ໂຢຊວຍ 6:10 - ພຣະຄຳພີສັກສິ

¹⁰ ແຕ່​ໂຢຊວຍ​ໄດ້​ສັ່ງ​ຄົນ​ຂອງຕົນ​ບໍ່​ໃຫ້​ຮ້ອງໂຮ ຫລື​ເວົ້າຫຍັງ ຈົນກວ່າ​ເພິ່ນ​ຈະ​ໃຫ້​ຄຳສັ່ງ​ໃໝ່.

ໂຢຊວຍ 6:10 Jak'a apnaqawi uñst'ayäwi

ເອຊາຢາ 28:16

ບັດນີ້ ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ດັ່ງນີ້: “ເຮົາ​ກຳລັງ​ວາງ​ຮາກຖານ​ໃນ​ພູເຂົາ​ຊີໂອນ​ຢ່າງ​ໝັ້ນຄົງ​ແລະ​ແຂງແຮງ. ໃນ​ທີ່ນັ້ນ ເຮົາ​ກຳລັງ​ວາງ​ຫີນ​ເສົາ​ເອກ ຊຶ່ງ​ມີ​ຂຽນ​ຖ້ອຍຄຳ​ໃສ່​ເທິງ​ວ່າ ‘ຄວາມເຊື່ອ​ທີ່​ໝັ້ນຄົງ​ກໍ​ອົດທົນ​ດົນນານ.’

ເອຊາຢາ 42:2

ລາວ​ຈະ​ບໍ່​ເປັ່ງ​ສຽງ​ຮ້ອງ​ຫລື​ຈະ​ບໍ່​ຍົກ​ສຽງ​ຂອງຕົນ ຫລື​ຈະ​ບໍ່​ເປັ່ງ​ສຽງດັງ​ຕາມ​ຖະໜົນ​ຕ່າງໆ.

ມັດທາຍ 12:19

ເພິ່ນ​ຈະ​ບໍ່​ໂຕ້ຖຽງ ຫລື​ໃຊ້​ສຽງດັງ ບໍ່ມີ​ຜູ້ໃດ​ຈະ​ໄດ້ຍິນ​ສຽງ​ເພິ່ນ​ ຕາມ​ຫົນທາງ.

ລູກາ 24:49

ຝ່າຍ​ເຮົາ​ຈະ​ສົ່ງ​ສິ່ງ​ທີ່​ພຣະບິດາເຈົ້າ​ຂອງເຮົາ​ໄດ້​ສັນຍາ​ໄວ້​ນັ້ນ ມາ​ເທິງ​ພວກເຈົ້າ, ແຕ່​ພວກເຈົ້າ​ຕ້ອງ​ເຝົ້າ​ຄອຍ​ຢູ່​ໃນ​ນະຄອນ ຈົນກວ່າ​ຣິດອຳນາດ​ຈາກ​ເບື້ອງ​ເທິງ​ລົງ​ມາ​ເທິງ​ພວກເຈົ້າ.”

ກິດຈະການ 1:7

ພຣະເຢຊູເຈົ້າ​ຊົງ​ຕອບ​ພວກເພິ່ນ​ວ່າ, “ບໍ່ແມ່ນ​ໜ້າທີ່​ຂອງ​ພວກເຈົ້າ ທີ່​ຈະ​ຮູ້​ເວລາ ຫລື​ຍາມ​ກຳນົດ ຊຶ່ງ​ພຣະບິດາເຈົ້າ​ໄດ້​ຊົງ​ຕັ້ງ​ໄວ້ ດ້ວຍ​ສິດ​ຂອງ​ພຣະອົງ​ເອງ.

ໂຢຊວຍ 6:11

ດັ່ງນັ້ນ ເພິ່ນ​ຈຶ່ງ​ໄດ້​ສັ່ງ​ພວກ​ເຫຼົ່ານີ້ ໃຫ້​ນຳ​ຫີບ​ຂອງ​ພຣະເຈົ້າຢາເວ​ຍ່າງ​ອ້ອມ​ເມືອງ​ໜຶ່ງ​ຮອບ. ແລ້ວ​ພວກເຂົາ​ກໍໄດ້​ກັບ​ເມືອ​ສູ່​ຄ້າຍພັກ ແລະ​ນອນ​ຄ້າງຄືນ​ຢູ່​ທີ່​ນັ້ນ.

ໂຢຊວຍ 6:9

ແລ້ວ​ສຸດທ້າຍ​ແມ່ນ​ພວກ​ທະຫານ​ກອງຫລັງ. ສ່ວນ​ສຽງ​ແກ​ນັ້ນ​ກໍ​ດັງ​ຢູ່​ຕະຫລອດ​ເວລາ.