ໂຢຊວຍ 5:2 - ພຣະຄຳພີສັກສິ

² ແລ້ວ​ພຣະເຈົ້າຢາເວ​ກໍໄດ້​ສັ່ງ​ໂຢຊວຍ​ວ່າ, “ຈົ່ງ​ໃຊ້​ຫີນ​ເຮັດ​ມີດ ແລະ​ເຮັດ​ພິທີຕັດ​ໃຫ້​ຊາວ​ອິດສະຣາເອນ​ອີກ.”

ໂຢຊວຍ 5:2 Jak'a apnaqawi uñst'ayäwi

ອົບພະຍົບ 4:25

ໃນ​ທັນໃດນັ້ນ ຊິບໂປຣາ​ເມຍ​ຂອງ​ໂມເຊ​ກໍ​ຈັບ​ເອົາ​ຫີນ​ຄົມ ປາດ​ໜັງ​ອະໄວຍະວະ​ເພດ​ຂອງ​ລູກຊາຍ ແລ້ວ​ເອົາ​ໄປ​ແປະ​ໃສ່​ທີ່​ຂາ​ຂອງ​ໂມເຊ. ຍ້ອນ​ພິທີຕັດ​ນີ້ ນາງ​ຈຶ່ງ​ເວົ້າ​ກັບ​ໂມເຊ​ວ່າ, “ເຈົ້າ​ແມ່ນ​ຜົວ​ທີ່​ຂ້ອຍ​ໄດ້​ມາ​ດ້ວຍ​ເລືອດ.”

ໂຣມ 2:29

ຄົນ​ຢິວ​ແທ້​ຄື​ເປັນ​ຢິວ​ພາຍໃນ ແລະ​ການ​ຮັບ​ພິທີຕັດ​ແທ້​ນັ້ນ ຄື​ການ​ຮັບ​ທາງ​ຈິດໃຈ ຊຶ່ງ​ເປັນ​ຜົນ​ແຫ່ງ​ພຣະວິນຍານ​ຂອງ​ພຣະເຈົ້າ ບໍ່ແມ່ນ​ເປັນ​ໄປ​ຕາມ​ຕົວອັກສອນ​ໃນ​ກົດບັນຍັດ, ຄົນ​ຢ່າງ​ນັ້ນ ໄດ້​ຮັບ​ຄຳ​ສັນລະເສີນ​ຈາກ​ພຣະເຈົ້າ ບໍ່ແມ່ນ​ຈາກ​ມະນຸດ.

ໂຣມ 4:11

ແລະ​ເພິ່ນ​ໄດ້​ຮັບ​ພິທີຕັດ​ນັ້ນ ເປັນ​ໝາຍສຳຄັນ ຄື​ເປັນ​ກາປະທັບ​ຂອງ​ຄວາມ​ຊອບທຳ ຊຶ່ງ​ເກີດ​ດ້ວຍ​ຄວາມເຊື່ອ​ທີ່​ເພິ່ນ​ໄດ້​ມີ​ຢູ່ ເມື່ອ​ເພິ່ນ​ຍັງ​ບໍ່​ທັນ​ໄດ້​ຮັບ​ພິທີຕັດ​ເທື່ອນັ້ນ ເພື່ອ​ເພິ່ນ​ຈະ​ໄດ້​ເປັນ​ບິດາ​ຂອງ​ຄົນ​ທັງປວງ​ທີ່​ເຊື່ອ ຊຶ່ງ​ພຣະເຈົ້າ​ຊົງ​ຖື​ວ່າ​ເປັນ​ຄົນ​ຊອບທຳ ເຖິງ​ແມ່ນ​ວ່າ​ຍັງ​ບໍ່ໄດ້​ຮັບ​ພິທີຕັດ​ກໍຕາມ.

ພຣະບັນຍັດສອງ 10:16

ເຫດສະນັ້ນ ຈົ່ງ​ຮັບ​ພິທີຕັດ ໃນ​ໃຈ ແລະ​ຢ່າ​ດື້ດຶງ​ຕໍ່ໄປ.

ພຣະບັນຍັດສອງ 30:6

ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ຈະ​ເຮັດ​ໃຫ້​ພວກເຈົ້າ ແລະ​ລູກຫລານ ມີ​ໃຈ​ເຊື່ອຟັງ​ເພື່ອ​ວ່າ​ພວກເຈົ້າ​ຈະ​ຮັກ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ດ້ວຍ​ສຸດໃຈ​ແລະ​ດ້ວຍ​ສຸດຈິດ​ຂອງ​ພວກເຈົ້າ ແລະ​ສືບຕໍ່​ອາໄສ​ຢູ່​ໃນ​ດິນແດນ​ນັ້ນ​ໄດ້.

ໂກໂລຊາຍ 2:11

ໃນ​ພຣະອົງ​ນັ້ນ ພວກເຈົ້າ​ໄດ້​ຮັບ​ພິທີຕັດ​ແລ້ວ ບໍ່ແມ່ນ​ພິທີຕັດ​ທີ່​ເຮັດ​ໂດຍ​ມື​ມະນຸດ ແຕ່​ແມ່ນ​ພິທີຕັດ​ທີ່​ກະທຳ​ໂດຍ​ພຣະຄຣິດ ຊຶ່ງ​ເປັນ​ການ​ຊົງ​ໂຜດ​ໃຫ້​ພົ້ນ​ຈາກ​ກິເລດ​ຕັນຫາ​ຂອງ​ເນື້ອກາຍ​ນີ້.

ໂຢຊວຍ 5:3

ດັ່ງນັ້ນ ໂຢຊວຍ​ຈຶ່ງ​ໄດ້​ເຮັດ​ມີດ​ຫີນ ແລະ​ໄດ້​ເຮັດ​ພິທີຕັດ​ໃຫ້​ຊາວ​ອິດສະຣາເອນ​ຢູ່​ໃນ​ບ່ອນ​ໜຶ່ງ​ເອີ້ນ​ວ່າ ເນີນພູ​ອາຣາໂລດ.