ໂຢຊວຍ 5:13 - ພຣະຄຳພີສັກສິ

¹³ ເມື່ອ​ໂຢຊວຍ​ຢູ່​ໃກ້​ກັບ​ເມືອງ​ເຢຣິໂກ ໃນທັນໃດ ເພິ່ນ​ກໍໄດ້​ເຫັນ​ຊາຍ​ຄົນໜຶ່ງ​ພວມ​ຖື​ດາບ​ຢືນ​ຢູ່​ຕໍ່ໜ້າ​ເພິ່ນ. ໂຢຊວຍ​ຈຶ່ງ​ຫຍັບ​ເຂົ້າ​ໄປ​ໃກ້ ແລະ​ຖາມ​ຊາຍ​ຄົນ​ນັ້ນ​ວ່າ, “ທ່ານ​ເປັນ​ຝ່າຍເຮົາ​ຫລື​ຝ່າຍ​ສັດຕູ?”

ໂຢຊວຍ 5:13 Jak'a apnaqawi uñst'ayäwi

ປະຖົມມະການ 18:1

ພຣະເຈົ້າຢາເວ​ໄດ້​ປາກົດ​ແກ່​ອັບຣາຮາມ​ທີ່​ຕົ້ນໄມ້​ສັກສິດ​ຂອງ​ມຳເຣ ໃນ​ຂະນະທີ່​ເພິ່ນ​ກຳລັງ​ນັ່ງ​ຢູ່​ທີ່​ປະຕູ​ເຕັນ​ເວລາ​ແດດ​ກ້າ

ປະຖົມມະການ 18:2

ເມື່ອ​ອັບຣາຮາມ​ເງີຍ​ໜ້າ​ຂຶ້ນ ກໍ​ເຫັນ​ຊາຍ​ສາມ​ຄົນ​ຢືນ​ຢູ່​ຕໍ່ໜ້າ​ເພິ່ນ. ໃນທັນໃດ ທີ່​ເຫັນ​ພວກເພິ່ນ ເພິ່ນ​ຈຶ່ງ​ຟ້າວ​ລຸກ​ຂຶ້ນ​ແລ່ນ​ອອກ​ໄປ​ຕ້ອນຮັບ.

ປະຖົມມະການ 28:16

ເມື່ອ​ຢາໂຄບ​ຕື່ນ​ຂຶ້ນ​ຈຶ່ງ​ເວົ້າ​ວ່າ, “ພຣະເຈົ້າຢາເວ​ສະຖິດ​ຢູ່​ບ່ອນ​ນີ້​ແທ້ໆ ແຕ່​ເຮົາ​ບໍ່​ຮູ້ຈັກ.”

ປະຖົມມະການ 33:1

ຢາໂຄບ​ເຫັນ​ເອຊາວ​ພ້ອມ​ລູກ​ນ້ອງ 400 ຄົນ​ກຳລັງ​ເດີນທາງ​ມາ. ດັ່ງນັ້ນ ເພິ່ນ​ຈຶ່ງ​ແບ່ງ​ເດັກນ້ອຍ​ໃຫ້​ເລອາ, ຣາເຊັນ ແລະ​ໃຫ້​ສາວໃຊ້​ທັງສອງ.

ປະຖົມມະການ 33:5

ເມື່ອ​ເອຊາວ​ມືນ​ຕາ​ຂຶ້ນ​ເຫັນ​ພວກ​ແມ່ຍິງ ແລະ​ເດັກນ້ອຍ ລາວ​ຈຶ່ງ​ຖາມ​ວ່າ, “ຄົນ​ທີ່​ມາ​ນຳ​ເຈົ້າ​ນີ້​ແມ່ນ​ໃຜ?” ຢາໂຄບ​ຕອບ​ວ່າ, “ທ່ານເອີຍ ພວກ​ເຫຼົ່ານີ້​ແມ່ນ​ລູກ​ຂອງ​ນ້ອງ​ເອງ ທີ່​ພຣະເຈົ້າ​ໂຜດ​ປະທານ​ໃຫ້.”

1 ຂ່າວຄາວ 12:22

ແຕ່ລະມື້ ໄດ້​ມີ​ທະຫານ​ໃໝ່​ມາ​ເຂົ້າ​ຮ່ວມ​ເປັນ​ກຳລັງ​ກັບ​ກອງ​ທະຫານ​ຂອງ​ດາວິດ​ສະເໝີ ຈົນ​ວ່າ​ກາຍເປັນ​ກອງທັບ​ທີ່​ໃຫຍ່ໂຕ ເໝືອນ​ເປັນ​ກອງທັບ​ກອງ​ໜຶ່ງ​ຂອງ​ພຣະເຈົ້າ.

1 ຂ່າວຄາວ 21:27

ພຣະເຈົ້າຢາເວ​ໄດ້​ສັ່ງ​ເທວະດາ​ໃຫ້​ເອົາ​ດາບ​ມ້ຽນ​ໄວ້ ແລະ​ເທວະດາ​ຕົນ​ນັ້ນ​ກໍໄດ້​ເຊື່ອຟັງ​ພຣະອົງ.

1 ຂ່າວຄາວ 21:30

ແຕ່​ກະສັດ​ດາວິດ​ບໍ່​ສາມາດ​ໄປ​ທູນຖາມ​ພຣະເຈົ້າ​ທີ່​ນັ້ນ​ໄດ້ ເພາະ​ເພິ່ນ​ຢ້ານ​ດາບ​ຂອງ​ເທວະດາ​ຂອງ​ພຣະເຈົ້າຢາເວ.

ອົບພະຍົບ 23:23

ເທວະດາ​ຂອງເຮົາ​ຈະ​ນຳ​ໜ້າ​ພວກເຈົ້າ​ໄປ ແລະ​ຈະ​ພາ​ພວກເຈົ້າ​ເຂົ້າ​ໄປ​ໃນ​ດິນແດນ​ຂອງ​ຊາວ​ອາໂມ, ຊາວ​ຮິດຕີ, ຊາວ​ເປຣີຊີ, ຊາວ​ການາອານ, ຊາວ​ຮີວີ ແລະ​ຊາວ​ເຢບູດ ແລະ​ເຮົາ​ຈະ​ທຳລາຍ​ພວກເຂົາ​ທັງໝົດ.

ດານີເອນ 10:5

ຂ້າພະເຈົ້າ​ເງີຍໜ້າ​ຂຶ້ນ​ເຫັນ​ຊາຍ​ຜູ້ໜຶ່ງ​ທີ່​ນຸ່ງ​ເຄື່ອງ​ອັນ​ສະຫງ່າງາມ ແລະ​ຂັດ​ສາຍ​ແອວ​ຄຳ​ຈາກ​ອູຟາດ.

ດານີເອນ 8:3

ແລະ​ຂ້າພະເຈົ້າ​ໄດ້​ເງີຍໜ້າ​ຂຶ້ນ ແລະ​ໄດ້ເຫັນ​ແກະເຖິກ​ໂຕໜຶ່ງ​ທີ່​ມີ​ເຂົາ​ສອງ​ເຂົາ ເຂົາ​ທັງສອງ​ສູງ; ແຕ່​ເຂົາໜຶ່ງ​ສູງກວ່າ​ອີກ​ເຂົາໜຶ່ງ ແລະ​ເຂົາ​ທີ່​ສູງ​ນັ້ນ​ປົ່ງ​ມາ​ຕາມຫຼັງ.

ເຊກາຣີຢາ 1:8

ຂ້າພະເຈົ້າ​ໄດ້​ເຫັນ​ຜູ້​ໜຶ່ງ​ຂີ່​ມ້າ​ສີແດງ​ໂຕໜຶ່ງ. ຜູ້​ນັ້ນ​ໄດ້​ຢຸດ​ຢູ່​ທ່າມກາງ​ຕົ້ນໄມ້​ຫອມ ໃນ​ຮ່ອມພູ​ແຫ່ງ​ໜຶ່ງ ແລະ​ທາງ​ເບື້ອງ​ຫລັງ​ຂອງ​ຜູ້​ນັ້ນ​ມີ​ມ້າ​ໂຕ​ອື່ນ​ອີກ ເປັນ​ມ້າ​ສີແດງ, ສີດ່າງ ແລະ​ສີຂາວ.

ຈົດບັນຊີ 22:23

ເມື່ອ​ໂຕລໍ​ໄດ້​ເຫັນ​ເທວະດາ​ຂອງ​ພຣະເຈົ້າຢາເວ​ຢືນ​ຖື​ດາບ​ຢູ່​ທີ່​ນັ້ນ ກໍ​ແລ່ນ​ອອກ​ຈາກ​ທາງ​ໄປ​ສູ່​ທົ່ງນາ. ບາລາອາມ​ຈຶ່ງ​ຕີ​ລໍ​ແລະ​ຂະໜາບ​ມັນ​ໃຫ້​ກັບຄືນ​ມາ​ສູ່​ຫົນທາງ​ໃຫຍ່.

ຈົດບັນຊີ 22:31

ແລ້ວ​ພຣະເຈົ້າຢາເວ​ກໍ​ບັນດານ​ໃຫ້​ບາລາອາມ​ເຫັນ​ເທວະດາ​ຖື​ດາບ​ຢືນ​ຢູ່​ທີ່​ນັ້ນ; ບາລາອາມ​ຈຶ່ງ​ໝູບ​ໜ້າ​ລົງ​ດິນ.

ກິດຈະການ 1:10

ເມື່ອ​ພວກເພິ່ນ​ຍັງ​ແນມ​ເບິ່ງ​ທ້ອງຟ້າ ໃນ​ຂະນະທີ່​ພຣະອົງ​ຂຶ້ນ​ໄປ​ນັ້ນ ໃນທັນໃດ ກໍ​ມີ​ສອງ​ຄົນ​ນຸ່ງ​ເຄື່ອງ​ຂາວ​ເປັນ​ປະກາຍ​ຢືນ​ຢູ່​ໃກ້ໆ​ພວກເພິ່ນ

ໂຢຊວຍ 6:2

ພຣະເຈົ້າຢາເວ​ໄດ້​ບອກ​ໂຢຊວຍ​ວ່າ, “ເຮົາ​ໄດ້​ມອບ​ເມືອງ​ເຢຣິໂກ​ແລະ​ກະສັດ​ໃນ​ເມືອງ​ນີ້ ຕະຫລອດ​ທັງ​ທະຫານ​ທີ່​ເກັ່ງກ້າ​ໄວ້​ໃນ​ກຳມື​ຂອງເຈົ້າ.

ພຣະນິມິດ 1:13

ແລະ​ໃນ​ທ່າມກາງ​ຄັນ​ຕະກຽງ​ຄຳ​ເຫຼົ່ານັ້ນ, ມີ​ຜູ້ໜຶ່ງ​ເໝືອນ​ບຸດ​ມະນຸດ ນຸ່ງ​ເສື້ອລ່າມ​ກວມ​ຕີນ ມີ​ຜ້າບ່ຽງ​ຄຳ​ຄຽນ​ເອິກ​ຂອງ​ພຣະອົງ.

ພວກ^ຜູ້ປົກຄອງ 13:11

ດັ່ງນັ້ນ ມາໂນອາ​ຈຶ່ງ​ຟ້າວ​ລຸກ​ຂຶ້ນ​ຕາມ​ເມຍ​ຂອງຕົນ​ໄປ. ລາວ​ໄປ​ຫາ​ຊາຍ​ຄົນ​ນັ້ນ​ແລະ​ຖາມ​ວ່າ, “ແມ່ນ​ທ່ານ​ນີ້​ບໍ ທີ່​ເປັນ​ຜູ້​ກ່າວ​ກັບ​ເມຍ​ຂອງ​ຂ້ານ້ອຍ?” ເພິ່ນ​ຕອບ​ວ່າ, “ແມ່ນແລ້ວ.”

ພວກ^ຜູ້ປົກຄອງ 13:22

ແລ້ວ​ມາໂນອາ​ກໍໄດ້​ເວົ້າ​ກັບ​ເມຍ​ຂອງຕົນ​ວ່າ, “ພວກເຮົາ​ຕ້ອງ​ຕາຍ​ເປັນ​ແນ່ ເພາະ​ພວກເຮົາ​ໄດ້​ເຫັນ​ພຣະເຈົ້າ.”