​ເບິ່ງ​ອຸບມຸງ.

ເຮັບເຣີ 11:30

ເພາະ​ມີ​ຄວາມເຊື່ອ​ແບບ​ນີ້ ເມື່ອ​ພວກ​ອິດສະຣາເອນ​ໄດ້​ວຽນ​ລ້ອມ​ເມືອງ​ເຢຣີໂກ​ເຖິງ​ເຈັດ​ວັນ ແລ້ວ​ກຳແພງ​ເມືອງ​ນັ້ນ​ຈຶ່ງ​ເພພັງ​ລົງ.

ໂຢຊວຍ 3:1

ມື້ໃໝ່​ມາ ໂຢຊວຍ​ແລະ​ປະຊາຊົນ​ອິດສະຣາເອນ​ທັງໝົດ​ໄດ້​ລຸກ​ແຕ່​ເຊົ້າໆ, ອອກ​ຈາກ​ຄ້າຍພັກ​ທີ່​ຊິດຕິມ ແລະ​ມຸ້ງໜ້າ​ໄປ​ສູ່​ແມ່ນໍ້າ​ຈໍແດນ. ພວກເຂົາ​ໄດ້​ຕັ້ງ​ຄ້າຍພັກ​ຢູ່​ບ່ອນ​ນີ້ ໃນ​ຂະນະທີ່​ລໍຖ້າ​ຈະ​ຂ້າມ​ແມ່ນໍ້າ.

ໂຢຊວຍ 6:14

ໃນ​ວັນ​ທີ​ສອງ ພວກເຂົາ​ໄດ້​ຍ່າງ​ອ້ອມ​ເມືອງ​ອີກ​ຮອບ​ໜຶ່ງ ແລ້ວ​ກໍໄດ້​ກັບ​ເມືອ​ສູ່​ຄ້າຍພັກ. ພວກເຂົາ​ເຮັດ​ຢູ່​ຢ່າງ​ນີ້​ເປັນ​ເວລາ​ຫົກ​ວັນ.

ໂຢຊວຍ 6:16

ພໍ​ຮອດ​ຮອບ​ທີເຈັດ ເມື່ອ​ພວກ​ປະໂຣຫິດ​ໄດ້​ເປົ່າແກ​ແລ້ວ ໂຢຊວຍ​ໄດ້​ສັ່ງ​ຄົນ​ຂອງຕົນ​ໃຫ້​ຮ້ອງ​ຂຶ້ນ ແລະ​ເພິ່ນ​ກ່າວ​ວ່າ, “ພຣະເຈົ້າຢາເວ​ໄດ້​ມອບ​ເມືອງ​ນີ້​ໃຫ້​ພວກເຈົ້າ​ແລ້ວ

2 ເປໂຕ 1:19

ສະນັ້ນ ພວກເຮົາ​ຢຶດຖື​ຄຳທຳນວາຍ​ຢ່າງ​ແນ່ນອນ​ກວ່າ​ເກົ່າ ຈະ​ເປັນ​ການ​ດີ ຖ້າ​ເຈົ້າ​ທັງຫລາຍ​ຈະ​ຖື​ຕາມ​ຄຳທຳນວາຍ​ນັ້ນ ເພາະ​ຄຳ​ນັ້ນ​ເປັນ​ເໝືອນ​ແສງ​ໂຄມ ທີ່​ສ່ອງ​ສະຫວ່າງ​ໃນ​ບ່ອນ​ມືດ ຈົນເຖິງ​ວັນ​ຮຸ່ງ​ເຊົ້າ ແລະ​ດາວ​ເພັກ​ຈະ​ສ່ອງ​ຂຶ້ນ​ໃນ​ໃຈ​ຂອງ​ພວກເຈົ້າ.