ໂຢຊວຍ 3:17 - ພຣະຄຳພີສັກສິ

¹⁷ ໃນ​ຂະນະທີ່​ພວກເຂົາ​ຍ່າງ​ຂ້າມ​ດິນ​ແຫ້ງ​ໄປ​ນັ້ນ ພວກ​ປະໂຣຫິດ​ທີ່​ຫາມ​ຫີບ​ພັນທະສັນຍາ​ຂອງ​ພຣະເຈົ້າຢາເວ ກໍ​ຢືນ​ຢູ່​ເທິງ​ດິນ​ແຫ້ງ​ກາງ​ແມ່ນໍ້າ​ຈໍແດນ ຈົນກວ່າ​ປະຊາຊົນ​ທຸກຄົນ​ຂ້າມ​ໄປ​ຫວິດ​ໝົດແລ້ວ.

ໂຢຊວຍ 3:17 Jak'a apnaqawi uñst'ayäwi

2 ກະສັດ 2:8

ແລ້ວ​ເອລີຢາ​ກໍໄດ້​ແກ້​ເສື້ອຄຸມ​ຂອງ​ເພິ່ນ​ອອກ ມ້ວນ​ເສື້ອຄຸມ​ໄວ້ ແລະ​ໃຊ້​ເສື້ອຄຸມ​ນັ້ນ​ຟາດ​ນໍ້າ ນໍ້າ​ໄດ້​ແຍກ​ອອກ ແລະ​ເພິ່ນ​ກັບ​ເອລີຊາ​ກໍ​ຍ່າງ​ຂ້າມ​ດິນແຫ້ງ​ໄປ​ສູ່​ຟາກ​ໜຶ່ງ​ອີກ.

ເພງ^ສັນລະເສີນ 66:6

ພຣະອົງ​ໄດ້​ປ່ຽນ​ທະເລ​ເລິກ​ໃຫ້​ເປັນ​ດິນແຫ້ງ​ໄປ ປູ່ຍ່າຕາຍາຍ​ຂອງ​ພວກເຮົາ​ໄດ້​ຍ່າງ​ຂ້າມ​ນໍ້າ​ນັ້ນ ຢູ່​ທີ່​ນັ້ນ​ພວກເພິ່ນ​ຕ່າງ​ກໍ​ຊົມຊື່ນ​ຍິນດີ ເພາະ​ສິ່ງ​ທີ່​ພຣະອົງ​ໄດ້​ກະທຳ​ນັ້ນ.

ອົບພະຍົບ 14:21

ໂມເຊ​ໄດ້​ເດ່​ມື​ຂອງຕົນ​ອອກ​ໄປ​ສູ່​ທະເລ ແລະ​ພຣະເຈົ້າຢາເວ​ໄດ້​ບັນດານ ໃຫ້​ລົມຮ້ອນ​ທາງ​ທິດ​ຕາເວັນອອກ​ພັດ​ທະເລ​ຕະຫລອດ​ຄືນ. ລົມ​ໄດ້​ພັດ​ທະເລ​ຢູ່​ຢ່າງ​ລຽນຕິດ​ຈົນ​ເຫັນ​ພື້ນດິນ​ແຫ້ງ. ນໍ້າ​ໄດ້​ແຍກ​ອອກ​ຈາກ​ກັນ​ເປັນ​ທາງຍ່າງ

ອົບພະຍົບ 14:22

ແລະ​ຊາວ​ອິດສະຣາເອນ​ໄດ້​ຍ່າງ​ເທິງ​ພື້ນດິນ​ແຫ້ງ​ຜ່ານ​ຂ້າມ​ໄປ ໂດຍ​ມີ​ນໍ້າ​ຂັ້ນ​ທັງສອງ​ຂ້າງ​ເໝືອນ​ກຳແພງ.

ອົບພະຍົບ 14:29

ສ່ວນ​ຊາວ​ອິດສະຣາເອນ​ນັ້ນ​ກໍໄດ້​ຍ່າງ​ໄປ​ເທິງ​ພື້ນດິນ​ແຫ້ງ​ຢ່າງ​ປອດໄພ​ຄື: ບ່ອນ​ມີ​ນໍ້າ​ຂັ້ນ​ທັງສອງ​ຂ້າງ​ດັ່ງ​ກຳແພງ.

ເອຊາຢາ 25:8

ອົງພຣະ​ຜູ້​ເປັນເຈົ້າ ພຣະເຈົ້າ​ຈະ​ທຳລາຍ​ຄວາມຕາຍ​ຕະຫລອດໄປ ພຣະອົງ​ຈະ​ເຊັດ​ນໍ້າຕາ​ໃຫ້​ໝົດ​ທຸກຄົນ​ແລະ​ກຳຈັດ​ຄວາມ​ອັບອາຍ ທີ່​ປະຊາຊົນ​ຂອງ​ພຣະອົງ​ໄດ້​ຮັບ​ຢູ່​ທົ່ວໂລກ. ພຣະເຈົ້າຢາເວ​ເອງ​ໄດ້​ກ່າວ​ດັ່ງນີ້ແຫລະ.

ຈົດບັນຊີ 33:51

ດັ່ງ​ຕໍ່ໄປນີ້: “ເມື່ອ​ພວກເຈົ້າ​ຂ້າມ​ແມ່ນໍ້າ​ຈໍແດນ​ເຂົ້າ​ໄປ​ໃນ​ດິນແດນ​ການາອານ

ເຮັບເຣີ 11:29

ເພາະ​ຊາວ​ອິດສະຣາເອນ​ມີ​ຄວາມເຊື່ອ​ແບບ​ນີ້ ພວກເພິ່ນ​ຈຶ່ງ​ຍ່າງ​ຂ້າມ​ທະເລແດງ​ເໝືອນ​ກັບ​ວ່າ ຍ່າງ​ເທິງ​ດິນ​ແຫ້ງ, ແຕ່​ເມື່ອ​ຊາວ​ເອຢິບ​ລອງ​ຂ້າມ​ເບິ່ງ ນໍ້າ​ກໍ​ຖ້ວມ​ພວກເຂົາ ແລະ​ຈົມ​ນໍ້າ​ຕາຍ​ໝົດ.

ໂຢຊວຍ 4:1

ເມື່ອ​ປະຊາຊົນ​ອິດສະຣາເອນ​ທຸກຄົນ​ໄດ້​ຂ້າມ​ແມ່ນໍ້າ​ຈໍແດນ​ໄປ​ໝົດແລ້ວ ພຣະເຈົ້າຢາເວ​ໄດ້​ກ່າວ​ແກ່​ໂຢຊວຍ​ວ່າ,

ໂຢຊວຍ 4:10

ພວກ​ປະໂຣຫິດ​ຢືນ​ຢູ່​ໃນ​ກາງ​ແມ່ນໍ້າ​ຈໍແດນ ຈົນກວ່າ​ປະຊາຊົນ​ກະທຳ​ທຸກສິ່ງ​ສຳເລັດ ຕາມ​ທີ່​ພຣະເຈົ້າຢາເວ​ໄດ້​ສັ່ງ​ພວກເຂົາ​ຜ່ານ​ທາງ​ໂຢຊວຍ. ເລື່ອງ​ນີ້​ແມ່ນ​ສິ່ງ​ທີ່​ໂມເຊ​ໄດ້​ສັ່ງ​ໄວ້. ປະຊາຊົນ​ຈຶ່ງ​ຟ້າວ​ຂ້າມ​ແມ່ນໍ້າ​ໄປ.

ໂຢຊວຍ 4:11

ເມື່ອ​ທຸກຄົນ​ໄດ້​ຂ້າມ​ໄປ​ເຖິງ​ຝັ່ງ​ໝົດແລ້ວ ພວກ​ປະໂຣຫິດ​ພ້ອມ​ດ້ວຍ​ຫີບ​ຂອງ​ພຣະເຈົ້າຢາເວ ກໍ​ອອກ​ນຳ​ໜ້າ​ປະຊາຊົນ​ໄປ.

ໂຢຊວຍ 4:22

ໃຫ້​ພວກເຈົ້າ​ບອກ​ພວກເຂົາ​ເຖິງ​ເວລາ​ທີ່​ຊາວ​ອິດສະຣາເອນ ໄດ້​ຂ້າມ​ແມ່ນໍ້າ​ຈໍແດນ​ເທິງ​ພື້ນດິນ​ແຫ້ງ.

ໂຢຊວຍ 4:3

ແລະ​ສັ່ງ​ພວກເຂົາ​ໃຫ້​ຍົກ​ເອົາ​ຫີນ​ສິບສອງ​ກ້ອນ​ຈາກ​ແມ່ນໍ້າ​ຈໍແດນ ໃນ​ບ່ອນ​ທີ່​ພວກ​ປະໂຣຫິດ​ຢືນ​ຢູ່​ນັ້ນ ແລະ​ຂົນ​ໄປ​ວາງ​ໄວ້​ໃນ​ບ່ອນ​ທີ່​ເຈົ້າ​ຈະ​ຕັ້ງ​ຄ້າຍພັກ​ຄືນນີ້.”

ໂຢຊວຍ 5:1

ເມື່ອ​ກະສັດ​ທັງໝົດ​ຂອງ​ຊາວ​ອາໂມ ທີ່​ທາງ​ທິດ​ຕາເວັນຕົກ​ຂອງ​ແມ່ນໍ້າ​ຈໍແດນ ແລະ​ກະສັດ​ທັງໝົດ​ຂອງ​ຊາວ​ການາອານ ທີ່​ຢູ່​ໃກ້​ທະເລ​ເມດີແຕຣາເນ​ໄດ້ຍິນ​ວ່າ ພຣະເຈົ້າຢາເວ​ໄດ້​ເຮັດ​ໃຫ້​ແມ່ນໍ້າ​ຈໍແດນ​ແຫ້ງ ຈົນ​ປະຊາຊົນ​ອິດສະຣາເອນ​ຂ້າມ​ໄປ​ໄດ້; ກະສັດ​ເຫຼົ່ານີ້​ຕ່າງ​ກໍ​ຢ້ານກົວ​ແລະ​ເສຍຂວັນ​ຍ້ອນ​ຊາວ​ອິດສະຣາເອນ.