ໂຢຊວຍ 4:9 - ພຣະຄຳພີສັກສິ

⁹ ແລ້ວ​ໂຢຊວຍ​ກໍ​ຍັງ​ໄດ້​ຕັ້ງ​ຫີນ​ອື່ນ​ອີກ​ສິບສອງ​ກ້ອນ ໄວ້​ທີ່​ກາງ​ແມ່ນໍ້າ​ຈໍແດນ ໃນ​ບ່ອນ​ທີ່​ພວກ​ປະໂຣຫິດ​ຫາມ​ຫີບ​ພັນທະສັນຍາ​ຢືນ​ຢູ່​ນັ້ນ. (ຫີນ​ນັ້ນ​ຍັງ​ມີ​ຢູ່​ຈົນເຖິງ​ທຸກ​ວັນນີ້.)

ໂຢຊວຍ 4:9 Jak'a apnaqawi uñst'ayäwi

ປະຖົມມະການ 26:33

ດັ່ງນັ້ນ ເພິ່ນ​ຈຶ່ງ​ໃສ່​ຊື່​ນໍ້າສ້າງ​ນີ້​ວ່າ, “ສາບານ” ຊຶ່ງ​ຕໍ່ມາ​ໄດ້​ກາຍເປັນ​ຊື່​ຂອງ​ເມືອງ​ເບເອນເຊບາ.

ປະຖົມມະການ 28:18

ຢາໂຄບ​ລຸກ​ຂຶ້ນ​ແຕ່​ເຊົ້າໆ ແລະ​ເອົາ​ກ້ອນຫີນ​ທີ່​ໝູນ​ຫົວ​ນັ້ນ​ຕັ້ງ​ຂຶ້ນ​ເປັນ​ເສົາ​ອະນຸສອນ. ແລ້ວ​ລາວ​ກໍ​ເອົາ​ນໍ້າມັນ​ຫອມ​ຖອກ​ເທ​ໃສ່​ເພື່ອ​ອຸທິດ​ຖວາຍ​ໃຫ້​ແກ່​ພຣະເຈົ້າ.

2 ຊາມູເອນ 4:3

ຄົນພື້ນເມືອງ​ໃນ​ເມືອງ​ນີ້​ໄດ້​ປົບໜີໄປ​ສູ່​ກິດຕາອິມ ບ່ອນ​ທີ່​ພວກເຂົາ​ອາໄສ​ຢູ່​ຈົນເຖິງ​ເທົ່າທຸກ​ວັນນີ້.)

1 ກະສັດ 18:31

ເພິ່ນ​ໄດ້​ເອົາ​ຫີນ​ສິບສອງ​ກ້ອນ ຄື​ກ້ອນ​ໜຶ່ງ​ສຳລັບ​ແຕ່ລະເຜົ່າ​ໃນ​ສິບສອງ​ເຜົ່າ ຕາມ​ຊື່​ລູກຊາຍ​ຂອງ​ຢາໂຄບ​ຜູ້​ທີ່​ພຣະເຈົ້າຢາເວ​ໃສ່​ຊື່​ໃຫ້​ວ່າ ອິດສະຣາເອນ.

2 ຂ່າວຄາວ 5:9

ຜູ້​ທີ່​ຢືນ​ຢູ່​ຊື່​ໜ້າ​ຂອງ​ບ່ອນ​ສັກສິດ​ທີ່ສຸດ ຈຶ່ງ​ຈະ​ແນມ​ເຫັນ​ສົ້ນສຸດ​ຂອງ​ໄມ້​ຫາມ​ຫີບ​ໄດ້ ແຕ່​ຖ້າ​ຈະ​ເບິ່ງ​ຈາກ​ທີ່​ອື່ນ​ກໍ​ຈະ​ເບິ່ງ​ບໍ່​ເຫັນ. (ໄມ້ຄານຫາມ​ຍັງ​ຢູ່​ທີ່​ນັ້ນ​ຈົນເທົ່າ​ທຸກ​ວັນນີ້.)

ອົບພະຍົບ 24:12

ພຣະເຈົ້າຢາເວ​ໄດ້​ກ່າວ​ແກ່​ໂມເຊ​ວ່າ, “ຈົ່ງ​ຂຶ້ນ​ມາ​ຫາ​ເຮົາ​ທີ່​ເທິງ​ພູເຂົາ; ເມື່ອ​ເຈົ້າ​ມາ​ຮອດ​ທີ່​ນີ້​ແລ້ວ ເຮົາ​ຈະ​ໃຫ້​ແຜ່ນ​ຫີນ​ສອງ​ແຜ່ນ ຊຶ່ງ​ບັນຈຸ​ກົດບັນຍັດ​ທັງໝົດ​ທີ່​ເຮົາ​ໄດ້​ຂຽນ​ໄວ້​ສຳລັບ​ແນະນຳ​ປະຊາຊົນ.”

ອົບພະຍົບ 28:21

ແກ້ວ​ແຕ່ລະ​ຢ່າງ​ໃນ​ຈຳນວນ​ສິບສອງ​ຊະນິດ​ນັ້ນ ຈົ່ງ​ໃຫ້​ຈາລຶກ​ຊື່​ລູກຊາຍ​ຂອງ​ຢາໂຄບ​ໃສ່ ຊຶ່ງ​ໝາຍເຖິງ​ສິບສອງ​ເຜົ່າ​ຂອງ​ຊາດ​ອິດສະຣາເອນ.

ມັດທາຍ 27:8

ດັ່ງນັ້ນແຫລະ ນາ​ທົ່ງ​ນີ້​ຈຶ່ງ​ມີ​ຊື່​ວ່າ, “ນາ​ເລືອດ” ຈົນເຖິງ​ທຸກ​ວັນນີ້.

ມັດທາຍ 28:15

ເມື່ອ​ພວກ​ທະຫານ​ຍາມ​ຮັບ​ເອົາ​ເງິນ​ແລ້ວ ກໍ​ເຮັດ​ຕາມ​ຄຳແນະນຳ​ນັ້ນ ເລື່ອງ​ນີ້​ຈຶ່ງ​ເປັນ​ທີ່​ເລົ່າລືກັນ ໃນ​ທ່າມກາງ​ຊາວ​ຢິວ​ຈົນເຖິງ​ທຸກ​ວັນນີ້.

ພຣະບັນຍັດສອງ 34:6

ພຣະອົງ​ໄດ້​ຝັງ​ເພິ່ນ​ໄວ້​ໃນ​ຮ່ອມພູ​ແຫ່ງໜຶ່ງ ທີ່​ດິນແດນ​ໂມອາບ ຊຶ່ງ​ກົງກັນຂ້າມ​ກັບ​ເມືອງ​ເບັດ​ເປອໍ, ແຕ່​ຈົນເຖິງ​ປັດຈຸບັນ​ນີ້​ຍັງ​ບໍ່ມີ​ໃຜ​ຮູ້​ຄັກແນ່​ວ່າ ຊາກສົບ​ຂອງ​ໂມເຊ​ນັ້ນ​ໄດ້​ຖືກ​ຝັງ​ຢູ່​ບ່ອນໃດ.

ໂຢຊວຍ 24:26

ໂຢຊວຍ​ໄດ້​ບັນທຶກ​ຂໍ້ຄຳສັ່ງ​ເຫຼົ່ານັ້ນ​ໄວ້​ໃນ​ປື້ມ​ກົດບັນຍັດ​ຂອງ​ພຣະເຈົ້າ. ແລ້ວ​ເພິ່ນ​ກໍໄດ້​ເອົາ​ຫີນ​ໃຫຍ່​ກ້ອນ​ໜຶ່ງ​ຕັ້ງ​ຂຶ້ນ​ທີ່​ຮົ່ມ​ຂອງ​ຕົ້ນໂອກ ໃນ​ສະຖານທີ່​ສັກສິດ​ຂອງ​ພຣະເຈົ້າຢາເວ.

ໂຢຊວຍ 4:10

ພວກ​ປະໂຣຫິດ​ຢືນ​ຢູ່​ໃນ​ກາງ​ແມ່ນໍ້າ​ຈໍແດນ ຈົນກວ່າ​ປະຊາຊົນ​ກະທຳ​ທຸກສິ່ງ​ສຳເລັດ ຕາມ​ທີ່​ພຣະເຈົ້າຢາເວ​ໄດ້​ສັ່ງ​ພວກເຂົາ​ຜ່ານ​ທາງ​ໂຢຊວຍ. ເລື່ອງ​ນີ້​ແມ່ນ​ສິ່ງ​ທີ່​ໂມເຊ​ໄດ້​ສັ່ງ​ໄວ້. ປະຊາຊົນ​ຈຶ່ງ​ຟ້າວ​ຂ້າມ​ແມ່ນໍ້າ​ໄປ.

ພວກ^ຜູ້ປົກຄອງ 1:26

ຕໍ່ມາ​ຊາຍ​ຄົນ​ນີ້ ໄດ້​ໄປ​ທີ່​ດິນແດນ​ຂອງ​ຊາວ​ຮິດຕີ ແລະ​ສ້າງ​ເມືອງ​ໜຶ່ງ​ຂຶ້ນ​ຢູ່​ທີ່​ນັ້ນ. ລາວ​ໄດ້​ໃສ່​ຊື່​ເມືອງ​ນີ້​ວ່າ​ລູເຊ ຊຶ່ງ​ຍັງ​ມີ​ຢູ່​ເທົ່າ​ເຖິງ​ທຸກ​ວັນນີ້.

1 ຊາມູເອນ 30:25

ດາວິດ​ໄດ້​ຕັ້ງ​ກົດລະບຽບ​ນີ້​ຂຶ້ນ ແລະ​ໃຫ້​ໃຊ້​ປະຕິບັດ​ກັນ​ສືບ​ມາ​ໃນ​ຊາດ​ອິດສະຣາເອນ ຈົນ​ເຖິງ​ເທົ່າ​ທຸກ​ວັນນີ້.

1 ຊາມູເອນ 7:12

ແລ້ວ​ຊາມູເອນ​ກໍໄດ້​ເອົາ​ຫີນ​ກ້ອນ​ໜຶ່ງ​ມາ​ຕັ້ງ​ໄວ້ ຢູ່​ລະຫວ່າງ​ເມືອງ​ມີຊະປາ​ແລະ​ເມືອງເຊນ ແລະ​ເວົ້າ​ວ່າ, “ພຣະເຈົ້າຢາເວ​ຊ່ວຍເຫລືອ​ພວກ​ຂ້ານ້ອຍ​ຕະຫລອດ​ມາ” ແລະ​ເພິ່ນ​ໄດ້​ໃສ່​ຊື່​ກ້ອນຫີນ​ນັ້ນ​ວ່າ, “ກ້ອນຫີນ​ແຫ່ງ​ຄວາມ​ຊ່ວຍເຫລືອ.”